親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日係星期六, 難得媽媽上午無堂上, 我地一家的節目竟然係-去打針! 我放棄左健康院的歲半針, 轉去高醫生的診所打了一支要比錢的五合一, 原因係五合一多左一種腦膜炎防疫, 預防腦膜炎對小朋友來講係好重要的, 所以爸爸就斥資五百大元打左支五合一嘞, 仲唔洗返健康院添, 真係好! 下午爸爸帶我落會所玩, 玩到差唔多時間, 我自己要求離開, 因為夠鐘返屋企食奶奶了, 返到屋企見到有個哥哥在學琴, 媽媽叫我叫哥哥, 我唔叫, 然後走開, 走到梳化咁遠, 先至叫"哥哥", 呢次係媽媽聽到我第一次叫哥哥的! 夜晚約了susanna姨姨一家去荃灣食上海野, 姨姨好好人, 送我一本eric carle的圖書, 係好出名的the very hungry caterpillar! 仲係maggie姐姐親手送比我添, 多謝晒! 飯後甜品係芝麻糊, 媽媽比少少我lam下, 點知我一試愛上了, 芝麻糊係黑色的, 我食到嘴邊污糟糟, 大家都笑我, 我似乎知道自己的樣子有d唔同左, 拎轉頭望住鏡裡面的自己傻笑, 我好似生左鬍鬚, 好古怪, 唔怪得連我自己都笑啦!
我的雨傘
荃灣的英文playgroup仲有幾堂先完, 雖然認真麻麻地, 不過比左錢, 無理由唔去, 而且唔返學, 我留係屋企都係無所事事, 今日我在班上的表現和平日有d唔同, 唔知係咪受左kindermusik的影響, 我一聽到歌仔就忍唔住要企起身, 走出去轉圈圈和手舞足蹈! 晚上媽媽的氣管毛病又發作了, 食左藥好眼訓, 要提早入房休息, 我入房揾媽媽, 要同佢一齊訓, 於是媽媽抱我上大人床, 一齊覺覺豬, 最後我在無沖涼, 無飲奶的情況下, 一覺訓到天光! 因為我要黐實媽媽, 要同媽媽共同進退, 媽媽唔舒服我一定要陪住佢戰勝病魔!
大舊表哥大舊表哥竟然陪我返Kindermusik!嘩~~~ 大舊表哥好落力喎!
行太古城Oh in my house I help clean up.... 拿住掃把當係寶!邊度污糟, 等我幫手掃一掃
[left1]今日返協康會playgroup, 我如常跑跑跳跳, 開開心心玩了個半鐘, 今日我同上兩堂一樣咁乖, angel姐姐的鐘聲響起, 我就幫手收拾玩具, 之前我係唔肯收玩具的, 每次都會lur地賴死, 所以我肯自動自覺收玩具, 媽媽由心感動出來! 而且我的耐性明顯有進步, 梗係啦, 同班有好多比我細的弟弟, 我作為一個小哥哥, 當然要有d台型! 茶點時間到了, 今日係用手指餅點朱古力醬, 但我不肯食有朱古力醬的餅, 情況就似前日食自助餐, 媽媽抱我用棉花糖在朱古力噴泉沾朱古力醬, 就完全不肯食, 可能我覺得果d醬好dirty! 後來媽媽用餅沾果醬, 我就好喜歡食了! 今日係爸爸新舊曆生日, 我地和肥妹表姐一家出去食飯慶祝, 媽媽買左生日蛋糕, 本來想食日本野, 但果間餐廳竟然要收砌餅費, 於是我地決定罷食, 去了富臨漁港, 一樣食得好開心! 但食完已經11點幾, 好夜啊, 返屋企無沖涼, 抹下身就算, 一上床就訓到隻豬仔咁了...ZZ...zz..爸爸新舊曆同日生日, 熱烈慶祝!
