親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
粟米媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
照常送佢返學後,我就行一個圈捉下精靈去道場拎十蚊,就去麥記買杯野飲,搵個位坐低,等到差不多時間就去接放學!! 差不多2點,電話響,原來係學校打黎,話粟米狂流鼻水,問我係咪病,問我接唔接粟米走,仲話見佢個袋有包紙巾!!問我粟米究竟係鼻敏感定係病? 我話包紙巾只係佢見我收落袋,佢又要一包放袋啫,我之前唔見佢有流鼻水,可能係敏感,咁係咪依家可以返去學校接佢走? 老師話可以架,你可以黎學校接返佢先,佢都打乞次都打得好勁 咁我就執返D野,去接返粟米啦!!去到門口....!見到有兩個鐘,禁左啡色無人應,再禁上面白色,又無人應!! 結果,我打去學校問點樣接返個仔啦,佢叫我禁鐘,我話有兩喎,佢同我講話圓形個粒,兩個制都係圓型喎,佢先話高個粒制!!一.一" 禁左一下無反應,佢叫我再大力D禁多次,咁我再用力D禁,佢話聽到聲啦!! 收線後,見到校工出黎啦,問我咩事,我話接返學生走,佢問我拎接送證,我都俾佢睇~~ 等左陣,見到老師帶粟米出黎啦!!仲戴住口罩!!! 粟米一見到我就同我講話今日無野食既點解?我同佢講因為佢流鼻水,所以早走左咪無茶點食囉!! 粟米就同我講話要睇醫生!! 接完佢,唯有搭車返屋企,之後等醫生開門再帶佢睇醫生啦!!! 好彩醫生話佢係普通傷風,無發燒!!不過穩陣起見,聽日都係同佢請假啦!!!!!
第一日揹書包,佢都OK,唔太抗拒!! 今日開始2個鐘先放學,都無得大堂坐係到睇片,開始流浪時間!!走去打下道場拎十蚊,又捉下精靈,最後係麥記到坐低,到差唔多先返去排接放學!! 行到去課室門口排隊,聽到隔離C班老師,好大聲咁同D家長講,叫D家長要係書包寫名位個到貼返相!! 到我接粟米時,老師叫我帶件冷衫俾粟米,因為冷氣凍!! 今日又有包饅頭仔!!
今日大姨姨話想睇下粟米上堂既樣,所以同我一齊送粟米返學同接佢放學!! 先送粟米入課室,今日依然又俾老師叫左入課室,因為手冊有個位未簽名喎,大姨姨又乘機跟我入課室,仲偷影左粟米佢坐個位添!! 簽完就拖走大姨姨,出去大堂坐,等睇片!! 今次條片唔係太多見到粟米,不過都叫有啦,都係乖乖地坐係到既!! 原來粟米講擒日同我講話玩波波係真既,條片入面真係有哈哈!!大姨姨睇得好開心!! 睇完,主任話播返上次條片,但係佢...竟然播左另一條,由男變女!! 我好心提主任播錯左,主任好愕然咁講"下?哎呀,點解今早D家長無講既?" 主任去搵返上次個隻CD,但係搵唔到,就講不如睇呢隻,如果想睇返上次個D,到時有張家教會卡就可以借黎睇!! 睇左個男人講既野唔係好耐,又係時候接放學啦!!時間真快過!! 聽日開始2個鐘同埋要揹書包!!! 今日粟米係勁開心同老師拜拜,之後跑出黎!!老師讚佢乖仔!! 睇黎佢係人地面前都好識扮乖喎!!!
今日係第二日開學,照常送粟米去課室,因為有野要填返,所以老師叫我入課室填!! 原來佢地張檯係貼左佢地張相既,粟米好快咁就坐返自己個位,玩玩具!!而我就好快手咁其實只係劃去兄弟姐妹個幾格,就走得人!! 同粟米拜拜後,就走返出去大堂到坐,呢次有得睇返粟米第一日開學個陣既片!! 真係好想睇下呢條友仔係學校係點既,好難得無佢熟既人係身邊會係一個點既樣!! 結果,條片有三個SHORT見到佢!!見到佢好開心咁玩泡泡啦,又見到佢好乖咁排隊去廁所,又見到佢好開心咁同其他同學玩火車,但係因為佢矮,前面同學太高,變左佢扶住人地條腰行!!都幾搞笑架!! 有D相呢其實係網見過,但係有D相無架喎,唔知學校會唔會有咩家長網到時俾返家長! 其實都好想偷拍條片俾粟米爸笑下,不過無咁做到!! 主任話聽日都有得睇今日既上堂情況,等D家長再一次睇下自己仔女搞乜!! 睇完之後,主任又講返叫我地留意D乜,唔好做D乜!! 到差唔多時間,就叫我地出去排隊等接放學!! 粟米今日用跳咁跳出黎!!仲好開心咁俾返張無用既回條俾我~~!!自己手上有包紫菜動物餅!!
終於到開學既日子啦!! 一起身佢竟然望到我岩岩轉做9月既月曆,仲講話:"九月啦喎,咁快9月?開學啦" 估唔到佢咁都留意到個月曆!! 十一點幫佢換校服,幫佢影張相,見有時間我打下機先出門,點知俾粟米叫我唔好打機,仲話要返學夠鐘啦!! 細姨姨打黎話想送粟米返學,約姨姨11:30樓下等!! 最估唔到既係公公,佢竟然一早落返香港,話6點起左身,又見訓唔返,所以決定返香港公司,話驚我湊粟米返學趕唔切!!(不過都好彩,因為司機都真係遲左,又話10點到,點知12點半先到!!) 去搭車,食米線之後,係學校門口影張相先行返學校入面!! 我講左句,哇,小朋友排緊隊入學校,粟米就話要快D啦要返學啦!!(有冇咁鍾意返學呀?!) 係門口,因為無MARK體溫,所以俾老師話我知要順返日期MARK返,下次MARK返!!入到學校入面又額探,之後又拍卡,再行去106課室!! 呢一野真係估唔到,粟米去到課室門口,頭也不回想直入課室,老師拉住佢叫佢同我講拜拜,拜拜完再入課室!!真係估唔到唔係我同佢拜拜先!!睇黎佢都好急不及待下喎!! 細姨姨好唔捨得,仲問可唔可以望下粟米,老師話係門口望一陣好啦!!比我呢個做阿媽既更唔捨得!! 因為家長要去大堂聽野,細姨姨就走去返工,而我就坐係大堂等睇片!! 條片講點樣立恩威,意思係點樣令小朋友聽話!!講真,聽同做係兩件事,有幾多人真係做到丫!! 都未睇完條片,又話要去接放學,因為落雨,所以都早DD安排家長接走D小朋友!! 要去出面排隊,排隊時又煩,後面個阿嬸不斷貼住我黎行,我把遮係可以頂到佢個遮柄架囉!!佢仲要遮另一個家長!!我行一步佢地又行一步,結果我頂唔順,同佢地講,其實你地唔洗咁行得咁埋架!!我把遮會篤到個女人架!!唉!!我都唔明D人點解咁樣!!就算急湊小朋友放學都唔係咁囉!!! 老師指示唔清楚,我話D班,佢指左我排B,我見有D唔對路,因為前面係B同C,再望下好似要轉入去先係A同D,咁就走入去轉彎,又俾個主任叫住我,問我邊班,我話D FOR DOG,先叫我行最前個到!! 去到俾個接送證老師,老師叫粟米個名,粟米無反應,老師竟然問我係咪呢班!!張證我都俾左你睇啦有假既咩...!之後我見入面有位老師帶盧晉宇出黎!!條友行出黎個陣依然呆呆地,手就拎住包餅!!老師竟然講左句:"咦,係你呀,佢好好呀今日" 我唔明老師口中既好好係咩意思,不過無俾人投訴就得啦!! 就係咁無穿無爛咁就結束粟米既開學日!!!! 主任話星期一會有片同相俾我地睇返今日返學既情況,唔係個個小朋友都會影到,但係都會盡量影同拍!!叫D家長唔好問點解影唔到佢小朋友!! ************************************************ 人總係唔聽話,叫左唔洗帶書包,有幾個家長都係帶,結果咪變成佢地要拎住囉!! 返學時,有個家長見到粟米,之後同個仔講"哎呀,媽咪幫你著錯鞋添喎" 我接完粟米放學,行去搭巴士時,聽到有個家長竟然問"點呀?你今日有冇喊?" 之前老師講左唔好問,竟然都真係有人問!!
