facebook pixel code

粟米媽

粟米媽

他的寶貝

370貼文
0話題
0關注他

日期

#Tag

  1. 網誌
  2. 粟米的成長
網誌區塊

影相 - at studio

2015年08月04日
公開
24

有日無聊地上網見到AT STUDIO 有得 500蚊可以影韓國風!!之前其實都有留意過下,但係見太貴就無諗過影!! 突然見話限100名(雖然我覺得係假既),咁都SEND EMAIL去報名啦!!! 結果收到EMAIL話恭喜,咁快就收到EMAIL,即係唔多人影囉!!又或者係手法其中之一掛!! 原本都無理佢,因為當我發現原來我報名時係過期個陣,我就無理到封EMAIL!! 點知幾日後又有人WHATSAPP我,話叫我兩日內過數,唔係既話作廢!! 咁即係有得影囉!!咁最後一刻過數!!BOOK左今日影相!! 影相內容: Memory 韓式親子BB攝影優惠套餐 $500: - 4位家庭成員 - 1小時拍攝時間 - 1個韓式佈景+1個白色背景 - 每位自備服裝配飾2款 - 彩色相片拍攝多款，選6款 - 8” x 10” UV連韓風原木架1張 - CD 1 張(奉回JPG File 6款#) - #小朋友相以自然簡單為主, 此套餐不包括執相 其實我只係想影粟米,職員叫我帶多幾套衫!!又話帶親子裝!!我都有準備定,但係唔想影囉其實!! ************************************** BOOK左今日影,咁就去STUDIO啦,先坐低講返我個PACKAGE有D乜鬼野!!之後再問我會唔會考慮UPGRADE!!俾我睇個4個PLAN,其實咪又係我之前問過既PLAN!!我完全無UPGRADE既意思!! 之後就開始影啦,一來就影白背景,無啦啦又俾粟米拎住個波,結果粟米掛住玩波唔理攝影師!!又叫我加入埋,其實我都真係覺得有D唔知點咁!!都唔知攝影師係想影親子定唔親子!!咁如果影親子咁我又未幫粟米換衫喎!!結果都係無理到!! 影完就去影韓式背景,粟米周圍走,無時停,不過唔喊都算係咁啦!!哥哥又要拎車仔俾佢玩先叫做坐到一陣!!! 影晒之後,又約期揀相!! 其實我都唔明,唔會執相咁點解唔可以即刻揀埋又要約第日呢??

第二次迪士尼

2015年05月19日
公開
16

因為姨姨既關係,所以我地一家陪佢同男友去迪士尼!!今日天氣就麻麻,出發前明明無雨,點知去到勁大雨,都好彩有大雨時都有停下!! 今次粟米大左D,識行識走,比之前好好多!!無之前咁驚!! 睇史迪仔,佢可能都鍾意睇,佢會跟住人地笑,會SAY HI,唔捨得史迪仔走!!我同佢講史迪仔坐飛船要走啦,佢話唔好,不斷都係唔好,直到無晒畫面先講拜拜!! 小小世界既船佢有坐,有少少驚,我抱住坐!!不過就無之前咁一見黑就喊!! 3D電影俾佢睇,開頭唔肯戴眼鏡,會除落黎,之後開始左先戴就好留心,直到臨尾唐老鴨跌就驚要粟米爸抱!! 維妮熊佢都唔知睇乜咁就出返黎,都無咩感覺!! 迷離壯園,我都係第一次玩,上兩次都玩唔到!!今次終於玩到啦!!粟米仔又唔驚喎,可能我同粟米爸都夾住佢,佢有安全感,所以唔驚啦!!我就全程同佢講MONKEY曳曳亂禁!!佢出返黎個陣,見到呢隻馬騮就話佢曳曳!!哈哈!! 睇米奇真人SHOW,粟米算係最用神,勁留心睇!!佢好似好鍾意睇咁!! 最大收獲係有勁多貼紙!!仲要有姨姨幫手乞,乞左好多張返黎,無錯係乞,因為有D工作人員好友善,有一位仲俾左好多張唔同款既貼紙粟米,有D就好似我地好貪心咁,我真心覺得似乞衣問人拎貼紙!! 粟米就好開心有咁多張貼紙,仲當寶添喎,第日起身都喊話無晒,仲未返到現實世界哈哈!!拎返貼紙俾佢就笑!! 原本都諗好唔好買年票,不過粟米都好似唔係話特別鍾意,都係遲D先算!!呵呵!!

