facebook pixel code

粟米媽

粟米媽

他的寶貝

370貼文
0話題
0關注他

日期

#Tag

  1. 網誌
  2. 粟米的成長
網誌區塊

註冊日

2016年01月14日
公開
29

終於到左註冊日,諗來諗去,問來問去,結果都係要我自己諗!! 早幾日打去問過會唔會有校車,聽電話個位話都有7-8位打過俾佢問過,但係荃灣線依家仲未知人數(原來我呢到算係荃灣線),所以都唔知夠唔夠人開!!叫我照填左回條先,集合多D人先有機會開呢條LINE!! 如果無校車確係辛苦D,中間時間可能走來走去都唔定!! 即係話註冊既話,要預返下午校同無校車搭!! 最後決定都係諗簡單D,最初都係想粟米讀返自己小時讀過個間!!無校車唯有自己辛苦D同安排好D啦!! ************************************************************** 由於想轉上午班,昨日都打定轉上午班既申請書,今早一早去註冊,註冊時間係8:15-12:00,我去到時都8:25,原來由出門口到搭車到行去學校,只係用左30分鐘!!咁其實都好快啫,唔塞車既話!! 去到都係跟指示排,第一日註冊人又唔算多,係細門入,等老師帶上校務處!!上到去有仲有兩位註冊緊!! 夾埋我三個人去坐係到等,老師先講解註冊事宜,註冊左都好,如果註冊完,但係4月30號後都收唔到書簿費,就唔會留位!! 6月先會通知大家買校服同影學生相,學生相要藍底既!! 講完之後,就等埋位註冊,負責既人有三個,但係幫我註冊個位好懶懶閒囉,要老師問佢得未,先至施施然坐返正,之前仲同隔離傾計同睇隔離既野,好似佢唔洗做咁! 到我坐低左,等佢搞好之後,我問佢幾時會知有冇得轉上午班!!佢高一線地回答我:"嗯,其實就機會近乎0,如果有消息通知既話,會係5-6月通知" 就係咁好快註冊完成,拎收據同通告,咁就走得!! 希望黎緊我可以應付到!!