寫完篇野,無聊禁下學校網頁,手多再禁入去學校情況,原來學校將今日既相UPLOAD左上去呀!! 俾我見到有兩張有粟米出現,睇黎佢都好似唔錯BOR上堂個陣!!
因為老師話 黑鞋,白鞋,手巾仔,外套,校褸...等等物品都要貼名,所以我襯開學前搵返堆標籤機出黎! 無錯係一堆,原本有部brother,見日本casio有sanrio 公仔出又買部日機,之後又見日本tepra出左可以印絲帶既又買,跟手發現原來日版標籤機係出唔到盧呢個字,我又為左唔好浪費啲casio帶,走去買行版普通既casio標籤機! 大大話話都有4部,當然我fd仲癲過我有十幾部,但是我認我係傻既,除左機多,帶亦都唔少,為左粟米準備很多帶,籍口又買一大堆!壞習慣! 到真係用時竟然唔見左我係上年2月個堆,好彩上天都俾我今日搵得返,原來放左係公司!非常感謝! 手巾仔因為有啲寫名位用油性筆寫會化開,所以要用熨既帶熨上去!其實出面都有啲幫人整名既貼紙,仲好平添,不過我都係喜歡自己用標籤機整! 結果整好左手巾仔,仲有用黎裝後備衫既索袋!黑同白鞋都貼左名啦!真係好方便!
終於到家長日,因為只限一個家長出席,粟米當然留係屋企啦!! 仲諗住早D出門,可以食埋早餐先去學校,可惜巴士遲,結果去到都差不多9:15,見D家長都仲行緊入學校,想話買枝水啦,點知士多都未開....嗚....!!唯有頂硬上啦!! 拎住之前俾既通告,去到門口,老師幫每位家長額探,再跟住指示入唔同課室,而我就係要去302課室!! 人總係改唔到遲既習慣,有D都真係十點幾先到,身為家長都做唔到準時,都真係可以想像到佢地第時仔女會點!! 入到課室搵個位坐,老師指住個位俾我坐,我唯有坐啦,又話只可以一個家長,唔知點解我隔離既個兩位父母會一齊入左黎!!又一證明依家D家長係唔聽人講!! 等到咁上下,9:25分,老師話等多陣就開始家長會!! 負責講既老師係班主任 梁老師!!老師話一陣有D野係要我地家長MARK低既,一陣播既片未洗MARK住,因為每年都會睇一次!! 一開始就俾我地睇段片,係一段校長,副校長同主任拍既片,講返學校既理念!! 以前我間學校係 德智體群美,依家多左個靈!! 條片都幾好笑,校長有D唔自然,副校長就好似D電視廣告咁,好生硬地介紹,主任其實都係見得個一陣,可能太少見到,所以無特別!! 睇完一條介紹學校同老師既片,就整段家教會既片,係一個男主席拍既片,我覺得有D似人地婚禮個D,不見其人,只聽到其聲,同大量佢地搞既活動相,重點係你要俾錢囉!! $60蚊FOR 3年!! 再黎就係POWERPOINT,老師講解返我地要注意既野,亦都俾紙同筆我地MARK低!!有準備既我,當然一早帶定簿同筆啦!! 老師講返我地帶小朋友返學要注意既事!! 首先一班係有三個老師既 都係負責上午同下午幼D班既!! 9月2,9月5,9月6同9月7 返1小時 (下午1:10至2:10) 9月7先要揹書包返學! 9月8,9月9,9月12同9月13 返2小時 (下午1:10-3:10) 9月14就係正常時間返學 (下午 1:10-4:25) 如果有野想問老師野既話,可以係 4:45之後打俾老師!! 9月2開課日,家長帶子入課室之後就可以離開,家長盲去大堂到睇有關育兒既片!! 老師話叫我地講一次拜拜好走啦,同小朋友講1個鐘後就接返佢,千其唔好唔講就走左去,咁樣佢地會覺得俾人遺棄!!又或者死唔斷氣咁不斷講拜拜,因為小朋友玩玩具3分鐘熱到,你不斷咁來回拜拜,佢地玩厭左個玩具就會想跟你返屋企!! 之後介紹個拉鏈袋!!! 入面有一堆野,有D係家長要填既有D就係用黎交錢既!! 首先係名牌方面: 要夾係衫領位,同唔好遮係到校章 有張改英文名既便條要填,個英文名係俾英文老師叫佢地個名用既!!叫家長細心地幫小朋友改名!!唔好求其改,又或者寫譯音!!個D咩 BB,CC個D就唔當英文名!!要改就要改返個真係英文名既名!!改完寫係張便條到,放落細拉鏈袋,到時老師會更改佢地個名牌架啦!! 接送證方面: 張證只得一張,如果係親人接都要有接送證,仲要加埋小朋友認得係邊位先得!!最少要有12歲以上!!如果真係無接送證,就要登記返身份證,同埋真係有事接唔到要搵人代接,最好提早打返去學校到同老師講聲!! 另外,要係放學之後15分鐘內接回小朋友,遲左就會當遲到,仲要請遲到既人寫返原因!!呢個我都覺得幾好,守時真係好重要!! 老師叫家長唔好遲,家長一遲,小朋友就會憂慮係咪俾父母遺忘,習慣遲,佢地又會以為返學時間係好長!! 老師又叫我地做家長既千萬唔好問小朋友返學有冇喊,佢地要適應環境,喊係在所難免,家長應該唔好強調係喊呢到,問返小朋友開唔開心,今日有冇笑,如果放學見佢地笑住出黎,就要讚下佢地,讚佢地叻,今日有笑!! 亦都唔好問有冇小朋友同你爭野玩,學校唔係一個爭野玩既地方,唔好俾小朋友有個唔好既訊息,學校係開心既,而唔係恐怖既地方!!唔好搞到佢地怕左返學!! 手冊方面: 當然要填學藉表啦,用藍色或者黑色原子筆填,要寫中文!!將唔要既唔岩用既就用筆劃左佢,最緊要簽名!!同埋要包書膠包好!! 每月既第三個星期會收手冊,到時唔見手冊唔洗打返去問,只係老師拎左去睇!! 功課套方面: 呢個係學校老師同家長既聯繫物品,有咩請假寫係手冊,再將手冊放係功課套! 回條: 簽返晒之後,放係拉鏈袋交返俾老師! 交錢袋: 有個細既拉鏈袋既,用交錢用既,有D便條呀錢呀,就放個到! 