親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
科學館
爸爸帶我BBQ
無乜特別的假期
發開口夢
今日係爸爸日, 即爸爸負責照顧我, 佢竟然未經媽媽同意, 抱左我去香港工業中心, 原因係爸爸想行果d addidas outlet. 一入貨lift我已經渾身不自在, 瞇實對眼唔肯睇, 爸爸都覺得唔對路, 幾經辛苦揾到addidas outlet, 但一出lift我就大喊, 哭聲震天, 眼見outlet就在眼前, 爸爸都入唔到去, 唯有拿拿聲抱我走. 爸爸買條脆皮云呢拿雪條安撫下我的情緒, 一見有野食, 我即叫"糕!" (雪糕的糕)仲大啖大啖貪婪地食, 口水隨住溶掉的雪糕滴落爸爸身上, 很狼狽, 但雪條真好食, 我心情好到不得了!
kinermusik搬左去新校舍, 但我一入到新地方竟然大喊, 可能新裝修仲有好強的油漆氣味, 我唔習慣, 課室已經坐左好多小朋友, 除左我地原班4個細路, 仲有4個試堂小朋友, 地方好大好舒適, 仲有好大塊落地鏡, 我可以好free咁跑, 照鏡... 好快就唔喊了! 今晚和bonnie姨姨, eco姨姨去富臨食飯, 其實我已經食左通粉, 去酒樓只係陪食, 我喜歡叫餸, 唔係真係叫餸, 而係將餸名叫出來, 肉肉, 蝦, 湯湯, 飯, 菜菜... 但我竟然以為燒鵝伴碟的芫茜係菜菜. 其實媽媽帶我一齊同朋友食飯, 係好艱難的, 因為掛住招呼我, 根本好難好朋友傾計, 就好似今晚, 我坐厭了要落地, 揾魚魚, 同龍蝦打個招呼, 然後一支箭標出酒樓, 在長沙灣廣場繞場一週, 再返入酒樓, 坐一陣, 又再落地... 如是者搏鬥好幾回...尤其是我今晚心情大佳, 特別活躍, 媽媽的運動量當然大增.
Monday no mood
寶儀姨姨有一個音符手袋和我媽媽果個係一模一樣的, 今日我以為寶儀姨姨拿了媽媽的手袋, 竟然想幫媽媽搶返! 跟住媽媽比我睇佢自己的手袋, 現來無比拿走, 我就明白了!
爸爸媽媽想幫我申請回鄉卡, 可以帶我去長隆睇動物, 以為好簡單, 原來一d都唔簡單, 幾經波折, 都仲未申請到! 首先, 媽媽自以為好機警在網上預約申請回鄉卡, 帶齊文件相片去到中旅社, oh!!! 原來要先申請passport, 先可以申請回鄉卡, 媽媽話: 點解無人同我講過? 於是, 爸爸媽媽揾時間帶我去快圖美影多一次證件相, 然後用郵遞方式申請特區護照, 一切似乎好順利. 點知3,4天後, 入境處打回頭我地的申請, 原因如下: (1) 申請表已過期 (原來媽媽填的是1.5年前爸爸拿的表, 現在已轉用電子護照!) (2) 沒有媽媽的身份證副本 (舊護照是不用的) (3) 支票銀碼不對 (轉用電子護照, 當然加埋價) (4) 沒有副署人簽署 (咩叫副署人....??) 似乎媽媽完全無睇清楚申請辦法, 實在太求其和大意, 翌日找婆婆做副署人, 證明相片中的細路就是我, 媽媽然後再將整份申請表再寄出去....! 哎吔, 忘記填副署人身份證號碼, 相信申請不出幾日又會再返回我家的信箱!
