親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
兩星期無返主日學, 今日再去, 我對主日學係唔抗拒的, 但暫時未見有乜野得著, 媽媽每次問我玩左乜野, 我只係話玩左遊戲同埋奉獻! 主日學的導師又似乎欠缺經驗和耐性, 媽媽曾考慮唔再比我返, 不過暫時都會返住先, 睇下點先再算. 放學後去地鐵站和婆婆會合, 我一見到婆婆開心晒, 大叫:"嚟左嘞!" 然後熟練地捐過閘, 跟婆婆返屋企. 傍晚時分媽媽返來, 帶左好多樹葉, 塊塊都唔同形狀大小, 有d仲有特別顏色, 原來媽媽想同我做一幅樹葉畫, 因為秋天到, 樹葉落, 最適宜做樹葉畫. 最近我仲經常唱一首秋天歌:"秋天呀~~秋天呀~~樹葉到處飛呀飛~~~樹葉跌晒落地"(最後一句係我改的歌詞) 我地用廣告彩合作完成了一幅樹葉畫, 好多顏色, 真係好靚架! 然後媽媽比我玩下剩下來的廣告彩, 我趁媽媽講緊電話, 吱左好多顏色落碟, 然後搞到一手都係, 順便玩埋印手仔! 搞到好鬼dirty, 但媽媽無阻止我, 既然都搞到一鑊泡, 就比我滿足下啦! 我成手紅色, 仲四圍摸, 搞到婆婆屋企的白色廁所門一個個紅色掌印, 似被人追數淋油, 甚嚇人, 好在係水彩唔係油漆, 一抹即甩. 婆婆煮左三碟餸, 係蒸水蛋, 南瓜肉碎和娃娃菜粉絲, 全部都係我鍾意的餸菜, 婆婆的餸好味過媽媽煮的一萬倍, 我食唔停口, 成碟蒸水蛋食晒, 一邊食一邊話"好味呀~~真係好味呀~~~" 飯後時間尚早, 媽媽同我去上面搭巴士返屋企, 見到月亮, 得半個. 等巴士的時候媽媽同我討論月亮的形狀, 我知道月亮的樣子會變, 有時係full moon, 有時係half moon, 有時係crescent. 媽媽說:"Sometimes it looks like a circle. Sometimes it looks like a semi-circle. Sometimes it looks like a banana." 點知我搶住接下去說:"Sometimes it looks like a square!" (???) 媽媽同我都哈哈大笑起來. 我地在巴士總站等42號巴士, 司機叔叔突然從遠處出現, 上車, 媽媽以為可以開車了, 叫我準備, 我滿心歡喜, 點知司機叔叔仲未開車, 上車之後唔見左人, 令我莫名其妙. 不久我得出一個結論:"司機叔叔要疴wee wee呀!" 媽媽強忍著笑表示認同:"係呀, 佢要疴wee wee, 然後要飲d水." 我再補充說:"跟住仲要食三文治!" 媽媽唔知點解我認為司機要食三文治, 可能司機太忙, 只能食三文治充飢. 無幾耐司機叔叔真係開車了, 原來佢一直在車上休息, 相信佢無o係車上疴wee wee, 但唔知佢有無飲水和食三文治. 返屋企後馬上跳入浴缸沖涼, 我脫光衣服後好自然會在浴缸疴wee wee, 今晚突然爆出一句:"好似大象噴水咁樣!" 原來男生都似蠟筆小新, 喜歡幻想自己係大象....
