親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
粟米媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
見佢食左一排糊仔同D BABY FOOD, 想俾粟米試下其他野, D媽媽成日提字母粉, 於是我都試下俾字母粉粟米試下!! 我用魚煲湯底,加蕃茄肉碎, 再煮D字母粉, 然後落字母粉去D湯到!! 結果,粟米開初有D抗拒,但係後尾都食到!!同埋食得晒,不過份量唔多, 米糊佢食到一碗,但係字母粉就食得細半碗!! 我諗我D肉碎可能唔夠碎,見佢吞個陣有D咳,可能D肉碎都仲係大粒左D!! 不過佢肯食字母粉都係一個好開始!!!
為左一個相機蓋,粟米真係可以去到好盡!! 我放左個相機蓋係梳化,粟米見企係身都拎唔到,就嘗試爬上去,開頭唔成功,但係因為粟米爸洗緊碗,佢知無得借粟米爸既大脾,又知我唔會幫佢,所以佢決定用自己既力量爬上去,最終呢條友仔真係爬到上梳化,成功拎到鏡頭蓋!! 天啊,點解咁佢咁勁架!! 呢個月佢仲有時放手就咁企添,雖然都唔太耐,最長可能都係十幾秒,但係佢真係好勁!! 我要睇緊佢了!!
幫粟米沖涼時,見佢玩緊佢D沖涼玩具,我就走左出去睇一陣電視!! 突然間聽到跌低既聲,拿拿聲走入去睇,OH!!!NO!!!佢成個訓左係浴盆到,我都唔記得佢係咩樣,因為我都急住要抱起佢同即刻幫佢勃走佢面上既水,幫佢抹面!! 當然佢喊到七彩啦!! 唉,依家睇少陣都唔得!!爬又爬得快,連沖涼都唔會乖乖地坐係到玩,唉...!!有排曳囉!!!
見D媽媽問有冇人有興趣影CAKE SMASH,見唔係貴,幾百蚊就走去影下啦,當然試影,因為我已經幫粟米BOOK左1歲個陣影返個貴少少既CAKE SMASH相!! 去到其實覺得間野....麻麻因為好亂,無之前影個D咁整齊,仲要有好多個人!! 先黎影全家幅,再黎影唔著衫既,加埋蛋糕!! 未影前估粟米會係一個破壞王,蛋糕應該都無得剩,點知到真係俾個蛋糕佢任玩個陣,佢反而唔係好整個蛋糕,只係拎左面個D綿花糖黎搾,仲要係好用力添,雖然有玩CREAM,不過都係陣,個蛋糕都仲叫做完整!!真係估唔到佢無我想像中咁暴力哈哈! 影完要等一陣,等揀相!!因為好多都對唔到焦,所以我好難揀到相!! 要揀28張,我第一輪揀得14張,哥仔叫我揀多D,第二次我都係揀左岩岩好28張!!仲要有D相係加埋同個FD個女影先夠!! 哥仔仲話如果揀多一張就50蚊, 10張 400, 全要700!! 老實講影成咁無可能要我俾700要晒囉!!連粟米爸都覺得我好奇,今次唔會要晒D相!! 我唔知係咪同學過影相有關,但係呢輯真係好多OUT FOUCUS,真係揀唔落喎!! 最後都係揀多左一張!!(因為有埋同個FD個女D合照先多一張)!!最後 29張走人!! 好彩呢輯我都預左係俾粟米試下影呢D,唔係認真,都預佢影得靚!! PS:揀相個陣好熱,原來有第二D媽媽影相,見小朋友除衫,要人關細冷氣,唔怪之熱到PK!!個到有成十幾人係到,仲要得一部3/4既冷氣!!一.一 究竟係我太唔在意粟米仔,定係人地太緊張 ???
