親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
[right1]今早七點幾醒左, 平時九點先要食早奶, 但今天好肚餓, 媽媽就早d比我食, 食完做運動, 玩左成個鐘頭都唔攰, 好少有, 平時我食完第一支奶, 玩一陣又要再瞓一陣, 今日竟然好精神, 媽媽比我嘈到無得瞓, 就起身同我玩, 我地有一張chicco play mat, 洗乾淨都未玩過, 今日媽媽就比我瞓上去, 好colourful, 影相好靚架! 食完lunch milk我地就返婆婆家嘞, 媽媽話我大個仔, 可以唔洗搭的士, 咁我地就改搭小巴, 我鍾意搭小巴, 可以望車車, 但我在車上睡著了. 回到婆婆家我有點迷茫, 可能太眼瞓, 我大喊不停, 婆婆就抱我落街行公園, 誰知一出落樓梯就收晒聲, 婆婆話我鍾意睇巴士, 見到兩個姐姐打羽毛球我就wooo人地, 到四點半我回家食奶, 自己玩左一大餐之後瞓一陣, 醒左又大喊, 婆婆又重施故技帶我落街, 但竟然無帶鎖匙, 好彩媽媽在附近教琴, 落堂就趕返來比鎖匙婆婆!https://bb5.babyhome.com.tw/UPLOAD7/117460/122525.12813004.85701.wmvhttps://bb5.babyhome.com.tw/UPLOAD7/117460/122525.12813745.86529.wmv
媽媽有時會煮下飯, 落街買餸就會推bb車帶埋我去, 惠康的女職員個個都好奇怪, 有一個理貨的阿姐, 次次有bb行過都望一大輪, 燒味檔那兩名女士又係, 又搞我對襪又話我好得意又呢野果樣, 今日賣丸類果個嬸嬸仲熱情, 摸手摸腳又搞人塊面, 不過我都幾鍾意比人撩, 係人同我傾計我都笑一餐, 媽媽話咁樣唔好, 因為好易比人拐喎!https://bb5.babyhome.com.tw/UPLOAD7/117460/122525.12758202.36963.wmv
[left1]今日星期三, 爸爸上午去打網球, 返來同我地去飲茶, 媽媽成日同人講我好跩好跩, 其實一個四個幾月的嬰兒可以有幾跩呢, 其實真係可以好跩好跩架喎! 就好似我沖涼咁, 媽媽因為怕我冷親, 搬個盆入睡房同我沖涼, 一沖完就抱我上床著衫, 好方便, 不過我打從兩個幾月開始已完全唔怕水, 一沖涼就興奮到不停踢水, 仲越來越放肆, 搞到水花四濺, 搞到d牆呀, 地下呀濕晒, 爸爸話d水滲左落木地板就唔掂囉, 咁媽媽就鋪張膠蓆保護地板, 不過都每次都搞到幾乎水浸. 唔好搶我支奶呀! 話說我學人雙手捧奶樽, 呢兩日我真係拿得好穩陣嘞, 爸爸媽媽好開心, 因為以後餵奶可以唔洗幫我拿樽, 可以留返一隻手做其他野囉!自己識得拿奶樽, 爸爸媽媽餵奶就舒服d啦!https://bb5.babyhome.com.tw/UPLOAD7/117460/122525.12757889.13074.wmv
[left2]今日爸爸媽媽一齊放假, 媽媽話諗d活動玩下, 爸爸就提議去維多利亞公園, 媽媽幫我著左件紅色格仔恤衫, 配灰色長褲, 著埋addidas t-mac限量版嬰兒波鞋, 十分有型, 我有得坐bb車, 帶爸爸就辛苦了, 好似擔泥咁幫我抬上抬落架車車, 因為我地荔枝角地鐵站無電梯, 媽媽向區議員反映呢個社區問題, 但區議員話愛莫能助, 唯有寄望行人隧道興建, 但隧道建好可能我已小學畢業. 我地一到維園就開始野餐, 媽媽抱住我在公園長櫈飲奶, 我已學識自己拿奶樽, 仲拿得好穩陣, 有途人話我叻仔, 開餐後爸爸抱我睇花花, 但我無興趣, 我睇人踢波, 我地影左好多相, 但好多張都幾核突, 只有一兩張見得下人, 行行下我好眼瞓, 在車仔瞓左覺, 爸爸媽媽就去宜家傢俬睇野, 買左相架放我d大相, 又去皇室堡荷花和mothercare八左兩個圈, 之後就搭小巴返嫲嫲爺爺度嘞! 今日係我第一次去街去咁耐, 回到家已11點! 我平時10點就瞓, 瞓到第朝7, 8點, 我回程時在地鐵瞓了一覺, 回家竟然有點精神, 仲大左個便, 換衫洗面換片之後就瞓左囉, 呵呵呵! 嘩....!!! 好高呀!