最近爸爸很好, 每晚都帶我落街放電, 意思是帶我四圍跑, 商場, 平台公園... 隨便我鍾意去邊就去邊, 我會拖住爸爸帶佢四圍去, 有一次帶左爸爸去第一座, 我地就好唔客氣上左obi屋企坐到11點, 有次仲拖住爸爸走去碧海藍天, 我見到有姐姐拖狗散步, 竟然想摸狗狗! 媽媽是好贊成放電呢項有益身心的活動, 一來可以增進父子關係, 二來可以鬆一鬆, 抖一抖, 湊仔湊足一日, 好攰架, 加上最近媽媽患上氣管炎, 確實需要多d休息! 今晚又好特別, 爸爸媽媽和我在心粥館食飯, 遇到obi一家路過, cell姨姨竟然把我拐走, 帶返自己屋企, 爸爸媽媽當然無任歡迎, 好耐無試過兩公婆安安靜靜撐枱腳了, 既然cell姨姨要自尋煩惱, 爸爸媽媽當然唔會制止. 不過據cell姨姨報道, 我在obi家行為良好, 完全無找媽媽喎! obi又喜歡我, 比左好多cars我, 爸爸飯後上去會合我, 據爸爸報道, 我和obi一齊講說話少了, 比較喜歡自己一個人玩, 但obi就好多野講; 無obi在場那天, 我就不停講說話, 其實我心底裡是喜歡obi的, 我視佢為好兄弟, 不過我個性比較含蓄, 唔似得obi佢, 喜歡人就要拖住人的手, 比晒d車車人, 又攬又鍚.... 每個小朋友的性格都好唔同, zane叔叔話我將來會係一個性格開朗, 有好多朋友的男孩子, 但願如此!
食buffet食buffet, 我都佔左一個位架!
打網球婆婆買比我的網球拍, 搞到我日日打波好唔得閒
陪媽媽
今天媽媽仲未好返, 幸好爸爸放假, 陪我一齊返kindermusik, 我聽到音樂好開心, 不停轉轉轉, 但唔太肯跟老師指示去做, 跳到shakin shakin呢首歌時, 我今玩搞部cd機, 令到將近完的音樂要重新開始, 大家要從頭跳舞, obi跳到攰晒, 訓左係地下, 我走去叫佢起身, 仲搞佢腳指, 然後我又訓埋係地, anson見狀有樣學樣, 於是大家都訓晒係度, 無人跳舞! 我家的dv機壞了, 下午全家出動去尖沙咀修理, 其實係剩機行街, 我在玩具反斗城跑來跑去, 又打籃球, 又睇車, 我攬住d車唔放, 媽媽最後買左架黃色開篷masarati比我. 晚上係食pizza hut, 我第一次食, 媽媽叫左肉醬千層闊麵比我, 我好喜歡, 可能味道太濃的關係, 我食得唔多. 之後在天星碼頭搭巴士回家, 我沿途都好開心, 不停講外星語言, 呢d語言雖然無人聽得明, 但多野講代表開心, 爸爸媽媽都好開心!爸爸陪我上完一堂kindermusik之後, 終於明白點解媽媽會咁攰大家圍住ms mary聽故事obi你好攰嗎? 起身喇!
今天媽媽終於支持不住, 發燒了, 沒有帶我返英文playgroup, 我陪媽媽去睇高醫生, 媽媽叫婆婆來幫手照顧我, 於是下午我就和婆婆去會所玩, 婆婆話我現在是個牛黃仔, 四圍搗亂, 整亂晒倒瀉晒d玩具又唔玩, 又唔執, 又去搞人, 又偷睇菲傭姐姐玩電話.... 回家婆婆同我沖涼, 我見到媽媽在房訓覺, 大叫"媽咪呀~~~", 又喊又大叫! 好淒涼, 但媽媽怕傳染我, 唔想大接近, 但我反而變得好黐身, 成日撲向媽媽要抱抱. 夜晚爸爸回來, 帶我落街玩, 等媽媽可以休息, 我地撞到爸爸的舊同事抱住隻汪汪狗, 我不停摸佢, 一d都唔怕, 然後我自行跑向第1座, 爸爸就帶我去obi家玩, 玩左好耐, 返到屋企食支奶, 好快就訓著了, 媽媽可以好好休息.
