親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
[left1]我未出世, 已傳出Hipofant小河馬童裝執笠的消息, 當時媽媽已即時搜購了好多初生嬰兒衣物, 仲有一個河馬公仔, 但果陣媽媽唔係幾識買野, 買左好多夏天款和極度唔等洗的手套, 帽仔, 布鞋仔... 家陣小河馬真係執笠嘞, 今日媽媽伙同豬姨和寶儀姨姨, 去左九龍灣工廠區呢個媽媽好耐無踏足既鬼地方, 目的就係要再掃一次河馬貨. 姑娘叫媽媽多d抱我坐坐, 咁我咪可以睇好多電視?媽媽話, 女仔款有好多好多, 但我是男嬰, 媽媽花左好多力氣先摷到男仔衫比我, 最後都摷到十一件, 全部照價二折, 好底買! 其實我已經有好多衫, 多數都著唔晒囉, 但媽媽話好得意, 忍唔住買下一件, 買下又一件!小河馬執笠, 媽媽狂掃11件跳樓貨!
今日係我第一次做綜合觀察, 爸爸媽媽一齊同我去健康院, 姑娘叫媽媽抱住我, 用個紅色冷球在我面前fing來fing去, 睇下我有無追住望, 咁我梗係有啦, 然後比個搖鈴我拿住, 之後就磅重, 度身長, 度頭圍, 我有6.5kg嘞, 已經係出世時的一倍! 姑娘然後將我扒在床上, 我就頭顎顎咁四圍望, 佢話我條頸和背部大肌肉好夠力, 但可能正值我午睡時間, 姑娘將我扒住時我忍唔住鬧左佢兩句, 然後大喊, 媽媽唯有抱住我氹我瞓覺覺. 我的體重, 頭圍和身高都剛剛好在50%線上, 係十分標準的中碼baby. 以前媽媽懷孕七個月時去照4D, 個曾x風醫生係咁話我大脾骨短, 一定唔會大隻, 又話我出世最多得六磅幾, 實上唔到七磅, 點知我出世咪有7磅2oz, 家陣都唔算係細碼B啦! 做完測試, 返到屋企好疲倦, 瞓左兩個幾鐘, 夜晚仲發生段小插曲, 我因為手指甲太長, 無人同我剪的原故, 竟然狠狠地抓花塊面, 左邊面近鼻位附近出現一條大血痕, 媽媽發現我流血時我仲係度笑! 爸爸媽媽好肉赤, 馬上同我剪手甲, 仲話如果我再犯就以後要戴手套仔度日!
[left1]歐昭駿呢個名係爺爺改的, 爺爺希望我做一個光明磊落的人, 爺爺話個駿字多筆劃好難寫, 佢叫我慢慢比心機寫, 其實爺爺諗左好幾個名, 爸爸媽媽最後揀左昭駿, 爺爺好開心哦! 爸爸媽媽同我改Isaac呢個英文名係有意思的, 呢個名字源自希伯來人, 意思係"he will laugh", "laughing one", "laughter", 怪唔得我成日笑啦, 今日媽媽扮jo jo同我傾計, 我笑到卡卡卡卡聲, 笑到見牙唔見眼! 明天就要做第一次綜合觀察嘞, 好緊張!我係keyman, 我要食晒d鎖匙!
[right1]逄星期三, 五, 六, 日媽媽要工作, 我就會跟婆婆或爸爸, 因為我地屋企無菲傭, 媽媽話無錢請工人, 有錢都唔請, 因為我有媽媽和婆婆照顧係好好架喇, 好多小朋友都無媽媽湊, 要工人湊喎! 今日婆婆來湊我, 之後佢同媽媽話我都有喊幾次, 但平時媽媽同我在屋企我好少喊, 所以婆婆話我認住媽媽, 媽媽一抱就唔喊, 但媽媽話我鍾意爸爸多d, 因為每日佢放工返來我就會大笑!表姐抱住我笑得幾開心!
[right1]我最鍾意沖涼, 每次沖涼我都好百厭, 亂咁踢水, 搞到地下濕晒, 但最近我的mustela二合一淋浴露用晒之後, 媽媽就改用seba med嬰兒泡泡浴露, 點知好多好多泡呀!!!! 我第一次見咁多白色野, 嚇到郁都唔敢郁, 第一次沖泡泡浴就係咁僵硬左嘞! 鴨媽媽和鴨嬰兒今日再沖一次泡泡浴, 今次我唔驚嘞, 仲有鴨媽媽同三隻鴨嬰兒陪我, 我搞到成頭泡, 好彩呢隻seba med唔洗過水, 一沖完上水抹晒d泡就得, 不過我就搞到一身泡, 成隻棉花糖嬰兒咁呀! 企企好好玩呀!今日爸爸放假, 媽媽又好早收工, 於是帶我落會所兒童室玩, 好開心!泡泡浴!
