親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
上星期四媽媽同我去過中央圖書館, book唔到玩具圖書館, 預約左今日三點再去. 我家附近有102隧巴往高士威道, 半個鐘車程直達圖書館, 非常方便. 入場前媽媽先同我briefing, 叫我要守秩序, 唔好同小朋友爭玩具, 夠鐘就要走. 我係第一個入場, 第一時間朝著超級市場玩具衝去, 但媽媽問我要唔要借玩具, 我先知原來d職員哥哥姐姐收埋好多玩具. 每位小朋友可以借兩件. 我借左一套thomas過山車玩具, 呢套野我在玩具店見過好多次, 知道媽媽唔會買, 次次都睇一大餐, 今日終於有得玩下(但其實我家有一套小熊維尼玩法係一樣的). 然後我又再借另一套波子競賽玩具, 玩到差不多尾聲, 就讓比兩個比我年紀少的男孩子玩. 我拿拿聲去玩下其他人的玩具, 四十五分鐘到了, 我合作地離開, 但心情十分依依不捨. 離開玩具室, 我見到好多小朋友在梳化等候下一節入場, 我好想再玩一次, 同媽媽講:"我守秩序呀!" 然後手擺後面端正地坐底, 以為守秩序, 乖的小朋友就可以再玩. 媽媽讚我今日好乖, 但每個小朋友只可以玩一次, 乖的小朋友下次可以再玩, 但我唔制, 堅持要坐在梳化等, 最後媽媽話帶我去食雪糕, 我先肯走. 我地搭左幾個站電車去麥當勞食麥旋風(OREO味)和麥樂雞, 原來麥樂雞今日買一送一, 食飽之後途經商場有lion dancing, 媽媽抱我去睇, 見到兩頭紅色獅子在梅花樁上面跳來跳去, 十分驚險, 獅子仲食菜菜, 拋老虎公仔比觀眾, 我伸手叫獅子比一個我啦, 最後誤打誤撞得到一隻!
今日的安排比較特別, 早上媽媽和我坐港鐵到荃灣荃新天地商場食早餐, 然後媽媽去彈琴, 婆婆接走我, 媽媽估到婆婆一定會帶我去吉之島買玩具, 果然不出所料, 婆婆竟然買左套tomy港鐵套裝比我, 大拿拿二百幾蚊! 玩左成日都唔厭, 媽媽收工返來我仲玩緊, 圓形路軌玩厭了, 我想有d變化, 跟媽媽說:"I want a new track, can you help me?" 我知道婆婆唔識英文, 只會同佢講中文, 同媽媽有時會講全句英文. 有d朋友以為我英文好叻, 以為媽媽同我狂操英文, 其實我英文唔係好叻, 好多時句子文法唔啱, 只係我好喜歡睇圖書, 初步掌握了一些句形, 發音還算準確, 喜歡講和夠膽講, 所以就產生了人家以為我係洋童的錯覺, 其實我的英文程度只有K1. 媽媽是十分鄙視果d自己明明係地道香港人英文又唔係好好但只同個仔講港式英語然後同人講個仔唔識中文的父母, 與子女溝通絕對以母語為先, 學習亦然.
再戰球場
中央圖書館
好驚保齡球
自製甜品
學做麵包
虎虎生威
去年五月大病入院, 腳仔又被靜脈注射類固醇弄傷了皮膚, 要做補皮手術, 感謝主總算徹底康復, 大家的健康意識提高了不少, 有一次在迪士尼, 昭駿見到有個老婆婆坐輪椅, 認為老婆婆的腳受傷了, 然後看看自己的腳, 高興說:"我好返晒嘞!" 昭駿認為多飲水就會身體健康, 上週日在青青世界食早餐, 昭駿突然盯著媽媽的臉上看, 發現有很多"墨屎", 驚訝說:"你有dots呀!" 媽媽不知如何回應, 唯有請教兒子:"咁點算呀?" 阿仔說:"你要飲水!" 媽媽然後飲啖水, 阿仔見媽媽咁乖肯飲水, 就宣佈:"你身體健康嘞!" 爸爸臉上也有墨, 到下午, 問昭駿有墨要點處理, 豈料細歐生竟然有其他療法:"你要搽cream!" 昭駿認為所有皮膚問題都要搽cream, 如爆拆, 蚊咬, 現在連脫墨都要搽cream? 出世時一粒墨都無, 到四五個月大時大脾生了一粒, 嘴邊又生了一粒細細的為食墨, 被問到身上有無墨, 會緊張地揭開褲管說:"我裡面都有呀!"
