親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
昨晚婆婆比左d薯仔牛肉我今日帶飯, 今早媽媽整返熱, 煮少少飯比我帶返學校就得, 好方便. 放學回來好開心, 話比媽媽聽今日整左sausage rolls, 仲馬上從書包攞出食譜比媽媽睇! 今日的sausage roll係用麵粉, 蛋和肉, 做成香腸狀, 用焗爐焗二十分鐘即成, 我食左一舊. 老師每星期都好有心機為我地預備食譜, 如果當日的材料無菜, 沙律醬和其他我唔食的材料, 果日我就會好開心咁話比媽咪聽, 如果唔想講, 媽媽一睇食譜就知道咩事, 因為我煮好左都未必肯食. 媽媽將部份三亞的相片用neoimaging整理過,再重新post上來比大家睇睇.
今日本來約好雅怡姐姐一齊返主日學, 我一早起床準備, 刷牙洗面疴尿尿, 食奶奶, 換好晒衫, 一切準備就緒, 我竟然走去玩火車, 唔肯出門口, 雅怡姐姐的車好快會到, 我仲懶懶閒, 點都唔肯動身, 媽媽話留低我自已在家玩玩具, 我竟然說ok, 仲bye bye媽咪! 最後主日學去唔成, 仲激嬲左媽媽, 我喊住同媽媽講:"對唔住媽咪~~ sorry媽咪~~~" 仲喊到嘔.... 媽媽要我打電話和ivy姨姨道歉, 我都有做到. 每次激親媽咪我都喊得好淒涼, 然後要求媽媽"呵返". 媽媽之後問返我點解今日無去到主日學, 我話:"歐昭駿掛住玩玩具, 唔去街, 媽咪好嬲呀~~~"
應該比功課先教的事 田中勝博◎著 培養孩子的「學習意願」與「好奇心」 好奇心旺盛,貪婪地吸收知識——打從夕己還沒有出生時,我們夫妻就一直在思考要將他培養成這樣的小孩。如果能夠成功,那麼就不需要到補習班上課;即使放牛吃草,他也會逐漸擁有豐富的知識和教養。由於不是「被逼讀書」,記憶效果及成績都會提升。而且,就不需要昂貴的教育費了。 想達成這種目標,應該怎麼做呢?舉例來說,必須給孩子各種刺激,讓他們看見多采多姿的世界。只要接觸越多的刺激,感興趣的事物也會增加。如此一來,對於將來夢想的選項也會增加。而即使光就學習來說,也比較容易設定目標。 傾注滿滿的愛也是很重要的。孩子只要受到讚美,自然就會成長。而家庭環境差而且缺乏父母愛的孩子,基本上不可能在眼神中閃耀著求知欲望,主動學習。在我們家,這是比功課優先的、最重要的問題。只要能做到這一點,即使父母沒有要求孩子「快去做」,孩子也會自己讀書。 幸好我們夫妻的努力有成果,夕己果真成為那樣的孩子。在他就讀英國的寄宿學校時,老師對他的評語是:「Your son is like a sponge!」(你的孩子就像海綿一樣!)擁有旺盛的好奇心,就像海綿吸水一樣,老師才剛教完,很明顯地就開始吸收。那麼,我們究竟是做了什麼,才讓夕己具備那樣的能力呢?接下來就讓我詳詳細細告訴大家。 外出次數越多,孩子的可能性就越大 從嬰兒時期開始刺激五感 要如何才能培養出像海綿一般的孩子呢?我們夫妻以培養那樣的孩子為己任,並做了各種嘗試。首先,我們最先想到的就是「盡量多給予孩子刺激」。因為不清楚夕己隱藏著哪種可能性,所以給予他許多的刺激。而這一點不僅是在最初,也幾乎成為我們家的幼兒教育最終做法。 舉例來說,在種類繁多的犬種之中,能夠做為盡責的導盲犬的,僅限於極少極少的犬種而已。導盲犬必須具備的資質有:對聲音有極佳的反應、能夠與人類四目相接、穩重等。而為了確定一隻狗是否具備這些資質,就必須給予所有刺激,以製造觀察反應的機會。 我們夫妻的想法和這個如出一轍。因此,我們盡可能地帶孩子到各種地方去,讓他看各式各樣的東西,並且去觸摸、去感受。只要這樣做,就可以從孩子的反應中看出他具備什麼樣的資質。而且,要藉由從早期開始給予大量刺激,讓孩子好奇地想「這是什麼啊」,就必須得幫孩子建立起許多天線,讓他在未來充滿好奇心。 