親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
https://bb5.babyhome.com.tw/UPLOAD7/117460/122525.55630889.81100.wmv今日係我第一日正式返英文playgroup, 媽媽一早準備好晒, 可惜天氣很差, 落好大雨, 於是決定和cell姨姨june姨姨一齊搭的士, 點知突然收到消息, 黃色暴雨已經變成紅色了, 即係無得上堂了! 好彩仲未上車, 唯有折返, 去會所玩下, 跑下跳下郁下! 下午天氣好轉, 我訓醒晏覺就坐june姨姨的車去葵芳shopping, 我地買左preschool power和天線得得B學英文, 媽媽仲買左一個十五音木琴仔和蒙特梭利教材比我, 之後我地再去青衣城, 我鍾意青衣城的大魚缸, 但今天我叫魚魚做"汪汪", 似乎搞錯了. 順帶一提, 近日新聞有好多熊貓606和610的報道, 非常吸引到我, 但我唔知點解叫佢地做"魚魚", 似乎我要多温習動物名稱先得. 媽媽把壞掉的直昇機收入房, 我三次拿出來, 好想玩, 但直昇機現在只能轉, 不能飛, 我唯有安慰自己, 見到佢轉下都好, 後來無電, 連轉都唔轉了, 我講左叫"無啦!" 就好唔開心了... 媽媽就比新買的木琴我玩, 心情就好好多!
直昇機壞了!
媽媽好忙
牛肉薯蓉通粉
上星期病左無返婆婆屋企, 今日返去, 原來我已經高過張飯枱了, 公公婆婆都好驚訝! 我竟然夠高攞到一盒之前我唔夠高攞的餅, 我知道呢個盒裡面有野食, 想自己開, 但唔成功, 就攞入廚房叫婆婆幫我, 噢! 原來係威化餅! 我擒擒青攞左一塊, 幾秒間已食晒, 婆婆唔肯再比, 我唯有食埋身上的餅碎. 未來舅母知我鍾意thomas, 買左一個thomas保温飯壺和一個學飲杯比我, 非常之靚, 咁啱我最近已唔肯再用我的米奇水樽飲水, 換個新款水杯, 應該可以重新提起我飲水的興趣!
https://bb5.babyhome.com.tw/UPLOAD7/117460/122525.55289024.51238.wmv 上次媽媽帶我去長沙灣廣場上英文playgroup試堂, 但上完覺得好差, 放棄了, 今日我和雅雯, obi約埋一齊去荃灣另一間試玩, 開始時我和obi爭玩一架車, 到正式開始時, 我還在喊, 結果當然是喊到收唔到聲! 媽媽唯有抱我出課室冷靜下, 有一個男外籍老師路過, 叫我唔好喊, 但我反而喊得仲大聲! 老師問媽媽我在家是否"BIG BOSS"! 搞左十幾分鐘我先平靜d, 返入課室和大家一齊唱歌, 聽故事, 食茶點... 最令媽媽高興的是我今天終於肯做勞作了, 以前我很討厭做勞作, 今天我幫一個廚師填色, 仲貼左一條香腸比佢, 我仲好欣賞自己的作品添! 我地三個都報名參加了, 以後逢星期二, 四上午我地又會好忙嘞! 我越來越喜歡食橙, 媽媽今天比隻叉我自己食, 但對我來講有點難度, 媽媽於是幫我"吉"起d橙, 我自己放入口, 我好鍾意咁做, 每食一啖我都會偷笑!