打針(健)

2015年05月18日
公開
22

又到左歲半,即係又係時候要去健康院打針!! 今次粟米爸無一齊去,得我同粟米出發!! 一早起身,沖奶俾粟米,飲完奶既佢都有D眼瞓,不過都聽話,同粟米爸講拜拜先出門口!! 去到見有早就去麥記食個早餐先,叫左個熱香餅+豬聊餐,個收銀令我好奧惱,佢問我要朱古力醬定係士多啤梨醬,我問佢咁之前個隻醬無啦??佢竟然話我"係呀,之前無架",我望下個水牌,見到原味醬依家要叫"熱香餅醬"!!睇黎佢誤會左我既問題!! 之後搵位坐,搭左個阿婆檯,個阿婆話粟米乖,我話佢曳你唔知啫,佢話佢幫人湊過好多過小朋友,所以佢算乖,仲話係我教得好!! 食完就去健康院拎籌,雖然唔算多人,不過都等耐左少少!! 先去磅重,歲半磅重要企上磅,粟米好乖咁企上去,之後姑娘話OK啦可以落返黎,粟米落返地個陣,姑娘竟然話"咦,佢咁叻既竟然識聽,仲自己落地" (唔係正常既咩??) 粟米同姑娘講拜拜先走出2號房!! 同場都有同粟米同年同月同日既妹妹仔,佢阿媽聽到粟米識講"唔該"係到讚話叻,仲話自己個女只係識講"多謝"!!我就覺得其實唔太大問題啦,唔洗咁都讚呀?? 同年紀既有三個女仔,得粟米一個男仔,但係唔知點解...粟米竟然係最多嘴!!打破女仔先會咁多野講既傳聞!! 聽到咪被叫去15號房,行到去見姑娘見緊一個家庭,再行入去先係我地要見既姑娘! 姑娘都係問返近況!! 姑:邊個湊 我:我自己湊 姑:幾奶幾固 我:2奶2固 姑:依家要測試下小朋友識唔識疊積金(拎左三粒唔同色既正方形) 姑娘疊一次,之後叫粟米疊一次,呢個時候我覺得粟米係扮乖!!懶乖咁疊好三粒積木!! 姑:佢行得好唔好? 我:行得好 姑:佢依家識叫D咩人,唔洗你教佢跟,就咁見人會叫既識叫咩人? 我:好多喎....DADDY,MAMA,爺爺,麻麻,公公,婆婆,姨姨,姐姐,弟弟,妹妹,哥哥,伯伯...ETC 姑:咁即係佢都講到超過十個字喎,好好喎,咁佢識講D咩食物名? 我:都好多喎 姑:例如呢? 奶奶?飽飽?餅餅? 我: 奶奶,飽飽,餅餅,雪糕,蛋糕,薯片,薯條...ETC 姑:都好叻喎 (間中粟米都會叫姑娘一齊玩疊個三粒既積木) 姑:咁佢依家食飯,通粉,上海麵個D未? 我:佢食飯啦,通粉都食,上海麵就無試過俾(因為我都唔食上海麵) 姑:有冇俾芝士佢食? 我:佢唔食喎,佢吐返出黎 姑:唔得架,要俾多D佢食下,俾D通粉呀!!依家要開始2奶3固啦!! 我:2奶?即係早餐都飲? 姑:係呀,如果佢肯食芝士,咁奶既份量可以減少D! 我:哦... 姑:佢識用杯飲水未? 我:有俾過佢試,不過未識 姑:即係俾佢試,佢倒到成身都係 我:係呀!! 姑:你俾多D佢試,佢可以飲全脂奶架啦 我:即係屋形個D?? 姑:係呀,你可以俾佢試!佢識得用匙羹未? 我:有俾佢試,但係未係好識畢! 姑:俾佢試多D啦!!平時俾d咩玩具佢玩呀? 我:積木呀,車仔呀,個d囉! 姑:咁音樂個d呢? 我:都有 姑:咁有冇俾佢玩煮飯仔? 我:無喎 姑:咁你買d煮飯仔既玩具俾佢玩下啦! 我:有時去fd屋企有玩過喎! 