facebook pixel code

粟米媽

粟米媽

他的寶貝

370貼文
0話題
0關注他

日期

#Tag

  1. 網誌
網誌區塊
2013年10月10日
公開
63

產檢(私)

話咁快又見私家醫生,又照下粟米!! 因為1:15pm時間又唔知點,我地又唔太肚餓,所以就諗住睇完醫生先食野!! 點知...今日好多人,仲好耐添bor!! 12:55pm 去到, 之後當然係去磅重,量血壓,探熱同驗小便!! 血壓 : 71/119 心跳 : 89 體重 : 63.2KG 小便 : 正常 等到差不多2點半先見醫生!! 醫生都係問有冇見經同肚痛,問我有咩問題,無就上床CHECK!! 上到床,摸完個肚,醫生竟然話"咦?!你個肚又真係唔太似34W既肚喎,個肚細左D喎!不過唔緊要,要照左先,有時肚大細又未必BB唔岩SIZE" 醫生話粟米 頭圍同大脾骨都正常,個肚圍就細左一週!! 粟米依家有 2221g (4lbs14oz)!!有重到BOR!哈哈! 我問醫生咁細一週會唔會有影響呢?醫生答話可能只係部機照唔到,個肚就唔太緊要,都合週數唔太大問題!! 醫生唔知係咪太忙,無啦啦問我係咪之後都留係香港唔會返上去!! 我呆左一陣...."下?" 醫生再望真D資料講"哎呀,記錯左,呢到都寫係住香港" 之後醫生問我係咪開始放產假,問我公司幾時放我產假,因為都 36W了,係時候要放產假啦!! 我答: "係喎,36W啦喎下次,都應該放既..." 醫生問:"你公司幾時放呀?前4後6,定係前3後7?" 我答: "其實公司無話幾時放,不過幾時放都得" 醫生問:"即係自己公司?" 我答:"係丫" 之後BOOK下一次產檢期, 因為星期四醫生放假,所以今次BOOK左 星期五!! 下次產檢 : 2013.10.25 3:00PM 34W1D 頭圍 34W1D 大脾骨

2013年10月07日
公開
62

產檢(政)

又返瑪嘉烈產檢了,早少少到,去到都已經有人排緊,時間就1:45 pm, 1:30 pm 都放人入去登記,排隊等個陣,有d唔明點解人地既老公可以施施然坐係到,完全好似睇唔見有好多大肚婆企係到,當然除左個d幫老婆霸位既老公啦,仲有一位見到有咁多大肚婆企都忍唔住企起身讓位既人!! 其他人既老公點解可以坐係到唔讓返d位出黎呢???連粟米爸都唔明點解d男人咁好意思坐係到,都明知呢層係婦產科啦,佢地d老公咁唔識做,佢地既太太就真係唔好要求人地讓位囉!! 去到登記交文件,之後磅重,量血壓,小便今早已經留起,等阿姐拎試紙俾我,排排下都好多人等驗小便!! 體重 : 63kg 血壓 : 67/113 心跳 : 95 小便 : 正常 之後又係等叫名啦,叫左名入去護士室見護士,其實都只係對返文件既名,又再出去等叫名!! 等到叫名,係8號室門口等,今次原來有醫生見,女醫生黎既,醫生叫我訓係床,我以為會好似上次咁check陰道添....原來只係好似健康院咁,摸下bb個頭上定下(當然係下啦),又係我肚皮上度下bb size (真係準咩??),之後再聽下bb心跳,咁就落得床啦!!一.一 之後醫生問我要唔要安排驗返B型鏈球,有得驗梗係驗啦,幫我約左10月16號驗!!講返我知上次(28W時)驗血糖正常!! 跟住醫生就話無咩特別就返健康院檢查啦,叫我係1A室前等拎文件!! (唔係化...又返去...) 去到1A室前,有好多人,所以都係坐開D,反正都係要等叫名!! 等緊個陣見到有位孕婦狂鬧佢老公,佢老公個樣好7咁樣笑!! 到叫名啦,又入去見阿嬸,阿嬸拎份野文俾我,話我知之後都係健康院產檢,唔洗返黎,直到生個陣先返!!出去出面2號窗約期!! 話就話出面2號窗約期,其實咪又係要自己打去健康院到BOOK佢地指定既時間囉!!10/24 9:30AM!!!一.一" 就係咁走人了!!!