[right1]媽媽發現左日記原來可以加影片喎! 我地嬰兒長大得咁快, 有左先進o既科技就可以有聲有畫咁將我的生活片段記錄下來, 真係太好了! 爸爸成日取笑我, 佢話我隻手咁細, 個頭又咁大!? 又話人地食盆菜唔食個盆, 但係我沖涼就食埋個盆; 又唔肯幫我換屎片, 話我的茄茄臭到佢幾乎臭到佢暈... 今日媽媽放假, 全日陪住我, 我又陪佢睇Harry Potter DVD, 基本上我係唔能夠睇太耐電視, 但唔知點解我一見到隻匈牙利三角龍就睇到眼到唔眨! 下午整影印機個師傅好耐都唔來, 我地等到佢五點先來, 整左一個鐘頭竟然話部機無壞, 係d紙潮濕!做乜成日影我食奶啫...?https://bb5.babyhome.com.tw/UPLOAD7/117460/122525.12689231.39242.wmv
最近愛上baby gym呢個汽球, 成日攬住錫扭計都無人理我o既?今日媽媽由朝教到晚, 爸爸又無假放, 婆婆來湊我啦, 食飽奶和有足夠睡眠的時候我都算乖, 但有時無無聊聊, 想引人注意時我就會呱呱叫, 唔同以前的咕咕叫, 係"呀呀呀呀呀............"咁尖叫, 搞到爸爸媽媽覺得我好煩, 好跩, 好野蠻, 好彩尖叫我時間唔算多, 而且叫叫下都聽慣晒, 呢招引人注意似乎又無乜效囉!https://bb5.babyhome.com.tw/UPLOAD7/117460/122525.12687045.13298.wmv
[right2]媽媽話佢呢兩日好忙, 所以遲左寫日記, 我唔知佢忙乜野, 不過我都好忙, 最近我除左要食奶, 午睡, 飲果汁和整古做怪之外, 仲學識左尖叫, 爸爸媽媽發現我由昨天開始, 周不時會無端端尖叫, 通常在兩餐奶之間, 未夠鐘食奶, 無無聊聊又無人陪我玩的時候, 我就會用好高音又變化不定的聲線, 長時間發出令人厭煩的叫聲, 此舉令爸爸媽媽婆婆很煩惱, 佢地話嘈到暈喎!https://bb5.babyhome.com.tw/UPLOAD7/117460/122525.12574060.76418.wmv扭計的樣子特別醜樣
昨天講到我乜都擺入口, 係呀, 我真係好鍾意食自己隻手, 上次去anson妹妹屋企我又係咁, 一食完奶就攤喺個v型枕上面食手手, 食到jeep jeep聲好大聲, 媽媽話我好醜怪!呢個係我新朋友Anson, 佢細我2個月咋 今日返婆婆度, 我照舊大喊一兩場, 婆婆話我搵媽媽, 但媽媽話唔係, 夜晚爸爸來到時我又喊緊, 爸爸一抱就收聲, 過左一陣婆婆唔知話我乜我又喊, 爸爸話我以為婆婆鬧我, 所以喊喎, 後來媽媽回來我又喊, 媽媽一抱就唔喊, 跟住食奶又喊, 扭左一陣, 終於食晒支奶, 條氣順返就無再喊嘞! 哈哈...!