姑:唔好去fd到玩啦,去買一set俾佢玩下啦!! (....點解...要我買玩具.....?!) 姑:我地睇返佢個成長發展,咁佢都係keep到係正常既範圍,好好呀!咁我地今日都要打針既!! 我心諗:唔係又要我記晒咁多隻疫苗名呀又? 姑:姑娘都會循例問下你今日打咩針,你話要打4合一就得架啦 我:哦,四合一(好彩唔洗記晒入面d名) 姑:咁你睇下張紙既情況啦,我都開定d退燒藥俾你,到時有燒就食,無燒唔洗食,打完針就拎住呢張紙去拎藥!!如果無咩特別事,要4歲先再返黎健康院架啦,到時返黎check視力,今日就唔洗book期架啦,去到差不多就4歲先打黎book期啦!!打針個到要小學先再跟學校安排架啦!!中間有咩問題都可以打黎返問姑娘架!! 我:哦! 係我同姑娘傾計期間,粟米懶乖咁玩個三粒積木,仲有時會叫姑娘疊,姑娘竟然讚佢乖會慢慢疊,我話粟米係人面前扮野啫,平時屋企掉硬啦!! 姑娘仲講笑話佢識扮野好過佢唔識扮丫!!可能係掛...哈!希望第時返學唔好俾人投訴哈哈!! 出到去等叫名打針,今次竟然係去4號房打針bor!!今次打針唔再係大脾啦,姑娘話依家大個左要打手臂!!要學告示張圖咁禁住粟米!!姑娘問我打咩針,我答4合1,之後姑娘就俾佢手上枝野同個圖片俾我對岩唔岩,岩就打得!!好快姑娘就幫粟米打針,清醒既粟米都仲未知咩事,只係望住姑娘吉自己,無喊到喎又,但係有想縮手,當粟米開始想縮姑娘都已經打完了!!好快就走得!!仲同姑娘講"拜拜"添!!又幾勁喎,今次喊都無喊過!! 姑娘叫我出面坐15分鐘,如果無事就可以走得,今日唔洗book期!! 當然我就唔會乖乖地坐啦,梗係走落去拎藥啦,因為等拎藥都有d時間!! 叫粟米俾張紙窗口位個姑娘,之後拎返張籌,57號籌依家先叫到36,真係有排等!! ************************************************ 粟米真係無時停,個嘴不停講 one two three four!!頭先上面見到counter上面既窗號,就已經不停講 one two three four,竟然講到three,平時佢只會one two four!今日竟然three都識!! 到等拎藥佢又見到d凳有number,佢又黎one two three four ten nine,見到乜number就叫乜,雖然都未係叫得晒,但係好勁!!因為...我真係無教佢,佢都係睇youtube學返黎!! *********************************** 到左夜晚,粟米都有DD發燒,38.5度,餵藥佢食!!唔知係咪真係咁鬼生性!!今日竟然唔洗禁佢手禁佢面強餵!!竟然可以乖乖地俾個口我唧!!因為健康院俾個枝針筒太粗啦,都隊唔入藥水樽既!!唯有用之前睇醫生俾個枝針筒啦!!細枝D就要吸兩次!! 開頭唧一半入佢個口,佢就勁抗拒,我地話你乖乖地食完就俾星星餅你啦,你發燒熱熱要食藥藥架,結果佢又肯俾我再唧埋入佢口喎,唧左4次,真係咁耐以黎最爽,唔洗夾硬餵藥都係第一次!!希望佢之後都乖乖地咁樣食藥啦哈哈!!

