親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
粟米媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
家長日真係好似好遙遠之前既野,依家又再出現!以前daddy mammy 唔得閒,我就會代佢地去兩個妹既家長日!估唔到,依家就係自己個仔! 好想知呢個古惑仔有冇曳!有冇俾老師罰!又或者多咀! 由於唔可以帶埋粟米去家長會,唯有放低佢去麻麻到玩,我同粟米爸再搭車去學校! 3:15 準時到校,先拎通告俾門口校工望下,之後入去做登記,拎左張籌,就行去課室坐係到等,但係未行到課室時,有個老師竟然問我係咪盧晉宇家長,我答係,心諗點解佢會知?佢無教幼兒班架喎,唔通粟米好曳? 入到課室廖老師俾左份folder 我地睇,係粟米返學時既野!呢份野會係裝三年既野, 有佢上堂時既畫,有上堂時既練習,仲有每月評估表,有一張係寫左粟米上學期既表現! 原來佢真係有做過組長,個時佢講過我知,我以為佢吹水扮野,原來真係有! 仲有兩張相,一張係佢斟緊水,另一張係佢練習小肌肉! 評語係要佢練習好小肌肉! 本野唔多野睇,好快睇完!因為唔俾影相,又得影低張評語! 原來3點個位家長都未入去,又見有成6個等緊,仲諗住有排等啦,因為都3:25分!仲拎手機出黎打道場,諗住有排啦!點知突然又叫粟米既家長!乜又咁快啊! 好彩係我最想既梁老師同我地講返!梁老師話粟米上堂好專心,學野都快,記性好好,有日播返開學9月個陣啲歌出黎,粟米係唯一一個識唱返晒全部既小朋友! 英文底子好好,外籍老師都讚聰明! (呢樣真係完全意料之外) 老師話佢竟然可以同老師同英名溝通,仲要係一串句子,而唔係單字!老實講英文差既我絕對唔會同佢日日講英文,亦無教過佢啲咩英文,老師竟然話佢英文底子好!我打個突!我好懷疑呢樣真實性!因為就算我無聊用英文問佢野,佢都只答yes 或者 no! 未聽過佢講成句英文囉! 老師話粟米其實好好教好受教,仲話粟米好多野都識,又知咩老師可以做啲乜!數學都好叻! 係唯獨填顏色就無咩心機填,呢樣我信,因為功課要填色既時候佢都求其油,又或者唔想油! 同埋食茶點慢,老師依家就要佢知每個活動都要時間限制! 老師叫我同粟米練習多啲填色,或者要由少少地油起,daddy mammy 同佢一齊油!或者今日mammy油一啲粟米油一啲!用佢最鍾意既公仔開始! 粟米竟然同老師講捉精靈! 俾佢激死! 睇返成績表,其實都好多係4, 係得自理差少少,希望下學期會有改進啦!
上年未返學想參加但係兩次都搞唔成,一次因為天氣太凍得6度,一次係紅雨,所以取消! 都好驚今日唔知會唔會取消,好彩今日雖然有啲凍,但係都有太陽照住! 先帶粟米去運動場,今次竟然係近我地個邊既葵芳運動場! 入去先揾返自己個班排隊,父母放低之後就上看台揾位坐! 早幾日粟米有時屋企會跳舞,問佢係做咩又唔講,懶神秘! 原來係今日表演既舞! 估唔到粟米跳舞又幾叻, 節奏岩又記得啲動作!真係覺得好好笑! 幼兒班表演完,又到初班,之後高班,當然高班係最勁因為要砌字! 表演完就請家長揾一位落去同小朋友做親子操!呢個機會梗係留俾粟米爸啦哈哈哈哈,我就負責影相囉! 親子操完左,就開始玩遊戲啦! 因為唔夠時間,仲有三個遊戲未玩!唯有下次努力! 睇埋下旗就開始排隊解散! 都幾好玩!下年唔知又表演啲乜!