根據弗洛依德o既理論, 我現在係處於口腔期, 喜歡用口去探索事物, 咁就梗係乜都擺落口啦, 食自己隻手係最早出現的行為, 今日已四個半月的我已發展到將人地的手, 頭髮, 膠袋, 任何玩具, 都往口腔裡塞, 呢個行為令我媽媽好煩惱, 不過佢都明白呢件事係唔可以制止我, 所以都由得我大菌食細菌. 媽媽終於買左兩個avent奶樽手柄比我, 有左個柄我以為食奶就不求人, 可以自己好穩陣咁拿住個奶樽啦! Kiss the ball!笑得好傻..!加左個手柄拿奶樽容易好多!
爺爺上個禮拜跌親, 要睇跌打, 今日爸爸放假, 我地一齊返去探佢和嫲嫲, 今日我返到香港仔好精神喎, 仲用好高音的聲線同爺爺嫲嫲傾計, 佢地好開心! 沖涼沖到咬住個盆!?今日沖涼好古怪, 媽媽幫我沖背脊果陣我無端端好大膽咁將兩隻腳向後踢, 我就由跪變成趴, 好似游蛙式咁, 呢個動作已經唔係我第一次做, 但今日我仲咬住個盆邊, 非常古怪! 媽媽話我跩到不得了, 仲有呢個紅色盆就快唔夠我用, 要轉用寶儀姨姨個名貴米奇盆囉!
[left4]今日一早起身食完早奶, 瞓多一陣就比媽媽捉我起身沖涼, 原來我地要去街呀! 媽媽同我去Tammy姨姨屋企探佢囡囡, 呢個BB女叫做Anson喎, 佢兩個半月大, 細我2個月, size都細我一個碼, 我個頭大佢少少, 我用緊Pampers中碼片, 佢用緊小碼, 但佢都算係一個大隻妹, 媽媽話妹妹好可愛, 成日笑, 媽媽又話妹妹乖我好多喎, 唔通女生真係乖d, 還是我真係好跩呢?我第一次接觸狗仔, 呢隻小白狗叫小白 我同妹妹握手做好朋友, 我地又一齊食奶, 換片片, 妹妹屋企有隻小白狗, 叫做小白, 媽媽將個cushion放在我身上, 小白竟然跳上來, 原來個白色cushion係小白的, 但我沒有驚, 今日我第一次和小動物玩, 好開心!Hi 靚女, 乜咁啱呀, 你又換片呀?咦..媽媽你阻住我識女仔嘞...Tammy姨姨和Anson妹妹
[right1]婆婆今日將我的相比佢朋友睇, 那個姨姨話好想搣我! 跟我媽媽學琴的candy姐姐個媽咪又話要食咗我, 仲叫我媽咪小心d, 隨時會拐左我! 乜你地d大人咁唔斯文o既? 爸爸媽媽, 好多壞人呀, 快d保護嬰兒啊! 最近我染上一個惡習, 就係玩膠袋. 每晚臨瞓前媽媽都會幫我會瞓覺衫, 換片片, 洗手洗面洗pet pet... 我次次都隨手攞左o個包思詩樂潔淨棉來玩, 覺得將個膠袋fing來fing去, 有d聲好好玩, 有幾次仲將d棉花掉晒出來, 激到媽媽扎扎跳, 大家都知膠袋對兒童係危險的, 媽媽梗係制止我咁做, 但搶返個膠袋之後我就會呱呱大叫, 又咋喊, 越喊越大聲, 媽媽話我玩膠袋o既動作係最激烈, 最興奮, 被人奪走後的反應又係最大, 所以覺得呢個膠袋係我最喜愛的玩具, 不過呢種行為實在唔要得, 以後唔會再比我咁做喎!爸爸話我呢個樣笑得好奸