逄星期五媽媽都會帶我返婆婆家, 可能唔適應環境變化, 我通常會比較扭計, 或無端端大喊, 今日媽媽帶同lovely baby cd part 1, 在婆婆家播比我聽, 果然使得! 我聽左唔夠20分鐘就在梳化瞓著左, 瞓醒無扭計, 好乖食晒支奶, 之後到夜晚都好聽話, 仲笑到ka ka聲, 婆婆都讚我好合作. 媽媽覺得我聽到熟悉的音樂所以心情好, 婆婆就話唔關事, 關唔關事就不得而知, 不過我好鍾意呢隻cd就係真的!
[right1]唔經唔覺又過左兩星期, 仲有兩星期我就四個月, 到時媽媽會請我飲果汁, 可能會試下食糊仔添! 媽媽已經買定一支亨氏100%純梨汁等我飲呢! 順帶一提, 我呢個網址的首頁加左一條生長尺, 大家睇住條尺就知道我今日幾大個架喇, 係咪好盞鬼呢! 今日媽媽好忙, 一早出去帶泳衡哥哥去比賽, 下午返來同我沖涼, 之後又出左去銅鑼灣買琴, 所以大半日都係爸爸湊我, 爸爸話我都算乖, 無乜扭計, 但就瞓得好少, 食飽奶掛住聽cd都無乜點瞓到!沖涼好開心
人地話bb仔六至九個月其間會特別倚賴母親或照顧佢的人, 呢段時期bb仔會特別"痴身", 好惡搞, 今日婆婆下午來湊我, 撞正我扭眼訓時間, 於是婆婆就"暗"我訓啦, 點知越抱越喊得勢利, 媽媽唯有過來抱抱我, 果然即刻唔喊, 婆婆話我開始認人, 媽媽話, 咁點算呀, 唔洗搵食啦? 後來媽媽趕住出門口, 點知我又大喊, 婆婆叫媽媽快d走, 媽媽唯有硬著頭皮捨我已去!
今日媽媽放假, 帶左我落clubhouse的兒童室玩, 見到好多bb, 佢地全部都識爬識走, 最細個都係我, 有一個bb女爬得好快, 爬爬下又企左起身, 但未識行, 媽媽搵左一個好colourful的玩具教我玩, 我轉下轉下玩到kaka笑, 玩左半個鐘頭左右就走, 可能玩得太開心一上車仔就訓著左囉!!!
[left1]音樂呢樣野真係神奇, 自從我兩個月果陣開始聽lovely baby cd之後, 媽媽發現我每次聽到呢隻cd都會稍為安靜下來, 為左證實有無d咁既事, 今日我肚餓媽媽開奶開唔切搞到大喊收唔到聲之時, 媽媽試下開lovely baby比我聽, 果然即刻收晒聲, 仲乖乖地食晒成支奶! 媽媽又發現我只係喜歡聽呢套cd既part 1, 其餘三隻都無乜興趣, 可能part 1的音樂節奏性比較強, 好容易就吸引到嬰兒注意! 證件相
爸爸同我玩企企! 我覺得自已好勢利呀! 人地話嬰兒扭計最多扭100日, 第101日之後就會乖, 婆婆話今日係我出世第100日, 今日開始就唔會再扭計, 但媽媽計過今日應該係102日先啱, 不過無論100, 101, 102....日都好, 我都唔係絕對乖喎, 扭人抱抱呢d基本動作係少不免, 最近我更染上個陋習, 就係成日用手指將個奶咀撩出來fing來fing去, 但當我想放返個奶咀入口但唔成功既時候, 就會呱呱叫或呀咕咕咁叫, 要勞煩爸爸媽媽幫我!
今日婆婆來陪左我一日, 好開心, 又同我沖涼, 我昨天無大便, 今日竟然大了兩次, 很暢快. 出世以來人人都話我似爸爸, 但自從寶儀姨姨覺得我靚過爸爸好多倍之後, 爸爸好唔抵得我型過佢, 今晚佢竟然趁媽媽幫我換緊屎片時, 用相機捕捉我最醜樣的樣子!!! 不過媽媽話我醜樣時都好可愛, 大家覺得係咪呢? 啜手指, 幾醜樣!咩呀...未見過靚仔呀?好囉喎, 再影拆你memory card!明知人地醜樣, 咪影啦!