面試 - 德貞

2015年12月05日
公開
21

終於最後一次既面試,第三次面試唔知點解覺得有D夠了既感覺,快D見完就唔洗煩!!好佩服個D報成 10間甚至聽聞有個報40間既父母!!我真係無咁既心機!! 1點半已經見門口有好多人排隊等緊!!但係校門都未開!!我諗佢地係2點個批!! 粟米爸問我排唔排,我話梗係行陣先啦,又唔係無得見,做咩咁早排,落緊微雨臨病就麻煩! 結果我地2點15先去排,雨都開始大,之前見個條隊突然少人左,原來已經開始入得去!! 係門口俾張接見證老師,老師俾個籌我地,同時同我地講只可以一個家長陪面試,咁我又要擰轉面同返粟米爸講,粟米又走左入去!! 想捉返粟米既同時又唔知點解有個男人同我講"唔該唔該",我好奇地望下佢啦,點知佢原來係探熱,頂!!我仲以為阻到佢行,原來係叫人探熱!! 好彩入到去坐粟米都乖乖地,竟然無好似前面同後面個兩個小朋友咁,一個企凳(摺凳)上面,有個玩電制!!感謝粟米乖乖地坐係到等!! 等到叫我地NUMBER啦,之後俾老師睇完NUMBER,就行上2樓!! 上到2樓係走廊坐係凳仔到等!等緊期間坐隔離個小朋友由扭到狂喊!!不過好彩入到課室佢無喊!!粟米好衰,見到小朋友咁樣喊,佢無啦啦學人喊扮喊!! 有位一口英文既老師埋黎同每位小朋友打招呼,粟米都好開心咁同佢玩,但係呢位老師問佢"WHAT IS YOUR NAME?" 粟米聽唔明,所以傻笑! 老師問我佢咩名,我當然係答中文全名啦!!老師問英文名,我答"NO,DONT HAVE"!!我唔明點解咁細就要改英文名囉!!結果,老師叫粟米做"CHUN YU" 無幾耐呢位英文老師每人派一個牌,每個牌都唔同公仔,一陣要跟返個牌搵位坐既!! 到左要入課室面試,老師太遠講野太細聲了!!淨係聽到帶小朋友入課室除鞋,俾小朋友係中間玩就得!! 結果,我入到課室先搵返同粟米掛住個牌個坐位坐低,老師就叫我幫佢除鞋,俾佢係中間個墊到玩!! 除完鞋叫粟米去玩,點知粟米坐係墊到想除埋襪,老師話唔洗除,咁我就同粟米講"唔洗除啦,你睇其他小朋友都有襪襪架!!你玩玩具啦!!" 墊上面有一堆玩具,有三架車,同一堆海綿質地既積木!!任得小朋友自己拎黎玩!!家長就係側邊陪住,而老師就企係旁邊觀察!! 講真氣氛真係好...怪!!因為好靜,除左粟米會出聲講野,其他小朋友...好靜!!D家長都好靜!! 期間粟米見人地有車玩,佢話佢無車車,我話係呀得三架車車,咁等小朋友玩完先到你玩,你玩住其他先!! 之後,聽到隔離媽媽同個仔講GREEN積木,粟米又好快手咁拎綠色個舊俾佢地喎!!我諗係得粟米會咁多事拎野俾人,其他個D都係自己玩自己既野!! 突然D老師又話夠鐘啦,幫小朋友著返鞋,老師就同佢地傾下計!!所謂既傾計我覺得係無囉,係問問題!! 著好鞋坐係到,老師就拎左幾樣野俾粟米,粟米有D答有D唔答!! 問咩名 - 粟米有答全名,可能太快,老師都望一望張紙先知粟米講咩 一隻膠杯 - 問佢咩黎,粟米唔答但係又拎個杯望下睇下有冇野飲.... 梳 - 我聽唔到粟米答D乜,所以唔知佢有冇答到 之後老師俾左一份野粟米砌, 今次同上次一樣,都係D木既玩具,跟返形狀,唔同既係呢次係車同船, 粟米砌唔到船,出聲講"唔得既",老師叫佢再試下轉下佢,我都叫佢再試下!! 係粟米砌緊個時,老師問我平時邊個湊,我答係我自己湊,老師問我係咪全職,我話係呀!!之後問我點解知道呢間學校,我話我細時讀過囉,老師唔知做咩突然就好驚訝咁講"下?真架?"老師就問我係咪都住係附近,不過我無答到佢,因為呢個時候俾粟米打斷左了!!就係因為粟米唔識砌哈哈!! 當然最終都係砌到,砌完一份,老師又拎一份野出黎,係一張印有 正方形,三角形,圓形同長方形既過膠紙,再加4舊同形狀既積木,唔洗講呢D粟米係好快砌晒啦!! 老師無啦啦又叫粟米埋去,話送野俾佢,問佢呢樣係乜(係一隻叉),但係粟米答左匙羹,老師話呢隻係叉黎,老師叫粟米話俾老師知邊到係眼晴,粟米有D想走人,老師話好啦好啦俾你啦!!咁粟米拎左枝叉之後,我叫佢話俾老師知邊到眼晴,再黎就問鼻,之後就問嘴!! 問完就老師就話咁好啦拜拜啦,你幫我拉返埋張凳啦!!咁粟米有拜拜,我叫佢整返好張凳,其實粟米鬼識咩,點為之整返好張凳!!我叫佢推返埋!! 我其實都唔係好知係仲面試緊呀定係點,因為老師無同我講面試完左,淨係同粟米講左拜拜!!但係當我起身個陣,其他人都仲係IN緊,我突然覺得好似未IN完,問老師係咪走得,老師話係呀走得架啦!!我唯有同老師講拜拜啦!! 但係眼見其他人仲係IN緊,真係覺得感覺好奇怪!究竟係粟米答得太快呀,定係老師求其?? 就係咁就走得了!!落返去地下搵返粟米爸先,出面原來已經落大雨了!!終於面晒所有試!! ******************************************** 呢次面試無之前兩次咁輕鬆,有D嚴肅,唔知係咪傳統舊派幼稚園呢,氣氛無之前個兩間咁好!!亦都係最多人IN既一間!! 面試既老師面無表情,你睇佢個樣似係苦事,好沉悶咁!!同之前個兩間真係好唔同!! 唉,我都唔知究竟要粟米讀返我細時讀過既呢間好丫,定係讀另一間好!! 不過仲有時間諗既,唯有等天安排!!到時收晒結果先再定啦!!反正1月中先註冊!!

2歲既感想

2015年11月16日
公開
28

不知不覺就兩歲,即係佢都陪左我兩年,無錯,係佢陪我,因為自從屋企問題,公司得返我一個好靜好靜,係隻狗未走時,都有隻狗陪,但係隻狗走左,得返既又係我一個!! 一個悶悶的返工悶悶的返屋企,好彩既係公司離屋企好近!!不過有時都會係公司悶到訓左哈哈!! 係呢兩年有粟米既陪伴,唔可以講好辛苦,但係都叫做起碼唔會悶,睇住佢由一歲到兩歲既變化真係差好多!! 由一歲岩岩識行,到佢最近識自己上落樓梯!!由佢學講野,到依家識1-100!!仲有好多歌佢都識唱,認識好多顏色,識講自己個名,爸爸媽媽既名,同埋其他人既名!!開始識同我地應對!!呢一年真係成長得好快!!佢學野都學得好快!!快到有時我都唔知佢幾時學左!! 因為粟米無啦啦就由同鄰居陌生變有好多街坊!!有好有壞!! 有時好懷念初生既佢哈哈,因為佢輕,又唔會搞搞震!!依家會發脾氣添BOR! 對粟米我其實都無咩要求,只係佢健康就好夠,因為佢病既話我好慘,餵佢食藥係多麼麻煩既事!!呢一年都係睇左3次醫生,都算係咁!! 因為我都係要返工,好多時我知粟米想去玩唔想陪我返公司既,但係佢又好乖會幫手,幫手FAX,學碎紙,打單!!哈哈 睇住佢由怕玩滑梯到依家鍾意玩,都幾得意架!!可能係我怕高,見到粟米係上面,我又好擔心,我知我係要放手,好多野我都會俾粟米試,但係滑梯由得佢自己爬我都真係好驚,好驚佢由上面跌落黎,陪佢我又腳軟,但係見其實好多小朋友都識自己上落,我知呢個係我問題!!好彩最後佢都學識某一類既滑梯!!起碼係我覺得安全既!! 出年佢就要返學,希望黎緊佢ENJOY佢唔洗返學開開心心既日子!!!