(登登登櫈~~~ 爸爸首次寫日記:) 每逢週末, 首站去硬Little Gym, 我企圖開門走出課室, 遇著穿黃T恤的小朋面, 他扮演風紀姿態, 捉著我對手, 我更還以顏色, 先來一個推心口, 再來一下槌面, 與對方糾纏, 被miss發現, 未分高下,落堂未蓋印仔, 我就衝了出來, 一會兒好形, 手拿三角紙杯飲水, 爸爸以為是其他家長幫我斟, 但我來多round, 至知係我咁醒, 大個仔自己斟, 爸爸從Miss Mandy 口中得知Little Gym三月租約滿要搬, 因為新世界中心要重建, 之後去大家樂食早餐, 一坐低隔離枱姨姨就看著我, 原來她欣賞我坐定定吃東西, 我乖的時候真是又乖又叻仔.之後坐地鐵去灣仔, 在列車上我由爸爸抱著, 突然弄兩手緊握大手環, 肥老外見狀驚嘆不已, 有如見到李小雙, 他用相機瞄準我, 用普通話叫我「哨貧右」, 我本來唔show, 但爸爸話碌壓朵鉗把拿, 我就勉強讓他拍了一張, 可能下期National Geographic港童多靚仔之運動員圖輯刊登; 話說回來, 爸爸開了一張新信用卡, 送海洋公園門券兩張, 所以要去灣仔, 一上地面, 「叮叮叮呀, 好多交通工具呀」,我看得入神, 爸爸不停拍我的靚仔樣, 仲與快拆卸的龍門酒樓合照, 換完飛, 遇上一家三口賣旗, 一個小學姐姐賣旗比我, 「好呀」, 果個媽媽話我地去踢波, 因為齋著波衫無得踢波, 爸爸都唔識回應, 一時語塞, 無理由話新買, 特登著出來襯0架, 之後行程可以加坐叮叮叮去銅鑼灣, 再轉小巴去香港仔食午餐,車上快睡了十五分鐘,食完飯, 坐巴士出中環, 在皇后像廣場, 好多水水, 跑來跑去, 嫲嫲比的EDO餅餅跌左落水池, 但好彩未開封, 之後我們去了聖約翰坐堂, 參加了一個豪華西人婚禮, 但我與爸爸都沒有請柬的, 由於無份食到會, 退而求其次, 在賓妹廣場, 吃了嫲嫲比我的餅餅, 好味到有半島飲綠寶的感覺, 爸爸寫的東西, 年紀輕的fan屎可能不明呢句點解, 問下你們的爹媽啦.
撞親個頭頭
整pancake
今日一落校車, 就同媽媽講:"Mr Dennis同埋Ms Ngai都識呀!" 媽媽莫名其妙, 問我:"係呀? 識乜野呀?" 我再重覆一次:"Mr Dennis同埋Ms Ngai兩個一齊識呀!" 媽媽都係唔明白, 再問多次, 我終於講:"係病左呀!" 原來係sick, 唔係識! 祝佢地快d好返! 最近常返婆婆屋企玩, 晚上離開時喜歡到公園的氹氹轉玩下, 每晚都有幾個印巴籍小童在嬉戲, 前兩晚我不理媽媽勸止, 衝上氹氹轉想同大家一齊玩, 誰知幾個哥哥姐姐都好乖, 肯同我玩, 我玩到唔肯走, 最後一個約七, 八歲的哥哥將我抱起放落地, 我仲講:"唔該晒哥哥!" 今晚走的時候又見到佢地, 我跳上氹氹轉, 但無人上來同我玩, 我失落地說:"點解無小朋友o既?" 原來佢地今日唔玩氹氹轉, 改玩機關槍, 好似拉登咁. 在公園和球場一帶跑來跑去, 我好想同佢地玩, 跟住大家跑,我又以為大家在玩hide and seek, 傻到自己用手掩住眼晴, 但當然無人理我. 仲有佢地今日竟然唔講中文, 講印度話, 溝通唔到. 媽媽係唔贊成我同佢地玩的, 多次喝止我都唔理, 我見到媽媽的樣子唔開心, 就知道自己唔啱了, 媽媽事後同我講返, 我想同小朋友一齊玩係可以的, 但已經係夜晚, 玩得太癲唔好. 下次日頭見到小朋友可以再玩.
黑色迪士尼
學畫畫學左幾個月, 未夠半年, 畫作雖多, 但質素一般. 每次上課都興致勃勃, 雖秩序良好, 但每逄用粉彩塗色, 都擔天望地無心機, 在家亦很少主動畫畫, 只愛亂塗, 做功課時"被迫"要油顏色, 先會勉強油幾下, 每次都要媽媽幫手 (開學至今做功課都唔算太勞氣, 每日五至十分鐘內可完成, 感謝主!) 媽媽認為我唔會有任何美術天份, 亦唔敢奢望我會自行畫出一幅像樣的畫, 比我去畫室學畫只係想d野我做下, 唔好太無聊咁啫. 不過, 奇妙的事情今日就發生了, 晚上我在婆婆家玩的時候, 我突然表示想畫畫, 媽媽就比紙和蠟筆我, 媽媽以為我又會亂塗, 點知今次我畫了一個有眼耳口鼻頭髮和眼鏡的"爸爸"(普通話發音), 和一個像男人的"媽媽" (無眼鏡的), 我仲用普通話講出眼睛,鼻子, 嘴巴, 耳朵, 令媽媽感動到不得了!