因為大伯公司包場,有免費飛,益我地,就係咁粟米就有機會去迪士尼!! 今日一早好忙,因為要執定粟米既野啦,我地本身要帶既野!!食完午飯,就準備粟米D野!! 之後,三點半出門口!!粟米無訓到午覺!! 去到迪士尼因為地方陌生,真係有D扭計,係BB車都唔多肯!! 都有同佢去玩左幾樣機動遊戲!! 先去玩最近既巴斯光年,可能粟米厭嘈,又唔知佢呢到D人物係乜水,最後對住巴斯光年係咁鬧!! 因為見佢眼訓,我地走左去3D院到,涼冷氣休息下,呢套野真係睇左都唔知幾多次了!! 之後會合朋友,就去醫肚先,因為都六點了,粟米都肚餓了!! 食完就去買野先,因為有七折,張野寫只可以用一次,等我地仲集埋一次過買添!!最後原來無收到張優惠卷囉!!買左兩件衫俾粟米!! 不知不覺都八點,放煙花,睇左一陣!!唔係包場無牌既人就要走LU!! 剩低包場既公司職員,其實都真係幾爽,玩每樣野都唔洗排好耐,一陣就到!!大家都禮讓!! 我地又再去玩WINNIE THE POOH,但係粟米出黎時喊囉!!唔鍾意哈哈! 走左去玩旋轉木馬,因為我FD個女話想玩!!呢個真係唔知幾耐無玩過啦!!拍拖時玩過一次咁大把!!我諗都應該有五年或更久!! 玩到咁上下就睇巡遊,粟米仔係呢個時候已經無晒電,訓左!!巡遊超嘈,佢都依然訓得著!!哈哈!! 呢次新既巡遊真係幾靚!!終於唔洗又係阿JACK!哈哈!! 十點了,都係時候要走了!!!因為返到去夜,粟米都仲未飲奶!! 呢晚真係超累!!!係悶熱既天氣玩迪士尼真係有d辛苦!!!不過都係好既體驗!!下次一定唔會咁熱玩迪士尼!!! 我相信佢去完都唔知咩係迪士尼囉哈哈!!
又黎影相時間!!呢個係唔知邊到見到,add facebook 問,而佢話佢地依家做緊團購!$128 包10張相,仲有張8R連相框送! 去到STUDIO,感覺好大!!攝影師有D靚仔啦!! 唔知係咪因為有播住流行曲定係攝影師同BB有緣!!粟米仔好似好LIKE攝影師!! 心情愉快既粟米,爬得超快!!攝影師都真係影佢唔切!! 依家要佢坐定定真係唔係咁易了!! 不過今次影相比上次笑容多D!! 最好笑係,當攝影師走去轉景或者移燈,唔見左個陣,粟米仔會喊!!陌生人黎講攝影師真係第一個!! 影左都差不多一個鐘!!估唔到粟米都仲KEEP到個情緒,不過就爬來爬去唔定,有時仲想走去拎攝影師個相機添!! 影完要等第日揀相!!到時再CALL我!!
不知不覺已經去到300日啦,即係都有10個月大!!我走去買左個蛋糕慶祝下!!當然係自己想食個ITALIAN TOMATO既黑森林蛋糕,所以先去買啦HEHE!! 又去左12蚊店買數字蠟燭!! 粟米真係比之前大左好多!!依家識扶野企,又識爬,識叫"爸爸,媽媽,DAD DADDY,MUM MUM" 就快1歲了,再遲D就要返學,真係有D掛住岩岩開頭初生既佢!!! 拎左個蛋糕同粟米爸屋企人一齊食,同埋影相!!祝粟米健健康康!!! 今日佢突然學識左叫..."麻麻"
今日收到PAPAMAMA PHOTO 寄黎既DVD啦!!當然即刻放入電腦睇下D影成點啦!! 粟米爸話影得唔錯!!我都覺得幾好!!
話咁快又一個月!!又係時候影一輯了!! 今次係女攝影師,有兩個女人係到! 由於粟米都開始認人啦,對新環境都要慢慢先會適應!! 開頭都可以拋波仔引佢笑,之後都唔得了,仲要出動到俾餅佢食,再唔係就要姐姐出埋youtube睇兒歌既片,所以後期既樣多數都係定格樣哈哈!!同埋都開始識轉身同爬,真係有d難搞!! 每次影相都有唔同既轉變,唔知下一次影相又會唔會好麻煩!!! 由於唔洗揀相,攝影師俾個公文袋我寫低地址,到時約一個月後就會寄俾我,真係好方便呀!!