依家學校都真係幾多野玩!! 今日農曆新年後第一日開學,老師之前派通告講話可以俾小朋友著中國服返學,感受下中國節日既氣氛!! 一開校門,就見校工叔叔扮演緊財神既角式,著晒戲服,真係辛苦校工叔叔啦,聖誕扮聖誕老人,新年就扮財神派利是俾小朋友!哈哈!! 當然利是入面係朱古力金幣一塊啦!!
上個月打完第一枝,今個月又係時候打啦! 去到醫生到坐低,粟米爸係出面等因為佢好怕打針,睇都唔的! 醫生仲好搞笑地叫粟米唔好望,但係粟米都係望住枝針! 我同醫生講唔怕架,佢上次都係望住架,由佢啦! 醫生開始打到佢打完, 粟米全程望住,無喊無叫,醫生話粟米好勁,第日肯定係做大事! 粟米似我哈哈哈望住都唔驚! 問粟米痛唔痛,佢講痛,問佢驚唔驚,佢話唔驚! 果然好勇敢啊!
科技發達既世界,科技產品都真係無可避免,所以我係放任粟米,由得佢玩到飽,除了食飯做功課,其他時間都由得佢自由使用ipad! 無錯,一部原本係我既ipad,變成粟米玩具!(哭) 其實因為放任佢玩,所以粟米沒有想像中那麼沉迷! 因為部ipad2太舊,已經無得update,很多game玩不到! 一隻名叫fram heroes 的game,玩玩下會彈出game,今次是loading 完就彈走! 見粟米想玩,唯有裝在我的sony tablet給粟米玩! 我只是下載,下載完就交給粟米玩! 到粟米上床睡了,我看看這是什麼遊戲,還重複玩一次粟米玩過的關數! 意外地發現在排名見到粟米英文名“JANUS",正正是我使用中的玩家排名! 意想不到粟米識得串自己英文名之餘,還會把英文名輸入在遊戲內! 一個三歲的小朋友識輸入自己個名是否很聰明一?!我不知道,我只知道原來一個小朋友可以突然令你覺得佢成長得很快!
是次生日會係 11,12及1月生日的小朋友做主角,所以粟米都是主角之一! 有一份大禮物,又有份小玩具,應該係生日加聖誕禮物吧! 今次啲野食古古怪怪,其實我都唔明點解啲家長咁鍾意加啲食物落生日會到,一包包都還好!每人一粒草餅,一粒貌似新年全盒見到就憎既軟糖(個人感受),我最憎呢啲野!當然影完張相,我已經掉左呢兩樣野!其餘既應該都係擺,食到既可能好少少,食唔到既應該直到過期之後掉! 可能我少食呢類零食,成日覺得好浪費,因為我唔食,自然粟米都少食,粟米爸都好少食呢類零食,結果就拎去餵垃圾桶!
我係一個極少打去學校問野既家長,除左打去請病假,其實都真係無打去問過粟米係學校既情況!! 咁岩今日親子操,排第二個,班主任今日負責帶大家做親子操,未開始時,粟米扭身扭勢,我同佢講梁老師望住你啦!!粟米就企定定!! 老師就係咁突然笑住同我講話粟米好搞笑,老師話粟米驚既時候會傻笑,例如玩遊戲,小紅帽同大野狼咁,問佢出唔出黎玩,佢係有舉手,到叫佢出去玩時,佢又話唔好,仲傻笑,之後就會講"其實我好驚"!笑到老師死!! 我同老師講,佢有時聽到某D危險既情節,佢就會好驚!! 老師話覺得佢好好笑,一驚唔喊唔扭係傻笑!! 估唔到粟米係學校係一個傻仔一名!!哈哈!!