2013年10月02日
公開
86

宮縮

成日聽到d媽媽話宮縮好痛,因為未係生既時候,所以都係假宮縮! 我完全感受唔到咩係宮縮,又或者其實有我唔知掛....無痛既感覺,淨係知粟米周圍撐同頂!! 究竟係幾時先會有假宮縮既呢???於是上網check下啦! http://www.parents-kingdom.com/index.php?option=com_message&contid=469 宮縮真假之分 懷孕期間，突然發覺子宮收縮，肚子硬起來，是時候分娩了嗎？ 　　這種宮縮現象，在懷孕期間經常出現。宮縮有真假之分，假性宮縮就像是給準媽媽一個預演，讓妳先熟習一下分娩宮縮的感覺。 　　假宮縮的出現時期與頻率均因人而異，亦於每次懷孕不同，有些準媽媽早在第二孕期便出現。有些準媽媽每天有數次宮縮，有些則完全感受不到。在運動後或行房後，宮縮次收可能會增加，力度也會增大。 如何分辨分娩的宮縮與假宮縮？ 假宮縮 頻率: 不規則，亦不會隨時間變得頻密 變化: 宮縮會因為準媽媽的休息、步行，甚至轉換姿勢而停止 力度: 通常是溫和的，不會加劇 疼痛: 通常只有前腹或骨盆位置感到收縮 分娩宮縮 頻率: 有規律，每次維持約30-70秒，次數會逐漸頻密 變化: 無論做任何動作或休息，宮縮情況只會加密加劇 力度: 穩定地增強 疼痛: 後腰位置開始延伸至前腹的收縮 *如果妳不肯定子宮收縮是假抑或真，最好還是立即請教妳的醫生意見。 睇完...我諗有時粟米變硬,可能係...宮縮都唔定!!

2013年09月28日
公開
56

影孕照

今日book左影相,由於唔太接受到室內露肚feel既相,但係都想影d相留紀念,開頭想話不如自己帶相機影下,但係又驚到時體力支撐唔到!! 有媽媽會既人介紹有平既拍照服務!!! Vision Photography 服務包括: $138 60分鐘攝影優惠 >•拍攝人數3位 >•8個全高清JPEG相片檔⋯⋯ (可作囇大相/大型相冊/油畫海布之用) >•8R相片1張 >•8張4R沖曬 >•相片後期美工製作 >•設日光燈，減低對幼兒眼部的刺激 或加$100戶外攝影 > >*星期六日需加收$100附加費 見平平地都可以試下,自己無咁辛苦,就揀左影戶外,係馬灣公園影!! 3:45係珀麗灣等,仲擔心落錯車站,驚搵唔到攝影師,因為佢話車站等,好彩都無落左站,因為一個站就到!!而且攝影師都剛好影完一pair夫妻孕照!! 今日天陰,天氣唔算熱,又唔曬,都算舒服!!其實都無帶到d咩衫去換,只係帶多一件係沖繩買既鯨鯊tee同粟米個件去,加多對鯨魚襪仔就算!! 馬灣公園無以前咁多人入去影婚照了,攝影師都話以前好多人,依家無咩人,加上依家變左蒙蘿既專利,出面既人係唔可以入去影!! 唔知係咪我個肚都真係唔係太突出,攝影師問我有冇d再現肚d既衫,又或者會露肚既衫!! 一個鐘好快過,影完之後,就返出去,坐低講返揀相事宜,仲有upgrade plan可以揀!! 1) $780 呢就可以要返晒所有相,唔洗揀相!!到時寄返隻cd俾我地! 2) $980 所有相 + 8吋水晶畫 + A5相冊 , 到時會EMAIL俾我地揀相,所有野完成後就會寄返俾我地!!! 結果我揀 $980個PLAN!唔洗煩!哈! 搞掂就搭返車返去葵芳,再去荃灣買毛巾同室內電話!!買完食埋晚飯就返屋企!! 全家tee

2013年09月26日
公開
53

產檢(健+私)