由於俾人發現重複報名,所以有日打俾我,問我係咪之前影過!! 不過間野都好好,唔會唔俾返D FILE你,不過就要俾返錢囉, 之前俾左360,補返240!! 原本有相片依家就變左無,原本有15張執相,依家就變左唔會執相!! D相整好落CD就會叫我去拎!!過兩星期就打黎通知話可以去尖沙咀分行拎!! 今日剛好得意可以去拎相!!都算快有得拎!! 拎相個陣我順便問D野,因為間野有做團購,原本想話結婚週年可以影返輯,但係因為唔可以重複影,就無得免費,睇下團購有冇得著婚紗禮服影啦!!問完既結果係,婚紗要另加600,禮服又再另加錢1200,化妝又另計...!!團購價688 + 600 +1200....,條數真係...唔係好得!! 唯有再諗下有邊間平平地可以俾我地一家影婚紗相!!
見粟米都仲有啖未清,仲有咳,聽D媽媽講猴棗散有用,再問下朋友,就出去買黎俾粟米試下!! 去到見猴棗散同猴棗末,我買個職員有咩分別,佢話猴棗散係熱咳用,我問咩叫熱咳,佢話即係啖有色,猴棗末就無分熱定寒岩BB多D,價錢當然...一.一貴好多啦,幾十蚊同二百幾蚊既分別!! 早知BB展個陣就入定貨,看門口都好丫!!依家買左6盒有九折,因為職員話最少都食三日!! 一枝一日!!買得3枝不如就買6枝啦有折!!咁就無左一千!!!希望有效啦!!! 不過有個好處,就係一日只餵一次,而且無咩味,用匙羹餵佢都肯飲,當飲水,呢到都真係值返個價!!
見粟米仔無事,我就出發去BB展!!今次無帶粟米仔去,留佢俾粟米爸睇住!! 我自己一個去BB展!! 其實之前都MARK低晒自己要買D咩,D鋪係咩位!! 因為粟米仔病左,原本約好同朋友一齊去,仲買定入場券諗住三張平D,點知去唔到,依家我自己一條友有三張...一.一都唔知點好!! 會場有優惠書仔,每張入場卷可以加十蚊換一本,即係話我手上個三張可以換到三本!!為左唔好蝕抵,我當然就係換晒三本啦!! 今次我都有備而戰,PRINT定D LABEL,唔洗去到填餐死,一貼就係!!果然去到慢慢貼,有免費贈品既就貼,慳好多時間,筆都依然有用,因為有D野都係要用筆MARK返既!! 我十點幾去到,唔算太多人,聽聞星期五個日係多人到爆,淨係排隊買飛都要半個鐘以上!! 本身想排雅培,但係好長龍,我其實想要錄音BEAR BEAR,見到咁多人,我就去其他鋪位到搞左我要既野先!! HUGGIES: 拎贈品,因為一個人既關係,我排左兩次,拎左兩包尿片試用同埋兩包濕巾試用,之後再聽埋試範,拎左一張20蚊現金卷! 雪印: 去入會,去到得把扇送,仲好無聊咁一條友仔拎住D公仔卡影相!!即時影即時PRINT返俾我!!(呢刻真係覺得自己無聊同白痴,有粟米仔係到幾好呢) 拎完野又去訂雪印奶粉,因為呢到訂平過我幫襯開既藥房,每罐平6蚊,仲有包濕巾送同埋有張$50惠康現金卷,仲幫我送貨,訂左12罐!! 思詩樂&GOON: 換贈品,我又係走來走去換左3次,換到三包乾濕綿試用裝同三包M碼尿片,再係呢到訂濕巾,綿花棒,洗奶樽液,沖涼液同即棄圍巾,買夠$600蚊可以送貨!! PAMPERS: 換左兩包試用 安滿: 排左一次,奶粉試食兩包同一個牛牛食物盒! 美素佳兒: 排一次,影左張即影即有相,有包米糊試食! 