面試 - 太陽島

2015年11月14日
公開
22

第二間面試既學校,又係無咩特別準備,不過粟米今早起身有少少鬧脾氣!! 去麥記食個早餐,就行去太陽島啦!! 行到去唔算好多人,有一位老師企園內迎接,叫我地行經鐵框路行,但似粟米打斜行,行左遊樂場個邊,結果變左我地都打斜行,行去樓梯到!! 上樓梯時竟然有位老師無啦啦好熱心咁扶粟米行樓梯,粟米爸已經講叫老師可以唔洗扶,但係老師依然扶粟米行到頂!!真係有咁緊張咩??老師太熱心啦!! 入到門口,見到校長企左係一個位,負責MARK入黎面試既人!!校長見到我地入到去,佢就大聲問:"係咪面試?" 我答"係呀" 校長問:"小朋友咩名?" 我邊行去校長個到邊答"盧晉宇"!! 之後,交返上次漏左交既地址證明副本,校長俾左一張野我,MARK低陪粟米面試既有爸爸同媽媽!!張野一陣要交俾面試既老師!! 因為未到我地,叫我地坐係到玩住玩具先,粟米都好ENJOY玩檯上既玩具---> 砌圖形! 當時都只見到有一位小朋友等緊面試,我以為等齊人先可以GROUP IN,原來估錯左!! 坐係到玩時,我見有小朋友入緊黎,我同粟米講話有小朋友,佢突然走出去同小朋友HELLO!!校長笑住同我講話粟米走左去迎接小朋友!! 見到一位小朋友面完試出黎同校長講拜拜,就到另一位上去班房面試,今日既面試係單對單!! 突然聽到叫盧晉宇,玩得好開心既粟米當然唔願走啦,我地同佢講上面玩第二D玩具,佢先肯走,仲想砌返D野先走,但係老師催促,話唔洗執,有人會幫我地執,上去面試先!! 咁就唯有拉粟米走,上去樓上班房面試!!粟米自己行樓梯上去,老師叫佢拖住我地,但係粟米呢期鍾意自己上落樓梯呢...唉!! 上到去粟米唔識路,當然就拖住老師行入班房啦!!我聽到老師同佢講:"早晨啊,我係韓老師!!!" 佢就講"早晨"!! 老師叫佢講\"早晨,韓老師",粟米都有做到!!老師問佢叫咩名!!今次粟米有答喎!! 我地坐低,粟米坐係我地中間,老師坐對面!! 老師坐低就自己介紹一次,之後就介紹一個公仔(男仔樣)叫豆豆!!叫粟米同豆豆講早晨!! 呢個粟米有做到!! 老師叫佢同豆豆握手,粟米開始坐唔定,仲望到後面有D數字就成日想轉身去後面講數字....唉...!!當然都有做到握手既!! 老師問粟米邊到係鼻,叫佢指豆豆個鼻?? --- 有做到 邊到係咀? --- 指左個鼻 老師問粟米自己個耳仔係邊?? --- 有指岩 邊到眼晴? --- 有指岩 老師問佢隔離個位係邊個(指住粟米爸) --- DADDY 老師問呢個係邊個(指住我) --- 媽媽 老師問咁你叫咩名? --- B豬 (屋企有時我地會叫佢呢個名) 聽到佢咁講,我就話"唉,又係到玩野",老師就話唔緊要,佢之前都有講自己個名既!! 粟米面試期間不斷轉去後面睇數字讀數字....直到另一個考驗,砌圖形!! 老師首先叫佢雙手拎塊玩具出黎,粟米拎左出黎之後就好急不及待咁開始拎起一舊舊既野出黎,俾老師叫停,等老師拎左一塊,話可以先叫佢幫手拎!!老師仲叫我地唔好幫佢,等佢自己做!!(我無打算幫囉哈哈) 拎晒出黎之後,老師叫粟米幫手砌返好,凌型就有亂砌,可能少見啦!!佢當左正方形咁砌!!不過係老師引導之後,佢都砌返岩!!砌完之後,老師問佢顏色,粟米都答到,但係我諗老師唔預粟米係講英文!!! 老師:"你件衫係咩色呀?" 粟米:"RED" 老師:"咁媽媽個袋咩色呀?" 粟米:"BLUE" 老師:"咁呢個呢?(指住公仔上面個塊布) 粟米:"YELLOW" 又黎啦,我都估到啦....老師問我平時教佢係咪用英文,我話唔係,係佢睇片自己學左,有時我都唔知佢幾時學左!! 老師話粟米偏向英文多D喎,咁媽媽你要同佢講多D中文!!(我由頭到尾都無同佢講英文架大佬) 老師要粟米幫手放好玩具,叫佢放返入膠籃!! 粟米都好乖做到!! 老師拎左張野出黎,就同我地講,其實個面試就完左架啦,咁呢到有張野俾你地返去睇,係學校個D註冊費啊書簿費既資料俾我地返去睇,收生既結果就12月頭會寄信通知!!到時如果無收到信就可以打返黎問!! 就係咁完成左面試,走個陣我叫粟米同老師講拜拜,粟米當然係就咁講拜拜,老師要佢講\"拜拜韓老師",講左3次先肯講!! 走時經過,又同校長拜拜!!走返出去見到滑梯又想玩,問左可唔可以玩,老師答話可以,不過岩岩洗過黎叫粟米小心!! 結果粟米爸俾佢玩左一次,我地就走了!! 我以為依家D學校都係GROUP IN添,原來唔係,都仲會有單對單既!! 單對單有單對單既好既,起碼粟米會講自己個名,會專注D雖然條友都係坐唔定!!成日想轉身周圍望!!! 粟米爸就話呢間肯定收粟米!!見佢都唔太多學生面試!!多唔多就唔知了反正我地都睇唔到既!!等消息我就知哈哈!!今早見佢有D鬧脾氣仲以為佢面試會麻煩添,點知又無咩影響到佢BOR!!好彩!! 依家仲有一間未面試,12月先會面試!!唔知到時粟米又會點了!!