今日年三十晚無地方去, 我跟爸爸媽媽去辦年貨, 所謂辦年貨其實只係買幾盒金莎和少少鮑魚比婆婆, 好快搞掂. 我在商場見到兩名年約六至七歲男童在爭執推撞, 我膽敢出言喝止:"夠啦夠啦! Stop! Stop!" 仲上前將兩人分開, 兩名比我高一個頭的哥哥既無奈又莫名其妙, 爸爸見勢色不對趕快把我拉走...
打保齡
閃電遊迪士尼
假期開始
媽媽昨晚將膠地墊拆出來洗, 然後排在客廳地下吹乾, 今早我醒來見到黃色和綠色地墊排晒隊, 十分驚訝:"Hey! 媽媽, 你整到亂晒龍啦!" 要求媽媽快d砌返好佢! 天氣潮濕唔單止衣服唔乾, 昨晚抹乾淨的地面今日又黐立立, 開抽濕機都搞唔掂. 返埋今日就放新年假了, 學校派通告叫今日係新年主題日, 要著中國服, 但媽媽無買, 因為我唔多鍾意著, 而且中國服要BB著先得意, 我已經大個仔, 著上身有點扮可愛. 媽媽本來打算比件棉襖我著, 但今早氣温19度加濕度99%, 再著棉襖唔中暑都焗病, 所以最後以一身醒目便服返學, 再加埋一支塑膠桃花, 返學校"行花市"都可以感受新年氣氛.
Blueberry cake
上學期已經完結, 今日開始下學期了, 轉校到金巴倫以大仔身份再讀K1後, 各方面表現都很理想, Ms Bernie我的英文水準很不錯, 比其他同學超出了很多, 詞彙非常豐富, Ms Puja又說我的phonics很好, 發音準確. 更開心的係我對中文產生了興趣, 認讀不錯, 做功課時還可以把筆順讀出; 普通話的劉老師對我評價也很好, 說我腦筋好, 非常聰明, 普通話發音清晰準確... 好的評語固然令家長開心, 但更難得的是我能夠享受快樂的學校生活之餘, 能培養出學習興趣和主動性, 為以後漫長的學習做好準備.
今日老師帶我地去參觀牛津道惠康超級市場, 每位小朋友帶備$10來買東西, 昨晚媽媽已經和我briefing過, 今早等校車時心情都有點輕奮, 仲問同班的Sharen有無得去, 當然佢都有得去. 放學係由婆婆接, 我一落校車就馬上同婆婆講:"買左香腸呀!" 然後心急地從書包攞出一個膠袋, 內有兩條媽媽腸, 收據和找回的一蚊銀. 昨天媽媽問我打算買乜野, 我話買蔬菜, 但今日竟然買了平時唔多食的香腸 Miss Ngai話係我自己揀的, 學校嬸嬸問我可唔可以請佢地食, 我話唔可以, 要帶返屋企請媽媽食!
今日雖然係閒日, 要返學, 但我有好繁忙的行程, 放學後先去畫畫, 我的特別作品"虎年的新衣"已經完成, 畫得不錯, 陳老師話下星期有畫展, 叫媽媽帶我去觀摩一下. 2:30要去瑪嘉烈覆診, 吸收左之前等到發霉的經驗, 我地決定3:30後先出現, 果然暢通無阻, 四點多少少已搞掂. 今次覆診的原因係十二月照左腦部磁力共振, 但護士竟然book錯左我去普通兒科覆診, 於是今日的醫生莫名其妙, 佢唔係腦科專科, 唔知同爸爸媽媽講乜好, 唯有三個月後再來. 離開醫院後馬上搭地鐵入迪士尼酒店, 爸爸媽媽book左迪士尼樂園酒店的自助餐, 補賀結婚唔知幾多週年, 食野前我可以玩下迷宮, 我同一個年齡相若的男孩子捉迷藏, 又到草坪飛奔, 玩到癲晒. 我地第一次幫襯迪士尼的自助餐, 因為太貴, 平時無諗過會來食, 但原來匯豐信用卡每位大人可減$100! 我認為隨左mickey和minnie, 應該會見到winnie the pooh, 點知pooh pooh今晚無返工, tigger和piglet就有. 每當有卡通人物走來同我影相, 我就尷尷尬尬, 有點怕醜, 和以前熱情的反應唔一樣了, 可能我真係大個左, 但我依然好喜歡佢地, 我仲請mickey食朱古力, 但佢話唔食了, 摸住肚仔示意好飽, 然後我又擁抱tigger, 和錫錫minnie. 自助餐的食物係好有水準, 適合大人和小朋友, 炸魚出奇地好味, 蟹腳亦好受歡迎, 我仲自己整左一個ice-cream cone, 非常滿足.