[left2]今日好熱, 媽媽比我著短袖衫, 但好快就比我的口水整濕晒, 婆婆同我換返長袖衫. 今日又係姑媽生日, 唔知幾多歲呢? 我地去君臨食飯, 佢地當我公仔咁玩, round table傳來傳去! 食完晚飯仲有蛋糕添, 不過我無得食, 媽媽話我好奇怪, 大人食飯我就即刻瞓著, 一食飽我就瞓醒, 瞓醒就到我比人玩嘞!!!姑媽表哥表姐當我公仔咁玩, 等我反抗下先! 呢件絕版河馬衫係我favourite之一
呢幾日天氣好悶熱, 陰陰濕濕咁, 我本身已經係一個大汗的嬰兒, 食奶食到成頭汗, 洗左d衫又難乾, 咁o既天氣真係煩惱, 希望天氣快d好轉! 自己拿奶樽其實bb幾大個先識自己拿奶樽呢? 我媽媽都無研究過, 但有幾次食奶我不其然咁伸出手攬實個奶樽, 因為我用avent牌子奶樽, 樽身係肥d, 好容易就比我拿住, 不過我食成8安士奶, 支奶實在太大枝, 媽媽就幫我托住個樽, 等我自己可以學下拿樽! 今日星期六, 婆婆一早來湊我, 佢話小朋友唔得瞓到咁晏, 咁懶瞓就唔活潑, 捉咗我起身, 媽媽教琴回來時我已經沖晒涼嘞, 仲小睡左一陣, 媽媽話我今日都幾乖, 獎我坐喺佢肚dum上面玩!
[left1]媽媽話, 男仔的bb衫無女仔咁多花款, 但作為男嬰都唔可以輸比d女嬰, 衣著打扮方面都要有d品味先得, 繼上星期入左十幾條又平又靚的口水肩後, 媽媽竟然在hipo倉摷到一條價值廿蚊的頭巾, 咦? o個邊有o野睇!?今日返婆婆屋企就幫我包頭喇, 仲襯左條肥豬口水肩! 其實我地男嬰的時裝都十分講究, 我屋企仲有好多衫未出場, 仲有兩對波鞋等住我著, 其中一對addidas限量版嬰兒鞋, 係我出世時爸爸買來送比我的, 而家仲係大少少, 不過相信我好快可以著架喇!我包頭巾似唔似側田?
[left1]足四個月我跩左好多, 嘈喧巴閉不突止, 仲成日出手出腳去搞野, 踢野, 坐bb車又棟高隻腳, 成個爛仔咁, 換片又扭來扭去, 反身唔到又呱呱大叫, 嘈到頭暈, 媽媽話, 我現在已咁百厭, 再大d唔知點算!手腳出齊攬住個波波
哈哈哈.. 條毛巾吉到我好痕呀...嗚哈哈...! 爸爸你跳舞好低能呀! 我現在大致已建立左一個穩定的生活習慣, 早上8:00-8:30醒左食早奶, 食完換片片, 同媽媽傾一陣計, 再瞓過, 今日唔知為乜, 食飽早奶唔肯瞓, 咕來咕去又呱呱叫, 媽媽想偷懶瞓多陣都唔得, 索性起身同我沖涼, 然後飲汁汁. 噢, 我唔記得提一提, 我己經愛上左飲梨汁了, 但媽媽孤寒, 每日只係比我飲兩次, 每次得1安士咁大把! 我啜啜下好開心的時候, 發現無晒汁汁, 就會好失望咁大喊! 媽媽發現我好鍾意會所一個玩具, 周圍幫我搵黎買, 今日終於比佢搵到嘞! 係一個色彩好繽紛的轉轉輪, 有鏡啦, 鈴鈴啦, 太陽伯伯啦...無論媽媽幫我轉, 或者媽媽捉住我隻手來轉轉轉, 我都會笑到he..heee...he...咁, 仲玩極唔厭, 所以媽媽話呢個野好抵買! 日日趴趴身體好咁多口水, 似足我爸爸