媽媽驚我肚仔未好返, 今日都唔比我返主日學, 今早八點幾自動醒, 強烈要求飲奶奶, 媽媽就比左少少我飲, 點知又疴, 不過今次我叻仔, 爆發前話比媽媽聽要疴屎屎, 媽媽極速砌返個potty比我(我的potty係變型金剛, 平時係墊腳櫈仔, 要用時才重新組裝成兒童坐廁), 及時比我坐低. 嘩! 好多啡色咖哩如山泥傾瀉湧出, 場面嚇人! 目睹爸爸幫我把咖哩處理掉, 我感概地說:"昭駿疴爛bat哦!" 媽媽負責幫我沖洗pat pat, 順便沖埋涼, 一邊沖一邊被媽媽教悔:"都話唔好食奶架啦...唔好食住嘞...等肚仔好返晒先啦...." 爸爸今日要返工, 媽媽例牌教琴教不停, 我都係返婆婆家渡假. 晚飯我通常在婆婆的床玩一陣, 我喜歡玩媽媽兒時在荔園用$100 bid返來的八隻毛毛動物, 今晚我話要開一間寵物店(但常講錯做"動物鋪"), 叫媽媽來買, 媽媽想買狗仔, 我介紹唯一的一隻斑點狗比佢, 我幫佢改名做"lucky dog", 媽媽又問rabbit叫咩名, 我話叫"brown and white"(?) 咁熊貓呢? 我話"black and white and black"(???) 媽媽將趣事講比爸爸聽, 爸爸話我確實遇過一頭名叫lucky的狗, 原來早陣子爸爸和我晚上落街散步時, 遇見有人放狗, 有一頭小狗太熱情撲向我, 令我第一次聲稱"我好驚狗!" 呢隻狗仔就係叫做lucky! 因為向來只有我撲向狗, 令狗受驚, 可能呢次被狗"嚇親"令我印象深刻, lucky的名字令我無法忘記!
花壽司
腸胃炎
在學校嘔
今日又有新歌: 一枝一枝蠟燭, 閃閃發光亮 一枝一枝蠟燭, 真光亮!
整hotdog
我在優贊琴行學畫畫, 都有一段時間了, 好像是五月開始的, 果陣仲要日日返醫院料理傷口, 媽媽見我悶就同我報名學, 轉眼已經五個月, 已畫晒第一本畫簿, 上星期開了第二本. 我畫畫無乜天份, 油顏色亦無乜心機, 無人指導下只會亂畫一通, 但我我去到畫室就好聽老師話, 坐得好定, 先用鉛筆起稿, 塗粉彩, 然後用水彩做背景, 全套做足, 每堂都可以完成一幅似模似樣的作品. 兩星期前陳老師(翟老師無教了, 換了陳老師, 幾好人) 叫我畫花, 係鬱金香, 畫了2幅, 一幅貼落畫簿, 一幅用來做壁報, oh! 我的畫都可以用來做壁報! 今日終於見到畫室外的玻璃貼滿小朋友的作品, 全部都係用花作主題, 媽媽一望就見到我的花花, 仲有好多好多, 超過100幅花花, 真係好靚呀! 媽媽最鍾意欣賞兒童畫, 拿拿聲返屋企攞相機影低, 大家一齊欣賞下啦!