大家都知我媽媽係教鋼琴的, 所以好多人都問媽媽會唔會要我學琴, 我媽媽話, 當然好想我學啦, 但如果將來我真係好唔想學的話都唔緊要, 唔學彈琴可以學吹笛...拉二胡...唱歌都得, 因為小朋友學音樂好處多, 真係好好架喎! 今晚我第三次坐埋鋼琴前, 我一個月和兩個月時媽媽抱我玩下部琴, 但我成舊飯咁唔知做乜, 今次我自己伸隻手去按d掣, 按完黑鍵又按白鍵, 好似好新奇咁喎! 但係我一路玩一路流口水, 嚇到媽媽即刻抱開我, 你知啦, 成pat口水流左落部琴就唔掂嘞....! 小心呀...d口水就快流落部琴嘞! kawai鋼琴係我媽媽首選
今日媽媽帶我返香港仔爺爺嫲嫲家, 我地荔枝角去要轉三程車, 好遠水路, 因為我已有十四磅, 媽媽孭我孭到身水身汗, 回家時輪到爸爸孭, 爺爺嫲嫲見到我好開心, 話我又唔同左樣, 其實只係十日無見, 咁快又唔同左樣? 諗緊咩呢? 左手玩右手, 右手玩左手
[left1] 今日表姐送左幾隻沖涼小鴨比我, 會吱吱叫果種黃色鴨仔, 媽媽話大個d先比我玩, 但驚我玩鴨仔玩到唔肯上水, 其實我現在沖涼都已經好曳, 次次踢都踢晒d水出來, 搞到d地方濕晒! 最近我學識用手抓野, 今日媽媽幫我換片, 我一扯個膠袋搞到成包棉花跌晒出來, 媽媽話我第時一定係個搗蛋鬼! 今日媽媽好忙, 下午主要係爸爸湊我, 但係佢湊得我麻麻地, 可能佢抱得我唔舒服, 其實我唔係成日扭人抱咁曳既細路, 平時媽媽都唔會成日抱, 我悶到咕咕叫時媽媽會播lovely baby CD比我聽, 咁我就會乖乖地聽音樂, 但我對一套四隻的lovely baby CD的Part 1情有獨鍾, 其餘三隻cd我麻麻地喜歡. 翻身尚未成功, 昭駿仍雖努力, 終有一日我會鯉魚翻身! 我識得攞左個奶咀出來, 但唔識塞返入口第一次趴低, 條頸都幾夠力吖!哇哈哈哈....
[right1] 今日情人節, 爸爸媽媽就是我情人, 我就是爸爸媽媽的情人, 所以今日我都算乖, 無扭計, 夜晚爸爸媽媽食魚生, 飲白酒慶祝, 我照舊飲奶, 呢兩日食奶正常返, 有時食到7.5oz, 但我成日吐奶整污糟晒d衫, 媽媽一日最少幫我換兩次衫, 有時甚至要換三次! 再接再勵, 繼續練習翻身! 唔成功添, 下次再試過!第一次慶祝情人節!
唔好以為我係一個嬰兒就好得閒, 我每日的行程其實係好緊密, 每朝一早約八九點我就會呱呱叫, 食第一餐奶, 然後再訓一陣, 訓醒做一陣gym, 食第二餐奶之後就要沖涼, 沖涼後通常好眼訓, 要小睡片刻, 訓醒通常又做下gym, 出廳睇住媽媽整下野, 聽下cd咁啦, bb床掛住的音樂轉轉輪我就好喜愛, 有時一玩就十幾二十分鐘. 有時就同我好朋友jo jo(一個講英文的公仔)玩下, 同媽媽傾下計, 到夜晚爸爸回來又要同佢玩, 食埋夜晚餐奶我就要入房熄燈訓覺, 你話我地做嬰兒係咪都好忙碌呢. 呢幾日我試過幾次想翻身, 條頸拗得好犀利, 但唔成功, 我又呱呱嘈, 媽媽話我EQ低, 成日發脾氣唔係好孩子的所為喎.沖涼前跳返隻舞先沖涼好開心我好鍾意呢個音樂轉轉輪翻唔到身呱呱叫
有一次媽媽發現我訓在床仔時舉起右手, 眼定定望實個拳頭好耐, 之後就見到我時常做呢個動作, 書本話嬰兒約三個月會特別注視自己雙手, 所以媽媽懷疑我開始對自己的四肢產生興趣, 研究隻手有乜用. 之前我唔識主動拿住個搖鈴, 要人強行塞入我手先握得住, 但呢兩日開始媽媽把搖放近我隻手, 我已可以自己拿著, 看來我已開始學習運用雙手. 今天淑儀姨姨來我家, 被我不斷糾纏住, 要佢陪我傾計, 傾左好耐, 我示意要佢抱, 但遭拒絕. 下午婆婆來湊我, 媽媽去教琴, 回來後婆婆向媽媽投訴我很曳, 成日扭計, 我由五點幾訓到九點先起身食奶, 食飽後心情大佳, 無扭計, 爸爸同我玩左一陣, 十一點鐘媽媽抱我入房, 好快便訓著了.食飽奶, 心情大佳開始學習運用雙手爸爸貪得意抱我落地行
今日爸爸媽媽幫我拆利是, 有二千幾蚊, 我第一年逗利是就有咁成績, 十分唔錯, 但爸爸話我仲係bb唔洗用錢, 幫我將d錢處理左. 今日媽媽要教好多琴, 咁啱爸爸放假, 陪左我一日, 又同我落平台公園散步, 夜晚爸爸有三個朋友來, kobi姨姨和marco叔叔係第一次見我, 嘉華哥哥就之前見過面, 佢地大人食飯我就在車仔訓覺, 佢地食飽我就醒, 返到屋企時間啱啱好, 到我開餐, 呢兩日我都只係食左四餐就一覺訓到天光, 媽媽驚我唔夠飽, 有d擔心.