因此,當夕己還在喝母奶的時候,我就讓他聞我正在吃的白飯的味道,還會和他說很多話,給他一些聲音、光線、味道、觸覺等刺激,以開發他的五感。而且在他強褓時期,我就將他置身於有如洪水般的刺激環境中了。 讓孩子看到的世界越寬廣,他的選擇就越多 孩子稍微長大後,如果只待在家裡,接受的刺激會受到侷限。如果要給孩子越多刺激,就必須隨著孩子的成長,經常帶他走到戶外,帶他到各種地方去。 當初還在英國時,每到週末,我們都會到英國各地或其他國家旅行。可以說,我們當時最喜歡的活動就是旅行。雖然帶幼兒期的孩子旅行並不輕鬆,但是因為不會對別人造成困擾,所以我們就到處都去。我的目的是想讓夕己盡可能地看到這廣大的世界。如果他是在狹小的世界裡成長,那會變成什麼樣子呢?想必他的人生選項一定也會被侷限在極為狹窄的範疇內吧,如此一來,孩子的可能性就會隨之縮小。 孩子的可能性是無限的。正因為遠大於父母的可能性,就在孩子嬌小的身軀內沉睡著。既然這樣,那就努力讓那些可能性開花結果,這不就是父母的責任嗎?因此,我們真的是每週末都到各式各樣的地方去。就跟字面上一樣,是每週末。 不要把「沒時間」、「沒有錢」當藉口 週末的目的就是「遊玩」。我們當初就是抱持著這樣的決心,絕對不在週末工作。由於平日很忙,無法如願抽出時間陪孩子玩,能夠陪孩子的時間就只剩下週末假日而已。就這點來說,我們家和其他家庭並沒什麼兩樣。因此,我們都會排除萬難,迎接週末的到來。 話雖如此,就現實情況來說,由於當時我手上還有固定的帶狀電視節目,所以連星期六也要工作。因此,能陪孩子玩的時間只剩星期日而已。由於到遠地旅行很浪費時間,因此,當時很少有長途旅行。當然,即使平日的工作已讓我感到筋疲力盡了,但我嚴禁自己說出「我好累,讓我休息…」這種話。將自己僅剩可以陪孩子的時間拿來睡覺,我認為這樣是失去做為一個父親的資格。 ★Point 能夠盡情地陪孩子玩的時間只有短短的10年。即使只是3歲的孩子,也已經用掉3分之1的時間了。 我們不會因為「要花錢」而不敢外出。說到外出,並非只有必須大費周章的旅行或到遊樂園去才算外出。還是有些方法,可以在不花錢的情況下,帶孩子到各種地方去。 舉例來說,在我們家,就經常利用電車的1日券。東京有東京都區內的自由行車票、東京地下鐵的自由行車票等各式各樣的1日遊車票。只要大約日幣700日圓,就可以在1天內,隨意搭乘東京都內的電車或公車。只要這樣就足夠了。搭乘從未搭過的電車,享受從未見過的風景,遇到感興趣的車站,就下車去逛逛。這樣不必花很多錢,就可以充分滿足孩子。 有一整天的時間可用時,就去登山。從東京都內花1個小時就能抵達的高尾山是我們的最愛。沒有什麼活動比登山更不花錢,且更健康的了。由於是難得的運動機會,我們不會搭乘纜車或滑雪電纜車,我們總是搭電車到山腳下後,就一直往前走,然後從相模原的方向下山。這樣的週末就是能充實地玩上一整天的最佳週末。以不花錢的地點來說,鐵道博物館也是我們家的固定行程。幼兒門票只要日幣200日圓、小學生只要500日圓,非常便宜。 世茂出版 《我這樣讓孩子上牛津大學》 (資料來源:世茂出版集團 提供)
新年派對
Cracker Jack
今晚找到一本關於認識身體的硬皮書"Body"來看, 看見其中一版有一雙小朋友的手, 十隻手指頭都有數字, 我就數起數目來, 數完1-10, 又倒轉數10-1 (最近看zippy學識count backwards), 每次數到6, 媽媽都聽到我的six有點特別, 於是叫我數多幾篇, 聽清楚這個six, 咦? 完來我的x音係/ks/喎! 媽媽記得好耐之前同我輕輕提過box的發音, x是要發/ks/的, 唔知幾時開始我知道six都要咁做, 媽媽好開心, 爸爸好驚訝! 看來我的英文發音暫時都ok, 雖然發音準唔準都唔影響日常溝通, 但能夠學得標準就最好.
