親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
https://bb5.babyhome.com.tw/UPLOAD7/117460/122525.47678099.42519.wmv 昨天我的手仔被升降機門夾親, 好多姨姨都問候我, 多謝大家關心, 我的手已經完全無事嘞, 今日如常運作, 早上起床後又練習讀生字, 好勤力, 但我將"a house"講到好似講"麥兜", 又將"a mouse"講做"a cat". 搞到入急症室咁大件事, 婆婆當然好緊張, 當然又鬧媽媽一大餐, 咁細個就要照X光, 好陰公呀, 死好多細胞呀....等等, 昨晚鬧完今日又打來講一大餐, 連公公也打來...因為佢地好擔心喎! 下午同雅雯去碧海藍天會所玩, 洭龍哥哥同我地一齊去, 佢仲幫手照顧我同雅雯, 佢真係好鍾意bb, 男孩子能夠咁體貼照顧bb, 真係好少見, 媽媽和june姨姨都讚佢係好孩子!
今天爸爸要上班, 下午婆婆來湊我, 媽媽就出去工作了, 婆婆話我好好笑, 我打開本mickey mouse書, 一邊行一邊唸唸有詞, 由廳行到門口, 又由門口行返來, 好似在扮人讀書! 夜晚發生了一件意外, 爸爸媽媽和我落街食飯, 搭升降機落樓時, 我的右手被升降機門夾住, 抽唔到出來, 當時情況好危急, 管理員叔叔唔知點樣幫我攞返隻手出來, 我大喊, 雖然表面無受傷, 但手指有點腫, 為安全計爸爸媽媽決定帶我去急症室, 照X光之後醫生話我無事, 可以回家! 爸爸是新聞記者, 媽媽都曾經係, 類似意外見過唔少, 但發生在自己孩子身上, 心情真係十分難受, 媽媽見我好喜歡行路, 就讓我落地自己行, 試問邊個父母唔會小心睇住自己的孩子? 但意外的發生往往就在一瞬間, 今次意外確實係媽媽疏忽, 媽媽以後會更加小心嘞! 從醫院回家我好精神, 如常玩和搗亂, 但不肯食奶, 媽媽於是播sing along比我睇, 我就肯食, 話說早前我常常講"H"呢個音, 原來我係模仿sing along其中一段教英文單字"HAT", "MAT", "BAT", "CAT"....但我發音唔正, 所以聽起來好似"H", 哈哈, 今日我係咁跟住電視講單字, 但發音十分唔標準和古怪, 只係電視講一個字, 我發一個完全唔似的音, 十分好笑! https://bb5.babyhome.com.tw/UPLOAD7/117460/122525.47597484.59867.wmv
今日媽媽早收工, 約左june姨姨和雅雯去荔枝角公園玩, 一到步我地就落地周圍玩, 我行得越來越穩陣嘞, 雖然有時會失平衡, 但在公園唔怕跌, 今次我竟然自己爬上滑梯, 玩得好癲! 我地玩一陣就坐低休息, 食餅餅, 飲果汁, 然後就走嘞, 因為媽媽和june姨姨要去美孚, 睇下有無英文playgroup喎, 之後佢兩個竟然去食麥當奴! 此時我和雅雯已經呼呼大睡, 因為玩完一大餐, 好攰啊!竟然自己爬上滑梯!扮嬌俏 (鼻子傷痕被媽媽用電腦效果變走了!)
[left1]今日協康會的導師angel姐姐病左, playgroup取消了, 好失望啊! 不過angel姐姐病病, 需要休息, 我祝佢早日康復! 無無聊聊, 媽媽帶我落club玩, 要幫june姨姨看住雅雯一陣, 我地在波波池玩, 一齊食餅, 我無瞓晏覺, 但依然好精神, 但間唔中會扭計咋喊, 要媽媽抱, 好嗲. 之後去附近一間playgroup參觀下, 媽媽話睇下有無好的playgroup在屋企附近, 等我有得玩多d, 學多d. 晚飯後爸爸媽媽陪我在商場散步, 我fing開媽媽的手, 要自己行, 但又唔知自己論盡, 跌左十幾廿次, 行到玩具店和影碟鋪又駐足觀賞一番先肯再行, 仲一路行一路講外星語言, 因為我可以自己行路, 真係好開心!學梳頭
爬行比賽!?爬行比賽有遊戲區, 我和anson一齊玩呢個新玩具今日狀態不佳, 比賽時唔多投入估唔到呢件老虎仔衫仲著得落!我都已經識行嘞, 做乜仲要我參架爬行比賽喎!