小朋友既功課: 因為小朋友手細未夠力,所以要買D粗既蠟筆俾小朋友用,功課連線或者填色就用粗蠟筆!!到大D先會改用三角鉛筆!! 書包: 因為小朋友未識認字,未識得認自己個名,所以放名個位,要放相,仲要同佢地講你放左邊張相,等佢地認得!! 手巾仔: 要準備乾手巾仔細細條既,放褲袋或裙袋 記住要寫名,小朋友跌手巾仔好常見!! 每日都要帶多套衫褲,內褲同襪放書包,唔洗係校服,便服就得,以防萬一要換衫! 每日都準備3個口罩! 除左手巾仔要寫名,校褸,外套,皮鞋同運動鞋都係要寫名!! 10度以下可以穿外套,應該係厚褸啦!! 逢星期二同四要萫運動衫 入面最好穿件白背心打底 學費每月 $477 , 叫家長到時記住1號入定錢!!因為多數2號都會扣錢!! 如果學校有D咩費用要交,要分開錢交,唔可以寫埋一條數同埋不設找續既!! 支票背後要寫返名同班別!! 另外有時老師會派D書仔返屋企,等小朋友同家長一齊睇,個D書仔唔洗拎返黎學校!! 大約10月起,會有圖書借俾小朋友返屋企俾家長一齊閱讀,到時有份報告要家長填!! 每月都會有個進度表俾家長,開頭唔會寫到表現好好,可能開頭老師都係TICK 1同2呢兩格多,叫家長唔洗擔心,家長都要填進度表,要誠實,例如自己食飯,明明要餵就唔好TICK話佢4做得到,咁老師就好難幫家長教小朋友!! 另外,教每一課書,每班都唔同,唔好打黎問老師點解人地班教左你做咩未教!!因為每珪教既時間表都有唔同,如果教左就會印已授,要小朋友真係識讀同明先會印落去!! 功課最多3個印仔,開頭老師唔會印太多,由一個開始,唔好打返黎問點解咁少印仔!!一開始一個,之後慢慢加,小朋友先會覺得自己真係有進步,會開心D!! 就係咁11:30就完左啦,其實比預期既快啦!!之前有媽媽問係咪3個鐘咁耐,講真你地少D無聊問題咪快囉!! 我地個班我見到之前愉快班勁曳既媽咪係到,唉...估唔到係同班,希望佢個女到時乖D啦!!!
擒日仲諗緊好似有D野要做,但係唔記得係咩,後來記起啦,就係交通告回條學生相...! 雖然我想一早去交,但係都係要等粟米起左身先! 結果出得門口都12點,搭車去到12:30! 出門之前仲驚自己影既學生相唔知岩唔岩,我都特登帶定上身校服以防萬一,如果真係唔岩就跑去附近影,影完再去交過!! 去到學校,校工叫我直上一層,上到去有個人交緊,有位老師叫我係後面排凳坐一陣!! 輪到我時,個位老師(其實應該係主任)叫我埋去,先對我張申請自動轉帳表,拎我張副本去對,車...早知影印啦,我以為要收添,結果佢對完俾我返,我仲帶埋正本去!! 之前聽到個男家長同佢既對話,講自動轉帳既限額,我望一望自己個張,我其實係無填到囉.....!!但係見佢無出聲,我又無問住!! 當佢CHECK相時,我有D緊張,唔知岩唔岩規格!!好彩佢望完晒都無講D咩!!只係俾返個裝相ZIP袋我,叫我留返黎裝另外個兩張相...(ER...其實D相我自己PRINT,就算有多都有野裝好左囉)!! 佢CHECK完就同我講無問題架啦,記得8月28有個家長會,到時記住出席!! 我就問返佢個自動轉帳限額係咪唔洗填,佢話唔洗填架啦,因為遲D有D書簿費都係會自動轉帳扣除,所以唔洗填!!好彩我無係手多!! 搞掂晒就叫粟米同老師講拜拜!! 最好笑係,粟米以為交晒野就可以返學!! 我: 我地走得啦,落樓梯啦! 粟: 唔係咁,我要返學先得架! 我: 返學要著校服同埋要揹書包架,你都無點返學呀? 粟: 我要書包呀! 我: 你個書包係屋企喎,同埋你係九月先返學架!! 粟米諗左一陣,都乖乖地走!! YEAH,順順利利交齊晒野!!最開心係學生相唔洗影過哈哈!!
如常咁起身,當然都係我早起,粟米仲係訓緊,直到粟米起身,突然同我講,佢要小便,當然幫佢除褲除片啦! 咦!!尿片竟然無濕到既?咁神奇?咁快大個仔戒到夜片? 其實由5月開始都間中俾佢嘗試自己去廁所大小便,由開頭唔係好肯去同怕去,變左慢慢都識得要大小便係要去廁所! 當然都有失手時候,有瀨濕過兩三次!! 最近我都開始俾佢要試下著底褲同埋唔著片出街,如果就咁落街食飯既話,就唔幫佢著片,去得遠同夜晚訓覺,當然都仲要著啦!! 今日都因為要去幼稚園交野,話遠唔遠話近唔近,時間長又唔定,都掙扎俾唔俾佢著片!! 我問粟米"不如著尿片先出街啦啦隊" 粟米:"唔洗啦,唔要尿片" 充滿疑惑既我再問一次"真係得?坐巴士無廁所架喎,真係唔洗著返尿片?唔好瀨尿喎" 粟米依然講"得,著底褲得啦,唔要尿片" 我唯有同佢講\"咁我信你架啦,你要忍住架,到時要小便要同媽媽講喎,知唔知?巴士無廁所架知唔知?" 粟米好肯定咁答我知~~ 唯有信佢啦,當然都係帶定一條底褲同褲出去啦,以防萬一啦都係!! 交完表,食完米線,去麥當勞買杯冰雪新地,但係買之前都去個廁所先,以防萬一粟米要去!! 入到廁所,問佢去唔去,佢話無,我都照兜佢去,因為廁所污糟,好難俾佢坐係到!! 結果無,就由佢先,去買野飲,飲完行去搭車,岩岩走左架巴士,見有時間入去小食店睇有咩零食!! 見粟米腳不停踏步,問佢係咪急,佢話係,咁我唯有帶返佢去麥記,結果入到廁所,粟米佢只係......放左個屁!! 之後搭巴士都驚驚地,因為佢訓著左,好彩到站都無瀨!!直到返到屋企!!哈哈!! 佢先去廁所!! 今日真係一個開心既一天,因為佢竟然全人無瀨濕!唔知佢保持到幾耐?哈哈!!