面試 - 聖斯德望

2015年11月08日
公開
25

第一次同第一間面試,好期待!!好想知面試係點既!!哈哈!! 9點面試,我地7點45分起床!!去到8點40分!! 張接見證話最好早十分鐘到俾小朋友適應環境!!! 結果...我地竟然係第一個到,去到又唔知邊個門口入,咁岩有個學校既阿嬸問我地係咪面試,我地答係,佢就叫我地禁鐘!! 我禁完,個老師出黎問咩事,問係咪面試,我話係,佢同我講未夠鐘(我夠知啦),叫我地等一陣同埋行去另一個門口等!! 其實我都唔想禁鐘架,阿嬸我禁架咋,做咩講到我好似好急咁,仲有張紙寫早十分鐘,叫人適應環境,我仲以為自己MISS左D乜!! 之後,行去另一個門口時,亦都開始見到有一對夫妻帶個仔行到黎!!就係咁變左第二個排隊等!! 粟米心情,其實佢又真係無咩,我只係同佢講學校有好多小朋友同佢玩,無做過任何傳聞話要教做乜講乜點點點之類!!所以佢仲天真地同小朋友HELLO!!而個位小朋友佢病左!!人地DADDY戴口罩,無錯,係人地DADDY戴口罩,個媽媽同所謂病緊既小朋友都無戴!!! 跟住當然都開始好多人排隊等!!! 到入得,我同粟米講有得入去玩啦!!拖手一齊入去!!!拎出接見證同臨時收據!! 有兩位老師負責收接見證既,仲有一個企係到既老師,嗯...好似有D亂,因為第一位家長交完接見證,拎完正式收據時,左邊個位又問企係到個位係咪要收接見證,而右邊個位拎住我地張接見證係到等左邊個位!!!企係到個位話唔收,左邊個位又話:"接見證喎??唔洗收?? 企係到個位又講: 接見證要收,梗係要收啦!! 之後,到左邊個位拎接見證,幫我搵收據同俾個LABEL我時,又有問題出現!!個LABEL竟然寫錯左粟米個名----> 盧晉守 不過係老師自己發現,係個LABEL到改,等陣再俾過張岩既我,正式收據呢又無寫錯粟米個名架BOR!!真係奇!! 拎完名貼同收據,就行入去搵位坐,見人地都係坐係圓檯,咁我地又坐另一張啦,之後粟米見人地坐前面D凳,佢又走去坐,我問佢想坐邊,佢又坐返過黎!!有一位老師見粟米行來行去,就話其實前面D凳好坐D!!粟米又無啦啦對住老師笑!!我叫佢同老師講早晨,佢就講早晨!! 有個老師拎左個名貼俾我,勁大張,我忍唔住笑左同講"咁大張哈哈",老師話係呀,因為人手寫所以大張D!!都真係好大張下!! 老師話可以係後面拎D書俾小朋友睇!!我地又叫粟米去拎,佢一拎就拎左兩本!!一本講象(教刷牙),一本講豬(無睇)!!咁拎左本象俾佢,講內容佢聽,個頭講完一本書,就聽到叫名入去面試!! 面試形式係小組咁見,一次叫4個小朋友入房(3男1女),父母可以坐側邊!!入到房有兩個老師!! PART 1 : 講故事----> 三隻小肥豬,間中會叫小朋友做D動作同幫主人翁做D野!! 老師手上有隻豬仔手偶,之後講豬仔會起屋,叫小朋友做手勢--->DUMP DUMP DUMP (呢個粟米有跟住做) 講豬仔用磚頭起屋,要小朋友幫手起屋,有一塊塊既扮磚頭既吉盒,要小朋友一舊一舊咁疊起!! (呢野呢...粟米搞事,好開心咁走去等個盒,突然就掉係個地到,之後有個小朋友跟住佢又疊係佢個舊上面,跟住老師講好叻喎我地起左兩間屋喎,不過我地要起呢間先,叫左粟米同另一個小朋友疊返好,好彩粟米都做到,仲拍手叫好野添!!仲唔行返黎!!哈哈,要老師搵豬仔幫手請佢坐低,興奮得濟哈哈!) 講灰狼想試下佢地間屋穩唔穩陣時,粟米見人地本書個張圖,諗都唔諗就大聲講"ROW ROW"!!老師即刻話係呀好似ROW ROW既狼!! 