[left1]今天爸爸帶我落會所兒童室玩, 我在書櫃附近練習行路, 點知一不小心跌倒, 撞落書櫃旁邊一粒螺絲釘, 鼻子即時擦傷, 幸好無流血, 但變了紅鼻子, 左面也刮傷了一條痕, 但我無喊, 照常玩玩具和走來走去, 但媽媽見到就好肉赤, 陰公囉! 好地地一個鼻仔, 雖然唔係生得好靚, 仲好扁, 但無啦啦多撻"啦", 唔靚仔嘞, 好唔開心呀!鼻子受傷了, 媽媽好肉赤
[left1]June姨姨送左架遙控車比我做聖誕禮物, 媽媽話我太多玩具, 一直唔肯開比我玩, 今日佢終於肯解封嘞, 係一架藍色"掃把佬"跑車喎! 我有一隻遙控螞蟻, 好好玩, 但行得慢, 呢架車車行得好快好快, 我追都追唔切, 偶然比我追到, 我就捉實佢唔放, 不停前後推, 其實我唔識玩遙控車, 我只不過喜歡推車, 所以爸爸話玩一陣好嘞, 之後要收返好, 大個d先玩. 爸爸話, 佢細個好想要一部遙控車, 但未能如願, 現在我只係一歲就擁有遙控車, 實在太幸福了! 下午爸爸媽媽一齊帶我返青衣, 我地搭巴士, 媽媽要教琴, 先落車, 將我交比爸爸抱, 但我見到媽媽走, 即大喊, 喊到全車的人都望住我, 媽媽隔住玻璃見我喊得咁淒涼, 個心都戚戚然, 不過爸爸話我只係喊左一陣, 巴士一開車, 開行唔夠十米, 我就收晒聲, 繼續睇風景!我好鍾意呢架遙控車!
媽媽太攰和太懶, 日記後補....
[right1]時至今日, 我依然只得三隻牙, 就係下面兩粒門牙仔和上面一隻大板牙, 講起來真係古怪, 上排門牙只出了一隻, 而且係一隻好大的大板牙, 另一隻呢? 連影都未見, 所以至今牙齒數目仲係單數, 唔對稱, 好古怪! 眼見我的朋友仔個個已經出左成棚牙, 有d連臼齒都出埋, 不過我唔擔心, 因為牙多煩惱多, 又要刷牙, 又會咬人, 出得早又爛得早, 你話早出牙有乜好? 雖然我只得三隻, 不過我己經識得好好利用佢地, 用來咬手指餅, 香蕉, 有時還會細細力咬人, 不過我係無惡意的, 只係貪玩!哈囉, 我係三牙小魔怪!
https://bb5.babyhome.com.tw/UPLOAD7/117460/122525.46901399.56081.wmv 剛剛識行幾日, 我一日比一日行得多, 我行路左搖右擺, 行五步, 跌一跌, 起返身又行過, 仲越行越開心, 越行越招積! 寶儀姨姨和豬姨為慶祝我踏出人生第一步, 送了一對combi鞋仔比我, 今日我著住佢去左青衣公園一片草披地練習行路, 我第一次踏草地, 表現得好興奮雀躍, 一落地就如甩繩馬騮四圍走, 不過行得唔穩, 跌了好多次, 在草地跌親唔痛, 我仲好鍾意摸草地, 覺得好有趣, 我仲周圍爬執樹葉, 搞到成身都係草! 哎吔! 比你影到我執樹葉添!之後去周auntie屋企, 媽媽要同志衡哥哥補課, 周auntie抱住我同我砌模型, 媽媽上課幾乎忘記左我的存在, 因為我好乖無扭計, 不過落堂後就開始扭計, 因為眼訓! 爸爸, 媽媽和婆婆都覺得我今個星期開始變得很惡, 喜歡的東西被拿走會大發脾氣, 又會和小朋友爭玩具, 以前我唔會咁, 連playgroup導師angel姐姐都話: "睇你文質彬彬, 原來咁惡架!" 呢個問題令爸爸媽媽好頭痛, 管教孩子係好高深的學問, 請大家比d意見我爸爸媽媽啦, 希望我唔會變成一個小惡人!