(健康院) 今日要去兩個唔同地方去做產檢,唯有早D出門啦!! 先去西九龍健康院!! 9:45AM 到達健康院樓下,已經有D阿姐叫人入會!!但係佢叫人入會既方法都幾好笑!! 阿姐: 黎拎左份禮物先!!(美贊臣紗巾) 我: 唔洗啦 阿姐: 拎左先啦唔好唔洗啦 我擰晒頭!!粟米爸係側邊笑!! 之後上到去,拎籌,再去廁所裝小便,跟住就係磅重,量血壓同驗小便!! 體重: 62KG(除鞋磅) 血壓: 104/67 心跳: 89 小便: 正常 等叫名去1號房俾阿姐摸肚,阿姐摸個陣同我講要摸下粟米個頭係上定下,佢摸左好耐,佢話上同下都咁硬,話摸到腳仔,之後話個頭仔係上面(其實上次私家照個頭係下面無理由又轉返上黎),阿姐用軟尺度SIZE,再摸多次,佢話要摸真D,痛就出聲,其實又唔係好痛,不過FEEL到入面隻野有D唔高興俾人摸咁耐!! 最終阿姐都摸到個頭係下面,跟手聽BB心跳,CHECK完正常又出返去等!! 叫名去14號房,入到去,姑娘問有冇咩特別野,下次覆診就要去返瑪嘉烈,如果醫院個邊無講返健康院既話,咁之後都係個邊!!仲話一陣俾返晒D文件我KEEP,到時拎俾醫院!! 姑娘CHECK返我對上個次幾重,今日幾重,之後計數,平均每星期重0.275,話都OK! 又出去等叫名!!唔洗一陣又叫左去7號房,拎文件咁就走等得了!!當時已經十一點,走去睇下仲有邊到有早餐食啦!!好彩大快活都仲有早餐!!因為一陣要再CHECK小便,所以唔敢食多同埋檸茶走甜!!一.一好難飲哦大快活走甜既檸茶!! 下次瑪嘉烈產檢 : 10/7 1:45PM 食完,見仲有時間,粟米爸話行下黃金要買個HARDDISK盒,咁早有開嗎??原來都真係有開架BOR!!之後又睇下玩具店,間直好似係放假咁既FEEL!! ***************************************** (私家) 之後十二點就搭小巴去法國醫院啦!!去到都係 12:20!! 拎籌,磅重,量血壓,探熱,驗小便!! 體重: 63.4KG(連鞋磅) 血壓: 104/62 心跳: 95 體溫: 36.4 小便: 正常 之後當然又等啦!!好似好多人咁!!等到咁上下醫生有事突然行開左,姑娘話醫生臨時有事,半個鐘後返!!好彩食左早餐,都唔急,打住機等哈哈!! 到醫生返黎都2點半了,等左陣到我地入得去!!醫生都係問個D問題,有冇肚痛同流血,我話無,問BB有冇郁,我話有,問我有冇咩問題問佢,我今次問醫生我背脊痛,醫生話咁係肌肉問題,對BB無影響!!一.一咁我要拎少D野先得了!! 無問題就上床照下BB!!先黎醫生摸肚,醫生話以我32W肚黎講,算係細喎!!又問多次BB有冇郁,我話有丫,醫生第一時間就照下BB有冇心跳,之後就度大脾骨,醫生話肚雖然細,但係BB大脾骨又岩週數喎,再照頭圍都合週數,係BB肚仔細左一週,不過都係係正常既週數入面!! 之後落返床,醫生話之後就要兩星期一次!!叫我食多D蛋白質,食魚,蛋,鮮奶丫咁!!(其實我都日日食同飲咁濟) 走時我問醫生陪產個D係咪唔洗咁早講,醫生話到時會問,唔洗依家講定!! 下次產檢:10/10 1:15PM 32w1d 頭圍 32w1d 大脾骨