https://bb5.babyhome.com.tw/UPLOAD7/117460/122525.55288195.46420.wmv 我的頭髮長得特別快, 爸爸雖然有點不舒服, 但決定今日幫我操刀, 今日我地好特別, 在浴缸裡面剪頭髮呢! 媽媽比張櫈我坐, 然後用泡泡槍放泡泡比我捉, 爸爸就幫我剪, 初時泡泡的吸引力係好大的, 我捉泡捉了十分鐘, 開始厭了, 媽媽就不停揾新野比我玩, 等我唔好四圍郁, 幾經辛苦, 爸爸終於剪好了, 但前面唔整齊, 有點不規則, 不過能夠剪短, 唔吉住隻眼, 己經好好! 夜晚obi和cell姨姨來我家玩, 媽媽拿出henry叔叔買的直昇機來一齊玩, 呢隻似曱甴的黑色直昇機, 之前嚇到我喊, 今日和大家一齊玩, 我初時都有點驚, 但好快就克服了心理障礙, 我仲莫名其妙地拿電視機遙控器對住佢, 以為可以命令佢飛, 但原來係唔可以! Obi就非常喜歡, 攬住個遙控器唔放手, 最後媽媽借比佢帶返屋企玩, 大家一齊分亨下d玩具, 好開心架!
困左成個禮拜, 媽媽今日終於帶我出街了, 不過只係落商場惠康買野, 已經好滿足囉, 返到屋企仲唔肯入門口, 想玩多陣! 今天的胃口不錯, 下午仲食左d橙, 我好鍾意食橙, 每次有好食的食物, 我都會好嚴肅和認真地食, 我會聚精會神, 郁都唔郁, 眼都唔眨咁去咀嚼口裡面的食物, 吞左了, 就會怪叫, 叫媽媽再比, 但媽媽唔喜歡我怪叫, 媽媽要我講"橙橙"先比, 我唔講, 媽媽就叫我講"orange", 都唔肯講, 講個"or"字都好啦, 我都係唔理佢, 最後我在一片怪叫聲下食晒幾乎半個橙. 另外, 今天被媽媽鬧喊了兩次, 原因係我飲水唔正經, 我用水樽飲水, 飲夠了就噴出來, 搞到衣服和地下都濕, 結果當然係被鬧和沒收水樽, 其實我係唔怕被鬧, 但沒收我的水樽, 實在令我太傷心, 於是大喊一場!
我好自豪地向大家宣佈: 今日我只用了一條口水肩! 我已經不再是口水長流的細路了, 在此我要向我的五十幾條口水肩致謝, 你們辛苦晒了, 係時候休息下! 咦? 媽媽早兩個月買了十條日本口水肩, 都未用喎, 咁點算? 玫瑰疹退得七七八八了, 但我仲未可以出街玩, 因為唔吹得風, 今日依然在家坐牢, 今日我偷偷地想出露台, 叉了一隻腳出去, 被媽媽扯返入來, 還狠狠的鬧了一餐. 可能仲未完全好返晒, 我今日都好累, 訓左兩次晏覺, 時間都比平時多, 表姐來了我就好開心, 因為唔能夠出街, 有d人來同我玩下都好!
今早起床, 面上的紅點多了, 好醜樣, 但我精神不錯, 只係有點嗲, 食量都正常, 媽媽都好放心, 但我暫時唔能夠出街, 只能在家玩, 自從星期三開始我已經無出過街了, 好想出去玩呀, 今晚我偷偷地想走出露台, 被爸爸媽媽喝止, 媽媽就抱我望下樓下的車, 我都己經笑得好開心了! 無得出街的日子雖然有點悶, 但也不能荒廢光陰, 我每天都好忙地搬車, 推車, 通屋跑, 睇dvd, 和媽媽睇flash cards, 但我比平時較易疲倦, 喜歡在床上挨來挨去, 有時甚至要求上爸爸媽媽的床玩, 今晚我出奇地早訓, 十點鐘已眼瞓, 一入房不用半個鐘就訓著了... 我要快d好返, 好多野等住我去玩啊! 仲有, 昨天媽媽發現我出了第9隻牙, 係前臼齒, 一下子出得咁快, 真係數都數唔切!
