親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今晚爸爸媽媽同我去海麗村祥景茶餐廳食飯, 有一個侍應哥哥走過來撩我, 但佢好惡死, 佢一過來我就唔敢郁, 唔敢笑, 唔敢呱呱叫, 但佢一走開, 我又係咁望實佢, 佢行到邊, 我望到邊, 後來我開始唔怕佢了, 我仲用櫈背同佢玩躲貓貓, 又企高又踎低, 仲傻笑, 哈哈, 因為我已經識穿左呢個侍應哥哥係扮惡架咋!
參觀朗思
最近我常被雅雯打, 專家話孩子打人的原因, 不外乎是妒忌和自私心理, 當然啦, 一歲細路點會同人分享? 不過雅雯特別喜歡打我, 可能因為我生得太可愛啦(?) 今日婆婆帶我去長康酒樓門口坐果d入錢車車, 我坐住一架無入錢唔識郁的車, 一臉自豪, 突然有個大細路從後爬上來, 我一把掌打落佢個頭! 結果當然係被鬧啦, 其實我都有打人的習慣, 受害人通常是爸爸和媽媽(媽媽機會較高), 唔知係有樣學樣, 還是每個孩子都有打人傾向? 不過打人始終係唔文明的行為, 我要改嘞!
https://bb5.babyhome.com.tw/UPLOAD7/117460/122525.52783175.34857.wmv 我爸爸又要表演彈琴嘞, 又係果首驚嚇版"twinkle twinkle little star"! 佢間唔中就要表演一次, 媽媽話聽聽下都幾好聽吖, 不過大家就要忍耐下, 因為確實有點嚇人! 我已經將鋼琴旁邊的几仔佔據了, 成為我的私人停車場, 所以車輛都要泊晒果度, 仲要排排隊, 守秩序, 記住唔好泊錯人地個位喎! 我的好朋友雅雯在平台的石仔路跌倒, 嘴和門牙受傷了, 雖然佢常常打我, 但我地係好朋友, 我祝佢早日康覆啦! 由今日開始呢個位就係我的停車場嘞 排排隊, 排排隊, 車車都要排排隊...
我嫲嫲仲未出院呀, 我和媽媽都好掛住佢, 於是我地今日一家去探嫲嫲, 醫院係唔比小朋友入的, 但爸爸媽媽好想比嫲嫲見我一面, 唯有偷偷地入去一陣, 我當然認得嫲嫲, 我最鍾意嫲嫲好長氣地叫我"駿仔呀~~~~", 一見到嫲嫲我就笑嘞, 我想嫲嫲快d好返, 唔駛住醫院咁悶! 之後我地返香港仔約爺爺食飯, 但我食飯時不乖, 成日要落地, 想去睇海鮮, 搞到媽媽好唔得閒!
慶功宴
https://bb5.babyhome.com.tw/UPLOAD7/117460/122525.52612205.79363.wmv 又到星期一, 又有得返協康會playgroup了, 今日angel姐姐無講主題, 但我地不停玩波波, 全部遊戲都是和波波有關, 我捐左入一個類似垃圾桶的藍色桶裡面, 外面的人就把波波放入來, 我就同大家玩躲貓貓, 好好笑! angel姐姐又將幾個波波用橡筋繩穿起, 一個個波波飛來飛去, 有好動感! angel姐姐讚我今日收玩具時扭計少了, 流口水情況又有改善, 有進步, 媽媽也好開心, 我要繼續努力先得!
[right1]星期日係媽媽最忙的一日, 通常係婆婆和我渡過, 今日也不例外, 婆婆在中午前來到, 姨姨也是今日來打掃, 我訓了一個大晏覺, 睡醒發現廳好亂, 我地膠地蓆不見了, 玩具也擺錯晒位, 我好奇怪, 發出"噢噢噢"叫聲, 我在廳不停巡邏, 了解下點解我的玩具會移晒位! 媽媽八點幾先收工, 好疲倦, 不過辛苦過後有幾天輕鬆下, 可以比多d時間陪我囉!諾澄姐姐的冠軍錦旗, 我都借來扮下攞獎先!