今日又有得返playgroup, 六個小朋友都到齊, 好熱鬧, 個個都好有精神添! playgroup的主題係視覺, angel姐姐又準備左好多好玩遊戲同我地玩嘞, 我地仲模擬落disco跳舞, 玩到癲晒, 一玩完我就扭計喊, 好醜樣呀! 爸爸最喜歡影相, 新買的波鞋落地前一定要影, 生日蛋糕未砌前要影, 因為佢喜歡用圖片去記錄歷史, 佢話見證歷史係好重要的, 早前中環天星碼頭要拆, 佢帶埋我去影了一大堆相, 今日大家估下佢又有咩鬼主意? 佢話石硤尾的舊式七層大廈要拆了, 以後唔會再有呢d樓, 所以返完playgroup, 我地去呢d已經人去樓空的大廈, 留影一翻, 爸爸話我將來睇返d相, 都可以知道香港曾經有過呢類大廈喎!七層大廈將要拆缷, 爸爸話要我見證歷史, 特來留影!同時也要見證下我家附近的超級豪宅 - 曼克頓山!初初試行, 都係小心d, 慢慢行唔好急!我扭計的樣子好醜樣啊!
今天心情不佳, 可能牙肉痕, 或睡得不好, obi來我家玩, 我不單無好好招呼佢, 仲we嘩鬼叫鬧佢, 佢鍾意入我的網床玩, 我唔鍾意佢玩我的網床, 大吵大鬧, 混亂中仲同佢嘴對嘴鍚左一吓, 我的初吻啊.......... https://bb5.babyhome.com.tw/UPLOAD7/117460/122525.46821273.30862.wmv
https://bb5.babyhome.com.tw/UPLOAD7/117460/122525.46821088.95704.wmv https://bb5.babyhome.com.tw/UPLOAD7/117460/122525.46821010.12086.wmv
今日係爸爸媽媽結婚五週年, 五週年係叫做木婚紀念喎, 唔知係咪爸爸媽媽已經變左兩碌木!? 今年佢地無特別慶祝活動, 但爸爸好鬼馬, 買左媽媽鍾意的黑森林蛋糕, 夜晚十點幾我臨瞓前突然拿出來砌! 我又有得食埋一份, 真係意外驚喜!
今日的話題有點不雅, 係關於我的大便習慣, 大家可能唔知道我一個小秘密, 就係我只會在自己屋企大便, 通常在飯後, 食飽飽, 心情輕鬆又愉快的時候, 就會暢快地大一個便, 如果那天爸爸媽媽帶我出街, 夜晚先返屋企, 我會忍到返屋企先疴, 在婆婆家也試過, 但從未在其他地方大過便. 今日好特別嘞, 我地返香港仔探爺爺嫲嫲, 飯後我竟然好自然地大便, 爸爸媽媽好驚訝! 不過爸爸心裡有點高興, 因為我只會在有安全感的地方大解, 在嫲嫲家大便, 意味著我感到舒適自在, 輕鬆愉快才會這樣做, 所以爸爸覺得好欣慰!
昨晚訓覺扭計, 十一點幾都唔肯訓, 媽媽陪我一齊訓, 但搞到十二點幾都訓唔著, 仲大喊, 爸爸入來抱下我, 點知喊得仲犀利, 仲嘔左出來, 嘔到我自己和爸爸個身好污糟, 可能因為我夜晚八點幾訓左一覺, 於是唔想訓, 爸爸又話我可能肚仔痛, 媽媽於是幫我用按摩卒肚仔, 果然卒完好d, 無喊, 最後凌晨一點幾先訓著, 搞到爸爸媽媽一頭煙!