等粟米起身飲奶,就搭車出發去買校服! 因為路線問題,先去買對黑鞋,揀左兩對俾佢試,粟米揀左對$220既黑鞋,伯伯好有耐性,仲叫粟米試下除同著! 本身想買埋白色運動鞋,但係呢間無小朋友addidas個款!唯有第日先買,反正唔急! 呢間野我細細個就幫襯佢買校服,買到中學,老闆依然係到,係有點老! 去到因為有客係到,等一陣就到我地,同老闆講係德貞幼稚園校服同運動衫! 老闆就執俾我,首先拎校服俾我幫粟米著上身試,之後運動衫,我要多set 校服! 2套校服,1套運動衫,1件冷衫,1個書包,1個生日袋 多謝$539! 算比想像中平! 老闆話粟米算叻,好多小朋友黎買校服都會喊,仲會扭唔想試衫!但係粟米試完衫仲周圍走呢,都唔係乖囉! 老闆仲好心提我影校服相,著上身得架啦!哈哈! 完成任務就去左嘉頓到望下,我都係咁岩經過所以記起有得坐低食下野飲野! 休息完行去買啲濕碎野,先去12蚊搵下有咩買,再去書局買藍色畫紙for影學生相用! 買齊晒就去食個午餐,再去黃金睇有咩game!跟住就搭車走人了!
因為上次快圖美影證件相好貴,於是我決定自己幫粟米影學生相! 學校規定背景要藍色,所以走去書局買左張藍色大大畫紙! 貼好之後,幫粟米換上校服,再幫佢影!當然影呢條友再唔係易事,走來走去,郁身郁世,擰來擰去!數碼相既好處係任影唔嬲!總會有張好! 最後用絕招,朱古力餅引誘下,成功影完! 影完揀張靚相,之後print 出黎!原來部機print證件相有得set 中間位!結果print 到岩位,再自己剪返出黎! 就係咁完成左學生相呢件事! 望住張學生相真係有啲覺得時間過得快既感覺!
終於收到學校通知信,係關於校服同學費自動轉帳通知! 6�22 要交回條,十張校服相,自動轉帳表格 8�29 家長日,只限一個家長去,講解學校運作,仲話會見班主任添!都不知幾耐無做過呢啲野! 學卷減左,但係學費加左價,由9月開始就要交$477 (上年只係$249) 望下日子,原來都係無咩時間,下星期3就係22號,都係聽日得閒去買啦!又要買又要影,都係快啲搞安心啲! 回條呢家野,讀完書咁耐,仲諗住遠離左我,依家又對住啲回條!日後仲有大堆回條!
今日正式唔幫佢著片,除左訓覺會幫佢著片,係屋企既時間都會唔幫佢著!! 結果,佢係識得去廁所既,但係可能未習慣要除褲,同埋都好急下先去,佢就禁住小便個到,個人係咁轉,真係都幾好笑,之後同我講佢要小便!! 我幫佢除褲,之後佢就去廁所啦!! 太好了,大個仔啦,希望佢慢慢可以戒埋夜片!!
由5月開始都努力教粟米自己去廁所!! 大便既話,開頭會抗拒坐廁所,之後都習慣左!! 小便方面,我都開始唔幫佢著片,但係間中都會著,呢個古惑仔,知道尿片既作用,佢就唔鍾意我幫佢除左片唔著返,會叫我幫佢著!! 我同佢講大個仔,其他小朋友都唔著尿片架啦,除左訓覺著尿片,其他時間都要自己去架啦!! 由開始唔幫佢著片,由得佢無褲著周屋走,慢慢佢一急就自己跑去廁所到小便!! 直到我有一日幫佢淨係著褲,叫佢試下自己除褲去小便,佢都除到!! 於是決定買D底褲俾佢試下,同埋粟米爸話成日唔著褲,驚有菌會發炎哈哈!! 係吉島買左幾條試下先!!希望佢會慢慢習慣!!
最後一堂啦,因為會有證書派,所以程序有唔同! 程序係: 1) 故事 2) 茶點 3) 特別活動 4) 美勞 5) 放學 今日故事係講 小蝌蚪找媽媽 故事講一堆小蝌蚪點樣搵媽媽, 雖然唔太吸引,粟米都有d 反應既! 之後,茶點時間, 當然都係飲茶水啦,今次粟米又飲多左水喎, 都有小朋友同媽媽襯呢段時間去廁所! 所謂既特別活動,就係校長特登黎派證書! 係校長未黎個陣, 老師點名, 跟住就分組, 安排領證書同校長合照! 而我地就係第三組! 老師話可以影相,所以我都搵個媽媽幫我影! 雖然我有帶相機,但係好可惜無電,唯有用手機啦! 拎完影完,就開始做美勞啦,就係做返頭先故事入面既動物! 有好多款揀,比平時黎講, 有魚,有青蛙,有蟹,有蝌蚪! 未做個陣粟米話要青蛙,點知到埋位個時就揀左蝌蚪! 好快做完就去玩玩具, 今堂老師拎左好多玩具出黎俾佢地玩,可能撕紙遊戲唔太受歡迎啦! 好多都係玩一陣就唔玩! 玩到咁上下, 又係放學時間啦! 要將名牌交返俾老師! 最後一堂唔派零食,每人一份砌圖玩具! 粟米最鍾意玩!就係咁完晒6堂啦!
又係時候做無聊既野啦!! 又去浪費金錢,去幫襯快圖美影張其實無用既證件相,就係想比較一下之前既分別!! 天陰陰驚落雨,唔係好願出門口,不過都要食飯既,出去影完食個飯就拎得相,快D搞好晒返屋企仲好!! 今次好彩又係個男人影返BOR,之前個女仔影,唔知點解會黑D,雖然PRINT出黎唔覺黑,但係電腦就好似黑左D!! 返到屋企又將D相合拼黎睇下!!! 真係不知不覺已經唔再得意!!!成個小朋友樣出晒黎啦!!!! 2歲半啦,依家學緊去廁所開大同細,希望佢可以係返學前學識啦!!!