平平安安咁又湊到佢三歲,時間過得真係好快,轉眼已經係一個要返學既小朋友!! 講野當然係叻左好多啦,扭計都會勁左!! 由佢返學起,我都由一個無飯煮婦變成一星期煮最少4晚既煮婦!! 返下午班既時間真係麻麻地,好多野都半天吊,因為無左午睡時間,脾氣有時都會差D!! 但係都總算習慣左!!返左學之後既佢,有D野明顯係進步左,例如自己食飯,玩完既玩具有時都會執返等!!! 依家夜晚都仲要著尿片,因為有時太累早左訓,好自然又會瀨左!!但係已經好叻,係間中先會瀨!! 返左學真係病多左!每月都總會有請病假咁濟!! 可能有時佢都意識到返左學時間少左,所以佢就數住邊日要返學邊日唔洗返!! 學校有D簡單既功課,佢都自己明白識點做,應該係老師係學校同佢講過,所以佢記得!! 有時望返佢雖然係人地口中既細B,但係見佢同班既同學,講野都未必清楚,反而粟米會講得清楚D! 大左開始都識得叫小朋友一齊玩!!有時佢傻傻地以為自己係人地既其中一份子,但係其實人地78歲根本無理到佢既存在!! 有時見佢同小朋友玩既對話都真係幾好笑!!佢會叫小朋友小心D!! 希望粟米繼續進步!!我又努力做個....盡責既媽媽!!哈哈!
3歲啦,祝粟米健健康康!! 今晚唔煮飯,落去同爺爺麻麻食,我都有加料既,買左D乳豬!! 簡簡單單咁係屋企佈置下,食下蛋糕,影下相咁就過左佢既3歲生日!! 用返上年既佈置,再加返少少新買既!! 蛋糕就粟米爸放工順便去美心拎!! 食完蛋糕俾粟米玩一陣,咁就過左佢既生日啦!! 今年為左佢既生日,我特登買左本勾冷帽既書,勾左頂生日帽俾佢戴!!哈哈!都幾得意呀!! *************************************** 我都係覺得聖安娜蛋糕好味過美心,可惜聖安娜好似越來越少咁!!原本葵興有一間依家無左,葵芳個間都無埋,最近都要荃灣先有,唯有近近地美心啦!!
本來諗住飲完茶就一齊切蛋糕,但係公公臨時俾人招喚左,所以夜晚先切啦! 今晚自己煮飯,下午去荃灣買野煮,夜晚食完飯先切蛋糕!! 忽忙既公公都係影幾張相留念就要返大陸,蛋糕就我地食啦,估唔到今次呢個蛋糕幾好味BOR!! ********************** 去荃灣買野煮時,都順便去美心訂一個蛋糕係生日正日同爺爺麻麻慶祝時食!
又一年,咁又話3歲,又影一輯留念啦! 本來想搵第二間既,點知間野實在太遲覆,穩陣起見都係搵返之前個間影算啦,反正有新景!! 今次揀左馬戲團,零食,飛機做背景!! 粟米都好合作,尚算順利!!攝師影完望一望時間,竟然話未試過咁快完成!!仲問我平時多唔多帶佢影相!!邊有咁多時間呀!! 攝影師見尚有時間,同我講話佢地依家想搵D聖誕相做DEMO,想搵粟米影幾張造型,問我OK唔OK?! 我當然OK啦,唔阻佢地下一場就得啦,有咩所謂丫! 就係咁又多個背景!! 影完去附近間聖安娜買定一個蛋糕,聽日同公公一齊預祝粟米3歲生日!
第一次跟學校旅行,唔知佢有冇乖呢?不過應該會聽老師話既!! 今次去九龍公園,第一次要咁早起身返學!! 的確要一早叫醒佢起身唔係咁易,扭左一陣,最後都起到身! 因為之前幾日病左無返,都驚佢今日未必去到旅行! 今早仲嘔到件冷衫污糟晒,天氣冷左,唯有幫佢著件棉衫打底啦! 8:15集合,12:00放學 送完佢我都返公司整野,之後再出去接佢!! 雖然我都會諗唔知粟米去旅行係點,但係估唔到有D媽媽直頭走去跟蹤!!真係有咁擔心咩?定係純粹想八卦下呢? 到放學時間,接返粟米,老師都俾左呢幾日無返既功課俾粟米拎返屋企做!! 問返粟米旅行做過D乜,佢話睇雀同食麵包,仲有搭校車,仲話唔太好玩添!