今日爸爸放假, 上午同我去銀行和郵局後, 去左運動場跑步! 今次係我第二次去運動場, 上次來我仲要扶住行, 今次我已經可以在跑道飛奔了! 全場只有我和爸爸, 雖然有點大風, 但爸爸幫我著夠衫, 我跑得好高興, 爸爸也好開心, 因為我無流鼻水, 玩完返屋企有點累, 在爸爸臂彎中睡了一覺...zz..z..
今日在婆婆家玩, 婆婆帶我落街買叉燒, 我自己行, 唔洗人抱, 但婆婆投訴, 話帶我出街好麻煩, 因為我行幾步就停一停, 掛住睇野唔肯行, 我站在髮型前睇果條轉轉光管, 又追住一隻正在和主人散步的小狗, 我好有禮貌, 和汪汪拜拜, 就去酒樓睇叔叔斬叉燒, 順帶一提, 婆婆話買叉燒一定要去酒樓, 不要去街市的燒臘檔, 質素差好遠. 今日係大虎(大舅父)36歲生日, 佢和敏姐姐去海洋公園玩完就返婆婆屋企食飯, 仲買左一個黑森林蛋糕, 我最鍾意食蛋糕, 上次我一歲生日, bonnie嬸都係買一個好靚的黑森林比我! 我唔記得話比大家知, 大虎六月就會同敏姐姐結婚嘞, 恭喜恭喜, 到時我要幫手贈慶架, 好緊張, 唔知著咩衫好呢!
今日媽媽忙個不停, 原因為佢今日比較得閒, 唔想我悶, 於是為我準備左好多活動, 我地約埋june姨姨和雅雯去荔枝角公園散步, 晒太陽, 晏d就一齊去會所玩氣墊球, 咁啱遇到obi, 於是我地三個一齊坐在氣墊球枱上玩, 我和雅雯係第一次玩, obi有經驗, 所以佢係高手, 玩得好叻, 我因為太開心, 流了好多口水在枱上, 真係唔好意思!
今天收到huggies送比我的加大碼免費尿片一包, 好幸運啊! 話時話, 我現在已經用緊加大碼尿片了, 輕鬆穿褲仔也是用加大碼, 好多人見我細細粒, 唔信我用緊加大碼, 其實我個肚dum好大架, 腰圍都好粗架, 所以大碼已經唔夠舒服了! 今日爸爸放假, 但要去醫院探嫲嫲, 所以媽媽就帶我返婆婆屋企玩啦, 我嫲嫲仲未出院, 要做物理治療, 但我唔去得探佢, 因為小朋友唔入得病房嘛, 我想嫲嫲快d好返, 可以同我玩呀!
今日犀利囉, 我地坐june姨姨的名貴房車去遊車河! 媽媽提議去青衣城, june姨姨唔熟路, 駕車時講明唔會講野, 要專心駕車, june姨姨的駕駛態度係正確的, 巴士都規定行車時不得與司機談話啦! 我地無驚無險去到青衣城, 仲成功泊到車! 我地馬上比june姨姨一d掌聲鼓勵!!! 在短短的兩小時, 我地先後去左馬會門口睇魚魚, 玩具反斗城 (媽媽終於買左架的士比我), 百佳, 麥當勞, 然後在海濱公園散步, 媽媽再去通利買書, 攞埋free parking, 時間啱啱好, 夠鐘返屋企, 回程june姨姨試行三號幹線, 話咁快就到了, 犀利犀利!