今堂黃老師有返,進入課室時無上次咁黑暗啦! 越來越少人返,一堂比一堂少,這堂得11位小朋友!最曳個小妹妹依然無返! 可能上堂黃老師請假係鄭老師負責,所以今堂到返黃老師負責! 程序表: 1)樓下唱遊室 2)茶點 3)故事 4)美勞 5)放學 首先排隊去唱遊室,鄭老師負責,熱身玩返上次扮駕車,粟米記得喎,識得做返個手勢!之後老師請佢地出中間行來行去駕車!粟米可能有啲驚,玩一陣又返黎,我叫佢跟住老師行來行去,好彩都肯再出去玩! 之後,到第二個遊戲,扮老鼠行來行走搵野食!鄭老師扮老鼠,對住啲圖扮食,而黃老師就扮貓,播歌玩,去到某個時段,貓就去捉老鼠仔,老鼠仔要企入呼拉圈到先唔會俾貓捉到! 粟米實在太膽小啦,我諗佢係怕俾人捉,佢完全唔敢出去,仲要驚到坐係我大脾,講極都唔肯出去扮老鼠!到第二轉,老師俾啲老鼠牌小朋友,佢雖然肯出去坐低等老師掛牌,一聽到播歌,佢就跑返黎我到坐!洗唔洗咁驚啊? 玩完要交牌,佢先行返出去交俾老師!大家一齊唱首goodbye song先離開唱遊室!粟米今次都識跟住唱喎! 又排隊去洗手間洗手,洗完返課室拎書包入面既水杯出黎,粟米比上次飲多左水,多兩三啖啦,雖然都係我飲埋剩低個啲,不過都算好好啦! 放好杯同書包,就開始點名,今次雖然叫做聽到老師叫佢個名,但係都係未識得舉手,都係要提,好笑既係提佢就舉晒兩隻手!俾老師笑! 故事時間,老師今次講“自己去廁所“,粟米有留心聽,我希望佢聽完之後都真係慢慢學識去廁所啦,因為最近都教緊佢去廁所! 故事教小朋友去廁所,去完要洗手,又教點樣洗手,突然變左教洗手方法,講到拎手巾抹手,當然有啲媽媽身上有手巾仔,可以即時拎出黎,而粟米個條係書包,老師又無叫大家拎出黎,所以我都無拎到! 老師讚有手巾仔既小朋友乖,記得帶手巾仔,但係事實我地都有,但係放書包點拎出黎!粟米都好留心聽同學洗手! 聽完故事又係時候美勞一下!我無諗過係關我事有我份囉!今日竟然係教佢地做條鏈送俾媽媽!估唔到第一份既母親節禮物係呢個班整既頸鏈!用老師剪好既飲管穿埋作做成一條鏈!真係有啲唔識欣賞呢份母親節禮物!或者係我根本對母親節無咩特別感覺!我只會覺得又多一樣...唔知點處理既美勞! 做美勞之前,粟米走左去玩玩具,今次有衣夾玩,對返卡上既顏色,同色就用返同色夾夾去個格!其實粟米對呢個遊戲一般,係我夾硬捉佢去玩呢個先,佢其實想玩後面ABC拚拼板多啲! 所以佢玩衣夾先,再去玩ABC拼板,見有個小朋友想玩,我同粟米講俾小朋友玩左先,我地穿完鏈先再返黎玩!好彩都肯去穿鏈,不過耐性就爭啲,因為佢穿一陣就想去玩玩具,係我要佢穿多幾粒先俾佢玩玩具! 穿完就好快咁走去後面玩返佢最鍾意既ABC拼板!我拎左另一個拼板俾佢,係星星月亮太陽同雲,特別在呢份野其實都仲有幾塊係一至4個洞既木塊,可砌上去!玩左三次,見老師中間鋪墊,放啲大積木出黎俾小朋友玩,原先玩衣夾張?既變左做類似lego既砌積木,見到無咩人玩就叫左粟米去!玩左一陣就夠鐘啦,粟米又乖喎,聽到老師講夠鐘,佢竟然執返晒積木放返入籃!真係估佢唔到喎! 今日放學老師竟然派兩份小食俾小朋友,粟米拎到粟米條同一粒kinder!一見到kinder就即刻叫我開俾佢食!出到校門再開俾佢食啦唯有! 至於條鏈呢,我掛左係粟米到哈哈! 下堂係最後一堂,老師話校長會黎派證書,叫我地盡量出席!而手機咁岩有媽媽問“如果無返1�2堂有冇證書派“,我有幫佢問老師,老師話無返一兩堂都一樣有證書既! 話時話,老師之前講明個名牌要交還,第一堂講明唔可以貼貼紙上去,今日我竟然真係見到有人貼左貼紙喎,所以老師又講一次,下次返黎要還名牌,叫啲貼左貼紙既記得要清理返! 下星期放假,要再下星期六先返學!真係話咁快就最後一堂啦!