雀巢: 排左一次,拎左個質地唔錯既環保袋,仲有一包粉試食同埋優惠券! MUSTELA: 優惠券免費送沖涼液,我換左三樽,好彩只係排一次就換到三樽,再加錢$40買沖涼液,買左5枝尿片膏同一SET濕疹套裝!!因為滿600蚊有八折,仲可以入會,我之前已經入左會,我就填我個FD!! 惠氏: 入會,加錢$49買一罐細既試食,但係其實我唔知點解我會俾錢買...,我一埋櫃位,佢就問我要幾多罐,我....打晒問號,我答1罐,仲叫我玩遊戲,玩完有把度高尺送(即係廢物啦)!! TOMMEE TIPPEE: 買左2個大容量既奶樽,買左SET 綠色奶樽同藍色奶樽(因為係新款),都買左5盒奶咀(因為3個月要換一次),送左個擦俾我,另外加左10蚊買個學習杯(純粹見平)!! DR KONG: 因為有個阿姐不斷大叫話有顏色筆送,免費既,叫人撕個頁換就得啦!我就換左一包!!之後送左俾個FD!!哈哈! KLEENEX: 換左個耐用廚房紙試用,可以翻用4次!!另外買左兩卷普通廚房紙($10/2卷),一PACK 36包紙巾$20,1卷耐用廚房紙$20,買滿35蚊送兩包試用裝濕紙巾!! NUK: 沖涼海綿(啤啤樣),BB玩具(見平$12),一SET三隻船仔(沖涼用)!!雖然買得少,但係都有贈品送喎(洗衣液,乳墊) 一間唔知咩既雜店: 買左兩件圍裙衫俾粟米,因為佢開始食糊仔,同埋會用手食餅,買左兩件長袖圍裙俾佢,就唔怕整污糟啦!!(其實我應該買左兩件一.一,唔洗日日都要洗咁煩) BIO...: 入會拎贈品同俾99蚊換左枝沖涼,我俾一百蚊佢,個阿姐竟然同我講..."唔洗找啦呵?!",一蚊都唔找,算,唔洗找,反正我都拎住咁多野,我會記住你呃我一蚊!! HOLLE: 買左5盒唔同味既米糊,買左4樽果蓉肉蓉,等粟米試多D味!! FITT: 拎左一包贈品,因為無中碼得大碼,拎左一包就算了! 牛欄牌: 次次BB展都見排長龍,見買野都買到七七八八,今次又咁長龍,都去排下啦!!因為贈品係BB車席!!都排左我應該有半個鐘或者9個字以上!! 雅培: 入會,拎試用奶粉,原本UPLOAD相上FB,就會有枝筆送,但係因為線路太繁忙UPLOAD唔到,結果嬲嬲地唔要啦!!另外,排錄音BEAR要去另一條隊講緊既係4點半先有得再排,當時兩點半!!我唔會想排囉,所以放棄!! AVENT: 買左個會場特價既學習杯(作後備)!聽人講係好好用既!! 都周圍望下仲有D野拎丫咁,結果都無咩想拎了,而且手上既野都好重,好彩有拎車仔,咁就拉住兩袋收獲走人!!HEHE!!行到三點幾走人都算係咁啦! 今次完成晒自己要買既野!!太好了!! 返到屋企4點幾,夜晚仲可以同老豆食晚飯!!HEHE!! 不過返到屋企真係堅累!!
今早好彩無再發燒啦!! 即係開始好返,但係咳依然有,仲聽到佢有D啖咁既聲添!! 我唔知係咪太過殘暴地餵藥,夜晚訓粟米仔覺竟然發惡夢狂喊,平時拎返個奶咀俾佢就無野,今次佢BU,仲好抗拒,我諗佢一定係發夢食藥啦,所以先咁驚!!一.一又係既...強迫食藥咁多日,當然係惡夢啦!! 仲有,我有偷試BB D藥,眼見顏色幾靚,味道應該OK,點知...原來佢D藥真係唔係幾好味!!打破左BB藥係甜既記憶,因為我記得以前細時醫生開既藥都總有一枝係甜!!原來唔係!!真係唔怪之佢覺得俾人虐待囉!!哈哈!