同學媽媽講開話想試下係學校借圖書,反正明天都會打風不用上課(當時已掛1號風球) ,所以約我一齊去! 租圖書時間係放學後,便一齊去試借圖書, 由學校正門入, 但係又見一堆小朋友等放學, 問老師邊到借圖書, 原本係後面! 我想象借圖書應該係去學校圖書館, 任小朋友揀! 現實係 有三個裝滿圖書既膠箱,裝著多本圖書俾小朋友及家長揀,就似街上舊書一樣。。。 ! 每人可以借兩本,我叫粟米自己揀,結果揀左 小紅帽同小貓釣魚! 張家長證就要還書先會俾返家長!感覺有啲好似唔知做咩咁!好似張證隨時會唔見, 因為幫手做借圖書既義工都只係家長義工!或者係我對佢地無信心! 就係咁就借左兩本圖書,最遲一星期後歸還!(可借7日) 我諗我下次如非必要,盡量唔會係學校借圖書!
終於有學返啦,但係今日落雨不停,落雨早啲去搭車,雨勢時大時細! 同粟米食完個午飯送佢返學後,見雨不停,都係去living plaza 到買件雨褸俾粟米穩陣! 買完我又走去圖書館補領返個證同加埋落身份證到! 雨不停之餘,仲持續大雨,結果走去街市買菜,以免放學大雨返到屋企個邊買唔到! 買完先三點,去麥記到飲野休息下,雨只有大沒有停,遮都開始頂唔住滴水,四圍水溝,肯好我著水鞋,不過都係濕! 坐低就見朋友通知紅雨,無耐就變黑雨! 黑雨之下接放學真係極慘,學校無得俾我地留多陣, 好彩有買到雨褸,起碼唔洗濕身,見地下幾個水坑,就諗其實頭先應該買水鞋俾粟米,但係後來發現水鞋對小朋友黎講都係無用,因為水鞋矮入到水,同學媽媽話佢仔有水著都無用都係濕晒,因為水位太高!我諗買對crocs 俾粟米會正面啲! 行到車站,望手機上既巴士程式,結果因為太大雨而有延誤,好彩另一架巴士正常運作,連忙抱起粟米走去搭另一架, 幸好趕上巴士剛到站!不用呆等! 一路上公路既水都非常多,每有車駛過都會濺起大堆雨水! 安全返到家,但係半條裙濕晒,襪濕晒, 反而粟米只係襪仔濕少少! 又經歷左一個天氣帶來大雨既濕身湊放學既經驗! 下次要記住帶對crocs 鞋著返學放學同雨褸for 粟米!
仲以為三號風球好快就走,點知今日依然未走,早上起身,第一件事開電視睇天氣,仲以為轉左1號或者所有風球除下,3號依然懸掛!上午校停課,但係未知下午校停唔停課! 仲諗住可能要返學,因為新聞寫話教育署講10點半前轉一號就要照常上學,不過到左十點幾又宣佈停課! 粟米無啦啦又多日假啦! 今日雨勢太大又有風,本來想去同朋友食午飯,但係最終決定放棄,落到街見風大雨大,立即改變主意,係樓下餐廳食飯算了!食完又返屋企! 見啲雨時大時細,想去買菜都出唔到門! 結果夜晚去餐廳食算!
終於遇到返學既第一個颱風,一個唔洗返學既三號風球,之前成日見啲家長鬧天文台,諗到自己做家長會唔會都咁呢!? 一早留意新聞,睇下下午班幾時公佈上學定停學,結果係10點幾宣佈左,粟米唔洗返學! 對粟米黎講其實無乜特別開心或唔開心,而對我就多左時間去街哈哈哈! 三號風球之下帶左粟米去旺角食飯行街! 就係咁過左第一個唔洗返學既三號風球! 除左天文台同政府宣佈唔洗返學之外,學校個evi apps 都會有通知!
今日開始有親子閱讀計劃,老師會俾佢地借一本書返屋企,等佢同父母一齊閱讀! 當然閱讀完都要做D野啦,就係俾評價!!好彩呢間學校唔洗好似之前幫姪仔個份咁煩!! 好驚又要寫讀後感!! 好彩粟米拎返黎,望完本閱讀小冊子,發現唔洗寫咁多野既,只係寫書名同圈返鍾唔鍾意本書就夠!! 不過,又要另外去同粟米睇多本圖書!我諗可能係要去書局或者圖書館睇先得!!