影相 - MY BABY FACE

2015年05月16日
公開
35

因為粟米慢慢都大個了,影相呢D野又唔洗咁密,因為都無咩變化!! 今日歲半影返輯啦!!^^ BOOK左2點影,我地1:45就到左!!等下啦!! 姐姐拎部IPAD俾我地揀造型!!我揀左廚師,壽司師父同賽車手!!仲有揀影家庭相既背景!! 仲諗住會同上次影婚紗相唔同攝影師,點知都係同一個影,希望佢影得好啦!! 入到去先影家庭相!!估唔到粟米咁勁,今次好好笑容喎,明明黎之前係車到瞓著左!!仲驚佢會扭計!!點知佢好合作!!果然歲半係唔同D!! 之後影賽車手,有兩套色既衫揀,一套紅色,一套黃色!俾粟米自己襯睇下鍾意邊件,結果揀左紅色!!有架真既大玩車做道具,唔知係咪因為咁所以佢特別開心!!仲有D奸笑添!! 到影廚師相,又有兩套衫揀,不過其實都無咩特別,兩套衫都唔係白色囉,只係一套有紅色中,一套無,結果我揀左有紅色巾個套俾佢!! 睇住姐姐排道具,我諗我真係諗多左,可能之前貴個間D道具太靚,變左呢間既景差得遠!!仲要粟米坐地下影,有DD覺得似乞衣多D哈哈!!不過佢都仲OK,可能掛住玩啦,同埋屋企無呢D玩具哈哈!! 最後影埋壽司師父,有三件衫揀 - 紅/藍/黑, 由於賽車著過紅色,藍色我又覺麻麻,所以揀黑色俾佢!! 又係坐地下影,真係覺得有D粗魯乞衣FEEL!!影到最後,耐性當然減左啦,要出動零食,要佢乖乖地坐真係有D難!!成日走來走去!!我都登攝影師難影!! 好彩都叫順利影晒咁多造型!!之後出去坐陣,等睇相!! 今次影既相都唔錯,起碼好多佢都係笑既,仲買晒所有相添!!即時可以拎CD走!!^^ 就係咁影左一輯歲半啦,下次2歲先會再搵間野影下!!到時希望可以既話加埋爺爺麻麻一齊影啦!!(如果搵到平既話)

影相-5週年紀念

2014年12月20日
公開
29

2014年最後一輯相!!紀念一下!!今年是我跟粟米爸的第5個結婚週年,時間真得過得很快!!轉眼又結婚5年了!! 早上10:30到STUDIO,因為我要化妝SET頭!!化妝期間,粟米爸跟粟米玩玩具!! 粟米都有衫要換,不過就不太合身,腰帶多次鬆下! 可能時間太長,粟米開始扭計,攝影師好想盡量影些相,可惜小朋友耐力真的是很有限度!! 直到粟米喊不停,原來已經1點了!!又眼瞓又肚餓當然喊不停了!! 唯有向攝影師說不拍了,小朋友捱不到太長時間!!攝影師好像有點失望!! 但在我角度會覺得這位攝影師掌握時間掌握得不太好,他應該知道小朋友忍耐力很短的! 換回自己衫,等攝影師執好相揀相,但因為粟米肚餓,女職員提議可以先到外面吃飯再回來揀相!! 太好了,其實我和粟米爸都肚餓,隨便在kfc吃完再返回studio!! 揀相真的揀不到太多靚相,因為自己很肥,總覺得好多都拍得不好!!原本預備好加相的錢都可以慳回!! 揀了18張相後,攝影師給我們看一個短片,是他把某些相製作成短片,看完後沒什麼感覺,買當然要錢,但這些短片說真的自己也可以弄,我要的是相片!! 揀完相付完尾數就等一個月後收相! 老實說,這位攝影師看得出很努力幫我影,無錯是幫我影,再來就是我和粟米爸的合照,粟米的其實不太多!!其實他應該先幫粟米影多些,而不是幫大人影那麼多,小朋友耐性有限,而且我來是拍家庭婚紗照,不是個人婚紗或者婚紗照!! 不過怎樣也好,只是一個紀念!!^^ 5 週年快樂!!