舅母生日
今日係幼稚園的聖誕party, 媽媽因上次生日會焗的曲奇餅唔靚, 今次唔敢再失禮街坊, 就買左一桶聖誕朱古力比我返去派比小朋友, 學校又有聖誔老人派禮物, 禮物袋造型有趣, 仲有小玩具和零食, 媽媽認為校方今次的禮物幾好, 因為有小火車和彈弓, 亦無太多唔健康小食, 我拿住禮物包當係寶, 做小朋友真開心 我暫時未明白聖誕節的意義, 希望隨著我成長會明白更多, 知道普世歡騰為要記念耶穌基督誕生, 而唔係大吃大喝的消費狂歡節.
唔食生菜
Miss Ngai打電話比媽媽, 梗係無好野, 原來我今日咬左同學的額頭一下, 原因不明, 被咬的男同學無受傷, 亦無喊, 但我竟然叫佢:"你去揾醫生啦!"
Christmas cookies?
家有孩童, 靚靚的木地板都必定體無完膚, 有左膠地墊, 全屋起碼有一個範圍受到保護. 咁耐以o黎我只係用過兩塊地墊, 第一塊係winnie the pooh, 第二塊係thomas, 一塊四乘六呎差不多要二百蚊, 我地一定用到爛, 物盡其用先會換. 呢種卡通地墊係幾靚, 但價錢貴, 而且萬一表面的膠有少許損壞, 就會被手痕的兒童成塊撕起. 媽媽決定轉用普通的淨色地墊, 一塊塊砌上去, 最原始果種, 貪佢平和無圖案, 十分清爽. 買左4 pack放係枱底, 成個禮拜都未得閒搞. 婆婆發現了, 問我:"呢d係咩黎架?" 我話:"係墊墊, 好舒服架." 婆婆又問: "咁thomas墊墊點算呀?" 我答得很爽: "thomas唔要囉!" 梗係啦, 因為係比我整爛. 換上新地墊, 我照舊扒係地玩火車, 係唔係全部男孩子都會成隻扒地熊咁, 拮起個pat pat咁係地下玩車呢? 係咪咁玩先至過癮, 先至投入呢? 相信係, 因為呢個動作可以以最近距離與車輛作視覺上接觸, 令玩者融入玩具世界, 化身成為玩具的一部份!