逢星期五返婆婆屋企已經成為習慣, 食過午餐就換衫出發, 搭的士返青衣, 沿途欣賞下唔同的車輛, 叫下佢地的名, 返到婆婆屋企, 公公例牌好熱情咁抱我入屋, 以前我有d驚公公, 今日竟然舉手要佢抱抱! 婆婆例牌煮水餃, 我例牌"哄食", 要媽媽分d蝦蝦和皮皮比我食, 有時婆婆仲會比支益力多我飲. 最已經熟晒"架步", 知道邊度有野玩, 邊度有餅餅, 仲好鍾意走上舅父的床玩, 因為媽媽以前裝左一個小飾物櫃, 我好想開, 今日終於比我研究到點開, 我攞晒媽媽細個d珍藏小擺設出來玩, 但好快就破壞左七品芝麻宫的頭和兩隻白兔的紅蘿蔔!
被老師教訓
昨晚爸爸發現有一隻蚊子衝入我家, 但未能即時將佢消滅/驅趕, 亦忘記開蚊機, 於是我就變成呢隻蚊媽媽的營養來源, 面珠, 耳仔, 手臂, 大脾...都係一點點紅色, 幸好無上次成面都係咁嚴重, 大家以後發現屋企有蚊, 記住要即時處理左佢, 先好訓覺呀!
https://bb5.babyhome.com.tw/UPLOAD7/117460/122525.70584021.57657.wmv
https://bb5.babyhome.com.tw/UPLOAD7/117460/122525.70148893.37191.wmv 上兩次星期一的playgroup我都表現麻麻, 可能因為有新同學, 新家長, 好多新面孔, 我覺得唔自在, 媽媽本來打算陪返我一齊上課, 但見我一入課室就忙於玩, 似乎又再重新適應返. 今日ms hazel話我much better, 無喊, 但依然喜歡"搣"牆上的圖畫, 被制止亂推三輪車時, 我咋喊, 都被ms hazel識穿, 因為ms hazel都已好熟悉我的脾性, 媽媽見到我都幾黐ms hazel, 玩tic tock tic tock時我仲撲前要佢抱抱! 夜晚我地昇悅居三寶去運動場跑步, 我太貪玩了, 有正經路唔行, 要行坑渠蓋, 點知唔小心跌親, 手踭和膝蓋被石屎地擦損了, 平時跌倒我多數自己起返身, 好少喊, 今次摸住腳腳"呀~~"了幾聲, 似乎真係痛痛. 但唔洗十秒又再彈起身, 再跑過, 我走埋一堆膠喉, 論論盡盡咁, 當然又跌一次, 今次無擦傷. 返到屋企, 爸爸見我兩處傷勢都幾明顯, 但我似乎已經忘記了, 媽媽叫我沖涼, 我傻更更地又衝向浴室準備玩水.
https://bb5.babyhome.com.tw/UPLOAD7/117460/122525.70148294.16081.wmv 家陣做細路真係唔得閒, 兩文三語不可少, 有d家長仲誇張到帶bb返日文, 法文, 西班牙文playgroup (唔知為乜!?) 有專家話六歲以下孩子可同時接受六種語言, 媽媽無打算塞六種語言入我個腦, 但中英文不能不通, 語言係七大智能之一, 豈能忽視? 不過爸爸媽媽甚至連婆婆都發現我的能講的單字7成以上為英文(雖然未必人人聽得明) 我地似乎忽略了中文, 原因是我家的圖書, 教具, 幾乎全部都是英文, 只有兩盒在書展買的台灣版flash cards是中文, 因為我特別喜歡flash cards, 專注程度較強, 於是媽媽四出搜羅好的卡卡, 但市面上買到又合用的中文圖卡實在少之又少, 有些卡size太細, 有些圖畫不吸引, 有些是台灣用字, 不適合香港使用, 媽媽最後決定自製卡卡, 將身邊的所有事物都化成圖卡, 配上中文字, 再過膠, 就變成一張張精美, 實用, 又唔易爛的卡卡! 自製卡卡成效如何未知, 請留意下回分解! (可能有, 亦可能無...)