是日有親子操,第一次JOIN呢D野,唔知係點!! 首先都係要送左粟米返左學校先,之後家長係門口等,等學校夠鐘,安排好晒小朋友企係邊先,再俾家長入去!! 行去自己小朋友身邊,當粟米見到我時,有D迷惘之後轉變開心!! 首先都係祈禱,念經,唱聖詩,當粟米望住我以為我唔識唱個陣,我已經唱緊啦哈哈!! 原來佢地竟然有首德貞幼稚園歌,唔係校歌,呢個我真係唔識啦,仲要普通話喎!! 真係唔知佢幾時學識唱呢首歌!! 之後當然係做親子操,不過我覺得其實親子操只係你做你我做我!! 所謂既親子操原來係好幾年前,成日係放學ICU見到個隻"活力健康操",個陣仲笑低B,依家竟然要做呢D低B操!! 其實粟米有D動作都唔算做到,不過見佢好努力咁跟住做都幾好笑架!! 玩完就要走,粟米差D想跟埋我走,我叫佢向前行去老師個邊!! 粟米都好乖咁照行去老師到!! 其實眼見有D小朋友無父母陪,佢地期昐個樣真係有D寂寞既感覺!!人有我無既感覺又真係唔係幾好既!! 事後原來老師都會打俾D家長,叫家長盡量抽時間陪一陪小朋友做親子操! 就係咁...終於知咩係親子操了....!!
老師派左每個小朋友一個袋俾小朋友交俾家長!! 原來係家長教師會會員卡黎既!! 張卡除左係學校圖書館可以借書,仲可以借教協證去教協買野,最勁係去指定既文具鋪買野有折之外,買椰汁都有得平2蚊,去指定餐廳都有折!!實在係好搞笑!!
好快學校開生日會!! 有家長想話買D禮物,等小朋友開心下!! 但係我既角度係,學校會準備,而且老師都無叫買,我唔會自己無啦啦買!! 呢次係慶祝 8月9月同10月生日既小朋友! 粟米唔洗著校服返學,揹個生日袋就返學開生日會!! 生日會早D放,3:30就放,夜晚因為會同大伯佢地入迪士尼,大伯早放工,過左黎接佢放學!! 我就順勢俾張卡佢接!!粟米見係大伯接,好開心!! 見到生日月既小朋友有份大禮物收!!就算唔係生日月既小朋友,都有好多野食!!一大包餅,講真對我黎講都係食唔晒!! 下一次生日會係12月,放聖誕價前!!
今日VIOLIN約左我飲野,係我送完粟米返學之後,去飲野!! 傾計講開,如果接放學既人唔係我會點,VIOLIN估會喊,我話唔會喊,但係可能會搵我!! 當然做個實驗就知啦!! 結果,我就同VIOLIN做一個無聊實驗!! 俾張接送證去俾VIOLIN,而我就行出去等!! 結果,粟米無喊,同VIOLIN拖手行出埋校門!! 哈哈,好明顯粟米係好信得VIOLIN過啦!! VIOLIN話粟米有問佢媽媽去左邊,VIOLIN話媽媽唔得閒黎接佢,所以幫媽媽接!! VIOLIN仲話拖手反而拖實左!哈哈! 我諗應該無咩人咁癲,搵個仔做呢D實驗哈哈!!
今日有媽媽講開左EVI睇,見到有開學相!! 拿拿聲去睇下係咪真係有好多相睇!! 老師話可以手機上網睇!! 我用TABLET睇啦,點知唔見相,都係開電腦睇啦!! 係電腦就見到有啦!!不過其實唔係好多張相咋,都係得一日有相!! 叫做拎左6張相!! 其他野未睇有咩搞!!見到D咩親子比賽,有D無聊!!無特別野就關左LU!!