媽媽好耐無陪我去會所玩了, 今日約齊obi, 雅雯一齊去玩, 今日有個和我地差不多大的日本bb和佢媽咪來玩, 佢媽咪在講手提電話, 我最鍾意睇人講電話, 我竟然扶住呢位日本姨姨的腳, 企喺佢隔離睇佢講電話, 日本姨姨仲借個電話我玩, 仲教我講moshi moshi, 但我不肯比返電話姨姨, 我媽媽和june姨姨夾手夾腳先搶得返呢! 今日已經滿14個月了, 開始夠膽行幾步, 不過只限短距離, 平衡力仲未係幾好, 經常跌, 不過我似乎好enjoy行路, 21號我仲要參加爬行比賽, 到時唔知我仲肯唔肯爬, 還是無爬爬下企左起身?
今日我好忙呀, 早上要返playgroup, 今日我地醒嘞, 提早出門, 準時返到協康會, 早d到有好處, 就係好以早d入去玩玩具, 上兩堂我都係遲入去, 見到人人都在玩玩具, 我唔開心, 咋喊, 要黐實媽媽, 今日我同秋盈兩個最精神, 玩左好多玩具, obi和anson就眼訓, 要訓一陣先, 其餘兩位小朋友唔知係咪因為天氣太凍, 今天無來返學. 今日的主題係"我的小腳", 我地做左好多同腳仔有關的活動, 印腳板, 跳舞, 射龍門, 刷刷腳, 仲有幫自己的腳搽lotion! 今日的茶點係饅頭, 我第一次食饅頭, 我用我僅有的三隻門牙, 成功咬左好多啖! 放學我地同tammy姨姨佢地食飯, 我扭眼訓, 粥仔食到一半就覺豬, 之後爸爸媽媽仲同我去荔枝角公園大玩特玩, 我又在嶺南之風和兒童遊樂場玩左一大餐, 好好好開心呀!媽媽話呢個玩具好玩, 又話想買, 但爸爸反對今日我地種左好多花花呀!等我諗下點去收拾呢個殘局!得三隻牙, 笑得好古怪呢!
https://bb5.babyhome.com.tw/UPLOAD7/117460/122525.46216342.23264.wmv
obi大少每次來我家, 都乖乖地吃東西, 上次仲食左好多啖粥和半條蕉, cell姨姨好開心, 所以我地想多d邀請佢來一齊進餐, 今晚媽媽用新買的有機免治牛肉煮左d粒粒粉, obi都肯食少少, 媽媽都讚佢乖, 食完野我地又玩, 不過都係各有各玩, 今晚我地好和平, 無爭野玩, 就連好有趣的電子拍子機, 我地都輪住玩, 非常有秩序, 呢類"飲食playgroup"咁有意義, 真係要多d舉行先得! 今日媽媽好開心, 因為有一個學生參加鋼琴比賽, 成績很好, 仲入圍參加決賽添, 好叻啊!
我最愛食野, 現在每日食兩餐粥/飯仔和三支奶, 每論幾唔得閒, 媽媽每日都要準備我的膳食, 每餐都係即煮即食, 唔會食隔夜或隔朝的粥. 媽媽煲粥已經好熟手, 快到15分鐘已經搞掂晒一餐, 攤凍d就食得! 媽媽話要盡量做到一日兩餐用唔同材料, 可以吸收唔同營養, 咁先至好, 通常一餐都有肉有菜, 肉類不外乎係豬, 牛, 雞, 魚, 蔬菜花款就好多, 西蘭花, 甘筍, 菜心, 菠菜, 粟米, 南瓜, 蕃茄....有時仲有雞蛋, 芝士...我全部都喜歡食. 不過新聞話本港好多食物都有問題, 淡水魚有孔雀石綠, 豬有豬鏈球菌, 雞蛋, 菜都不時有問題, 做父母的都咪話唔擔心. 今日ivy姨姨幫媽媽訂左好多澳洲魚和牛肉, 主要係比我食的, 全部雪到一舊舊好似石頭, 媽媽用菜刀搏晒命先劈得開, 哈哈, 成個雪櫃都係我的糧食, 有排食囉!