八日大的我與阿pooh出世時阿pooh同我一樣長, 現在我長過佢嘞 我媽咪鍾意winnie the pooh, 我家有兩隻pooh, 一隻係爸爸在日本玩夾公仔機夾返來, 一隻係爸爸送比媽媽的生日禮物. 我9日大時媽媽唔識死, 叫我坐住同阿pooh拍住影相, 佢唔知bb條頸未有力, 咁係好危險既動作, 今日媽媽又要我同pooh影相, 哈哈, 今日我條頸已經夠力嘞, 仲長過佢, 大隻過佢嘞! 你睇我搭住阿pooh膊頭個樣幾招積, 仲留晒口水添! 九日大的我與阿pooh呢個係我老友阿pooh
今日又要打針嘞, 係咩咩咩混合針第二針, 婆婆一早就買埋早餐來我家, 媽媽話蕃茄通粉幾好食, 然後我地就一齊出發去健康院嘞, 我今日搭車無喊, 幾叻仔. 去到健康院我瞓著左, 媽媽同姑娘傾計時我突然醒左, 我捉實姑娘隻手指, 以為佢同我傾計, 係咁笑, 姑娘問我有無咁好笑??? 話咁快就打左針, 今次少少喊, 回家都無乜大反應, 照常食奶, 玩, 扭人抱抱, 仲好多野講, 又尖叫, 爸爸昨晚好夜返, 無同我傾計, 今日話:無見一日點解多左咁多野講? 佢話我似麻甩仔, 後來又話我好可愛. 今日諾澄姐姐彈琴比賽攞第三名, 我媽媽和佢媽媽都好開心, 我媽媽話好意外, 估唔到佢會獲獎! 媽媽話獲獎係一個好開始, 希望佢勝不驕, 敗不餒!
[left1]人地話bb兩三個月左右會流口水, 因為口水分泌多左, 但bb未識吞, 所以會流口水, 但我媽媽點都估唔到我流口水會流到好似瀑布厲害, 非正式統計我每日會用超過10-15條手巾仔去抹口水, 有時口水多到連底衫都濕透, 媽媽就改用口水肩, 但後來連口水肩都供不應求, 媽媽覺得唔係辦法, 又去花園街買一大堆靚靚口水肩回來, 濕衫的情況稍有改善, 但一日平均都要換三套衫, 連底衫都要換埋, 問你怕未! 明天又要打混合針嘞, 媽媽好驚我發燒, 又好驚我好似上次咁扭計大喊, 咦, 我已經四個月了, 四個月的嬰兒會有以下的能力, 但我仲未成功翻轉身體, 唔知今個月會唔會成功呢? 身體表現 會抓緊放在手中的物件 會伸手抓東西,但常常抓不中目標 可以自已翻轉身體 可以靠支撐坐定和把頭伸直 能撅起嘴唇和咂嘴 即使晚上睡覺到天亮,日間亦需要小睡遍時 心理表現 能辨認家中各人和回應他們 和人交往時開懷地微笑和大笑,常常玩耍至一個小時或以上 社交表現 喜歡玩耍、遊戲和玩具好大條口水呀..........