今日返全日班, 媽媽早起來預備飯盒, 因為要自己食飯, 所以媽媽盡量以"肯食和容易食"為原則, 通常以蕃茄, 蛋, 魚柳, 茄汁豆為材料, 試過一兩次煮有味飯, 亦試過一次係新竹米粉. 每次返來飯盒都清晒, 我自稱有食, 但是否真的食清光就不得而知. 下午miss ngai打電話比媽媽, 話我今日突然笑騎騎, 從後拉扯佢的衣服, miss ngai莫名其妙, 以為我有事揾佢, 但後來證實我無特別事, 只係想同佢玩下, 就好似在家同爸爸媽媽拉拉扯扯一樣, 原來助教老師ms wu之前亦被我拉扯過! 學校唔同屋企, miss ngai就解釋比我聽咁做係唔啱. 另外坐我隔離的同學德鏘, 同我好好朋友, 佢每朝早都攞定一盤玩具放在我的位, 特我返來玩! 我地經常一齊玩玩具, 有時會開心到一齊大叫,當然亦有爭執的時候.
我有annual pass了!
金巴倫每星期有三次普通話堂, 劉老師上堂又好生鬼, 我的普通話大有進步, 最近以中秋節為主題, 我學識唱普通話的中秋節歌, 又會講"月餅", "月亮", "燈籠", "中秋節"等字詞, 今日仲突然爆出一句"我愛吃月餅", 字正腔圓, 爸爸媽媽拍爛手掌! 其實學曉幾個字詞唔係重要, 最重要係學校可以令我引起普通話學習的興趣, 因為一直以來我對英文特別敏感, 尤其是認讀, 拼音和會話, 我興趣甚濃, 普通話我是很抗拒的, 現在轉到金巴倫之後我改變了, 希望我的普通話越來越進步, 做個兩文三語的叻仔.
遊坪州+國慶煙花
相信係受到劉老師的普通話課影響, 我出奇地愛吃月餅, 最近仲成日唱普通話的中秋應節歌: 一二三四 四個燈籠 (33211 22431) 一二三四 四個月餅 (55433 21231) 爸爸媽媽又學唱, 但媽媽年紀大, 常常將燈籠和月餅的次序調亂, 唱錯了我會糾正:"錯呀, 係燈籠先呀!" 屋企的月餅只有我一個擁躉, 但媽媽唔敢比我食太多, 每次只食八份之一個, 唔洗半分鐘就食晒. 裡面的蛋黃我話係波波, 媽媽話係蛋, 我半信半疑, 都食晒. 月餅又甜又黐牙, 晚上一定要好好清楚牙齒, 我刷牙都好乖, 從不偷懶, 因為我好怕有蟲蟲來揾我, 有時會自我警惕說:"要刷刷刷乾淨牙齒呀, 唔洗揾dentist幫你啦!" 仲有一首好洗好用的"甜甜歌", 我經常唱來提醒自己, 每個小朋友都應該要識唱哦: 甜甜, 甜甜, 甜的食物會壞牙 小心, 小心, 少吃糖果少蛀牙 注意, 注意, 吃完糖果要刷牙 小心, 小心, 我吃糖果, 糖果吃牙! 各位小朋友記住要好好刷牙, 唔好好似我媽咪咁, 最近又要揾dentist整牙, 整左萬幾蚊呢!
最近我起身返學好合作, 肯自動起床刷牙換衫, 仲會去叫醒埋爸爸, 然後快快樂樂上學去, 真是個好寶寶. 正當媽媽以為日日都會咁順利之際, 今日就無咁順利了. 我唔肯著校服, 之前以"我好眼訓呀!" 為理由, 今日竟然聲稱"我唔舒服呀!" "我病左呀!" "我要揾高醫生呀!" "我受傷左呀!(文法不對)" 媽媽覺得很假, 但爸爸很緊張, 馬上進入戒備狀態, 問我頭仔有無痛, 手仔有無痛...最後我話肚仔痛, 樣子甚可憐. 媽媽唔信, 拿出朱古力來, 我馬上兩眼發光, 向媽媽索食, 但媽媽話病人唔可以食朱古力, 只可以食藥, 我寧願放棄朱古力, 堅稱自己要唔舒服, 要睇醫生, 令爸爸更擔心. 但媽媽認為純粹係我想留係屋企玩多陣的技倆, 唔舒服的可信性很低, 近乎零. 最後我大踏步走出家門, 如常快快樂上校車, 上學去, 放學時媽媽問我有無唔舒服, 我話"好舒服", "食左三個餅乾, 同埋飲左橙汁". 