https://bb5.babyhome.com.tw/UPLOAD7/117460/122525.70147848.10020.wmv 今早六點幾醒左, 媽媽要再訓, 我自己開電視睇dvd, 砌lego, 唔知過左幾耐, 媽媽突然醒左, 見我將d lego一舊一舊咁從窗掉落街, 大驚! 已經係第二次了, 上次掉左幾架車仔, 今次掉lego, 其實唔知仲有無其他野已經比我掉左落街! 樓下係平台花園, 平時人跡罕至, 所以唔怕lego從天而降卜親人. 媽媽落去執, 發現草叢裡面有好多lego, 有幾塊更深入叢林, 媽媽要趴在地伸長手先執到, 好像一個傻婆, 最後成功拾回18塊lego! 小巴司機叔叔幫我揾返個書包, 爸爸今早帶我去荃灣找叔叔取回, 我心愛的書包終於物歸原主了, 多謝晒呢係熱心又好人的叔叔!
失而復得!
今日我竟然完全唔瞓晏覺, 同媽媽去完郵局, 沿途好似有點睡意, 但返到屋企又鬼打咁精神, 童姐姐來學琴, 我搞搞陣左一陣, 媽媽安排我睇最新一輯"歐昭駿家庭影院", 我有自戀狂, 最鍾意見到自己上電視, 我好安靜咁坐係梳化睇, 坐坐下改坐地下, 無幾耐我就攬住個枕頭訓著左! 媽媽抱我入房訓, 到夜晚八點幾都唔醒, 煮左飯無食到, 一直訓到凌晨三點! 我醒左在傻笑, 食左支宵夜奶, 之後唔係訓返, 爸爸媽媽就慘了, 我玩到凌晨四點, 終於肯返上床仔訓到第二朝天光!
書包不見了
今日的kindermusik比平時長左10分鐘, 大家玩得好開心, 氣氛非常好啊, miss megha抱住我玩lap bounce, 媽媽見我個樣好"冧", 覺得我好鍾意miss megha, 因為我都幾跩, 唔係個個老師都接受到我咁好動, 但miss megha話好鍾意我, 仲叫我跟佢返屋企! 爺爺弄傷了手, 我地一家今晚返去探佢, 我一落小巴就認得係爺爺屋企, 不停叫住爺爺~~爺爺~~~ 爺爺嫲嫲見到我當然好開心, 仲比左4個橙我. 之後我地去王家沙食飯, 但今晚我麻麻地鍾意食麵, 可能陽春麵唔夠林, 小籠包就好喜歡食佢d皮. 餐廳隔離有間紅蘿蔔寵物店, 一入門口有白兔, 我唔識講RABBIT, 只識叫佢地RATS, 之後見到兩隻史納莎, 我當然好熱情地大叫DOG, 隔離房有兩隻bb史納莎, 媽媽話佢地係puppy, 但我堅持佢地係DOG, 媽媽重覆了15-20次puppy, 我先開始接受, 叫佢地做A-ppy. 再隔離係三隻好可愛的英國短毛貓BB, 正當媽媽期待緊我講CAT的時候, 我竟然講SLEEP, 原來三隻貓BB都訓著覺了!
今日係十一國慶假期, 但爸爸要返工, 媽媽就陪我在家玩, 平時媽媽實在太無事忙了, 今日相對十分清閒, 我地享受了非常優質的親子時間, 媽媽仲搬出木頭火車連路軌同我玩, 我不停講choot choot...train! 好沉醉地玩了好一段時間! 婆婆話我每逢路過樓下的影碟鋪, 都會伏在櫥窗玻璃, 因為有三盒thomas火車玩具, 每次都令我雙眼發光, 口裡唸唸有詞說train..train.. 媽媽見我最近幾乖, 今日就決定買一盒比我, 我仲自己比錢和找錢. 攞住盒thomas玩具步出影碟鋪, 我露出不可思議的表情和笑容, 似乎在心想: 原來我可以擁有呢個玩具! 攞住個盒睇左一陣, 唔知點搞, 就遞比媽媽: "俾!" 咪以為講俾就真係俾, 其實係要媽媽開, 但媽媽話返屋企先開, 因為我地要去公園玩一陣, 吹泡泡. 爸爸放工後到公園揾我地, 我一見爸爸, 就將盒玩具遞比爸爸, 今次係講:"拆!" 好唔容易終於返到屋企, 媽媽真係拆比我玩了:嘩~~~原來係一架上鍊thomas火車, 我將佢放在我的木頭路軌上行, 竟然又好fit喎, 但我比較喜歡自己用手推, 多過上鍊, 多左個新成員, 火車玩具又玩多幾十分鐘...