https://bb5.babyhome.com.tw/UPLOAD7/117460/122525.45871575.18520.wmv 初次到荔枝角公園, , 既緊張又興奮! 媽媽我o係呢度呀! 今日我地一家三口, 和obi大少一家三口, 六個好得閒又無聊的人, 一齊去荔枝角公園逛一逛, 我係第一次去呢個公園, 原來個兒童遊樂場係好大好大, 有好多滑梯, 山洞..... 真係好多野玩喎! 我玩到忘晒形, 我鍾意果d一個個細窿窿, 可以和媽媽玩peek-a-boo, 又鍾意媽媽抱住我打千秋, 我開心笑到ka ka聲. 嶺南之風令我以為自己身在蘇州園林, 好靚啊!荔枝角公園有一部份係中國式園林, 名為"嶺南之風", 好有詩意的名字啊! 呢度風景好靚啊, 仲有一個大魚池, 有好多魚魚和巴西龜! 我地玩到唔捨得走, 一得閒又叫爸爸媽媽帶我去玩先得!
https://bb5.babyhome.com.tw/UPLOAD7/117460/122525.45777514.66913.wmv 今日開始我夠膽放手行了, 但只限幾步距離, 通常係撲向媽媽度, 步履十分唔穩, 似飲醉酒多d, 返到婆婆屋企我又自以為好叻, 成日放手行, 點知跌左好多次, 額頭仲起左層樓, 但婆婆話我只係叫左一聲, 無喊, 然後又好頑皮地行來行去, 初初學行, 做大人就辛苦嘞, 驚我地跌, 成日要看到實, 好似看牛咁看, 你都咪話唔麻煩啊!
[right1]唔知算唔算識行呢, 今日我可以唔扶野行四至五步, 行過去媽媽和爸爸度, 不過唔係幾穩陣, 最後一步係撲入爸爸媽媽懷裡, 不過我地三個都好開心呀! 正所謂嬰兒的一小步, 人生的一大步! 等我行得穩陣d, 再影相比大家睇睇! 講開又講, 原來我已經進入左幼兒期, 所以大家以後唔好稱我為嬰兒了, 呢兩日我不停重覆一d說話, 由昨晚在eco嬸屋企到今日, 我不停地講類似英文字母 "H" 呢個音, 看來我在積極研究語言學. 頭髮很長了, 爸爸又操刀幫我修剪, 又係去公園, 貪方便唔洗搞到一屋頭髮嘛, 不過今次爸爸話自己急進左d, 搞到額前的劉海一邊高一邊低, 有點老土, 但媽媽話都幾得意呀!爸爸幫我設計呢個髮型, 好似阿旺啊....
新年快樂! 今年係我的第二個新年, 去年今日joyce嬸嬸和zane叔叔來我家開lunch party, 聽講前年我未出世都有來, 所以今年佢地話不得不來, 於是佢地今年如常出現, uncle zane話我好似大隻左好多, 尤其是個頭, 大左好多! 夜晚我地又有另一個聚會, 今次係去eco嬸嬸屋企, 舊年的christmas我地第一次去eco嬸嬸和henry叔叔的新屋玩, 不過那時候我只有個幾月大, 仲食緊人奶, 成日喊, 成枱美食不過爸爸媽媽要輪流招呼我, 根本無啖好食, 好不容易暗我訓著覺, 大家又唔敢大聲講野, 怕嘈醒我, 唯有開無聲派對, 諗起都淒涼! 今年我大個仔了, 已經唔再係大喊包, 而係搗蛋鬼, 我乜都搞一餐, 尤其是五個大人圍住我, 注意力集中在我身上, 我更專登引人注意, 不停講太空話, 又撩人玩, 扭計和咋喊..乜都出齊. bonnie嬸見我長大得咁快, 好感慨, 估下出年christmas我會做d咩呢? 媽媽希望我可以做個乖孩子, 識得唱歌跳舞同大家助慶就好嘞! https://bb5.babyhome.com.tw/UPLOAD7/117460/122525.45608616.20141.wmv
爺爺嫲嫲來我家
[left1]媽媽的老友bonnie嬸, eco嬸和henry叔叔今日來我家開派對, 過去兩年佢地都係12月26日慶祝聖誕, 原定以後12月26日都係party日, 點知今年eco嬸兩公婆竟然突然去旅行! 於是就改左今日在我家開嘞! 媽媽收工後和我在屋企等佢地來, 7點幾佢地全部一齊出現, 仲買左好多野食, 有牛扒, 燒雞, eco嬸特別喜歡買菜, 竟然買左幾隻大磨菇, 蕃茄和一個西生菜! 最特別係有兩罐罐頭湯! 我同大家一齊食野, 不過我係食粥, 同大家一齊食我好開心, 開心到拍手掌呢! 原來今日係henry叔牛一, 飯後仲有砌蛋糕呢, bonnie嬸話順便慶祝埋我媽媽生日咁話喎, 所以今晚的聚會係慶祝聖誕, 新年, henry叔和我媽媽的生日, 意義幾重大!不知是慶祝聖誕, 新年, 還是henry叔叔或媽媽的生日?