放學時,老師叫家長入課室,行去小朋友個位到坐攬住小朋友!!因為有特別野要講!! 我為有咩特別野,原來係講緊早前家長會派個份EVI 網上平台個份野,依家有密碼俾啦!! 我送完粟米返學個時先同一位媽媽講開呢個,我仲問人地有冇開黎玩,個媽媽仲話未有密碼都未開始,我先記起"係喎要密碼" 估唔到放學就派密碼!!個密碼仲要用3年,叫我地小心保管!! 係老師講緊野其間,我都真係覺得班房好嘈,好多媽媽都同小朋友講野,老師講野佢地又講野,真係好嘈,最後老師都忍唔住 殊 左一聲!! 但係呢份野唔係一定要做既,只係講入面有D通識既野俾小朋友學下睇下!!可以唔玩個D遊戲既!!
接放學時,老師讚粟米叻左好多! 我就一頭霧水,唔知老師講邊方面! 我問粟米,老師讚你叻左好多,點解讚你既? 粟米話因為揹書包叻左好多! 原來係揹書包叻左!仲以為有啲咩叻添! 是日功課係貼貼紙同填色!
每日都有功課,今日也是,這份功課是跟一本故事書! 書名: 我的氣球呢? 難道是要我寫讀後感,還好只是粟米做的功課!我只是將這本簡單的故事書講一次,再叫粟米圈返故事書入面有的氣球顏色! 粟米好記性, 仲以為粟米會亂圈,結果他非常認真的做,沒有圈黑及粉紅色氣球! 很快做完了!
睇黎依家日日都有功課,今日又有一份! 但係有半版應該在學校做了,所以只剩半版功課,用蠟筆點上飯粒! 粟米篤篤下變成亂畫,只好收起功課! 放回功課夾,等老師拿走!
粟米今日好似不太願返學! 不過還是乖乖的進入校門! 放學接回粟米,老師說要多點訓練粟米背書包,說粟米不願背書包! 本來覺得很奇怪,因為自從開始要背書包,我從來沒有幫他背過!再諗一下,我估老師應該是說自己把書包揹上膊頭吧! 回家時,粟米問小孩歌怎樣唱,之後唱少少我聽!佢應該係開始識唱教學校既天主教歌! 我以前都唱過! 粟米亦記得學校是怎樣祈禱! 整天就唱 "耶穌救主愛小孩,一見小孩笑顏開。。。。。。" 今天也有功課,英文功課 apple , 只是把圖中的apple 填上顏色便可! 很快完成了!果然係幼稚園功課! 現在幼稚園的功課真煩,煩在要家長填功課下面的格,剔完又要簽名!
放學時,老師向家長說,今天有功課,蓋印的那頁才要做,沒蓋的不用做! 所謂的功課實在太易,只是找一些上學有關用品,非常懶的我只去拿家中貼貼書備的貼紙,給粟米去完成功課! 不到兩分鐘便完成! 把功課夾在功課文件夾就完成!
正常返學時間開始了!唔知粟米會唔會厭耐! 希望不要打來話流鼻水早退! 不經不覺又時間到了! 4:30 接放學,照常接放學,粟米樣子有點累,不過還好! 見時間長了,接放學時我也早點去排隊,早點接粟米! 從課室窗外望入去,見到粟米和其他同學已經站著等家長接放學! 今天名牌變了,加了英文名! 上車時興高采烈地吃雞蛋仔,不到兩分鐘就睡著了! 書包入面有本精美的英文書及手冊,手冊老師已標籤了前兩天早退及請假字條!我把這兩天早退及請病假填好,再放入功課套等老師明天檢查! 粟米今天說唱了一首歌 “太陽伯伯“! 歌詞 太陽伯伯 太陽伯伯 你去左邊 你去左邊 快D 快D 出黎 快D 快D 出黎 照著我 照著你
由於傷風未好,休息一天啦,我都真係差D忘記打返學校請假,我1點先記起要打返去請假!! 職員問我係咩事請假,我話流鼻水,佢話會同班主任老師講返!! 我自己返學都無試過打去學校請病假,反而幫個仔打返去請假,真係總有第一次!~