婆婆帶我去海麗村兒童遊樂場玩, 貪佢地方大, 多花款, 星期六都幾多小朋友來玩, 我特別喜歡比我大幾歲的哥哥姐姐, 想同佢地一齊玩, 我爬上滑梯, 大聲叫:"呢度有sir滑梯呀, 你地想玩呀? 快d o黎玩sir滑梯啦!" 但無人理我, 我唯有自己玩, 玩左成粒鐘, 真係夠晒皮, 扒o係滑睇度休息, 話:"好攰呀..." 臨行前媽媽千叮萬囑叫我唔好要婆婆買玩具, 我都識講:"唔洗買玩具, 買雪糕得嘞!" 點知我雪糕又要, 玩具又要, 婆婆竟然買左一個$59.9的玩具相機比我, 係一個適合bb的玩具! 婆婆又忍唔住買野比我玩, 可能覺得唔買唔夠完整, 真係... 返到屋企, 媽媽問起我遊樂場的事:"d哥哥同唔同你玩sir滑梯呀?" 我頭耷耷說:"唔玩呀." 媽媽問點解, 我話:"佢地玩貼紙呀." 我到左好渴望有同伴的年紀, 放學時會等齊校車的小朋友一齊上樓, 但似乎幾個女孩子都覺得我太熱情, 都唔睬我, 只會傻傻地望住我.
今日放學後馬上返婆婆屋企, 搭的士12:15已到, 公公婆婆竟然出晒街, 入屋見唔到人, 我覺得好奇怪, 鞋都唔除就通屋揾:"點解無人o既?" "點解廚房無婆婆架?" "o係邊呢?" 然後搜遍廁所, 睡房, 櫈底, 再攞電筒照下梳化底:"可能o係呢度呢, 照下先" (???) 不久婆婆買餸返來了, 我興奮大叫:"有人嘞! 有人嘞!" 媽媽生日, 舅母親手做左一個焦糖忌廉蛋糕, 今晚在婆婆家晚飯後大家一齊切蛋糕, 我又以為係自己生日, 點知打開蛋糕, 見到寫住媽媽的英文名:"係Helen呀!" 之後我帶頭唱生日歌, 唱到第三句識得唱happy birtyday to Helen (通常只會唱happay birthday to Isaac), 然後許願, 唱蠟燭, 切餅都由我一手包辦(?), 但唱蠟燭時"哄"得太近, 差點被火"辣"親, 咁啱今日學校認字教"火", 媽媽順便提醒我要小心火哦.
我好鍾意做功課, 特別鍾意counting, 連線和圈圈做得又快又好, 進步神速, 真係令人感動! 媽媽見我鍾意做, 就買多幾本練習比我, 又在外國網站下載一d工作紙印出來比我做, 我一次做十張八張, 覺得好好玩. 但我不太喜歡做寫前練習, 經常要媽媽扶住我的手, 先肯寫, 其實我的手已夠力, 但唔夠信心, 怕出界. 下一步要學寫字了, 教署建議五歲先好正式寫字, 但好多幼稚園都唔會咁做, 媽媽將我由細仔變大, 比我大個d先學寫字, 相信效果會更好. 其實好多字型我都掌握到, 只係唔夠膽寫, 現在媽媽只係輕輕掂住我的手, 我就可以寫到, 今日我寫左好多次ISAAC, 寫得都好好呀!
今日繼續由媽媽帶我返little gym, 今日無june姨姨的順風車坐, 媽媽怕拖位我慢吞吞會遲到, 八時正已出門, 但未到8:30已到尖沙咀, 唯有以蝸牛速度步行到新世界中心, 8:50到達little gym, 已經有一兩位小朋友到了. Mr Reggie已經辭職, 返去印度打理佢父親的家族生意, little gym新來了幾位新老師, 有一位金髮洋妞和一位印籍美女, 但無左Mr Reggie, 無人罰我, 我好跩, Ms Sabrina本來係好温柔的, 但對我呢種頑童, 都要扮到少少惡, 每次我唔守規則, Ms Sabrina就會板起塊面瞪住我, 好在我都識睇眉頭眼額, 見到老師嬲我都會講聲I'm sorry. 今日有攀爬滑梯玩, 我前面有個似乎年紀好細的男仔, 爬左上去之後唔上唔落, 我好心急想爬上頂然後sir滑梯, 但呢位小朋友唔郁, 我竟然一啖咬落去佢的腳! 小朋友馬上大哭, 但幾位老師都睇唔到我咬人, 只有june姨姨睇到. 事後媽媽向我大興問罪, 我直認不諱, 承認曾咬小朋友的腳, 當然被媽媽責備+訓話一大餐, 我明明知道咬人係唔可以的, 但可能唔知道點處理剛才的情況, 情急下做出野蠻行為, 媽媽教我以後遇到呢種情況, 要"動口", 開聲請小朋友讓開, 或請老師幫忙, 而唔係動口咬人. 我被媽媽責罵很難過, 又害怕, 因為媽媽說咬傷小朋友會被警察叔叔帶去警察局的.