講灰狼點測試豬仔整既屋,又叫小朋友做動作 ----> 呼呼咁吹 (呢個粟米無跟到) 之後,講灰狼吹最後個間屋,吹唔到,仲疊火柴開火爐,要小朋友做動作疊疊疊--->手係權頭 (粟米無跟足,但係有做到疊疊疊既動作!!) 其實粟米唔係太留心個故仔講乜,仲有D坐唔定添!!! ____________________________________________________ PART 2: 小朋友一齊去一張有玩具既檯,叫佢地揀鍾意既玩具,之後老師會去佢地身邊問野睇反應!! 一叫粟米玩玩具,當然即刻飛去啦,咁岩就同個女仔揀既一樣,個女仔有D不滿,我當然有捉住粟米,叫佢俾人玩,但係其實個舊穿珠玩具係有兩個,結果女仔既家長叫佢個女玩隔離個舊!! 對面一個男仔揀左疊凳仔,而另一個男仔我就唔知了無留意!! 老師問粟米叫咩名,粟米無答掛住玩,仲講PURPLE,老師聽左APPLE,我無出聲同老師講佢聽錯,由得佢誤會!!反正IN粟米又唔係IN我!! 之後老師又問下隔離個女仔,個女仔係爸爸既誘導下講自己個名!! 老師問完女仔又問粟米,粟米依家唔答,好專心咁玩,仲同人講顏色(用英文)!!搞到老師問我平時係咪用英文同佢野!!頂!! 我答老師唔係,佢問我點解佢會識,我話佢睇片自己學識左!! 老: 哦哦哦,即係買DVD個D俾佢睇? 我: 唔係呀,係YOUTUBE開俾佢睇咋!! 老: 哦哦哦 老師其實問左好多次粟米咩名,都有問DADDY係邊MAMMY係邊,粟米有答係呢到,DADDY呢到!! 而我亦都有時會望對面老師問小朋友D乜!!嗯...我見到老師集中問對面左邊個位,右邊個位佢好似無乜理到咁!!我見左邊個位小朋友話自己3歲(我諗係上年年尾出世做大B掛),但係見到人地個阿媽好似好驕傲咁款,要個仔講NOSE,MOUTH個D啦!!老師話佢好叻識講咁多野!! 而另一位小朋友真係有D俾人冷落既感覺!!!(事後粟米爸同我講,人係有偏心架,首先個小朋友病,加上人地問極都唔答!!所以就放棄左!!) 睇左一陣對面,突然IN粟米既老師無啦啦又拎左個新玩具俾粟米!!問佢知唔知入面個圖既野係咩!!!粟米有答到一個,但係都係掛住玩啦!! 突然對面老師就話夠鐘,要小朋友執好D玩具,執完有禮物,粟米岩岩先玩當然就唔想走啦,仲講:我要玩呢個!!老師同佢講我地要執好玩具啦,你幫老師執啦!! 我同粟米講我地出去玩滑梯,執好好先!!執完又一枝箭咁標出去,拜拜都未講!!粟米爸捉佢返入黎講同老師講拜拜!!又好快標出去!! 粟米爸幫我拎老師派既野,老師亦都有講11月21號之前會收到通知收唔收,如果收唔到既話 28號之前可以打返黎學校問!! 出到去一大堆小朋友,睇見都暈!!不過有D覺得好彩早IN早到!!因為如果遲少少黎,咁多小朋友係到玩緊滑梯,我怕粟米難控制!!睇住人地玩,自己又要坐定定係好慘既!!又或者玩玩下無啦啦俾人STOP又係好慘既事!!好彩無!! 俾粟米玩左一陣唔係好爬到既滑梯同波波之後,見太多小朋友啦,都係走算啦!!同埋我地未食早餐,好肚餓!! 走時有一位老師負責派禮物,我叫粟米講多謝,老師問佢多謝邊個,叫佢多謝老師,咁粟米都有講多謝老師同拜拜!! 就係咁完成左一個面試!!用既時間我諗都係十五分鐘內! 呢個面試比我地想像中好,起碼無傳說中個D問奇怪問題(即係好深既問題),都係問小朋友,唔係個D問家長多過小朋友既學校!! 而粟米既心情好似當左學校係一個遊樂場咁,有好多小朋友同玩具,仲有滑梯!!咩叫學校,我諗佢都真係唔係好知!!哈哈!! 唔知之後個兩個面試又係咩形式呢?