你知道鴨心是鐵質豐的食物嗎? 連醫生都說用鴨心煲粥仔好, 不過今時今日鴨心好難買, 事關鴨鴨已經不在街市屠宰, 運送到街市賣的鴨鴨, 好多都沒有內臟了, 這些都是婆婆告訴我的. 我以為我不會有機會吃到鴨心, 誰知今晚返婆婆家, 晚餐竟然係菠菜鴨心粥! 不知何故婆婆今天竟然買到四個鴨心, 四隻鴨鴨的心臟, 就在我的一碗粥仔裡面, 仲有菠菜, 鐵質好豐富啊! 媽媽偷吃了一口, 然後心想: 原來鴨心的味道是這樣的! 吃罷四隻鴨鴨的心, 我不其然想然砵砵巴士第一集裡面一首耳熟能詳的兒歌: Five little ducks went swimming one day, over the pond and far away, mother duck said quack quack quack, but only four little ducks came back....... 雖然鴨鴨可憐, 但媽媽還是希望婆婆能再買到鴨心!
呢幾日媽媽病病, 雖然只係少少感冒, 但咳和鼻塞得厲害, 睇了兩次醫生, 現在仲要食藥, 所以成日無寫日記, 請大家見諒! 加上網絡擠塞, 連昭駿的世界都受影響, 今晚先回復正常! 好多朋友問點解最近昭駿的世界的相片少了許多, 其實不是媽媽偷懶, 而是因為我實在太多相, 80Mb網頁空間一早己用完了! 媽媽終於決定耗資二百幾大元upgrade至400Mb, 於是我又多左好多空間放靚相, 仲可以放多d movie添, 以後upload相片唔洗"就住就住"咁慘了! 昨日提到轉奶粉, 今日我已經愛上了3號奶粉了, 每餐都差不多食清光!
我快將14個月大了, 2號安嬰寶奶粉存貨已剩下一小罐, 今日媽媽決定幫我轉3號安兒寶, 由"嬰"變做"兒", 意義真係重大! 吸收左上次1號轉2號的經驗, 今次媽媽在我早上第一餐奶幫我轉, 等我濛濛鬆鬆又肚餓之際轉新口味, 多數成功. 之前cell姨姨同媽媽講過, 3號奶粉係好甜好甜, 誰知真係甜得好交關, 3號奶香味濃郁, 似好立克多過似牛奶, 我一開始感覺怪怪地, 但好快就接受左, 一支8oz奶我食剩1oz, 初步轉奶成功. 下午我返婆婆屋企, 媽媽帶左一餐奶, 係2號, 點知我完全唔肯食, 可能仲掛住早上那支甜甜的3號奶, 攤到凍晒都唔肯食, 婆婆再坐熱比我, 我都係fing開, 最後五點餐奶係無食到, 食蛋糕充飢! 食左一餐好味的3號就唔肯再食無味的2號, 竟然會發生d咁o既事, 真係令到爸爸媽媽好驚訝, 不過3號奶係加入蔗糖增加甜味, 長期飲用會唔會唔好呢? 要唔要考慮轉食其他奶粉呢? 請大家比d意見我媽媽啦.