新老師Mr Bernie原來係金髮洋妞, 成個Barbie咁靚, 我仲要坐o係佢大脾影生日相, 真係喜出望外.
係咪好靚呢? 屋企附近開左間沙律店, $38一大盒, 但沙律始終食唔飽, 咁o既價錢都幾貴, 唔知間店捱到幾耐, 先影返張相留念. 言歸正傳, 好多朋友知我喜歡閱讀, 叫我介紹下有咩圖書好, 媽媽本來打算將書目整理一下然後介紹比大家(有好多朋友生左bb, 兩三歲, 都開始要閱讀喇), 但構思良久都未行動, 真係唔好意思. 上星期訂左國家地理兒童百科提高級, 今日終於到左, 二十四本內容豐富, 圖片精美, 只係140rmb, 加埋運費都只係HK$7.65一本, 實在諗唔到有咩理由唔買. 內容好有趣, 西人學炒飯呢! 英文句子簡短直接, 適合幼兒閱讀 圖片又大又靚, 有得睇有野學, 真係書中自有黃金屋. 淘寶網有售, 如需詳情請直接聯絡我媽媽.
今個星期係評估週, 無功課做, 媽媽只係同我温習下中文字, 20個字我只認得14-15個, 但都比媽媽想像中好, 因為平時真係無乜點温習. 英文和數學都完全無温過, 希望合格. 幾日無功課做, 竟然好想做下, 今日媽媽影印左d工作紙比我, 有中文認字和kumon的識數練習, 只係連下線, 圈下圖咁, 但我顯得好有興趣, 能夠自己完成一張數數目的連線練習, 做得企企理理, 真係超乎媽媽想像, 我喜歡連線和圈圈, 唔喜歡填顏色和寫字, 其實現在仲未正式學寫字, 媽媽亦唔希望我咁早寫字, 等手部小肌肉再發育好d再開始會更好.
上次中秋花燈比賽, 我隻肥豬仔順利勝出, 大家都好開心, 媽媽對美勞有少少興趣, 好想在今次聖誕裝飾比賽中再發揮一下, 雖然我仲未識得設計呢d作品, 但我都鍾意剪剪貼貼, 媽媽會將材料和配件預備好, 然後引導我自己貼上. 最近媽媽沉迷玩happy farm和在淘寶網購物, 無好好準備今次比賽, 截止日期到了, 先臨急抱耶穌腳, 最後用好多現成物料(上次肥豬仔用好多環保物料哦!) 做左一個聖誕樹+雪人掛飾, 想用桂花粉做雪花, 營造飄雪效果, 但又無時間去買街市買桂花粉, 最後只能用閃拎拎珠片充當雪花, 效果都ok, 但創意稍欠, 亦毫無環保概念可言. 最後媽媽用現成的英文字母貼紙貼上MERRY XMAS, 我只知道Merry Christmas, 唔知xmas係乜東東, 竟然大發脾氣:"唔係Merry Xmas呀, 係Merry Christmas呀! 我要搣咗佢呀~~~~~!!!" 媽媽解釋Xmas和Christmas是一樣的, 唔夠位整Christmas, 唯有整Xmas啦, 但我唔理, 仲大哭一場. 媽媽見我情緒激動, 知道周公來揾我了, 就氹我訓晏覺先. 半夢半醒間我竟然開口說話:"唔好寫字呀~~~~" 媽媽實在頂我唔順, 決定咩字都唔貼上去, 空白的地方就貼多十幾二十塊閃拎拎雪花, 填塞算數