發左三日燒, 爸爸今日早上發現我身上有微小的紅點長出來, 不過毋須恐慌, 只不過係玫瑰疹, 醫生已提過可能會出玫瑰疹, 發燒三日後出疹, 象徵我己經痊癒中, 果d紅點不痛不癢, 所以無影響我的日常運作, 我的心情和飲食都很好, 只是間中有點扭計和黐身少少! 不過有人就叫我暫時唔好出街玩, 看來我還要在家看門口多幾天了, 好悶! 【玫瑰疹 (Roseola infantum)】 玫瑰疹主要是由人類疱疹病毒第六型(Human herpesvirus 6)所引起的傳染性疾病。它通常發生在6個月大到3 歲之間的幼兒,潛伏期大約是1-2星期,典型症狀是高燒2-5天,平均約3 天,通常在攝氏39度以上,可能伴有輕微的上呼吸道感染或是腸胃道感染的症狀,也可能沒有其他任何不適,患兒在用藥退燒的時候,精神、體力及胃口都一如往常。在燒退之後,開始先在軀幹及頸部出現粉紅色,不痛、不癢的小疹子,這些疹子可能往臉部及四肢漫延,但不須任何治療,多半會在2-3天之內自行消退。
https://bb5.babyhome.com.tw/UPLOAD7/117460/122525.54675308.65576.wmv 發左三日燒, 精神返晒嘞!
[right1]今日仲有發燒, 早上39度幾, 成身熱辣辣, 媽媽比藥水我飲, 我好乖飲晒, 好快就退燒, 仲好精靈咁走來走去, 同平時一樣. 點知到左夜晚又再燒過, 唔肯食藥, 同爸爸媽媽搏鬥, 媽媽唯有強行餵藥, 但我噴了一半出來, 於是又退唔到燒, 吼我訓著左, 爸爸媽媽企圖用塞肛藥, 點知搞醒左我, 大喊, 不停鬧人, 仲喊到嘔..... 最後媽媽將健康院的退燒藥(橙汁味)加入奶, 我先肯食, 爸爸媽媽好擔心, 已經第三日了, 仲未好返.. eco嬸嬸和henry叔叔買了遙控直昇機給我, 點知直昇機一飛起, 我嚇到喊, 仲躲起來, 媽媽收埋話遲d先玩, 要出去公園玩, 應該會無咁驚.唔肯食藥, 要出動杯杯嘞!
昨晚訓覺都算好, 無扭計, 一覺訓天光, 仲有少少燒, 爸爸媽媽於是帶我去見高志文, 點知一見高醫生我就喊, 不停叫"跩跩跩跩....." 仲淚流披面, 爸爸媽媽夾手夾腳先比醫生檢查到, 醫生話我喉嚨有少少發炎, 比左退燒藥和消炎藥水我食, 但今次燒得比上次耐, 曾經一度有39.4度, 爸爸媽媽好擔心, 但見我都肯食野, 如常玩和搞搞震, 都無咁驚!
[left1]我對泊車的興趣越來越濃厚, 屋內所貎似平台的位置, 如電視櫃, 茶几的邊, 鞋架前面少少空位, 都比我用來泊晒車, 今日我連鋼琴蓋面都整齊泊晒我的寶貝車, 媽媽發現從來嚴禁放東西的琴蓋變了停車場, 大驚, 當時我已經逃之夭夭, 媽媽說呢部琴我都有份的, 要好好保護, 不可以放東西上去, 會整花架! 今日我又再睇昨天看過的砵砵巴士, 見到jasper的red balloon, 今次我無搞錯了, 我講"阿波"! 媽媽讚我叻仔. 下午我地再去探嫲嫲, 嫲嫲精神好了好多, 見到我好開心, 爸爸話我係"b豬醫生", 好似果d狗醫生咁, 可以幫助病人康復喎! 晚上和爺爺食飯, 但我今天無叫"阿爺", 其實今日搭車時媽媽發覺我額頭有點"慶", 但都幾精神, 回家探熱原來有少少燒, 明天要去揾揾高志文囉!媽媽的琴蓋也變了停車場?
