親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日大頭蝦既我竟然記錯左老公放假日子...所以今早老公去左返工....而我同will will ,tammy表姐,婆婆,表姨 & jacky表哥一齊去左maymay ee屋企開x'mas party...我地每人仲買左聖誕禮物交換tim....雖然天氣寒冷...但係小朋友都可以係遊樂場玩都出晒汗...真犀利...難為我同表姨係度吹冷風...好彩小小既x"mas party令到每個人都好warm ....祝願每個人聖誕快樂!!!!
今日我公司下午有個x'mas party....所以今早我帯埋will will一齊返工參加party....maymay ee同hoyee chu都有嚟參加party...will will同我d同事既小朋友玩到好開心...不知不覺玩左幾個鐘....party完我同will will去左maymay ee屋企玩....will will等左好耐既遊樂場終於開左la...可以去玩玩...雖然得will will一個人玩...但will will都可以玩到唔捨得走...冇辦法la個遊樂場真係好大同好多野玩....夜晚係ee屋企食完飯先返屋企...唔該老公係上水等埋我地先返屋企....
故事畫班 2-3 pm
琴晚老公食飯時已經半邊面腫晒....全因蛀牙所至...今早見到佢連隻眼都腫埋...所以我叫老公請假去睇牙醫...牙醫話...再遲d先嚟睇就要去急診室...而家要食1日消炎止痛藥...明天先可以脫左隻牙....老公既驚人忍痛...我完全想像唔到....希望老公明天脫牙順順利利!
今日....我地一家人...maymay一家人...肥叔叔一家人去左婆婆家做節...為免婆婆辛苦...我同maymay各人負責幾樣餸....婆婆就負責煲靚湯同燜冬菇...夜晚...一家人就開開心心食晚飯.....今次見到太婆精神好好...針灸後都好番7成以上....85歲既太婆真係好叻...康復得咁快...祝太婆同婆婆身體健健康康!
多謝maymay ee提早送x'mas禮物比will will ,趕得切明天帯去上畫班....
今日老公放假...一家3口帯埋tammy一齊係上水行左一陣街...之後就帯左佢地去北區公園玩...打比joey睇吓b橋可唔可以過嚟玩....咁啱佢地得閑可以join我地一齊玩....3個小朋友有得玩梗係開心la...而我同joey又可以吹吓水... 夜晚...joey仲請我地一家3口去左佢屋企dinner....食完晚飯...9點幾就返屋企lu...
今日我同will will約埋joey契媽同b橋係聯和墟食lunch...之後再join埋tammy表姐一齊...仲有多謝婆婆送will will 2本故事同2本練習簿.... 因為呢排我發覺will will開始成日話係屋企好悶....X'mas holiday又放2星期...跟住我同joey就四周圍睇吓有冇興趣班比佢地報讀....最後我地報咗故事畫班比佢地學....逄星期二....2-3pm...希望will will鍾意la.... 之後就一齊返左我地屋企玩....到左5點yauyau上完珠心算都嚟埋我地屋企一齊玩...幾個小朋友玩到嘈到不得了...不知幾開心....我地3個靚媽可以吹吹水都好開心.... 夜晚...契爺仲買左一個醉雞煲嚟埋一齊食飯...小朋友食完飯又玩過...玩到11點先返屋企....
will will參加左"德德豬顯愛心"計劃...今日學校派左一個藍色德德豬錢箱...要will will學習儲錢幫助有需要既老人家...為期3個月...到時will will會親自將善款倒進"德德大母豬"內...
今日韋叔叔一家人約左我同will will係上水食lunch....我地去左築地食日本野....嘩...啱晒呢個壽司will啦...不過原來晴晴姐姐都好鐘意食壽司喎...佢2個真啱key啦....食完lunch...我同嬸嬸就去左街市幫姑媽買餸....韋叔叔就湊住佢2個....買完餸...韋叔叔就車左我地去m記買雪糕...有雪糕食佢2個不知幾開心...will will仲食得好快tim....之後我地就返屋企玩la.... 夜晚...叔婆仲請埋我地一家人係佢屋企食飯.... 今日...好多謝韋叔叔請食壽司同埋送will will玩具槍...仲有好多謝叔婆既美味晚餐....
今晚...我地約左公公婆婆同表姐嚟我地屋企bbq...今晚多謝tammy表姐幫我照顧will will...我先可以食得舒舒服服...佢2個唔知點解今晚特別friend...雞啄唔斷咁傾計...
今日老公放假...我地同tammy表姐同婆婆一齊去左maymay ee新居...不過ee屋企遊樂場同club house都未開...will will同表姐所以就係ee屋企玩遊戲機....夜晚係ee屋企食埋飯先返屋企....