雖然話發燒,但係佢唔知做咩咁精神!! 係我地食飯個陣,佢自己係地下玩,竟然突然之間識得扶住梳化企係身!! 又再一次進入另一個成長階段啦!! 之後,要佢試多次,佢扮野,搵野引佢先表演到!! 爺爺麻麻今晚都有黎探粟米!!最好笑係粟米扮野既能力真係好強!! 知道扶野企要用力!!所以就算有最好食既餅係梳化上面,佢都唔想郁,仲向每一個入黎屋企既人撒嬌!!! 姨姨 --- 因為知佢扮野唔理佢 麻麻 --- 想睇佢企,所以唔理佢 細姑媽 --- 想睇表演,所以唔理佢 大伯 --- 知佢扮野,唔理佢 所有人都想睇佢表演企起身,結果最後上黎既爺爺中計,扶佢!! 粟米你都幾奸喎!!
唔洗講當然又係都仲有燒啦,擒晚明明退晒燒無事,今早又起過!! 雖然藥未食晒,但係穩陣起見亦都帶佢睇多次醫生!! 一早打電話去預約!! 醫生話如果聽日仲有燒就要入醫院,驚係肺炎!但係睇粟米既情況,就只係咳同發燒就應該無咩事既!!! 醫生仲話聽日佢早上會係到,如果發燒就帶佢黎睇多次!!會開過D藥俾粟米,但係食埋舊個D先!! 粟米你唔好再發燒啦,你發燒就要食藥,我都唔想餵你食藥!!快D好返啦!! 今次姑娘有俾枝針筒我(唔知係咪上次唔記得俾我...我只係用返健康院個枝),仲同我講抽到去2又2分1就即係岩岩好半格藥水(半信半疑)! 又要餵食藥...真係...陰公,我講緊我!!
今日都仲KEEP住有發燒,原本想去BB展掃貨,見今早佢都仲係有燒,唯有再睇定D先!! 雖然發燒,但係佢都好似好精神咁!!仲精神過我呀!! 餵食藥,其實依家都真係好方便可以有針筒餵,但係...都唔易餵呀! 擒日一路播佢最愛既片俾佢睇,一路就將D藥唧落個口到,尚算成功,但係今日已經唔WORK啦!! 仲喊添,之後就用BU,都未放枝針筒入咀就BU啦!! 結果就要粟米爸幫手捉住佢,夾硬迫佢食!!希望聽日可以退燒啦!!
早上帶埋粟米返公司,感覺到佢有D熱熱地,所以一等速遞到之後,就即刻返屋企幫佢探熱!! 化...38.8!!即打去掛號啦,姑娘話過左掛號時間,叫我直接去!! 見仲有時間,又拿拿聲揹起粟米行去睇醫生!!好彩去到都唔太多人!! 姑娘問我洗唔洗探熱,我答左話要,佢又問多次,我懷疑佢真係無聽我講野,我再答佢一次,要探熱呀!結果係101.9有燒!! 醫:你好,有咩事呀? 我:佢發燒 醫:幾時開始發燒? 我:今早 醫:有冇咩特別野?有冇咳 我:頭先見佢咳左幾聲 醫:咁我地聽下佢先,咦,佢件衫係咪夾衣,係就麻煩D啦! (好麻煩咩!?) 一手我就解開底下既三粒啪鈕 醫:丫,果然係熟手媽媽 我:解鈕啫好快!! 聽完粟米個背後 醫:姑娘麻煩過黎幫幫手 姑娘埋黎捉住粟米個頭,醫生就用木條同電筒照喉嚨!! 醫:佢個面仔都有濕疹喎,有冇同佢搽BABY OIL呀? 我:無搽BABY OIL,不過有搽醫生你之前開俾佢既藥膏 醫:我開既藥膏?(之後望下記錄)丫係,岩岩岩,不過唔好再搽啦,隔左咁耐,你掉左佢啦,我今次開過D有藥性既俾你返去同佢搽,另外,我俾定枝藥水你黑色既,佢有咳就俾佢飲,無咳唔洗飲,俾枝消炎你呢個一定要飲,仲有枝退燒既,有燒就要俾,無燒唔洗俾,不過你依家咁情況梗係要俾啦!! 我:醫生佢粒野,我想問如果做手術要幾多歲先做得呢? 醫:唔好理佢啦由佢啦!!要麻醉對佢唔好架 我:我知,咁如果真係要割要幾多歲整?(其實我都唔想問,但係老爺奶奶成日問,我都係問定起碼都可以答到佢地唔洗成日問咁煩) 醫:起碼都要5歲後啦,依家唔好理佢住 我:哦 之後出去等拎藥,多謝220!! 第一次病!!希望佢快D好返!!