又係粟米最期待既時間 - 返學! 今日遲左啲出門,咁岩落車就撞見我小學班主任,打聲招呼閒聊兩三句! 雖然遲出門,但係時間就岩岩好,米線太多人等,唯有去粥鋪食! 食完都仲有啲時間,去我小時候成日幫襯既鞋鋪望下鞋!見到返學黑鞋,粟米爸問遲啲係咪係到買粟米返學鞋,我答“梗係啦,唔洗周圍搵,買完校服,再係到買埋鞋就快靚正啦! 講起鞋,粟米爸望啲小朋友既運動鞋,當然啲牌子要幾悠久有幾悠久!yasaki,kamachi...等等!我細時就成日著yasaki!粟米爸就話細時被阿媽騙,話add in同adidas係一樣,所以只會買addin俾佢著,直到大先知係被騙! 粟米爸望住個埋舊牌子運動鞋,講晒啲牌子名出黎,我就突然問佢,咁你買咩俾粟米著? 粟米爸好快地答我“Adidas!" 實在係忍唔住笑,好明顯童年陰影,唔想個仔著雜牌! 粟米爸問返我會買乜牌,我答佢“我會揀對平既,因為小朋友腳大得快,無整對貴既,好快唔岩著!(百幾蚊同幾百蚊既分別),當然都唔可以著壞腳啦!我無呢啲童年陰影架哈哈“ 笑完都係行去學校排隊啦,唔係等左好耐就入得,粟米帶住期待心情進入校門! 入課室時感覺有啲暗,播緊迪士尼套愛麗絲,不過有啲難睇,可能係因為投影既關係啦,粟米都無咩心機睇! 原來今日黃老師請左假,由李老師頂佢位!今堂鄭老師做主!夠鐘先開返晒課室既燈,唔怪之覺得暗左啦,原來係未開晒! 是日程序表: 1)大堂 2)茶點 3)故事 4)美勞 5)放學 先去大堂,係粟米最鍾意玩,因為第一堂玩時,佢好鍾意首歌同最鍾意玩!佢次次返學都想聽返同玩!可惜連續都無,今日有啦! 雖然係大堂都有聽返佢首做運動既歌,但係同之前玩既野唔同左!今次係爬過帳幕,踩高低膠墊,跨磚運豆袋同頭頂八瓜魚! 呢野粟米最like係跨磚運豆袋,起碼玩左4�5次!爬帳幕都爬左3�4次,踩高低墊兩次,八瓜魚玩一次就唔玩! 玩完,鄭老師拎左張大帳幕出黎,大家一齊搾住,一齊轉下左又轉下右行,之後,老師放左三隻蘋果公仔上去,等大家一齊拋,粟米好似唔太鍾意咁玩,佢話唔要蘋果,當然只有我聽到啦! 之後收返啲蘋果,老師叫啲家長負責拎住塊帳幕,拎高之後又拎低,小朋友就係帳幕下掂下帳幕!唔知係咪拎高拎低時,會令到氣流郁好大風,粟米佢好驚,好快走出黎,就算老師同佢玩一陣,佢都好快話唔好,走黎搵我!佢話佢好驚!唯有陪佢睇人玩! 玩完就去洗手間,之後返課室拎書包隻杯出黎等老師斟水!粟米其實就唔係飲得太多水!有啲小朋友就飲好多!粟米通常飲一啖就算!其餘既我飲晒! 飲完,又到點名既時候,今次最曳個位小妹妹無返,而有位大住肚既媽媽竟然無幫個仔帶牌,結果老師點名想睇名牌都無得睇,靠媽媽出口講先知! 粟米都未係好識一聽到自己個名就即刻舉手叫到,不過當然在場既都係得一兩位識! 到故事時間,今次係講“過馬路“,唔知係咪我成日教佢睇燈教佢過緊馬路要望,佢今次又幾留心喎! 美勞就係做紅綠燈(不過老師教係人像燈)!都係一樣啦,因為美勞位有限,粟米玩住其他野先,先玩夾毛毛球,唔知點解夾夾下又變左唔識夾!跟手去玩印水布! 見美勞有位都拿拿聲捉粟米整左先,一埋?發現無畫紙係?,原來要等李老師派囉,之前老師係放定晒係?方便好多,真係唔係幾慣等佢派!填色加剪貼做好就去玩另一?玩具! 其實好似好快玩完,今次仲有啲亂添喎,可能鄭老師同黃老師夾開,同李老師無咩夾開既關係,前幾次都會叫啲小朋友聽一聽先,再排隊拎書包走,今次話收玩具就算,等我仲反好張凳添... 鄭老師好急咁講,李老師直頭趕收工既格,搞到個個都趕住走咁,有啲亂囉! 今日送米通,不過粟米無食到!拎返屋企放埋一邊! 仲剩返2堂了!真心覺得有啲悶哈哈,佩服啲帶小朋友去playgroup既家長!好彩一星期一次,唔係我就悶死!美勞有時都唔算粟米自己做既,佢只係做少少,最有心機係第一堂個張印顏色! 今日係大堂玩時,無意中見到高班畢業相係迪士尼影,背景似係迪士尼酒店樓梯!估唔到德貞都會玩呢隻! 我以前係學校禮堂咋!
又到左粟米最期待既返學時間!照常去食飯行陣再返學,今日落左陣雨! 當可以入學校時,粟米好開心,差啲連同粟米爸拜拜都無哈哈! 粟米開始記得老師個樣,見黃老師企左係樓梯迎接小朋友,佢望住黃老師,想黃老師一齊入課室!我同粟米講,黃老師一陣先入課室,我地課室等啦!黃老師都叫佢返入課室先,一陣見! 今次又輪返鄭老師教! 今日既程序: 1)小肌肉訓練區 2)茶點 3)故事 4)美勞 5)放學 原來之前放學經過成日見到啲小朋友同家長玩既地方就係所謂既小肌肉訓練區!有啲哈哈鏡,有啲磁石玩具,有啲開門鎖...,都幾多野玩! 玩完就排隊洗手,返課室,拎書包入面個水杯出黎!等老師倒水,飲水!飲完又放返好書包! 跟住又係點名時間啦!其實佢地都仲未係好識聽到自己個名之後叫到!都係啲老師家長提佢地舉手! 聽故事,今日講愛護花,可能啲小朋友都無咩耐性,又走來走去,令粟米都唔係好留心!不過粟米依然記得入面既小狗唔見左個波,最後都無講搵唔搵得返個波!只係不斷叫小狗唔好咬啲花! 講完故事就叫小朋友扮花,老師扮蜜蜂採花蜜,之後又叫小朋友採花蜜,家長扮花! 到勞作時間,今堂係蝴蝶,要將老師準備好既不同形狀紙碎或者粒粒,貼上畫紙上既蝴蝶上面!粟米第一次玩膠水!唔算太鍾意,不過都會貼下! 貼完玩玩具,有啲扮蔬菜既拉鏈玩具 粟米,橙同青豆,我諗可能唔太吸引啦,好多小朋友都第一時間去左玩另外啲玩具同做勞作先!粟米都有玩,但係好快就唔玩! 之後走去玩其他玩具,見到佢最愛既數字拼板,佢都砌左好耐!直到放學!哈哈! 今次有粟米條送俾小朋友! PS : 原來仲有3堂咋!唔知完左之後粟米會點呢?到目前為止都好鍾意返學!
今晚因為約左fd 食飯,留粟米俾粟米爸照顧一晚,點知粟米爸病左,放工睇完醫生食左藥去訓覺,雖然佢話叫我出門口叫醒佢,但係見佢食左藥,諗住俾佢訓多陣啦! 交個任務俾粟米做,佢知粟米爸病左要休息,亦都知我今晚出街唔帶佢去!見佢都乖乖地睇youtube,俾個任務佢做! 我同佢講個pad 依家7:11,7:30幫媽媽叫daddy 起身,佢好爽咁答我,唔知佢係咪真係會咁做,見佢都識睇數字時間,所以俾個測試佢! 係我搭緊車個陣,見7:29 唔知粟米有冇真係叫,我都打俾粟米爸叫佢起身!順便問粟米有冇叫佢起身,粟米爸話無,我諗可能掛住睇片忘記左! 到左我返屋企,我再問多次粟米有冇叫daddy起身,粟米爸竟然答有喎, 話係我收線之後,粟米就入房叫佢起身,仲話佢知痾左屎要換片添! 估唔到未夠兩歲半既佢都做到我交低俾佢既任務,即係證明佢係長大左好多!都係既,學識數字其實都做到同表達到好多野! 睇黎下次可以學下日本咁叫佢幫手買野哈哈!