今日中午我同will will去左沙頭角買咸菜雞米返屋企食... 之後joey契媽帯左b橋嚟我地屋企玩....佢2個雖然有時會爭野玩... 不過好彩佢2個都可以好快和好如初.....之後tammy表姐都嚟埋... 同佢地一齊玩.... 夜晚....因為b橋好想留係度玩....所以就留低同我地一齊bbq... joey契媽同契爺就出左去同朋友食飯....b橋成晚都好乖...好聽話.... 反而will will就有小小曵曵....bbq完....3個小朋友沖完涼.... 就聽我講故事...係will will學校借返嚟既"星星的故鄉".... 今日3個小朋友都玩得好開心.... 到左11點幾...joey契媽嚟接走b橋....will will已經攰到瞓左覺lu....
爸爸放假,去接will will放學
今日...我同老公一齊放假....中午一齊去接will will放學...今次係我第一次去接will will放學....去到接佢...張老師同我講...will will同佢講左幾次話媽咪爸爸接放學...佢好開心... 之後...去左元朗食lunch...食完就去左做passport...做完passport.... 我就係元朗買餸返屋企hotpot....
太空館 & 中間道遊樂場後面呢架係lotus跑車,好快架!
今日maymay ee搬新居,我帯住will will & 姐姐去幫手湊hoyee chu...我地係千色廣場行吓...又去m記食吓野...咁又過左幾個鐘....hoyee chu 都好合作...冇cry過....but返到新屋見番媽咪同姐姐就即刻扭計la....呢個hoyee chu 真係好識'蝦'人ka...haha...
今日係旅行後假期,媽咪又放大假,同will will 一齊去左剪髮!
今日...我同老公一齊放假陪will will去旅行....目的地係屯門蝴蝶灣公園.... will will有我同老公一齊陪佢去...佢好開心...今日最令我同老公驚喜既就係...will will跳既超人操....之前從未見過will will跳.....
爸爸...生日快樂!爸爸...生日快樂呀!!!!全家幅sweet sweet....will will幾開心,唔知仲以為係佢生日tim....hehe...
聽日就係老公生日...老公問will will... 老公:will will聽日我生日喎,你送咩比我呀? will:我冇錢喎.... 我:will will你有錢架,你有利是錢嘛.... will :係呀.... 我:係呀,不如用利是錢買生日蛋糕送比爸爸la....好唔好? will:好呀...但係聽日我要返學喎... (之前試過問佢用佢d利是錢買野或請姑媽飲茶,佢都堅持唔肯) 我:唔緊要,聽日媽咪放工去買咪得囉.... 之後will will就即刻走去玻璃櫃搵利是出嚟拆...最後拆左$160...will will攞住d錢比爸爸....比你買生日蛋糕架爸爸.... 爸爸同will will講:如果第日你大個識搵錢...用你賺既錢送比我...我會開心d喎... will will:唔...我知la... 最後...老公將d錢比左我由我去買....
嘉年華後放假一天
今日...我帯左will will & tammy約埋joey契媽一家人去左粉嶺遊樂場嘉年華玩攤位遊戲...之後仲去埋北區公園玩...夜晚一齊食埋飯先返屋企...
今日中午..我帯左will will去maymay ee新居...幫ee拜神.... 之後..我同will will去左影證件相for 做passport用.... 點知呢個will will...影相時又伸利...又咩嘴...又古靈精怪...原先明明可以唔駛3分鐘影完...最後影左成15分鐘...攪到我都唔好意思阻住人做生意.... 夜晚...老公去接埋tammy表姐一齊係元綠食壽司....
教師發展日,放假一天
will will參加親子朗讀計劃 - 每逢星期二借書一本
will will參加一人一花種植計劃 - 今日收到大岩桐幼苗一棵
今日天氣好好...老公又放假...我地一家3口join埋joey契媽一家人,仲有b橋既姑媽,姑姐,表姐...一齊去左大棠荔枝山莊玩....呢個地方真係好啱小朋友去...可以參觀馬房,騎馬行沙圈,坐牛牛車,餵羊咩咩,餵兔仔,餵魚等等.... 參觀馬房時...will will都有小小驚d馬...諗住佢會唔敢騎馬...點知轉個頭...will will就同老公講想試吓騎馬馬,可唔可以?....之後will will玩騎馬行沙圈...騎完一圈後話一d都唔驚...仲想再玩tim...遲d有時間搵日要再去過先得... 夜晚...一齊hotpot完先返屋企.... 第一次去馬房...一家3口合照騎馬英姿....