媽媽檢查書包, pre-writing的功課已經在堂上做好, 仲填埋顏色, 應該無病. 爸爸的擔心係可以理解的, 因為五月五日我患上腦炎入院, 非常突然, 呢次可怕經歷令大家警覺性提高左好多, 但醫生叫爸爸媽媽又唔洗咁驚弓之鳥, 康復後亦毋須過份保護我, 如常生活, 好好鍛鍊身體即可. 講開又講, 最近因有點敏感症狀, 咳咳地, 去睇高醫生, 我入院前一日, 即五月四日去睇過佢, 當時病徵只有短時間微燒, 在學校嘔左一次和疴左一次, 高醫生知道我因為疱疹一型病毒引發腦炎, 十分驚訝, 因為呢種病毒很普通, 但極少會有咁強侵略性. 又有朋友向專家查詢, 知道此病毒引發腦炎的機會係二萬份之一! 爸爸媽媽在我患病時十分傷心和無助, moon姨姨不停為我禱告, 又叫爸爸媽媽把這重擔交託給神, 神果然有聽, 入院後第四天, 我幾乎好返晒了, 在醫院呱呱叫, 第七日轉出icu, 醫生斷定我己fully recovered, 說我康復得非常好, 十分難得. 腦炎患者尤其是兒童, 一旦抽筋導致腦缺氧, 可以引起非常嚴重的後遺症. 媽媽今日睇福音節目"星火飛騰"(亞視本港台逢星期六 下午5時30分), 今集的主角是媽媽教會的組長的朋友, 該小朋友同我一模一樣, 在三歲半時腦炎入院, 也是在瑪嘉烈醫院, 但他病發時抽筋了50分鐘, 令90%腦細胞死亡, 本來已經識講說話的佢, 在icu同媽媽講了最後一句說話:"媽咪, 唔好留低我o係醫院, 我要走呀." 然後佢就失語了, 從此唔再識講說話. 本來精靈活潑的男童, 變了嚴重智障. 相比之下, 天父對我家的恩典是很多很多, 媽媽在我病後剛剛三個月, 即八月五日, 在播道會恩福堂決志信主, 現正接受信仰栽培訓練, 同時參加了媽媽團契, 逢星期三早上和一眾師奶聚會, 講教仔, 讀聖經. 我就參加了兒童主日學, 爸爸就 乜都無參加, 暫時唔會返教會, 佢負責帶我返主日學, 和在媽媽返教會時幫手湊我. "人生在世必遇患難, 如同火星飛騰, 至於我, 我必仰望神, 把我的事情託付祂. (約伯記5:7-8)"
送月餅
家長日
食buffet
學校舉行中秋花燈設計比賽, 我地當然要參加, 所謂親子比賽, 通常係爸爸媽媽做多多, 小朋友做少少. 今年媽媽用環保物料做左一隻大肥豬, 豬殼和上色都是由媽媽包辦, 我負責將剪貼圖案一個個貼上肥豬身上, 色彩鮮艷, 效果出奇地好, 大家覺得呢隻大肥豬得唔得意呢? 我忍唔住要比d野佢食, 仲要錫啖佢呀! 因為我仲係好細個, 只能夠參與好少部份, 但如果有人問我隻肥豬燈籠係邊個做架? 我會毫不猶豫答佢:"係昭駿做架!" 我真係有份做架, 不過主要係媽媽做的, 爸爸無份.
返左三次兒童主日學, 我正式成為恩福堂的學生了, 感謝天父. 兒童主日學學位有限, 唔係想返就有得返, 九月開課後要連續返三次, 先可以正式報名申請, 先到先得. 我地屋企同教會只有兩街之隔, 地理環境佔優, 但眾所周知恩福堂人多勢眾, 會友過萬, 逢主日勢必逼爆荔枝角, 媽媽為幫我爭取一個主日學學位, 十分緊張, 住得近亦不敢怠慢, 半小時前出發到教會, 爸爸亦表現得積極進取, 在如同維園花市般擠擁的教會大堂準時將我帶到六樓兒童部, 並成功登記! 主日學放學後我會返屋企食飯, 飯後通常有得游水, 今日仲約埋洭龍哥哥一齊去玩, 媽媽在天橋上偷睇我游水, 見我攬住水泡已經可以踢水前進, 想去邊就去邊, 可能好快就可以正式學游水嘞!
青蛙糖