粟米對返學非常期待!開開心心揹住書包!搭車去食個午餐! 食完見仲有時間,行去睇下玩具店,粟米聽到唔係返學就係咁講要返學!我地話佢知未夠鐘,無小朋友排隊,一陣先再帶佢返學,佢帶住半信半疑既態度陪我地行去睇玩具! 見到有麵包超人扭蛋,問佢要唔要,佢全個腦都係返學,最後仲叫粟米爸唔好睇野,要返學!真係咁鍾意返學?? 唯有行人返去學校排隊啦!都開始有小朋友排緊! 拎返個學生證出黎掛返係身先!等無將耐就入得啦,同粟米爸講拜拜,我地就入課室啦! 入到課室叫粟米放好書包係櫃到,再去洗手揀個位坐! 原來兩個miss 會輪流負責既,上次鄭老師負責講,今次係黃老師負責講! 上次個坐唔定既妹妹,今次由爸爸陪,唔係媽媽陪,依然都係坐唔定! 今日既程序係: 1)唱遊室 2)茶點 3)故事 4)勞作 5)放學 先去唱遊室,唔陪粟米都唔知個間房係唱遊室,講真除左課室,依家對幼稚園其他地方都無印象!唱遊室我諗我都係第一次黎!今次玩扮渣車!粟米見老師派圈,無自己份,就講話我無喎!我同佢講等一陣老師就會俾你,唔洗急! 粟米都有跟住老師教既黎做動作,真係幾得意架!跟住加埋家長一齊玩!算係親子活動啦! 玩完渣車,又唱有隻雀仔跌落水,再加埋呼拉圈,當歌停左就要跳入圈到!玩完要去洗手啦! 老師帶我地去洗手,入返班房就去拎書包,拎返水杯出黎,等老師斟水! 粟米飲少少就唔飲,啲水我飲晒! 今日都有點名,今次派既係peppa pig貼紙! 之後,又放返好個書包!坐返好聽故事!今日主題係“交朋友“! 講完故事又係做勞作既時候,今次係手帕,用印仔印返啲公仔係手帕上!粟米最鍾意啦!係公司都好恨印!今日任印啦! 印完放畫紙係美勞櫃,就去玩串珠,第一次玩串珠,雖然好大粒,但是粟米未玩過,驚佢唔識,不過佢都好努力去試,老師就教打直串,粟米唔係好得,我教佢放係?打橫穿!結果打橫佢穿得順利啲!穿晒又再重新穿過!玩左兩次,就轉戰玩玩具! 佢都叫做玩左3樣玩具架!有一個原來係要用鎚仔既,佢又勁喎,一拎起就知係要黎打落去圓柱積木!未玩過呢個玩具都識玩,又真係叻喎! 玩到咁上下都放學了,今次老師派朱古力卷! 係門口開俾佢食,可能佢大力得濟啦,下面個啲碎晒,我拎唔出黎,粟米好想食,我唯有帶佢去買啦,因為搭車個站有暗零食店,估計個到應該有! 粟米帶住懷疑既心情同我行入零食店,結果真係搵到有,仲好平添,一盒10.9,好似有廿條! 買完就搭車返屋企lu!
今日係德貞係深水步運動場搞親子活動,一早起身見天氣寫會落雨都心感不妙,但係又怕落一陣又唔落!! 見有雨都堅持去下啦,去食個早餐再搭車去,去到就見到好多家長接返D學生走,聽到開咪叫家長係看台左邊接返小朋友!! 就係咁白行一趟,不過落大雨都係要取消啦,仲要黃雨更加要走!! 再問老師CONFIRM下,真係取消左,就行返去搭巴士走人LU!! 真係可惜,雖然粟米都唔知有咩玩,淨係知有好多小朋友,但係聽到無得玩,搭巴士個陣都有D悶樣出左黎!哈哈
時間過得咁快,又到左之前報名既新生愉快學習班,每星期六上個半鐘!! 2點10去排隊,好快就有得入學校啦!!通告寫要帶書包同杯,等佢地知道第時返學要揹書包既!!仲擔心粟米會抗拒,細時俾佢揹野,佢好快就除低話唔要!!好彩今日佢又肯揹喎!! 仲以為會好似上次咁,一入門口就派名牌添,今次只係門口額探,就行去通告上指定課室,係課室門口派名牌,之後放低書包係書包櫃,再排隊洗手搵位坐低!! 估唔到一班都有17個小朋友BOR!!都算幾多!! 粟米比我想像中定,反而有個妹妹唔聽阿媽話,不斷係課室走來走去,個阿媽一尾得個叫字!!有時真係覺得好嘈,我都聽唔到老師講D乜!! 原來每次既程序都係咁: 1.大堂做運動 2.茶點 3.講故事 4.勞作 5.放學 老師講解左一輪就開始學習班了!! 先係大堂做運動,老師會先教小朋友熱左身先,之後俾D遊戲佢地玩!! 每次遊戲都要返轉頭同下一個小朋友擊掌!! 最多人揀既應該係推波波,之後就係平衡木豆袋,其他既有踩膠,推木公仔!! 因為唔俾影相,所以唯有文字MARK啦!!(想偷影但係又怕俾人話,無偷影到) 做完運動就去排隊去廁所,粟米仲未識去廁所,我問佢想去廁所定係洗手,佢話洗手,洗完又去排返隊!! 入返課室,拎書包出黎,老師要佢地拎隻水杯出黎,斟水俾佢地飲!! (其實有陣時都唔明,通告上寫既野,D家長係咪盲既呢?都會有家長唔幫小朋友預備書包同水杯!!所謂身教,你大人都唔聽老師講野,小朋友又點會聽) 飲完水之後,老師同小朋友點名,聽到自己個名就講"到"及舉手,老師就會貼張貼紙俾佢地!! 點完名就唱下歌,講下返學既故事!!唱下歌同小朋友握下手!! 跟手就係教佢地做勞作,今次係書包填色!! 亦都係位置有限,未有位做勞作個陣就玩住玩具或者玩用羹搬珠仔!! 老師分配左粟米玩珠仔先,粟米搬得好快,玩左三次,我見勞作有位,就問老師可唔可以去整勞作,因為粟米玩厭左珠仔開始亂玩,為免佢搞事,就搵其他野做!!哈哈!! 做完勞作,又去左玩玩具,又係因為見有位啦!!因為地方細,我企係到望佢玩,唔迫入去入面!!! 玩到咁上下老師會講仲有幾多分鐘,到夠鐘老師同小朋友講校長準備左D棉花糖俾小朋友,要小朋友揹好書包拎埋勞作同老師講拜拜就有粒棉花糖,拎到棉花糖要講多謝,同埋要返屋企先食得!! 當然食呢樣野,好多出左學校門口,D家長就俾佢地食!! 就係咁完成左學習班既第一堂!!一班有2個老師,鄭老師同黃老師!!! 睇黎粟米咁定,我應該唔洗擔心佢第時正式返學會坐唔定!!