今日我翻睇己睇過無數次的砵砵巴士, 見到小丑jasper拿住個好大的紅色汽球, 我大叫"APPLE", 媽媽和表姐在彈琴, 忍唔住望過來, 因為我係第一次講apple, 噢, 原來我以為那個紅色汽球係APPLE, 媽媽於是糾正我, 那是balloon, 不是apple! 下午媽媽和表姐帶我去沙田新城市廣場行街街, 阿華華哥哥都有來, 表姐話我要多d保鑣先得架! 我地先去snoopy town, 有得比我落地下行, 我仲唔甩繩馬騮? 見到咁多小朋友, 我好興奮咁走來走去, 媽媽和表姐佢地不停追我, 都幾辛苦! 行商場其間我訓著了, 晚飯在元氣壽司食, 我食左媽媽帶的粥粥, 食完竟然嘔晒出來! 嘔到自己和媽媽成身都係, 十分狼狽, 幸好媽媽有帶衫比我換, 表姐就即刻幫媽媽買件新衫換! 表姐和阿華華哥哥在 toys'r'us買了一架巴士比我, 佢地比三架我揀, 我揀了黃色的, 多謝!Hi! 我到左snoopy town嘞!落地就變左甩繩馬騮!同snoopy成員全體合照咁多車車, 揀邊架好呢?
今日媽媽無意中見到我好似出了一隻臼齒, 但我封口, 唔肯比媽媽睇, 媽媽於是伸隻手指摸我的牙肉, 果然真係, 咦? 原來上面又出了另一隻臼齒, 唔怪得近來咁鍾意咬東西, 有時仲會咬人添! 媽媽好感動啊, 因為我出牙比較慢, 現在無聲無色已經出了八隻牙, 尤其是兩隻大門牙, 笑起來零舍搞笑!
會所的兒童室我去得太多, 有點悶, 我最近愛上入室內運動場, 今日婆婆帶我入去睇一班哥哥打羽毛球, 見到佢地球來球往, 打到"啪啪聲", 我不停嘩嘩聲, 又笑到唔停口, 好落力咁幫手打氣! d哥哥覺得我好搞笑, 送左一個羽毛球比我, 返到屋企婆婆用把扇和我玩, 我好開心呀! 夜晚媽媽發現我上左門牙旁邊生了另一隻門牙出來, 第六隻了, 犀利呢!
我是個很愛笑的細路, 其他孩子見到陌生人會驚驚, 我卻相反, 喜歡被"生保人"逗玩, 樓下商場的人都認得我了, 包括石Q叔叔和姨姨, 惠康的阿姐, 西寶的店員, 藥房的哥哥, 遠至海麗村的茶餐廳侍應, 都和我很熟, 我想原因係因為我喜歡笑, 係人都笑, 見乜都笑! 昨晚媽媽伏在地下休息, 我爬上媽媽的背和她玩, 然後瘋狂大笑, 今晚媽媽抱住我彈琴, 媽媽彈scales, 我搗亂, 又傻笑一大餐... 爸爸說, 將來我讀書一定常被老師罰, 其他同學已經收晒聲, 我還一個人在大笑, 不被人罰才怪!
聽音樂
自從我學識用飲管水樽飲水之後, 我的流口水情況有改善了, 熟悉我的朋友都知道我是個口水魔, 高峰期每日用10-15條口水肩, 最近每天只用五條, 今天返婆婆屋企, 媽媽忘記帶口水肩, 都不成問題! 爸爸之前好擔心我流口水的問題, 現在爸爸媽媽都好開心啊! 不過媽媽早前買了十條靚靚口水肩都未開始用, 可能我已經唔需要了!