今日拎返個蒸攪杯出黎,點知發現又裂左,今次裂左兩個位!! 究竟係我既問題定係咩問題呢??點解又再一次爛左呀??? 好似都唔聽見其他媽媽有咁情況!! 洗完放入櫃都爛係咩解呀??之前放係到掠乾又裂! 唉...好灰!!睇下黎緊bb展有冇得買,如果無就pk了,又要去荃灣個到買我真係千萬不願呀!!!
帶粟米去訓覺,佢就係床到爬來爬去!! 突然就發現原來佢....識得慢慢令自己坐起身!! 睇黎粟米都漸漸變成小朋友了!! 亦都開始變成麻煩既人仔了!!一.一"
今日差不多全日出街,因為今個星期無野上大陸,所以唔洗驚隨時大陸車會收貨!! 約左去個fd屋企,順便帶粟米去baby spa一下!! 原來...都隔左好耐無去了,今次去粟米開始認人認地方,所以玩唔夠一陣就爆喊,由頸水泡變玩坐水泡,唉...!最後咩都唔玩,一直叫媽媽媽媽!!即係要走啦!! 職員話要帶多d黎,對上個次都已經係兩個月前啦!!仲問我點解咁遲先黎,要黎密d!! 我都想密d,但係你地太遠啦!!一.一 由葵涌去杏花村好遠架大佬!!! 原來我仲有成7次未用完!!唉...早知唔鬼join咁多次!!為左粟米唔好徙,book星期六6點再戰!! ******************************************* 夜晚約左fd食飯行街!!一路上都好多店鋪既人同粟米講野,仲有講"拜拜"!! 突然行行下,粟米竟然用手開合開合咁同我朋友"拜拜"... 我地未走喎,仲諗住去星巴克飲野添喎!!做咩無啦啦拜拜!!! 到我地去搭車,朋友迫佢同自己拜拜!! 果然粟米仔又識向佢做拜拜既手勢!!! 原來出街對粟米仔都係一個學習,可能太多人同佢拜拜既關係,佢就不知不覺學識左拜拜既手勢!! *ps: 第日再叫佢同人拜拜,佢無反應!!亦都有試過走左好耐搭緊車先拜拜!!一.一"睇黎佢仲係學緊咩係拜拜!!哈哈!!
今日我生日,都book左影免費相,其實應該係唔可以book,但係出術book到!! 去到當然同上次一樣簽合同啦!!同上次個小姐唔同人!! 我又多口問,到粟米生日可唔可以book架?個小姐話每個家庭只可以影一次!! 今次個攝影師好後生!我地揀左馬車同森林景!! 粟米開始大了,好難引到佢,要姐姐打乞次先識笑!!再唔係就食手指,流口水,真係俾佢激死! 影完,攝影師話因為馬車同森林景都唔係好多野影,叫我地再揀多個!!咁我就揀旋轉木馬!!影完攝影師再係桌球台再影多幾張!! 感覺好似無上一次咁pro哈哈!!雖然攝影師哥哥靚仔!! 影完等揀相,再俾錢就走人!! 睇返d相無第一次咁多靚相揀!!好難先奉揀得返15張!!