報名 - 聖斯德望

2015年10月03日
公開
25

昨天掛1號風球,擔心今天報名會否改期!! 一早起床開電視,依然是1號風球,只說中午或之前會掛3號!!見沒有下雨,所以全家出去交報名表!! 9:00 開始交表,我們8:45便到,當時人不多,我們排第三,前面是一個正在努力填表/寫信封地址的媽媽和女兒,排頭位的則是一位男士!! 越接近交表時間人開始多,不過都不是排長龍的那種!! 到交表時間可以進入了,前面那位媽媽跟職員說還沒把照片貼好,職員示意她去填表處慢慢貼!! 就這樣我變成第二位交表的人!!先把表格及有關副本交給門口職員看看!!之後再到交表處順著指示做!!! 入到交表處,又再一次拎資料給職員,之後再去交報名費,拿回收據,將資料交結隔離那位職員,職員把照片貼在接見證及填少少資料!! 職員把粟米名字寫錯了,寫成"盧晉守",當然即時提出,改正後再給我!! 職員跟我說: 請在11月7日 上午9時 帶晉宇來學校玩遊戲,連同接見證及收據 之後,就跟住另一位職員指示離開,途經課室及遊戲地方,職員細心介紹!!粟米以為有得玩,想要落地!!哈哈! 就這樣又報了一間學校!! ****************************************************** 唔知係咪夠名校又或者粟米出生該年閘了雙非的關係,排隊情況未算嚴重!! 就算我地報完名走出門口都唔太覺有人排隊!!但係呢間交表時間得一天,正確講只得3個小時!! 另外,我唔明點解D人臨急填表,呢間學之前有得派表, 9月1日開始有表派同有得上網下載表格,10月3號先交表,成個月時間都無時間填?? 或者真係太多呢D人,連間學校都要整個課室做填表處俾D人填表,唔好阻其他人!! 唔係所有人都有帶小朋友一齊去交表!!雖然交表其實都係無咩特別,但係我覺得帶埋佢地黎都係有個好處!!起碼知個小朋友對住個堆老師或者職員會唔會怕先丫!!佢地黎過起碼都會記得!!對面試都會好D!! 交報名表期間,粟米爸推住粟米,粟米好似知有緊要野做,無扭乖乖地之餘,仲會對住D老師或職員笑!!有人讚佢得意!!粟米都有禮貌地講拜拜!!! 間學校俾我感覺都唔錯!!又見到校長係到監察情況!! 我好無聊,見第一位男士交報名表,我見佢有個FILE架,幾靚架都哈哈!仲諗早知黎拎表啦,咁咪有FILE囉!!(貪心) 不過,見個男人交完表,個FILE一齊俾返佢地,就諗"車,原來會收返",點知走個陣都有份拎俾我地連埋個FILE哈哈!!

幼稚園 - 聖斯德望

2015年09月10日
公開
66

同朋友講起報幼稚園,覺得葵涌好似無咩邊間咁!當然我都係懶啦!!眼見屋企附近有兩間,打算報呢兩間就算!!! 朋友俾左一條LINK我,係一堆可以扣學券既幼稚園葵青區!!! 由於唔想太遠,所以真係唔係好多間揀!!(當然都係個人因素較多) 見到有間係葵芳,叫"聖斯德望天主教幼稚園",而且搭巴士好方便!!好似唔錯喎!! 排名(唔知點計出黎)都比屋企附近既好!! 所以決定報埋呢間!!!下載定表格,填好等交表!! ********************************************** 聖斯德望天主教幼稚園資料: 招收2016-2017年度新生 日期/時段 程序 1/9/2015起 網上下載或親臨本園索取報名表格 星期一至五 9:00-5:00 星期六 9:00-12:00 12/9/2015(六)9:30-12:00 學校簡介會暨開放日，歡迎參觀 3/10/2015(六)9:00-12:00 到本園遞交報名表格及繳交報名費$40 遞交報名表格須同時遞交： 1. 香港出生證明書或其他身份證明書正本及副本 2. 免疫接種記錄副本 3. 相片2張 4. 天主教領洗紙(教友才適用) 5. 住址証明副本(最近三個月) 6. 父母/兄姊現在就讀或本園校友之証明文件正本及副本(如：畢業証書、學生手冊等) 7. 回郵長信封3個 7/11/2015(六) 按接見時間進行面試 21/11/2015前 以專函通知申請結果 14-16/1/2016(四-六) 獲取錄之申請人家長到本園註冊，須遞交 「2016/17學券」並繳交註冊費 如有查詢請往本園校務處或致電：2487 2723 各級插班生之申請，可與本園校務處查詢 **************************************************** 2015/16年 學校收費 全年學費 $33,770，分 10 期，可兌現學券 $22,510，即每期學費約 $1126。 本園乃半日制學校，設有K1、K2、K3三個級別。 上課時間： 上午班 9:00am-12:00nn 下午班 1:30pm-4:30pm 每星期上課五天，星期六不用上課