進入學步階段了

2014年12月11日
公開
33

自從一歲之後,佢講野多左(火星話),而且由要拖實兩隻手行變成自己學行,真係成長得好快!! 當然粟米都係要有野引佢先會行一兩步啦!! 我知我係懶媽媽,唔係成日記低佢成長既過程,講野,轉身,爬行...等等,都唔會特登mark邊日學識,都係大約記一記!! 不過今日真係要記低一下!! 粟米之前有野食引佢,佢都只可以行一兩步!!之後帶佢去朋友屋企,見到人地個女識行,咁岩又係有野食,佢竟然學人行幾步黎拎野食!! 當然之後就係有陣時有野食,佢就會行幾步等你打賞下佢!! 亦都有試過姑媽疊好個玩具,佢無啦啦企身行去推跌d野!! 今日要mark係因為估唔到粟米咁鬼搞野!! 我食緊桃哈多,粟米見到想食,佢當然係用兩隻腳一步一步咁行過黎等你讚同打賞啦,但係我估唔到,我俾左一粒佢食之後,佢竟然係行返去起點,再由起點行返去我到,都係為左拎多一粒桃哈多!! 來來回回幾次,佢究竟係叻丫定係奸呢下 ? 點都好,佢今晚竟然行到咁多步好神奇呀!!睇黎學行車都係時候要拎去送俾人或者二手放左佢了!! ***************************************************** 大個仔既粟米依家除左唔知幾時學識既點頭,變成又唔知幾時學識左擰頭!!哈哈!! 等我mark返少少佢既成長低能事!! 1) 問粟米凍唔凍? 回: (擰頭) 2) 問粟米要唔要餅餅? 回: (點頭) 3) 問佢曳唔曳? 回: (點頭) 4) 問佢乖唔乖? 回: (點頭) 5) 問佢要唔要媽媽? 回: (點頭) 6) 問佢要唔要daddy? 回: (點頭) ****************************** 粟米識講既野 禁 (音為:更) 通常有麵包時:我要我要/我又要/我都要 WOOD DO WOOD DO (仲未知佢想講乜,有估係咪烏冬又或者污糟) D D DUCK (只講過一次) 搞笑 (只講過一次) 拜拜 (唔係成日講) ********************************* 沖涼時試過對住隻BEARBEAR形狀既海綿,講一大堆火星話....

打針(健)

2014年11月17日
公開
23

一歲了,又到左去健康院報到既時候!! 唔知係我諗多左丫定係咩呢... 我以為會度高,原來無,只係磅重!!8.63kg!咁又著返衫了!!真係快...!!仲想信粟米仔有幾高添,結果...都係唔知!! 返出去一陣好快就叫去17號房見姑娘!! 姑娘問返粟米仔既情況,例如: 幾多餐(兩奶兩固) 識唔識用手指拎野食(識) 識唔識行(未識,拖住就得) 識唔識用手指想要既野(唔識用手指不過都會用手指示佢想要乜) 仲有好多唔記得既問題!!姑娘就mark返係資料到!! 之後就俾個碗,入面裝著左三粒積木,叫粟米仔拎出黎玩!! 係姑娘問我野既期間,粟米仔不斷都點頭,懶係識聽咁,仲扮乖竟然做一d屋企唔會做既野,平時一拎到積木就一定掉地,佢竟然拎出黎之後放入碗到!!多麼神奇呀!!(唔通咁細就識得扮乖?) 跟住姑娘就講返今日要打個d針,由於政府有得打水痘針,所以粟米要打三針,姑娘仲俾左本餵食指南我返去睇!! 又返出去唔洗一陣又去1號房打針!! 我以為大左既粟米會喊到拆天啦!!當姑娘打第一針個陣,佢竟然無咸,係姑娘拔針先喊,之後打第二針,好快手打完就到第三針,粟米都反應唔切,到第三針先喊!!都係喊兩分鐘到就收聲,估唔到咁叻仔喎!! 見到隔離個B喊左好耐,佢仲要係打先過粟米,咁樣比較又好似粟米仔好叻咁!! 之後去拎退燒藥,今次個枝好大枝!!!又聽聞今次個D針比次前強,好多BB都發燒!!希望粟米仔無野啦!!! 下一次返健康院已經係歲半了!! *********************************************** 返到屋企都未有事,到左5點,發現佢有D發燒,岩岩38.1度,就俾D退熱貼佢,仲餵佢食一次藥!夜晚都無再發燒了!!叻仔!!