2013年09月06日
公開
116

胎兒標準體重

上網查下粟米究竟係咪肥仔定係潺仔!!見到呢個表!! 睇黎29W既粟米都仲係正常BB一名!!哈哈!! 產檢時若醫生測出胎兒體重低於表中10%,就表示胎兒體重不足。 若大於表中90%,就表示胎兒體重過重囉!!! 單位:公克 週數 性別-----10%-25%-50%-75%-90% 26週 男 707--817--915--904---1201 26週 女 494--785--915--1057-1190 27週 男 875--1010-1121-1313-1486 27週 女 696--882--1042-1167-1357 28週 男 1025-1185-1327-1579-1785 28週 女 844--998--1185-1327--1600 29週 男 1161-1346-1525-1803-2072 29週 女 966--1132-1342-1522-1877 30週 男 1290-1500-1712-1997-2328 30週 女 1083-1281-1513-1740-2157 31週 男 1417-1652-1888-2170-2543 31週 女 1212-1452-1695-1968-2416 32週 男 1551-1808-2055-2335-2719 32週 女 1336-1634-1887-2199-2640 33週 男 1698-1971-2219-2500-2863 33週 女 1543-1828-2086-2424-2826 34週 男 1867-2148-2389-2674-2991 34週 女 1753-2032-2291-2638-2979 35週 男 2007-2343-2576-2868-3137 35週 女 1990-2243-2500-2838-3115 36週 男 2308-2561-2795-3088-3328 36週 女 2244-2457-2709-3022-3298 37週 男 2600-2806-3064-3341-3612 37週 女 2501-2672-2892-3193-3443 38週 男 2756-2934-3191-3445-3683 38週 女 2607-2827-3048-3286-3543 39週 男 2819-3049-3313-3584-3838 39週 女 2752-2937-3183-3443-3702 40週 男 2932-3157-3420-3699-3915 40週 女 2801-3040-3294-3562-3811 ~超音波專用術語~ BPD：是指胎兒頭骨橫徑！ AC：是指胎兒腹圍的長度！ CRL：是指胎兒頭頂到臀部的距離！ FL：是指胎兒大腿骨的長度！ HC：是指胎兒的頭圍！ EFBW：是指預估寶寶的總體重！ AFI：是指羊水指數！ FHB：胎心音！ FTA：是指寶寶在超音波下的週數！ DGA：是指最後一次月經所估出來的胎兒週數！ TTD：是指胎兒肚子的橫徑！ APTD：是指胎兒肚子的前後徑！ FSD：是指子宮底到恥骨聯合上緣的長度，一般來說長度的公分數就等於胎兒的週數。

2013年09月05日
公開
70

產檢(私)

約左12:45pm去睇醫生,又係時候照下隻粟米有幾大啦!! 今日血壓 61 / 91 心跳 92 體重 62.6KG (私家同健康院唔同既分別係,私家唔洗除鞋,健康院要) 驗尿 蛋白尿正常,糖尿 超晒標 4+ (因為今早飲左杯超甜既檸茶) 體溫 37度 都唔係等左好耐就有得睇,入到去醫生就問我有冇咩唔舒服,有冇肚痛流血,當然無啦!! 不過因為驗小便,張試紙變左啡色,醫生就問我係咪食左或者飲左D乜野,我老實地答飲左杯檸檬茶,醫生話唔怪之得啦,最好睇產檢前兩小時唔好食同飲野!!咁樣就會好D,唔係既話會影響測試!!叫我唔好食太甜同太咸既野!! 問我有冇新問題問佢,我無丫!! 無問題就上床俾醫生照粟米啦!! 醫生今日好似心情唔錯,講左好多野,佢話政府個到驗血糖情況,我話佢知驗左了,上星期一驗,到依家無收過電話,醫生話咁無收到電話應該係正常既!!我地都有得驗,600一次,政府個到有得驗就當然係最好啦!! 醫生又講政府個邊應該 35-37週會幫你安排驗B型鏈球菌,我話係丫有講過,醫生就講到時你都照去驗,我地呢邊到時會叫你簽返封信問返個邊拎報告既!!你都可以係我地呢邊驗,費用都係600,不過個邊有得驗就當然係個邊驗啦!! 跟住醫生話摸下肚,就講依家個肚既大細都合乎週數,因為依家個BB太大,就一次過照唔晒成個,我地就續PART睇啦!! 醫生一照就照粟米個頭仔,見到粟米既側面,不過醫生無幫我CAP低個樣!!之後就度頭圍,話乎合週數,醫生話粟米依家個頭轉左係下面啦,呢個週數有七成既孕婦 BB都係轉左向下,所以問題不大,我就問醫生轉左向下咁會唔會影響早產架?? 醫生話唔會,因為仲有經個過程先會作動,要入盆啦,再經子宮頭,先會生得,依家未有咁快!!都好D!! 之後醫生問心跳俾我地睇啦,又照粟米背脊,跟住照大脾骨,又度下大脾SIZE(正常), 之後醫生就話要照下粟米個肚啦!!其實有D位置,唔係醫生講我地都唔知咩打咩哈哈!!!醫生話我地知呢到係BB既胃呢到係BB既肚!! 粟米佢依家打側訓,D手腳向晒我既左邊!!所以好多時都會感覺到粟米係左邊既郁動會多D!! 粟米依家有 1376g 即係 3磅1安士 我問醫生佢係咩size bb!! 醫生話算係中size,但係唔可以作準,要再大少少先知!!仲問我係咪第一胎,第一胎既話唔好咁大會好d!! 醫生話之後就三星期產檢一次!!下次約 2013-09-26 12:45pm 我事後睇返...同健康院同一日,好彩既係 健康院約左 10:00am 咁應該都仲夠時間去法國醫院既!!粟米爸話同一日仲好啦,就算係時間重覆左都可以唔去健康院,私家緊要d,因為有得照粟米!!好似...有d道理!!! 上次 粟米 25w1d 個陣 760g 依家 29w1d 咁快就 1376g , 佢都重左幾多喎哈哈!叻仔丫有吸收!!一個月重左616g!!^^ 29w1d 肚圍 29w1d 大脾骨 29w1d 頭圍