最近媽媽學人做小生意, 忙於打理佢的音樂精品店, 連續幾日無寫日記, 真係唔掂, 不過媽媽和joyce姨姨擋野成績都唔錯, 等我都賣下廣告先, 就係呢度可以睇到: http://hk.myblog.yahoo.com/treble_clef_shop 就係因為咁忙, 搞到自己病埋添! 今早好辛苦, 媽媽唔想我無得返協康會playgroup, 好辛苦都一個人帶我去, 好彩珍姐和angel姐姐知道媽媽唔舒服, 幫手照顧我!站在一堆細個幾個月的小朋友中間, 我突然變成一個小哥哥
昨天我無意中找到d相簿, 係我一歲前bb仔時的相, 我好有興趣咁睇左好耐好耐, 仲睇到"oh oh"聲! 今日媽媽要教好多琴, 整個下午都出左去, 婆婆就攞本相簿同我一齊睇, 見到媽媽幅相, 婆婆同我講: "媽咪係度呀!" 點知呢一句話, 突然钩起我對媽媽的思念, 我好慌張地全屋走來走去找媽媽, 又走去門口指住度門, 因為我記起媽媽係從呢度門走左出街的! 婆婆好唔容易先氹返掂我, 好快媽媽就返屋企了, 我開心到笑住跑去門口, 攬住媽媽的腳, 場面好感人啊!
19個月-大扭計
橫衝直撞
阿咩咩專心地玩插座圓柱體
上堂不留心
你地知道我現時每日的行程嗎? 星期一協康會, 星期二,四荃灣英文班, 星期三kindermusik, 因為媽媽決定唔會比我返幼兒園了, 就返幾日playgroup玩下咁囉, 不過媽媽一個人帶住我就真係好辛苦. 荃灣果間野越來越差, 導師的口音古怪, 上堂無planning, 趕住收工...都算了, 今天竟然食完茶點無叫清潔姨姨入來清潔, 就繼續講故事和唱歌, 小朋友坐在成地餅碎, 蛋糕碎的地下, 有d小朋友(包括我)執地下d碎來玩, 媽媽睇唔過眼, 就抱左我出課室, 然後向職員投訴! 職員當然係話會了解..反影..改善...不過媽媽話已經對呢間中心無晒信心, 返埋呢個月就唔再返了!
協康會playgroup係全世界最好玩的playgroup! 我實在太開心了, 新一期playgroup收返我, 闊別三個禮拜, 今日返去我仲好記得, angel姐姐, 珍姐, 好大的課室, 好多好多玩具.... 今次有好多新bb, 個個都細過我少少, 我和obi算係大佬了, 雖然玩的和上兩期差不多, 但我的表現就好唔同! 我無再因為收玩具而大吵大鬧, 仲幫忙收拾, 此舉令媽媽非常詫異, 幾乎感動流涕! 玩左好耐大波波, 返到屋企攰到即刻訓著, 連飯都未食, 訓到4:30先醒, 真係玩得好盡興啊!
寶儀姨姨買比我的combi藍色鞋仔好好著, 不過開始有d"頂趾"了, 適逢西田大減價, 媽媽委託西田大使寶儀姨姨幫我買一對新combi, 於是姨姨買左一對好靚的啡紅色魔術貼combi型仔鞋比我, 不過寶儀姨姨竟然話當係我兩歲生日禮物, 點都唔肯收錢, 媽媽同佢搏鬥左一輪, 始終敵不過姨姨! 鞋仔確係好靚, 不過事後媽媽又被婆婆"鵝"左一輪, 寶儀姨姨你記住你已經送左生日禮物比我, 今年內都唔好再買野比我嘞!