睇急症

2015年09月08日
公開
37

01:00 無啦啦粟米喊晒口,原來佢喊到一床都係,我地幫佢換衫抹身 期間佢都仲係KEEP住嘔!!見到咁都係打的睇急症啦!! 02:47 去到急症 好彩有帶出世紙,登記完,俾100蚊,之後去分流室到,幫粟米量體重同血壓,量血壓粟米好驚,我要叫佢望下D數字,叫佢試下,佢先定定地俾人夾手指CHECK!!急症室阿姐仲送張貼紙俾佢添!! 之後坐低等,因為粟米無發燒,只係嘔所以係次分流病人,坐低後先發現要等2小時最少!!唉...!! 期間當然粟米都會嘔下,想幫佢兜住佢又話唔好,有時都真係流到落地下!! 04:30 終於有得見醫生啦!! 女醫生黎既,可能俾入面個精神病人(狂叫亂講野)搞到忍唔住笑啦,所以同我講野時都成日笑!! 醫生問粟米咩事 我話佢嘔左好多次 醫生問幾時開始 我話應該1點開始,嘔左都有5次,所以黎睇急症,之後等個陣都仲有嘔!! 醫生望一望粟米笑住講:哎佢訓左!! 呢刻粟米嘔到累訓左了!!不過都照俾醫生聽下個肚!! 醫生問我粟米有冇話俾我知邊到痛,我話有呀!!佢指住個肚囉!! 醫生摸幾摸講話粟米個肚咕嚕咕嚕,再用聽筒聽!! 我話咩係咕嚕咕嚕呢? 佢又笑住答我話 佢唔知係中毒之類,佢應該只係有D菌入左去!!小朋友多數都係嘔返出黎,有時都會肚瀉!! 突然粟米醒左,定格望住醫生,之後就嘔了!!! 我就同醫生講...佢就係嘔呢D啦!! 醫生問:佢有冇飲水 我答: 有呀!!佢話要飲水,所以俾佢飲!! 醫生講佢應該只係有菌,之後都會嘔,多數小朋友都嘔!! 我答: 下...咁咪唔俾得佢上床訓囉,佢KEEP住嘔既話!!會嘔幾耐架?? 醫生又笑住答: 拿,我俾D止嘔藥俾佢塞左先,之後觀察下,嘔既情況一日到啦,嘔到清為止會停架啦!! 我都俾定D止嘔藥你,但係唔建議依賴,因為我地都想佢自己本身嘔清D菌,你唔俾佢嘔D菌係入面就好難好!! 我問:咁...有冇咩唔食得呀?? 醫生: 其實我地又無話建議D咩唔食得,食清淡D啦,水呢你就唔好俾咁多佢飲,十分鐘俾一啖佢飲!!等佢唔好嘔得咁密!!俾D水佢飲啦,可以俾D有味既水佢飲既!!(乜野係有味既水!?) 你落D果汁俾佢飲啦!少少落係水到!! 之後就等安排塞肛!! 塞完又要等半個鐘飲啖水再等叫名,睇下情況!!! 結果5點俾啖水佢飲!!!等叫名入去再見醫生!! 醫生又見到粟米訓左又笑!!(有D唔知佢笑乜) 醫生話粟米都訓左,無咩可以做!!叫我地拎藥返屋企有需要先俾佢食!! 之後去拎藥!!拎藥又問奇怪問題!! 個女人問我地係咪真係確定係9.9KG!!(下?你地個磅磅喎,點會唔肯定???) 我認真地答: 係9.9KG!! 拎完藥就打的返屋企!!!返到屋企5點45!! 幫粟米換過晒D衫!!之後再放佢床訓!!我訓得都06:00!! 訓一陣囉叫,一陣又返公司!!!訓得3粒鐘好過無啦!!