人人都知小朋友睇電視太多唔好, 但有時真係唔睇唔得, 要個一歲細路乖乖地坐定定一陣, 唯有比d佢鍾意的電視佢睇, 媽媽和其他媽媽互相分享了好多兒童DVD, 包括砵砵巴士(我至愛), Play Along!, Sing Along! (一開場會"wooooooo~~~~"一聲叫), Thomas & Friends(會好開心地叫"車!") , Baby Einstien (只喜歡Baby Neptune), Barney, Sesame Street English, 最近還加添了The Fireman Sam和Bob the Builder! 另外我特別喜歡看爸爸幫我錄的Video, 每次我見到自己上電視和睇返playgroup的片段, 都會好留心, 今天我睇完一次, 大叫"無啦"! 好唔開心, 媽媽就比我睇多一次... 其實今日媽媽偷懶, 比我睇左好多電視, 自己去做其他野, 所以有點內疚, 佢話以後會盡量減少睇電視時間, 用聽音樂和陪我玩來代替喎!
https://bb5.babyhome.com.tw/UPLOAD7/117460/122525.53909490.36079.wmv 好多大積木要搬啊, 快d來幫手!所有嬰兒都要玩的叠杯杯玩具, 媽媽一早已買了一套給我了, 但我完全不肯玩, 一叠高就推倒, 每次都搗亂, 媽媽說我愛破壞不愛建設, 後來cell姨姨借另一套杯, 我也不玩, 現在變成了洗澡恩物, tammy姨姨又買了一套winnie the pooh杯給我, 我也不見得有興趣. 我終於肯叠杯杯了, 媽媽好感動!今日playgroup玩積木, angel姐姐說, 我們這個年紀的幼兒應該可以叠起四塊積木了, 媽媽一聽已經開始沮喪, 眼見其他孩子叠得高高, 有人更可以叠到六七塊積木, 還拍掌自我鼓勵, 我卻只將積木推來推去, 完全不合作, 媽媽唯有假設我只是不喜歡去做! 不過, 後來angel姐姐過來陪我叠杯杯, 我竟然出奇地合作, 每叠好一個杯就開心笑, 媽媽也覺得好驚訝! 好累啊, 留返比d女仔搬啦!回家馬上用自己的杯試一試, 我竟然愛上了叠杯杯, 晚上爸爸回來我們又玩, 我開心到拍手掌呢!
[left1]我好鍾意食麵包架, 今日婆婆帶我落街, 去聖安娜買左一袋麵包, 叫我幫手拿住, 我好心急想即刻食, 竟然坐在商場地下, 企圖自行打開袋麵包食, 婆婆於是幫我打開, 比左幾粒包包我食, 然後拖住我返屋企.掛住食包包, 食少左好多奶呀!
https://bb5.babyhome.com.tw/UPLOAD7/117460/122525.53646354.08530.wmv 我同秋盈對吊車都好有興趣!兩家人第一次戶外活動, 好熱鬧!今日好難得媽媽有得放星期六, 我地和秋盈一家去海洋公園玩呀! 我爸爸和uncle gordon後生果陣經常一齊去旅行, 現在己經伸延到下一代嘞! 初到海洋公園門口我覺得太多人, 唔鍾意, 入到去就唔同晒啦, 好多野睇, 睇到我唔得閒眨眼! 搭吊車我有點驚, 郁都唔郁, 媽媽於是攬實我. 我地先去睇水母, 原來水母係可以好大隻的! 我在鯊魚館睇到鯊魚先生在游水, 我開心到哇哇聲叫; 在海洋館見到無千無萬咁多條大魚, 仲有海龜! 媽媽抱我貼住玻璃企, 比君臨酒樓的海鮮好睇幾千倍, 但我開始有點眼訓, 最後在海洋館睡著了! 之後仲見到海獅, 我叫佢做\"汪汪", 我又鍾意睇海洋劇場的海豚, 佢地從水裡集體跳出來, 我又哇哇聲大叫! 呢堆唔係垃圾, 係大水母整個旅程我和秋盈表現良好, 媽媽話以後會盡量製造多d星期六, 日假期比自己, 多d帶我和朋友仔出去玩, 好開心啊!