好多生字
參觀幼稚園
cheers!
今日媽媽開始用新買的大卡卡教我, 其中十張係數字卡, 正面係數字, 背面係蘋果, 一個蘋果, 兩個蘋果, 三個蘋果...如此類推, 我覺得好得意呀, 就跟住讀, 一個蘋果係apple, 兩個蘋果係appleple, 三個蘋果係applepleple...其實我只係亂講一通, 見到d蘋果一張卡一張卡咁變多, 好得意, 並唔係真係識得數數目架!爛鬼紙皮箱, 可以係好好的玩具呢度係我的新屋, 我會o係度食..o係度訓, 唔好嘈住我..zz..zz..
媽媽在玩具倉搶購得來的益智磁力積木 維園中秋燈會, 今年我又來嘞!維園今年又有花燈展, 舊年爸爸和表姐佢地抱我去睇, 果陣我仲未識行, 今年我已經在維園滿場飛了, 媽媽最怕放我落地, 一甩身我就一支箭咁標左去, 爸爸就會搏晒命咁追我! 今年的花燈都好靚, 我和爸爸在白免pet pet花燈前面影相, 跟住我地去香港仔同嫲嫲做生日, 今日又有蛋糕, 我食到lam lam脷, 然後又有壽包, 我個肚dum仔滿載而歸呀!
中秋節快樂
大家相信bb仔都可以閱讀嗎? 最近媽媽發現我可以不用睇圖畫, 讀得出一d生字, 百發百中的係book, 十次有幾次中的有dog和pig, 仲有一個比較冷門的字blow, 我一見到呢個字, 就bluuuu~~~~ bluuuuuuu~~~ bu到周圍都係口水, 好嚇人!
最近喜歡砌砌下的玩具, lego, 串珠仔, 積木等, 也喜歡用蠟筆塗鴉, 吸印仔和貼星星貼紙, 特別喜歡串珠仔, 可以自己一個玩上半個鐘頭, 但我還未能夠用繩穿, 只能用竹簽, 我發明了另一個方法玩,就係用兩支竹簽扮成筷子, 把繩當成麵麵, 扮大人食麵! 早幾日媽媽用lego砌成一條長條, 我不停講"清..清.." 媽媽不明白, 後來先想到原來我講"train"! 題外話, 我已經唔再叫thomas做car, 已改叫train, 之前被誤指為car的地鐵, 現在也糾正為train了!睇下! 我砌左架train呀!串珠仔炒麵塗鴉
我好喜歡flash card, 特別喜歡媽媽讀卡卡比我聽, 媽媽讀一張, 我接過一張, 隨手掉到一地都係, 讀完一叠卡, 滿地都係卡, 我就好開心拍拍手, 我的卡卡不算多, 英文的只有ABC, numbers, shapes & colours, animals, 中文的有一盒食物和一盒家居用品, 還有兩盒英文sliding卡, 但我唔喜歡呢2盒. 早於幾個月前(忘記了那一個月), 媽媽發現我漸漸從睇卡卡中已經學識分顏色和記得顏色的名稱, ABC大致都認得了(有幾個梗係唔肯讀), 數字1-10都ok了, 媽媽見我喜歡看卡卡學習, 考慮了好耐, 終於斥資"巨款"買左部二手Talk Along讀卡機, 幸好錢無白費, 我好喜歡呢部機, 仲學識左更多生字呢! 最令媽媽開心的唔係我學識講生字, 而係我能夠遵守規矩, 每次用呢部機睇卡卡時都自動自覺坐在我的blue chair, 眼看手勿動, 媽媽幫我碌卡卡, 我唔可以用手摸部機和卡卡, 只要我通力合作, 希望呢部機的壽命終結之前, 我可以學晒兩盒共510張卡!