今日係新生體驗日,粟米爸因為要返工,所以無得陪,不過點都係無得陪,因為只限一位家長陪入學校!! 原本諗住同粟米食米線,但係見好多人,想食粥咩?又好多人,最後唯有食最快而又無益既麥記!! 食完就行去學校到排隊岩岩好時間,張通告話最好 2:10至2:25分係出面排定隊!! 去到都算多人排,不過都KEEP住行,又唔算等左好耐!! 嗯,排隊期間,我好開心粟米唔洗我抱會跟住排隊,睇見其他要抱既小朋友有D咁既感覺!!可惜都有俾人影響既時候!! 後面有個小妹妹扭DADDY抱,係多次扭,結果粟米見人扭抱,佢又想抱,我當然唔會俾佢得承,即刻轉移佢視線,叫佢望前好快到,幫我拎張通告俾老師!!好彩轉移到!! 去到門口,先額探,無事就拎LABEL同班號,之後排隊等入課室!! 因為係 201室,所以要行樓梯,樓梯上有數字,粟米最鍾意,一路數一路行!! 入課室前要先洗手,男仔去男廁,女仔去女廁!!洗完就入課室坐!! 小朋友坐前,家長坐後,家長張凳好細張囉,真係有D坐唔到既感覺...!!因為D凳仔原本就係俾小朋友坐既!! 坐定定之後,老師先講重要野,8/28有個新生家長日係早上既,到時會有通告通知!! 另外,報名體驗學習班既就記得帶背包同杯!!其實呢D通告都有寫!! 開始先黎講故事,講一個伯伯種蘿蔔,之後蘿蔔因為太大舊拔唔出黎,所以要搵好多幫手先得!! 人物: 老伯伯,老婆婆,小朋友,狗仔,公雞同母雞 老師一路講故事,一路教小朋友做動作,講完晒,就請小朋友出黎戴上帽,依次序咁出黎扮拔蘿蔔!! 粟米見小朋友有帽戴(佢不嬲都唔LIKE既),竟然想要!!仲諗佢會唔會出去玩時會走佬,佢係最後一個出去,扮母雞既,原來佢都OK喎,都乖乖地坐係出面,但係動作人地"前後"郁,佢就變"左右"咁囉! 期間都有D小朋友怕醜同喊既,老師都好好唔勉強!! 之後唱歌做手勢,唱"太陽伯伯"同"有隻雀仔跌落水" 唱完,老師就教點樣做勞作,個勞作係蘿蔔!! 因為地方有限得8個位係整蘿蔔既!!未排到既就玩住玩具先!! 粟米走左去玩玩具先,玩砌數字,係一個鐘黎既,跟返D圖形砌返D數字上去!!都玩左好耐下!! 見有位,就叫粟米去整左蘿蔔先,整完有時間又去玩返佢頭先既玩具!! 直到老師話夠鐘 3:30要落去遊戲室到玩啦!! 落到去粟米都會周圍玩下摸下,到最後佢只係停留係射籃個到玩!!雖然未夠拎射到,但係佢都玩得好開心!! 係玩緊期間,有個老師同我傾左幾句啦,佢話粟米好專心,話多數小朋友都係玩一陣就轉第二樣,同埋掉個波掉得咁遠,證明佢D小肌肉都發展得好好!!話粟米掉波既力度同K2個D都係差不多!!老師仲話粟米一D都唔似細B!! 的確眼見呢班小朋友,粟米唔知點解好似大過佢地咁,講緊唔係高度係行為!! 到左3:50分老師話夠鐘要走了!!拎返個蘿蔔同老師講拜拜就走了!! 出左校門,我問粟米野!! 我: 你鍾唔鍾意學校呀? 粟: 鍾意 我: 咁你鍾唔鍾意老師呀? 粟: 鍾意 我: 咁下次媽媽再帶你返學好唔好呀? 粟: 好 暫時佢都對學校好有興趣哈哈!! ********************************************** 搭地鐵個陣,粟米拎左個蘿蔔當掃把咁幫地鐵車廂掃地,搞到有兩位外籍女士不停笑!! 可憐既蘿蔔!!哈哈!!
見信箱有信拎出黎望,原來係德貞寄黎既,係通告黎既,通知返 3/12新生體驗同埋我報左個學習班到時要帶既野!!最緊要係到時要帶埋呢張通告出席既!!
今日收到一封信係俾粟米既,原來係德貞寄黎! 封信係問參唔參加學校體驗,有一日係免費,之後4月至5月可以俾900蚊,每個星期六返學個半鐘去試下適應學校學習環境,完成左會有張證書!! 咁當然都參加啦,反正佢無讀N班,俾佢知返學係咩回事都係好事黎既,又唔係貴!! 另外,之前新年前因為太凍取消既親子活動,4月10又會再次舉行,呢次有得簽回條去定唔去!!當然都揀去啦!!俾粟米去認識下朋友仔都好既!!
擒日收到個CALL話有得拎相,真係好呀趕得切新年拎CD,不過臨新年真係好忙,仲要呢個時候有相拎,真係唔知做得D乜!! 其實係拎左隻CD先,相簿同相都係要遲D先有得拎!! 粟米爸收早,咁就可以睇住粟米,我就自己一個去拎相啦!! 去到俾張單佢,結果又話差一張相,叫我等多5分鐘,又話準備好既...!!到佢俾隻CD我時,又同我講叫我下次要拎返另一張單俾佢,其實我兩張單都有帶喎,只係諗住最後開個張單為準先拎個張單俾佢!!下次兩張俾鬼晒佢自己慢慢睇!! 呢輯同爺爺嫲嫲影既相都算唔錯!!
今日收到德貞電話打黎話我知無校車,叫我自己做好安排!! 唉...其實都預左,都有D失落啦!!睇黎轉上午都係好微!!
好快又新年啦,一早問定間野幾時有得影,貪佢平靚快啦!! 見佢有新年景,即刻問日期時間有冇位,不過我諗應該無咩人咁早BOOK掛!! 因為時間緊迫,所以去到荔枝角求其搵間野食,諗住求其但係撞正人地食LUNCH,又真係好難搵下!! BOOK左2點影,食到差唔多就開始搵係邊到,因為間野搬左,唔係之前個到!! 我行上行落,行左行右都搵唔到邊到去個間野,唯有FB MSG向間野求救啦!原來間野係我頭先上去個邊既另一邊有,我只係行左左邊個D鋪,無行右邊!!哈哈! 我今次帶左兩件新年雙面衫同一件BEAR衫(求其拎)! 同慣小朋友影相係唔同D,粟米真係乖D,攝影師姐姐又捕足到!! 先影新年LOOK,再影BEAR!影完姐姐話可以即日俾相我,因為無客影可以執相,不過要D時間!! 咁出去飲D野轉頭再返黎拎相,我仲向攝影姐姐買左一盆假吉添哈哈!!60蚊唔洗我自己搵實在太好,都係諗住用黎自己屋企再幫粟米影下新年LOOK!!