https://bb5.babyhome.com.tw/UPLOAD7/117460/122525.51919847.78641.wmv 有自己的水樽, 可以用來飲果汁嘞今日係協康會playgroup第二學期開始, 今日玩的遊戲和上學期差不多, 都係玩下大波波, 行梯級, 拋波入籃球架等等, 茶點也是蛋糕, 彷彿是上學期的翻版! 今日媽媽比我試用水樽飲果汁, 有了飲陽光檸檬茶的經驗, 我一下子就學會了, 話咁快我就吸走了4安士果汁, 我喜歡那條飲管, 但後來媽媽換了水, 我就不飲了! 諾澄姐姐今日鋼琴比賽, 竟然攞冠軍! 好叻啊, 但寶儀姨姨竟然無帶相機, 浪費了一個耀武揚威的影相好機會! 不過我都要同諾澄姐姐講聲恭喜恭喜, 再接再勵, 繼續叻叻!
https://bb5.babyhome.com.tw/UPLOAD7/117460/122525.51832823.22687.wmv因為我最近太多野講, 婆婆怕我嘈, 影響媽媽和學生上課, 竟然比我在廚房食粥, 換個環境食野又幾好喎, 可以一邊食一邊參觀下廚房, 平時廚房是我的禁地, 媽媽唔比我入架, 我只有隔住門欄望下媽媽做緊乜, 我又喜歡和媽媽開玩笑, 趁媽媽在廚房時我便關上趟門, 然後打開, 嚇媽媽一跳, 不過呢d技倆己經用得太多了, 媽媽一早已識穿, 但仍然好熱情地和我玩呢! 在廚房食野, 係咪好特別呢?夜晚我地去行商場, 我喜歡自己行, 不要人拖住, 爸爸媽媽唯有近距離高度保護和監視, 我途經零食店又忍唔住衝入去了, 搞東搞西, 又無幫襯, 離開再去酒樓睇一陣海鮮, 就打道回府了!
今日爸爸放假, 上午在家照顧我, 媽媽回來吃午飯時, 我正在房瞓晏覺, 以前我醒左會叫, 但今日無叫, 我自己sir落床, 開門走出廳, 樣子若無其事, 爸爸仲同我say hello添! 爸爸媽媽不用擔心我跌落床了! 爸爸要去醫院探嫲嫲, 我嫲嫲入左醫院呀, 佢整親條腰骨, 祝嫲嫲快d好返啦! 於是婆婆來湊我啦, 婆婆帶我行商場, 我在扭蛋機玩了好耐, 但只係摸下d機, 我仲未知道呢d食錢機器係要兩個5蚊先可以扭一次, 然後我站在商場廁所前面睇人進出廁所, 睇了好耐... 然後婆婆同我去後街睇車, 有好多巴士, 的士, 私家車.... 媽媽七點收工了, 今日算早, 就陪我玩啦, 然後整左好美味的小棠菜紅蘿蔔牛肉花花粉比我做晚餐, 我全部食晒, 好好味!
時至今日, 我依然仲會講"鶯咕", 媽媽記得我三個月左右開始講"鶯咕", 估唔到直到今日16個月大, "鶯咕"依然係我的口頭襌, 正在牙牙學語的我經常發出不同聲音, 最近我看圖書就喜歡一邊看一邊讀, 但我識得講的東西不多, 通常只係"阿車", "阿波"... 唔識講的東西我會作一個音比佢, 例如蘋果, 我會講"阿喎", 雨傘我也會講"阿喎", 鉛筆同樣也是"阿喎"...... 發音當中也會夾雜一些"鶯咕"....婆婆笑我:咁大個仔仲講"鶯咕", 醜死鬼呀! 但媽媽覺得我仲保持住三個月時的語言, 好可愛啊!
今日媽媽有帶比賽, 婆婆就來湊我嘞, 媽媽在我行入房時走了, 我出來時找不到媽媽, 很不開心, 站在大門呱呱叫, 不過好快我就掛住玩, 唔記得了! 到媽媽回家時我好開心, 馬上跑過去攬住媽媽的腳! 媽媽九點半覺得好眼訓, 又認為我都應該眼訓, 於是抱我入房, 企圖令我早d訓, 媽媽好快就訓著了, 但我就自顧自玩, 媽媽在我旁邊我不會離開床, 我會自己找東西玩, 到11點媽媽醒了, 見我還坐著玩, 想暗我訓, 但我突然從床邊sir走了, 走出廳玩! 最後我搞到12點幾先訓, 爸爸返來我己經訓左了!