影相 - Andrea Ho Photography

2014年11月15日
公開
528

1歲了,即係話係時候幫粟米每月一輯相都去到尾聲了(舒一口氣)!! 今次book左間貴少少既影(不過都真係無諗過咁貴),留返一個最美既回憶!! book左2點半,我地2點就去到,上到去個門口竟然唔係寫我book個間既名,而係成日雜誌見到而又好貴既 - vitapixel 我問開門個肥妹小姐點解唔同名既?(當然我都驚搵錯地方),但係佢只係答我..."你入左黎,除鞋坐低等一陣先啦"!!咁就完全無答我問題....一.一" 期間都係不斷有人影緊相!!差不多2點半就到我地!!有職員叫我寫粟米個名俾佢,之後就俾套廚師衫粟米換,話用黎影熱身相用!! 姐姐仔話熱身相係等bb熟習下,d相係唔會包入套餐相入面,但係都有得揀既,到時影完再講返個套餐俾我地聽!! 的確第一次見粟米廚師造型係幾搞笑,戴帽先係最難既事,因為唔洗1秒佢就會除返落黎!! 影完所謂既熱身相,就轉去影家庭相了!!粟米大左真係好難控制,完全唔聽人講,俾波波佢同你掉,再稅爬去執!! 影完家庭相,就去影蛋糕相了,俾左一條吊帶+短褲俾粟米換!!開頭影左一d相先,之後再拎個蛋糕俾粟米玩!!最後...蛋糕全毀,比起上一次既蛋糕相呢次真係粗魯左!!仲要蛋糕跌埋落地,個牌都同你拆埋!! 影完成身都係cream又要抹身再換令一套!!又轉另一個星星背景!! 前前後後夾埋都影左成2個鐘咁濟,轉景耐,其實小朋友耐性有限,仲要係咁細,再見到出面得幾個月大既bb影相,間中就聽到佢既喊聲,我聽到都覺得好慘!! 2個鐘對bb黎講真係太長!!! 影呢輯相發現,粟米不知不覺學左好多野,而呢d野係有d阻住佢乖乖地影相!! 例如: 1) 車仔 - 粟米爸早排先教識佢推車車,攝影姐姐俾架車佢,佢就收左唔係乖乖地拎上手玩,而係推架車,之後爬去執,無法坐定定!! 2)星星 - 屋企鋪地既墊係星星puzzle,d星星可以拆既,粟米成日都拎去拆,當然影相...姐姐換背景換左做星星,粟米影相個陣當然就同你撕走d星星啦!!! 我同粟米爸都覺得太好笑,因為不知不覺教識左粟米呢d野,原來對影相有影響哈哈!! 唯一無影響既就係一座玩具鋼琴,因為未玩過,所以都會乖乖地同你玩一陣,仲好開心咁彈,之後yeah!!真係俾佢笑死!! 影完換返自己衫,姐姐仔又無叫我地係房等,咁換完衫自然就出返去啦,點知...出面人多,又俾姐姐仔叫返入房坐陣先!! 其實間房有d焗,唔知係咪d人認為bb唔應該開冷氣咁大掛...搞到我同粟米爸都好焗,我都呻左兩次鼻!! 好啦到有得睇相,又出返去,一黎姐姐就俾d熱身相我地睇,d相好得意,因為廚師造型未見過掛,但係聽埋姐姐仔講既野...即刻嚇親!! 熱身相 因為無係package入面,要每張買,佢地會幫我地做成poster(約A2 SIZE), 做左COATING防曬防花(咁似WEDDING個D....),一張呢就 1300蚊, 大少少既SIZE呢就 1700, 另一張打橫呢就 2200!! 雖然係好可愛好靚,不過價錢太嚇人了!!記在腦海得了!! 之後就播片俾我地睇,係今日影既相GROUP埋!! 姐姐仔又講,本身PACKAGE包 12張相,如果要晒既話加 2200!! 當然熱身相就算加左 2200都唔會包入去!! 仲有D EFFECT 相!!又唔知幾多錢!!(已無心機聽) 最後我決定加 2200要埋其餘65張相就算了!! 2星期後就寄DVD黎!! 粟米爸話好痛!!一歲,就當係生日禮物啦!!! *講真,如果一早知係....VITAPIXEL同一間,我真係未必會JOIN,因為一早知呢間係貴! 不過好彩粟米今日狀態OK,玩到兩粒鐘都唔發脾氣扭眼訓!!又有戴到帽影相都算係咁!!!