昨天發現攪伴器的杯子有裂,保養期兩年,所以打去問問可不可以換,結果沒有聽,星期日應該是放假吧!! 今天又再打去問杯子保養期可不可以換,那間公司說杯子是配件不包保養,要買一個就$325!!! 因為要用,不得不去買,下午坐的士去!! 的士司機不熟路,把大廈名記錯,還說是我說錯,兜了一大圈!!唉...也算了,大大個太陽照,我也不願下車找路!! 落了車,去到那間所謂的維修公司....,感覺實在是不像維修公司,是貨廠吧!!沒有接待處!! 按門鈴,開門的是一個女人,問我什麼事,我問她是不是維修,她回答:"你有事嗎?" 我:"我買了2合一蒸煮攪伴器,個杯裂了" 她:"如何裂?" 我拿出杯子給她看 她: "杯是配件不包保養的" (這我已經打電話問過了,不過因為我沒有跌過杯子,杯子自己裂,心有不甘) 我:"個杯自己在裡面裂了" 她:"你用了多久?" 我:"我只是用了一個月" 她就把我的杯子拿去隔離房,跟4個女人研究一隻裂了少少的杯.... 等了一會,她又叫我跟她去別的單位,跟我說:"杯子是配件本來就不包保養,我們包保養的部份只是馬達的部份,這次我們就換給你,下次你就要買了" 太好了不用買!!不過走的時候後悔,我應該多買一個做後備,因為這個地方很麻煩,沒有車到,要走很遠,距離地鐵站差不多45分鐘步行的話!!背著粟米仔行那麼遠實在太辛苦了!!!
今日又抽起條根,諗住再試下粥仔,買左鯇魚腩($18.5),再買菠菜($1.5)!! 整魚粥,今次用飯煲煲粥,貪佢唔洗睇火!!結果....唉....!!!條友仔就咁俾魚佢食,佢就食!!一溝落粥就唔食,仲作嘔咁!! 唉...真係衰格!!有粥唔食!!可能佢唔鍾意粥個陣味啦! 食飯糊仔吧啦你!! ******************************************* 今日去維修之後,都有去BABY店買返D 果蓉,方便我溝入去米糊俾粟米仔食!!咁我就唔洗成日都要整得咁辛苦!!
上星期六收到WHATSAPP,BABY BLUE個位姐姐話會寄出,叫我對一對地址!! 我仲諗住星期一會收到,點知未見有,即係要等回歸之後先收到了!! 粟米爸放工返黎收信就拎返黎屋企!! 都幾精美架個盒,PRINT晒相咁款!!哈哈!! 足球既相,其實我覺得好似影得太多,本來都唔想揀,但係諗到咁岩今年世界盃,所以都影埋呢次啦!!!希望之後個D有得影下其他造型!!! 話咁快之前影落既相都叫收晒啦!!! 黎緊 7月又再一次BOOK左 免費影既MY FAMILY STUDIO,仲有8月都BOOK左一間!! 9月同10月未諗,11月我諗緊好唔好又再去報MY FAMILY STUDIO影多次免費??? 11月佢就一歲,我已經揀定左一間貴少少既,不過未BOOK!! 11月如果又BOOK免費影,會唔會太多次呢??另外,其實 12月我都可以試下BOOK,因為結婚週年紀念喎,又可以著婚紗影相!!@@但係會唔會11月影完12又去影俾人點相唔俾影既呢??? 定係點都報左名先??? 不過我諗首先我都係要搵下 9月同10月影邊間!! 11月免費相就9月先有得報名,到時先再算!!
挫敗完過後,又諗會唔會係D咩問題!! 今日試下煲飯,但係落多D水,等D飯糊糊地咁!! 結果......粟米都係唔食!!又唯有自己食左一堆糊飯!! 唔知係咪粟米怕腥味,加左三文魚蓉,佢好似唔多LIKE,仲擰開塊面!! 一.一三文魚好貴架大佬..... 今日試下整蕃薯蓉吧啦!!!希望佢會食啦,見佢南瓜同蘿蔔蓉都LIKE食,應該係LIKE食D甜甜地既野!!! 成日都要試呢樣岩唔岩大帝食,真係幾煩!!
可能擒日D粥稀啦,因為粟米食米糊都係LIKE食杰身!! 今日就試下煲杰D既粥啦!!今次落埋豬潤,朋友教啦!! 結果....又再一次浪費左我既心機!!!算,佢都係食返米糊,唔好徙我時間同煤氣!! 至多整D 南瓜蓉,三文魚蓉撈落米糊俾佢食吧...!!唉!!徙心機!!!
今日收到SMS話可以拎DVD!! 見反正都要出旺角拎野不如都順手去拎左先!!! 睇返D相,不知不覺粟米已經係開始識坐既BB了!!好快就會變成小朋友!!!時間真係轉眼過!!