今日爸爸放假, 無去打波, 早起起床就陪我玩, 比媽媽可以訓耐d, 爸爸話我睇圖書見到一幅煎蛋的圖畫, 用手指摸下隻蛋然後放入口, 好似好想食的樣子, 我又不停沿地自轉, 轉了四個圈然後暈陀陀, 撞左落個玩具箱! 爸爸陪左我一日, 我地好快就熟落返晒, 因為早陣子爸爸少左陪我, 變得有點生疏, 只肯跟媽媽唔跟爸爸, 所以爸爸記住要多d陪我呀!
今天媽媽全日free, 可以陪我, 一早起身我地落club house同雅雯玩, 有空間比我走動我成個人生猛晒, 有三隻煑飯仔玩具的匙羹我特別喜歡, 媽媽見過我好幾次執齊紅藍綠三隻匙羹走來走去, 又發現我對煑飯仔好有興趣, 所以想買套煮飯仔玩具比我! 今日開始轉涼, 又大風, 想出街都唔得, 於是下午我訓醒覺再去兒童室玩, 我同日本bb爭玩具, 對方竟然lur地怪叫! 之後媽媽帶我去運動場睇人打羽毛球, 我好喜歡, 睇到呱呱叫又傻笑! 媽媽決定對我採取強硬態度, 每當我做出不當行為便強行制止, 並將我捉離現場, 任由我扭計, 大哭, 怪叫, 典來典去, 都一概扮睇唔到, 由得我發洩都平靜為止, 呢招果然幾奏效, 媽媽要繼續努力!
今日難得我地昇悅居三寶都得閒, 於是一起身我地就約埋去玩, 又有得去荔枝角公園, 好開心, 仲有陽光, 好好天喎! 我地仲一齊排排坐扮駕車, 好可愛架! 今日我見到obi飲紙包飲品, 我未飲過紙包飲品, 其實媽媽曾經比我過飲, 但我唔識用飲筒啜, 今日媽媽飲剩一啖陽光檸檬茶, 貪玩比我飲, 我終於識啜了! 我的表情好奇怪, 雙眼發晒光, 因為我第一次飲檸檬茶! 我飲到一滴無晒都唔捨得放開個盒, 當係寶咁咬左半個鐘, 通屋行, 爸爸返來我都唔肯放手, 媽媽企圖拿走, 即被我喝止, 表姐見我咁傻, 叫我做陽光男孩喎!一齊打韆鞦啦!排排坐差一個人就可以開枱了陽光男孩
今天我在網床玩, 竟然偷了全盒來玩, 仲將一粒朱古力連同糖紙放入口含住, 婆婆發現我安靜得不尋常, 發現我口裡貪住朱古力, 朱古力漿已經溶左, 流晒落口水肩, 不得了嘞, 婆婆即刻挖開我的口攞出朱古力, 但太遲了, 已剩低糖紙一堆, 被攞走糖紙我也好激動, 大喊一場, 口水眼淚混埋一埋, 樣子好核突啊! 我實在太為食了, 竟然吃掉了一粒朱古力, 爸爸媽媽都被我嚇親!