媽媽細個時婆婆會煮桂花粉佢食, 通常係病病時食, 媽媽話桂花粉好好味, 所以病了也好開心, 因為有得食桂花粉! 但婆婆話桂花粉平時也可以食, 於是媽媽就去買, 但買錯了, 竟然買了一包花花形狀的意粉! 於是婆婆再買, 原來桂花粉是白色的! 今晚婆婆煮了一餐桂花粉給我做晚餐, 只有菜和豬肉, 但我好喜愛哦! 可能對食物的喜好也會遺傳, 媽媽喜歡南瓜, 我也喜歡, 媽媽不喜歡奇異果, 我也不喜歡, 媽媽喜歡桂花粉, 於是我也喜歡!
今日我地昇悅居三寶又去荔枝角公園玩, 天氣好熱呀, 我一落地跑已經成頭汗, 變左濕水雞, 我在兒童遊樂場跑來跑去, 見到對面有班伯伯在耍太極, 吼媽媽唔多覺走過去, 越走越遠, 媽媽好似捉雞仔咁捉返我, 我比人捉仲哈哈大笑, 我偷走了三次, 都被媽媽捉返, 有兩個大哥哥玩拋波仔, 我唔知點解笑到卡卡笑, 好誇張! 回家途中睡著了, 三個媽媽, 熱到身水身汗, 因為帶bb去公園真係好辛苦架!
天氣回暖, 我著返夏天衫, 薄薄的一件短袖T恤仔加一條平價BB褲, 十足一個百厭街童, 著衫少左, 顯得我成個人縮左水, 原來我係好瘦的, 上身好單薄, 兩條手臂仔幼幼的, 背脊兩舊雞翼骨突晒出來, 幸好pet pet有點肉, 大脾也有點份量, 媽媽有時忍唔住要咬返啖, 先至開心! 我實在太瘦了, 只有24磅 (可能無添!) 我識得有d細過我的bb, 已經有30磅! 不過比較是無意義的, 身體健康先係最重要, 嘻嘻, 唯一令我驕傲的是我有個大頭, 頭髮又多, 顯得個頭更加大 (希望裡面唔係草) 老人家話, 長頭髮就不長肉, 肥大的bb, 就要光頭! 呢d係婆婆講的, 梗係無科學根據啦, 我有d朋友少頭髮, 也少肉, 又有d朋友多頭髮, 又多肉, 至於少頭髮和多肉的也有! 如果要我在頭髮和肉兩者之間選擇, 梗係要頭髮啦, 有頭髮先有髮型可言呀嘛, 哇哈哈!
https://bb5.babyhome.com.tw/UPLOAD7/117460/122525.53214223.63141.wmv 今日實在太熱了, 27度, 我成身臭汗, 沖完涼洗完頭, d頭髮都唔乾, 因為我係咁標汗, 成頭濕晒, 最後媽媽摷返d夏天短袖衫比我著, 咁先好少少!
https://bb5.babyhome.com.tw/UPLOAD7/117460/122525.53209111.11858.wmv今日的playgroup主題係車, 玩車係我強項, 不過一下子見到咁多車, 搞到我有點手忙腳亂, 唔知玩邊樣先好! 我實在太鍾意車車了, 鍾意到唔肯比返人, 於是又大喊一場, 認真失禮! 返到屋企我拿拿聲攞返晒我自己的車車玩, 因為在屋企就唔會有人同我爭啦! 爸爸買了一大盒雪條, 見到佢食, 我擒擒青爬上梳化要食, 爸爸今日好人, 比左五六啖我lam, 每lam一下我就開心到笑, 後來媽媽再偷偷地比我lam多三啖, 食晒了, 我仲要lam雪條棍, 媽媽要掉左條棍了, 我就發晒狂咁去追, 真係笑死人!