今日媽媽帶我返婆婆度, 我一時大笑, 一時大喊, 情緒起伏不定, 可能是打針後遺症, 食奶又扭扭拎拎, 搞到婆婆媽媽好煩惱, 夜晚一餐食左3oz就唔食, 媽媽唯有抱我入房訓, 連第五餐都無食到! 唔通真係打完針會食慾不振? 婆婆買了一個波比我, 入面有隻玩具倉鼠跑來跑去, 個波波就會在地下轉來轉去, 但婆婆話我太細個唔識玩, 要等我識爬先玩得, 同個波一齊碌來碌去.
今天是我來到呢個世界三個月的日子, 今日全日我都和媽媽在家, 媽媽給我聽lovely baby cd, 昨天打完針幸好沒有發燒, 非常好! 不知從幾時開始, 每當晚上媽媽把我抱入房, 熄燈後我便很快入睡, 一睡到天光, 已沒有初生時扭計要人抱才睡著, 媽媽好開心, 說我是個好孩子! 跌壞的數碼相機已修理好, 爸爸又可以用它來補捉我鬼馬的様子.同爸爸傾計媽媽做咩攬到我咁實呀?玩口水
[left1]一直以來都係媽媽幫我沖涼, 有時婆婆都會沖下, 但爸爸一次都無沖過, 媽媽覺得爸爸應該試下, 所以爸爸今天主動提出同我沖涼, 果然雞手鴨腳, 掙扎一大輪後總算完成, well done pa pa! 又幾好手勢喎!下午爸爸媽媽帶我去健康院打混合針, 因為呢劑可能會發燒, 所以爸爸媽媽好擔心, 打針時我扭眼瞓, 喊住打針和食小兒麻痺劑, 所以打針痛唔痛都唔知! 回家後我不停大喊, 不知是扭計還是藥力發作, 但總算依時食奶, 晩上情況無異樣, 希望呢三日都不要有發燒就好.睇下你係咪真係識先!
今日媽媽同我去泳衡哥哥屋企, 媽媽教佢彈琴, 泳衡媽咪同我玩, 開頭我有d唔慣大喊了一場, 後來就無事, 泳衡媽咪餵我食奶, 又抱住我訓覺, 我之後都好乖無扭計. 夜晚去婆婆度食飯, 點知漏尿整濕左d衫, 婆婆見到我好開心, 佢話爸爸媽媽縱壞我, 其實婆婆都有份.
[right1]由昨天到今天我都無大便, 媽媽好擔心, 但我飲了1oz水之後便馬上有得疴, 仲比媽媽影埋相! 晚上去爸爸朋友阿ming筆架山屋企, 黃靖姐姐上個月來探過我, 今次我地去探返佢地, 爸爸買了bb公仔比黃靖, ming叔叔和ming姨姨又送左兩個玩具比我! 媽媽話我今天食奶不乖, 又扭計又大喊, 希望明天乖d.去黃靖姐姐屋企玩
今天媽媽去表演彈琴, 爸爸都去捧場,婆婆來湊我, 夜晚爺爺女麻女麻姑媽姑丈表姐表哥來我家, 因為姑丈生日! 婆婆話我今天好乖, 吃完奶好快就午睡! 但晚上吃奶有點扭計, 我竟然推開奶樽, 嚇了爸爸媽媽一跳!