影相 -QNCY

2014年10月16日
公開
20

又影相啦，其實都諗左一排影唔影，因為呢間係見美贊臣本優惠書話有得免費影，有6張4R送返，最終我都係影埋佢！ book左12：00，原本諗住可以準時去到，點知落街禁錢先發現...張提款卡壞左，拿拿聲走去銀行搞啦，順便拎埋錢，我真係無公係身架，係你最趕時間個陣，唔知點解總會遇到蠢人，又問我有有提款機收據，頂你咩，我一入卡佢就叫我同銀行聯絡，點樣有收據啊，佢都仲要問係咪無收據出，我真係好想打醒佢，佢幫我搞換提款卡，搞完問我仲有冇咩幫到我，我好嬲咁講"我咪講左我要拎錢囉，唔係點知張卡壞左"，頂佢，我一埋去同佢講左兩樣野，我講"我張提款卡用唔到同埋我要拎錢"，佢只係記住幫我搞張卡，佢個腦有無咁細啊！ 一般黎講佢應該問我張提款卡壞左，要4個工作天，依家需唔需要提款？，但係佢竟然問仲有咩幫到我，真係暈低。再講我同佢講，我要提款2500，佢竟然聽到1500！如果唔係的趕住走，我應該會鬧爆佢！點解咁後生做野咁樣！？ 因為遲到咁濟，所以選擇搭的士過去，攝影公司都打左黎，我都同佢地講要遲20分鐘！ 間野係諾士佛臺，去到studio其實好細！有兩個男人係到，一個攝影師一個助手！ 影左4套衫，當然係自備啦，場景不變，白背景！ 粟米依家爬得好快，真係好難影，要佢坐定定真係好難！要佢笑就更加難！佢戒心比之前高！ 影完又要幾過時間揀相，揀左11月6號4點，揀相原來仲要去另一層！真複雜！ 影完就順便行陣美麗華先搭車走！

做實驗

2014年09月27日
公開
19

好早之前,朋友SEND左條LINK俾我,叫"香港大學小小科學家計劃",無聊地登記左!! 不過就話: [親愛的家長： 感謝您對香港大學小小科學家計劃的支持。我們已保存您的資料，當BB到達合適年齡時會與您聯繫，以解釋研究詳情和安排約會時間。如有任何查詢或更改資料，歡迎隨時電郵給我們。謝謝！ 香港大學心理學系] 點知有日收到EMAIL話叫我參加"香港大學心理學系BB知覺學習能力實驗"!! 其實唔太知係搞乜,原本21號既,但係唔得閒啦,因為要影相,就改左27號!! 要去到香港大學覺得有D遠囉!! 食完飯搭車去香港大學,去到有D難搵,因為真係好大,正行到門口時,收到電話,係負責呢個實驗既打黎!!咁岩我地都已經到左門口!!粟米爸話好明顯佢係好驚人放飛機!! 其實呢個測驗係想測試一下BB對一D重覆既影象有咩反應!! 俾條片粟米睇,要睇三條片!!由我抱住!!見到個MON係有粟米對眼既白點!! 第1條片-粟米好留心睇,第2條-開始會發聲,第3條-已經唔想睇係到扭計!! 其實D片都係大同小異,第1條係D點點,第2條係人樣,第3條係動物相!! 粟米爸話好明顯係佢地做論文既PROJECT,同埋條片做得好失敗,一公仔又一D都唔吸引,好明顯佢地對BB唔太了解!! 做完實驗,原來有60蚊酬勞,仲有舊玩具送(12蚊店既BB玩具哈哈)!! 雖然覺得山長水遠去到俾人做實驗有D無聊,不過都有得著,就係覺得粟米有D似粟米爸爸,當重覆太多次就無興趣再睇!!哈哈!!