2013年08月29日
公開
50

產檢(健)

又係時候去健康院產檢!! 早dd出門,因為9:30am 產檢!!去到9:15am都唔係太多人!! 岩岩登記完拎籌,轉頭粟米爸就話聽到叫number入去- 磅重量血壓同驗小便!! 咁就入去啦,磅重 60.9kg(好似無咩點變), 血壓121/64 心跳 96!! 姑娘問我有冇帶小便,我話無,姑娘話下次記住帶返!!不過我同姑娘講:"我見你地寫話第二次小便,一早起身邊有咁快痾到第二次丫,所以先至唔帶,諗住黎到先小便!!" 姑娘聽到之後,淨係哦左幾聲,就俾紙杯我去裝小便!! 小便 正常!! 之後出到黎已經叫我名係1號房門口等,好快又入得去,當然入去就上床拿高件衫俾阿姐檢查啦!! 首先阿姐摸下粟米既位置,之後就同我講幫我度粟米size,就拎左把軟尺度,度完無講有幾大,就話幫我量粟米既心跳,今次無show俾我睇粟米心跳係幾多!! 阿姐話我知粟米暫時頭仔係上面,仲教我摸下佢頭仔,感覺好似好大力咁禁肚再去摸粟米個頭,阿姐話硬硬地呢個就係頭仔黎架啦!!(呢一刻粟米申左我一腳,可能係嚇親無啦啦俾人摸頭哈哈),摸就係摸到,但係有d驚,摸到舊骨咁真係有d驚既感覺!!摸完就出返去等叫名!! 等左都幾耐下先叫我名去十號房見護士長!!護士長問我幾個問題!! 咩名,bb有冇郁,腳有冇腫(佢有望一下我對腳),之後同我講都有重到!!對上個次 59.1今次60.9kg,但係佢又自己補返句,都有重到,不過之前係6week前,記住保持均衡飲食!! 我問護士長,其實胎動呢,要數既話點為之一次呀??佢彈一彈都叫一次 ?定係要keep住好似捲捲下咁先當一次?? 佢答我話:"其實彈都係一次,佢郁得好密架麻!!"我答:"都密既" 之後問我有冇自己係私家睇,我答有,問我會唔會係私家生,我話可能會,佢話咁幾時會再去私家產檢,我話9月5,佢就mark係張紙到!! 跟住佢又問我去上過d講座,我話之前上過!!跟住又問我有冇興趣上d實習講座,佢問我會唔會餵人奶,問我想唔想上,我話:"好丫",佢就幫我check幾時有講左!! 問我幾多個人參加,我話1個得啦! 10月先有得上,佢幫我book左 10/15 2:30pm!!學下都好既!! 之後無咩特別,佢就俾返張卡我叫我係出面登記預約下次時間,24w後產檢就4w一次!! 係我行去登記預約時間個陣,又俾護士長叫返去,原來佢問我有冇去抽血,我問佢係咪問血糖,佢話係,仲問我有冇話等消息,我話有丫,抽完之後無收過電話喎!!佢話咁即係無問題啦,我問咁係咪咁多日無電話就即係無事,佢話應該無事架啦!! 咁我又行返去登記預約,點知....又再開咪叫我,well做咩又叫我呀!!!咁岩預約姐姐幫我MARK緊時間!!護士長CALL左我兩次!! 預約完再急行返去十號房睇下咩事啦,原來係問我要唔要到診紙,我答唔洗啦唔該!!哈哈! 之後返出黎,粟米爸都問我,做咩成日都叫你架,我話因為護士長要問我野囉!! 走得去食早餐!! 下次產檢 : 2013.09.26 10:00am