見食左成個月糊仔,都係時候試下D野!! 今日拎左部蒸攪機出黎用!!原來都幾方便!! 買左南瓜同瘦肉,仲有買埋蘿蔔!! 瘦肉用黎煲粥吊味!!南瓜整蓉!!! 結果....粟米試左一匙就....嘔!!放D南瓜蓉撈埋都係嘔返出黎!! 最後都係要餵返米糊俾佢,不過我為左唔好浪費南瓜蓉,都撈落米糊!!好彩南瓜蓉米糊佢都會食!! 至於D粥,好彩唔係煲得太多,我就自己食左佢,以前好唔鍾意食白粥,依家又覺得OK喎,舊瘦肉無調味,但係都幾好食架喎!!我仲分左兩個下午食添!! 一番心機煮俾佢,結果唔食都幾挫敗!!
今日係210日都算係粟米仔7個月大啦!!當然又俾我捉左去影返輯相!! 呢間係媽媽會做團購我走去JOIN既!!580蚊! 內容如下: - 攝影服務為3個造型 (可選Theme Story 或 Natural Style) - 包全家福 (4人家庭) - 加送總值$500全相底 - 攝影時間約45分鐘 - 此團購優惠需全數入款才為確定 - 可安排即日過相, 請攜帶USB 或 可郵寄DVD - 團購價$580 (10人可成團) 呢間有衫提供,雖然話可以係FB到睇定揀咩造型,但係我都無咩特別心水!!! BOOK左7:15,我以為間野係葵芳,點知睇返地圖,原來好近,其實可以行過去添,不過揹住粟米又唔想行咁遠,都係打的啦! 個地方好熟口熟面,如無記錯我好似係送過貨去添哈哈!結果睇水牌真係無記錯,同一層添!! 去到有一男一女,男既係攝影師,女既負責逗BB笑!! 姐姐俾我揀左衫,仲解釋有咩造型,最後我揀左 - 1) 冷狐狸 2) 巴西運動衫 (剛好依家世界盃) 3) 西裝 影第一個造型時,姐姐的確都仲可以逗到粟米笑,果然6個月同之前唔同,唔會再定定地訓係到,不斷碌來碌去!!只有趴係到同坐係到影,訓只可以一陣,真係好一陣!! 影第二個造型時,太多RELAX BEAR公仔,姐姐再逗唔到佢笑啦,仲掃低晒D RELAX BEAR添喎!!又搞人地D紗簾!! 第三個造型仲衰,喊俾你睇,因為西裝係長袖,我都知會咁架啦,佢怕熱,好彩我都拎定把扇,但係都頂唔到好耐!!有帶奶咀,不過都係頂到一陣ONLY!! 其實佢地有播兒歌,但係粟米岩聽既兒歌只有一首!!佢地竟然無!!結果....我就係人肉既唱機啦!! 不斷唱 TWINLKE TWINKLE LITTLE STAR ..... 不過都好彩佢係LIKE聽呢首歌,由喊變成有笑容!! 影完三個造型,換返衫之後,竟然同我講話影家庭相!!@@乜唔係三個造型咋咩!!我其實無預自己....影相囉,成個師奶咁款去影,好怪...!!不過佢話影,都影下囉!! 影完之後,填返D資料,佢地話兩星期後會寄D相俾我!!仲即時開左D相俾我望下!!我都係求其望下咋!!哈哈! 呢間其實都唔錯,攝影哥哥好有心機又好有耐性,姐姐好斯文同有耐性!! 就係咁影完就走LU!!
前日收到電話通知有得拎CD同相了!今日得閒就快快拎返黎!! 唉,今日懶醒以為係同一間,無睇清地址就殺左去餐廳,點知...拎相係要去佢地另一個鋪,真樣衰!! 第一次去MY AFFECTION間野,咁岩佢地裝修緊,拎相要落地牢,落到去見到有好多婚紗晚裝!!望見都諗返起之前影婚紗照既點滴!! 拎相同CD之後簽名閃得!! 入面原來都分左兩個FOLDER,一個FOLDER係攝影師有執到相既15張FILE,另一個FOLDER就係全部未執既相!