Teach Your Preschooler to Read Simple Pre-Reading Activities Jul 27, 2007 Tequitia Andrews Simple and easy methods any parent can use to get their preschooler on the right track to reading. Reading is essential to a child’s development. Parents can prepare their child to be a successful reader before they began any type of formal education. Here are some activities that parents can do to help their children become readers: Read to them daily. Parents should invest in collecting great children’s literature for their personal home library. If this isn’t possible financially, parents can take advantage of their public library. Experts recommend that parents read to their child at least 30 minutes daily. This will not only create a love of reading in children but will introduce them to the world of words. While reading parents should point to the words in the book and read the dialogue with expression. Point out words all around. Parents can read the cereal box with their child at breakfast. They can also point out signs while driving in the car. As a game, parents can get their child to name objects around the house. Take a blank index card to write down the names of those objects. Examples include: door, table, television, mirror, etc. Use the cards to label the objects. This activity can help build a child’s sight word vocabulary. Teach alphabet sounds. Usually children this age are drilled in learning the alphabet song which teaches a child the letter names. However, it would be more beneficial for parents to teach their children the alphabet sounds. This will give them their first introduction to phonics, which is an important ingredient in learning to read. Parents can begin by teaching their child one to two letter sounds a week. Once learned, parents can then introduce blending two sounds together. For example: am, it, on, up, etc. Then move on to simple three-letter blends such as, sat, hot, met, sip. Read as an example. Young children love to imitate the actions of adults. Parents who love to read can produce children who love to read. Parents should allow their children to see them reading. It could be a newspaper, magazine, or book. When children see their parents having fun reading, then they are more likely to find joy from it as well.
昨晚媽媽煮多左飯, 可以用來今日炒飯比我帶返學校食, 爸爸自稱炒飯王, 如此重任當然交比佢, 仲叫媽媽早d叫佢起身大顯身手. 媽媽預備左火腿和免治雞肉, 爸爸再加隻蛋, 話咁快就搞掂, 放入我最心愛的Thomas飯盒, 開開心心帶返學校做午餐. 我家的圖書多數係買的, 媽媽較少去圖書館借, 原因係無時間去揀, 同埋媽媽好大懵, 經常忘記還書, 要罰錢. 但圖書館資源豐富, 唔用可惜, 上星期媽媽抽時間去借左六本, 全部我都好喜歡, 睇完又睇, 媽媽話睇完要還返比圖書館嘞, 我話唔可以, 本本都唔肯還... 唔還書又可來有新書睇呢? 唯有等我睇到厭先算. 另外媽媽想幫我申請圖書證, 一來可以多幾個quota用, 二來萬一又忘記還書, 罰錢都罰少d.
受委屈
今日媽媽返幼稚園幫我攞成績表, 媽媽係最後一個家長, 同Miss Ngai傾左較耐, 功課方面基本上我無乜問題, 全部科目和操行都是A和A-, 但紀律和獨立性是B+, 有改善空間, 得到一個禮貌獎, 下星期六會有頒獎典禮, 爸爸媽媽又有得同我一齊返學校了. 今早媽媽和爸爸是各有各忙的, 爸爸負責帶我返little gym, 係今個學期最後一堂, 爸爸可以入去一齊睇, 爸爸話我進步左好多, 紀律和投入性亦加強了, 十分滿意. 放學後爸爸馬上飛的士同我去九龍仔公園踢足球, 落到場我亦有用我的小足球練習腳法, 但我比較喜歡玩地下的黑色膠粒, 亦有好多叔叔哥哥同我玩, 我笑到卡卡聲, 踢完波仲有得食譚仔記米線. 豐富行程仲未結束, 媽媽話帶我再去摘士多啤利, 要我回家訓一兩個鐘, 我訓醒已4:00, 有點晏, 但唔影響我地郊遊的心情, 因為搭西鐵去錦田真係話咁快就到, 五點多已到鄉村俱樂部, 太陽公公準備落山, 光線柔和好舒服, 影相亦靚. 媽媽愛玩happy farm, 見到好多椰菜, 大大棵好得意, 分外有親切感, 就豪氣地買左一個, 農夫叔叔摘左一棵比我地影相, 真係好大好大個菜! 影完相叫叔叔批左外面的葉, 要$43, 真係貴. 士多啤梨亦好大好靚, 我決定今日只摘十粒, 攞住個籃和較剪落田揀, 摘左20蚊, 爸爸媽媽即場食, 我唔食, 我食寶儀姨姨送的thomas popcorn. 星期六日錦上路西鐡站對開有flea market, 都幾熱鬧, 我地幫襯食左好多燒賣, 香腸等junk food, 飲熱維他奶, 我仲玩左十蚊波波機, 買左一盒泥膠玩具, 滿載而歸, 開開心心返屋企玩泥膠
禮貌獎