轉圈圈
今日爸爸返返下工突然返屋企, 仲帶埋一個攝影師叔叔來, 我明明食左奶奶無幾耐, 媽媽又比果汁我飲, 大家都奇奇怪怪唔知搞乜鬼, 原來爸爸要採訪有關奶樽懷疑釋出有害物質的新聞, 於是媽媽就變成被訪者, 我就幫手試範用奶樽, 我好合作, 乖乖地飲晒支汁汁, 但媽媽做訪問時我唔耐煩, 想走, 爸爸於是比部電話我玩, 我先肯坐定定. 夜晚返到婆婆屋企先有得睇寬頻電視, 我對自己上電視無乜反應, 但見到媽媽就眼定定睇實! 不過大家一定無機會見到我了, 因為我上的電視係無乜人睇的, 雖然如此, 我和媽媽總算第一次在銀幕出現呀, 哈哈哈!!!!
今日思云姐姐和王太來探我, 一年無見了, 我好似仲認得auntie, 佢一入門口我就同佢地笑和傾計嘞, 梗係啦, 因為佢地買左輕鬆穿比我做禮物, 仲有玩具送添, 我當然熱情款待啦, 哈哈! 好耐無同june姨姨和雅雯玩, 今日媽媽收工我地去會所玩左好耐, 雅雯高了好多, 最少高我3cm! 夜晚我見到媽媽幫爸爸按摩, 我有樣學樣, 走去幫媽媽揼骨, 媽媽叫我幫爸爸踩背, 但爸爸話我踩到佢痛痛呢! 逢人叫"阿爺"的情況依然持續, 今日我叫了最少100次阿爺, 係人都叫阿爺, 對住爸爸都叫了20幾30次阿爺, 我阿爺一定係咁打吃嚏!
英文Playgroup
媽媽話呢排有好多小朋友要參加音樂節比賽, 所以會比較忙, 會少左時間陪我喎, 今日本來好得閒的, 但媽媽要加班, 所以我地返左婆婆屋企, 婆婆帶我落公園行路, 睇巴士和睇人打波, 我仲追住一隻細狗叫汪汪, 隻汪汪行得仲慢過我. 媽媽發現我第五隻牙出來了, 係上面的側門牙, 我的兩隻大板牙好大隻, 有一隻出了少少又唔出, 條罅又闊, 笑起來的樣子好古怪!
完成第一學期第一學期結束, 全班來個大合照先!
今早九點幾醒了, 但寶儀姨姨一來到我家, 抱住我我就好快瞓著, 那時還未夠一點, 婆婆煮了粥我都未食, 一直瞓到2:00先醒! 可能寶儀姨姨抱得我太舒服, 還是佢識得催眠? 夜晚我地為慶祝姑丈生日去酒樓食飯, 我如常唔坐得耐, 扭計要落地, 我見到爺爺, 叫了好多次"阿爺", 爺爺好開心, 但唔知點解我不叫"爺爺", 只叫"阿爺", 我連姑媽, 姑丈...都叫阿爺, 媽媽本來以為我真係識叫爺爺, 現在開始有點懷疑了, 最好笑的係我從酒樓返屋企途中, 在升降機見到一個叔叔, 都叫佢\"阿爺"!
今早婆婆未夠九點半就來到了, 婆婆一來我就醒, 食奶時我照例做大爺, 唔肯自己拿奶樽, (這情況只有在婆婆餵我時發生, 爸爸媽媽餵我都肯自己拿奶樽的), 食完奶竟然仲有紙包蛋糕, 於是我的心情十分靚, 真係美好的一天開始! 媽媽2:30先返來, 我一見媽媽就笑住跑過去迎接, 攬住媽媽的腳, 其實是扭佢抱抱, 我最近好黐媽媽, 真係見少一秒都空虛, 有時媽媽要工作, 靜雞雞出左街, 我找不到媽媽會喊. 婆婆帶我落街玩, 我在商場和會所自由活動, 因為我識行路, 仲唔認叻咩, 我行路的速度越來越快, 已經接近跑步了! 夜晚同kobie姨姨和marco叔叔食飯, marco叔叔買了一架fire engine比我, 佢真係知我心意, 我開心到笑唔停口, 好乖乖地食晒媽媽煮的通粉, 不過後來就唔乖了, 扭計要落地行, 媽媽今晚又被我搞到無啖好食呢!