報名 - 太陽島

2015年09月08日
公開
35

收到電話,當然係想快D交資料!! 好彩之前俾定粟米爸拎信封返公司PRINT定回郵地址!!又好彩佢又有帶返黎!!! 放好晒入FILE,今早就可以帶定係身!! 原本驚粟米有咩事,第日先交!!又驚公司野未搞掂!! 一早大陸車打黎,可能我太眼訓,聽唔到!!拿拿聲叫醒粟米快D返公司!! 好彩一早就搞好晒大陸車,收左貨,搞埋速遞,粟米又無再嘔!! 食完午飯就去交表!! 去到間野,其實有D搵唔到,因為佢係屋苑平台,出電梯又唔多覺!! 又驚唔知邊樹入口!!結果都係打去問邊到入口!!原來係落樓梯個入口!!仲話出黎開門俾我添!! 我叫粟米拎住個FOLDER!!先抱佢落去,再搬BB車落去!! 老師開門見到我,我叫佢等等我搬埋BB車先!! 老師見到粟米拎住FOLDER,話佢乖幫媽媽手拎野!!(其實我成日都叫佢幫我拎野.....) 之後入去OFFICE,無諗過OFFICE係咁....細!!兩張寫字檯,一張圓檯!! 入面有個女人,原來係校長! 校長同粟米HELLO,粟米定眼望住佢,校長話:"乜今年D小朋友個個都咁COOL既?" 之後老師叫我地坐低,我就拎D影印本出黎,仲有正本俾佢對!! 期間老師都會同粟米講野!!粟米都會答人!! 老師問張相邊個黎架!? 粟: 盧晉宇 (手指指住) 之後我拎張相俾返老師 老師問張相俾左我得嗎? 粟: 得 老師話好乖喎 粟: 好乖喎 老師叫我對下資料有冇錯!!我乘機問老師,我見上網有分中文班同雙語班係有咩分別?! 老師話雙語班係俾外藉小朋友讀既!!本地香港小朋友讀中文班得架啦,因為除左中文之外,仲會有英文同普通話,雙語班只係教佢地簡單英文同中文!! 我又問老師:咁你地有冇全日班架? 老師話佢地呢間K2先會有,可以幫我留位,到時K1都會問家長會唔會考慮!! 之後老師叫我揀面試時間!!2015年11月14~(星期六) 時間任揀! 我揀左 C組 10:00AM!! 見到張約見面試紙,其實都唔係好多人報左名咋BOR!!十個都唔夠!!(已連埋粟米) BOOK完期,拎返收據就走得啦!!! ********************************** 仲以為我都唔叫早啦,點知見張報名紙又唔多人喎!!可能閘左雙非既關係啦!!暫時呢間都唔覺得話會排長龍!!!起碼一去到就即刻搞,唔洗等哈哈!! 不過可能係因為佢地係呢星期內報名,所以仲未見好多人!! 唔知另外想報個兩間會咩情況呢!!??應該會比太陽島多人掛....!!

幼稚園-德貞

2015年09月01日
公開
81

CHECK完學券,順便都CHECK下心儀學校幾時有得報名!!! 心儀學校其實我都只係得一間,就係我細時讀過既幼稚園德貞!!情意結!! 當然未必一定會讀到,但係都會試下!! 屋企附近既學校都會試,不過就試兩三間就算啦!!反正唔係心儀既學校,邊間都一樣!! 之前都有間中上佢個網站到望,見佢無得網上下載表格,都驚會MISS左拎表日期!!! 今日都上去望下睇下有冇公佈邊日可以拎表,一去個網站,就見到可以下載表格,即時好興奮同有D緊張!!又即刻SEND俾粟米爸PRINT出黎俾我!!!唔洗去排隊拎表實在太好啦!!! *************************************************** 德貞幼稚園資料: 本校將於2015年10月7日開始，派發2016年度入學申請表。請家長留意以下事項: 招收班級: 幼兒班(K1) - 2013 年出生者 索取表格方法: 親臨本校領取 或 網上下載申請表（填寫後於10月7日至11月27日親臨本校遞交） 遞交表格方法: 填妥報名表格後，攜帶以下文件親臨本校遞交，並領取「接見證」： 出生證明文件副本(非香港出生者需同時遞交香港居留權証明副本) 相片 2 張 4X9吋回郵信封6個（每個信封上均需寫上考生姓名、地址及貼上$1.7郵票。） 衛生署發出的「兒童健康記錄冊」正本 衛生署發出的「兒童健康記錄」第3、4、5、10及11頁影印本 報名費 40 元正 *遞交入學申請表後，將獲發入學申請「接見證」。(「接見證」必須蓋上本校之校印方能生效。) *恕不接受郵寄、傳真及以電子郵件方式遞交表格。 *家長請按「接見證」上之日期及時間帶同考生準時到校面試。 *本校分設上下午班，原則上新生編配入上午班或下午班均由校方按個別情況作編配決定，貴子弟如有特殊情況，需選讀上午班或下午班者，請於入學申請表格註明充份理由，以便校方酌情處理。 接見方式: 透過遊戲、觀察、談話等作評估，請按「接見證」上的時間準時到校面試，並需帶同已交本校蓋上校印的「接見證」。 接見日期: 2015年12月5日星期六 ********************************************************** 學制: 全校共26班，男女同校，分上、下午班(半日制) 上午班上課時間: 8:40a.m.-12:00noon 下午班上課時間: 1:10p.m.-4:30p.m. 教育語言: 主要教學語言: 廣東話 其他教學語言: 英文及普通話 師生比例: 1:10 學費: 學費: 每月2,500元 (全年共收10期)