[right1]今日爸爸放假, 媽媽一早要開工, 爸爸陪我, 媽媽好快又收工喎, 回來就到爸爸出去踢波, 媽媽陪我, 因為早上爸爸在家, 我唔願瞓, 到下午就訓左三個鐘, 媽媽乘機又偷懶一齊訓! 爸爸媽媽幫我練左兩次趴趴, 又搏命影我相, 話時話由出世到現在都唔知影埋影埋幾多...! 夜晚媽媽又偷懶唔煮飯, 聽講海麗村商場果邊有野食, 就咋咋帝話去參觀下, 順便食埋飯, 佢地去左一間叫五十嵐的日本餐廳, 媽媽話唔好食, 以後可免則免, 我在餐廳又呱呱嘈, 搞搞震, 搞到爸爸媽媽要輪流食, 輪流抱我! 嘩, 幾大個口!
今日返婆婆度, 媽媽孭住我搭的士, 點知同果晚返香港仔一樣, 一開車就大喊, 又嚇了媽媽一跳! 媽媽唯有氹下曖下我啦..比我睇下窗外的風景咁啦...咁先慢慢收聲, 經過三次搭車大喊事件之後, 媽媽得出的結論係我一開車就會嚇親, 夜晚大舅父駕車來車我地返屋企, 爸爸就攬實我, 又傾計又唱歌咁分散注意力, 咁先無喊咋!
[left1]眨下眼又一個月, 我四個月嘞! 今天媽媽試下比我飲梨汁, 我唔係幾吼, 媽媽自己攞黎飲左, 佢話:唔飲就算! 下個月先再試過喎. 昨天掛住搵隻鞋, 仲有一件事未講完, 話說我地搭巴士返香港仔, 在黃竹坑轉小巴返嫲嫲家時, 唔知點解一開車我就喊, 係聲嘶力竭咁喊, 爸爸媽媽從來未見過我喊得咁勢利, 以為條孭帶整親我, 檢查過又無事, 連小巴上的乘客同司機叔叔都比我嚇親, 爸爸媽媽都不知所措, 點知一到漁光村, 落車就即刻收晒聲! 回程我地又搭左一程好短的小巴, 點知又發生同樣事情, 媽媽諗起兩次搭小巴爸爸都同我地分開左坐, 懷疑我見唔到爸爸, 於是叫爸爸即刻坐過來, 爸爸過來同我講左一陣野, 我竟然就唔喊嘞! 究竟我係咪搵爸爸還是唔鍾意搭小巴就不得而知, 不過媽媽話以後都唔係幾夠膽同我搭小巴!我係雞年出世, 係隻雞仔
遺失啟事 本人歐昭駿, 於本年3月8日星期三由香港仔漁光村嫲嫲屋企返自己屋企途中, 遺失名牌enfant淺藍色間條100%純棉布鞋仔一隻, 由於本人當時正由媽媽用孭帶孭住入睡, 未有察覺鞋仔甩掉! 本人途經地點很多, 包括:漁光村, 香港仔巴士總站, 中環皇后像廣場, 中環地鐵站, 荔枝角地鐵站, 長沙灣廣場, 由於該鞋仔是本人第一次穿著, 加上嫲嫲唔知點解話對鞋仔"好過制", 因此好想尋回! 拾獲者請電本人手機, 重酬.
[left3]今日星期二, 逄星期一,二,四媽媽唔洗做野, 淨係招呼我一個, 近來媽媽同我落惠康買野, 燒臘檔的兩個阿姐好鍾意撩我, 媽媽見佢咁熱情就同佢買下叉燒咁啦, 我好鍾意寶姨姨姨果條新孭帶, 有張櫈比我坐住, 好舒服, 唔會綁到我實一實, 我可以兩頭郁, 活動自如. 今日繼續練趴趴, 媽媽一將我翻轉, 我就好醒咁頭昂昂, 玩完晒翻返轉身我就會呱呱叫, 因為我好喜歡呢個動作, 但媽媽話怕我攰, 每次唔可以玩太耐, 同埋食飽奶又唔玩得, 怕我嘔奶.