我喜歡搭lift, 仲喜歡爭住"禁"lift, 媽媽會抱住我, 教我"禁"十一樓, 久而久之, 我一入lift隻手指仔就指住d掣, 要自己"禁", 有幾次我"禁"錯了十二樓, 呢幾日我開始掌握到"禁"lift的技巧了, 仲好準確咁自己去揾十一樓去"禁", 媽媽講比婆婆聽, 婆婆唔信, 今日佢同我落街, 返屋企時我就"禁"一次比佢睇, 佢就信嘞!
未有得食住, 打下鼓先! 第一次去飲, 好隆重啊! 今日係我大虎和大舅母結婚的大日子, 我第一次去飲, 當然隆重其事, 去屋企樓下的高級髮型屋剪個靚髮, 媽媽抱住我, 爸爸就負責餵我食餅餅, 髮型師哥哥好快手, 三兩下手勢就搞掂了, 兒童剪髮承惠$68! 婚禮是在紅磡伊甸園舉行, 呢種咁新穎的婚禮, 好多親友都係第一次參加, 一入禮堂見到好多陌生人, 我好驚, 呱呱叫唔肯入去, 氹左好耐先肯, 婚禮進行時媽媽比包包我食, 我好留心又安靜地望住, 禮成了, 我仲同大家一齊拍手掌! 我都要嘉賓提名先!晚宴係同時在伊甸園食, 係西式自助餐! 我第二次食buffet, 不過我只喜歡食麵, 媽媽要招呼我食, 自己都食得好求其, 連最好食的蝦和翡翠螺, 都只係食得一隻, 事後不停呻笨! 雖然大虎被朋友隊酒飲到神智不清, 但婚禮總算順利完成, 恭喜晒, 大虎和大舅母!
愛上字母E自製樂器
青衣圖書
今日返荃灣playgroup, 去到南豐中心, 搭電梯時先發現唔見左一隻鞋, 係寶儀姨姨買比我的藍色combi鞋仔, 鞋仔跌左, 揾返的機會微乎其微, 媽媽諗住算了, 但cell姨姨無論如何都要沿路行一次, 於是媽媽將我放低比cell姨姨, 返轉頭揾鞋, 由南豐行返去大河道麥當奴, 連清潔街道的嬸嬸都問過, 無喎, 唯有放棄, 咦? 點知返轉頭時, 媽媽突然見到馬路欄杆上面有一隻和我的鞋一樣的鞋仔, 整齊地被人放上去, 原來有好心人執到, 放上欄杆, 如果媽媽見唔到, 直行直過, 我的兩隻鞋從此就永遠分開了! 媽媽話, 揾得返對鞋, 真係開心過中六合彩!
[right1]我真係好為食, 今日我先後偷食了豆沙包和偷飲了表姐的檸檬茶, 唔怪得媽媽叫我神偷B豬!要學多d字母先得!
今天我興奮過度, 和婆婆在房玩時, 我將果個住在窗台, 名叫"哪咋妹"的洋娃娃大力fing來fing去, 點知...拉跌左支枱燈, 玻璃燈罩粉碎, 玻璃碎四濺, 媽媽即時抱起我, 和婆婆夾手夾腳收拾殘局, 掃玻璃, 換床單... 就係因為咁, 媽媽又被婆婆鬧, 做乜擺支玻璃燈係度, 好危險呀! 不過現在已經不再危險了, 因為燈已被我徹底粉碎!
愉景新城自己的車要自己推!
媽媽發現我有個新啫好, 就是喜歡看烹飪節目和入廚房睇婆婆煮飯, 每當電視機有烹飪節目, 我就睇到眼定定, 今日返婆婆家, 衝入廚房不下數十次, 婆婆唯有抱住我煮飯, 一看見婆婆拿鑊剷炒餸, 我就哈哈大笑, 我的喜好真是越來越古怪了!