嘩..原來我已經識趴趴條頸好似幾夠力喎 爸爸媽媽周不時叫我翻身學下趴趴, 姑娘話呢個動作好重要, 訓練頸力之餘仲對日後學坐好有幫助, 所以沖完涼媽媽都會叫我試下, 之前試過我條頸似乎未得, 今日就十分穩陣喇, 頭仔昂得好高, 一臉自豪咁呢! 媽媽話我似匯豐銀行門口隻獅子, 我就似乎好喜歡玩趴趴啦! 媽媽, 好心你執下間房啦, 好亂呀!爸爸話我個樣成個街童咁
今日係我3個月3星期3日大, 三條三! 好快就四個月了! 不過呢幾日天氣好差, 時冷時熱, 又潮濕, 落埋晒d失魂雨, 洗左d衫都好難乾, 我成日流口水, 一日都要換三次衫, 用幾條口水肩, 十幾條手巾仔, d衫唔乾你話係咪好煩惱! 食手指, 玩口水今日爸爸有三個朋友來探我, 咁啱婆婆又來到, 婆婆話我好識做戲, 一見到陌生人就即係扮乖, 又唔出聲又坐定定, 成個乖細路咁, 點知爸爸同朋友一走坐, 到婆婆湊我, 我就即係露出真面目, 呱呱叫又嘈之巴閉, 咕來咕去, 嘈到不得了, 所以媽媽都話我最另係"扮乖"和"扮可愛"!
[right2]今日婆婆來, 一入屋就話聞到BB味, 佢話有BB的屋企會有一陣BB仔味, 媽媽話唔多覺, 但我食完奶就會成身奶味, 所以有時會叫我做奶豬, 講起食奶, 我現在一餐食成8oz奶, 因為我好早訓, 10:30前已入睡, 所以多數都係食四餐, 姑娘話一日食到28-30oz已ok, 唔一定要食足五餐, 但我四餐加埋已有32oz, 咁咪食得好多??? 呢兩日唔知做乜, 我成日發出好多聲音, 主要係kee..kee..呀咕....咕個不停, 但又無喊, 媽媽播Baby Beethoven DVD我睇, 我訓住梳化食住奶嘴望到眼定定, 媽媽見我咁留心攞相機影我, 點知比我發現佢偷影我, 我就即刻咕來咕去....媽媽話我好蠱惑, 知道有人就詐詐諦引人注意. 睇dvd睇到眼定定仲有一件趣事, 今早媽媽同我沖涼時又影我裸照, 點知影到我疴緊殊殊, 爸爸話太醜怪, 萬萬不能將張相放上網!!!笑到見牙肉唔見眼
[right2]今日星期五, 又有得去婆婆屋企玩, 我最近愛上玩cushion, 因為四四方方同我體形差唔多, 我手腳並用就可以舞動個cushion, 今日在婆婆屋企就係咁玩左好耐, 婆婆話我都算乖. 我呢, 成日會發出d怪聲, 兩個月大時我學識講"呀咕", 後來變成"咕...咕...", 再後來變化成"嘰...嘰....", 於是我現在無聊時, 或想引人注意時就會不停keeeee...keee...kuuu..kuu.ee...kee...好耐好耐都唔肯收聲, 除非比人塞左個奶咀, 仲鍾意儲埋一大堆口水再kee...keee...好核突, 媽媽話我係個好嘈的嬰兒. 今日媽媽買左一隻dvd比我, 係Baby Einstein系列的beethoven, 因為姑娘話睇下電視都可以, 於是媽媽就買d得意dvd比我睇, 仲有, 我今日雙手捧住個奶樽, 雖然拿得唔穩, 但媽媽話我都幾叻仔.最新興趣 - 玩chushion
呢幾日天氣寒冷, 爸爸媽媽都好少帶我出街, 我地夜晚瞓覺都會開左部好食電既老爺暖爐, 我仲用埋好靚既Peter Rabbit睡袋被訓覺, 個睡袋裡面有個肚箍, 媽媽話箍住就唔怕踢被, 天氣又乾燥喎, 我塊面仔變仔紅卜卜, 成個女仔咁!