親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
helen
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今天學校派左課外活動通告, 媽媽幫我決定參加體操班和美術班, 體操係一直想參加的, 媽媽之前打探過, 都揾唔到適合的課程, 配合美術班, 一動一靜, 星期六早上唔會無聊, 仲有校車接送, 爸爸不知幾歡迎, 因為送左我上校車就可以free一free! 值得一提的係好多人眼中又牟利, 搶錢, 食人唔lur骨的約克集團, 課外活動費竟然唔算貴! 人人話約克的幼稚園commercial, 試問邊一間九龍塘私校唔commercial? 媽媽就課外活動一事致電班主任Miss Lee查詢, 乘機了解下我近日在校情況, Miss Lee話我比開學事好左好多 (媽媽即時放鬆晒!), 開學時我坐唔定, 愛搗蛋, 成日掉野(杯碟, 玩具...), 唔肯收拾.. 最近有一次食完茶點, 我蓋好蓋子坐係度等, miss lee叫我將杯碟收入書包, 我唔制, miss lee話: 你唔要不如將d杯碟送比我啦! 我就擒擒青將杯碟收返入書包. 又一回, 我好乖將書包掛好, miss lee讚我係good boy, 我怕醜地偷笑. miss lee又話我上英文堂的表現比中文好, 外籍老師miss berkha教書時我好有反應, 會跟住一講, 又會回答問題, 但上中文堂就唔掂了, 似乎興趣不大, 認字亦無反應, miss lee話好多小朋友都有類似情況, 甚至抗拒中文, 媽媽要努力d, 同我一齊培養下中文學習氣份先得啦.
又蝕一日
今早媽媽一早打電話去天文台問天氣, 當時係7點, 仲係一號風球, 媽媽以為一號風球哦, 要返學嘞, 就幫我換衫梳洗, 點知一出門口遇到鄰居姨姨, 話比媽媽知今日停課哦! 媽媽懵閉閉, 叫返我入屋, 媽媽話:"打風呀, 唔洗返學呀!" 我唔知發生咩事, 點解走返入屋? 媽媽再講"no school!" 我即刻大笑說"no school?" 然後跑返入房, 跳上床, 笑騎騎說:"put off socks (應該take off先啱), 然後除襪, 攤係張床碌來碌去! 無啦啦放日假, 媽媽買左壽司做午餐, 我一人獨享五件雞蛋壽司, 非常滿足, 到夜晚食飯, 我以為仲會有雞蛋壽司, 我真係好鍾意食蛋呢!
現在逢星期三, 五有功課, 星期三做pre-writing, 星期五做中文, 上星期五老師派回中文功課, 媽媽見老師無打日期印, 以為唔洗做, 一直懶理, 但又覺得奇怪, 唔洗做又點會派返功課簿呢? 到昨晚同cell姨姨通電話, 先知原來今次的功課係在好多頁之後, 主題係"人", 發現時已經係訓覺時間了, 我已入房培養睡眠情緒, 本來媽媽可以幫我做, 求其有得交就算, 但咁做無晒意義囉, 於是就決定遲交一日, 等我自己動手做. 媽媽去快圖美晒左幾張我由bb到現在的相, 比我自己貼落功課簿, 我好鍾意黏漿糊呢, 但我唔認得嬰兒的自己, 我話係bb呢!
做咩呀?
逢星期六媽媽一早就出去教琴, 爸爸負責照顧我, 直到中午飯後, 每次媽媽返到屋企, 情況都十分可怕, 屋裡的所有玩具, 圖書, 卡卡..都會脫離原來的位置, 有時連鞋架的鞋都被翻出來, 混亂程度如同柬埔寨的垃圾山, 媽媽最唔抵得間屋亂如戰場(因為本來已好亂), 一入屋就動手清理, 今日規模甚大, 清理時間花掉二十分鐘! 星期六無所事事, 我地通常會揾d野搞下, 今晚近近地去海麗村食大快活, 佢d唔落味精系列, 可能真係無落味精, 真係唔錯. 飽飽後媽媽提議我去公園玩, 海麗村的遊樂設施好豐富, 有三區兒童遊樂場, 令我好忙, 玩得滿頭大汗, 晚上屋村有少年聚集係必然的, 我走埋一班在smoking的青年男女身邊, 媽媽馬上將我捉走, 幾名疑似不良少女在滑梯上打坐聊天, 我偏要走過去, d姐姐無我咁好氣, 讓路比我sir滑梯. 我呢d好動型幼兒唔發洩下唔得, 出一身汗, 返屋企沖個涼, 入房覺豬, 不知幾好訓!
我從來未唱過歌, 媽媽認為我遺傳了爸爸的零音樂細胞, 對音樂毫無反應, 已打定輸數. 最近媽媽教我唱so fa音, 我出奇地喜歡, 勉強唱得出一個八度, 只係每次唱到so, 就跳到ti, 無左個la. 返左學之後, 最有反應的twinkle twinkle little star, 在媽媽引導下能夠唱完一首(唔啱音的), 最近再有old macdonald, 但我只唱E-I-E-I-O (有次唱多了一次E-I, 變成E-I-E-I-E-I-O), 今晚沖涼突然唱起ABC song(只有第一句ABCDE...) 仲有"跌落水.." (疑是有隻雀仔跌落水, 開始有d音調了, 唔再齋讀歌詞, 似似地一首歌. 今日在婆婆家訓醒晏覺, 起身揾婆婆, 我地去惠康, 然後去麥當勞買薯條, 一包細薯條買返屋企, 我和婆婆share, 婆婆話我食得好快, 點埋茄汁都快過婆婆, 都唔知有無咬!
我鍾意出街跑來跑去, 同時都喜歡留在屋企, 屋企有好多好野玩, 媽媽同時預備左好多圖書比我, 以前我唔鍾意媽媽讀書比我聽, 現在好鍾意, 最近喜歡的系列有GC reader series 1&2, 國家地理兒童百科, Sight words kids Level 1-2, 呢d書仔我都可以自己睇, 部份仲可以自己讀, 例如GC reader level 1和Sight word kids, 簡單的短句可以讀得出, 讀唔出的我會亂作一通, 企圖暪天過海! 媽媽今日又order左一批新書比我, 係一d簡單的英文讀物, 中文認字方面仲係停滯不前, 媽媽已預備了中文單字卡, 但我似乎不太受落.
今日爸爸放假, 媽媽命令佢中午落樓接我放學, 開學以來都係媽媽接我的, 單獨爸爸一個人來, 從未試過, 可怕的事情就發生了! 我一落校車, 見唔到媽媽馬上大吵大鬧, lur地唔肯行, june姨姨和obi的工人姐姐見狀, 但愛莫能助, 據爸爸報道, 我反抗的程度係前所未有咁強烈, 不斷呼叫住: "媽咪~~媽咪~~~~" 路人仲以為我被綁架, 幾經辛苦爸爸先強行將我帶返屋企, 返入屋我仲未嬲完, 企係門口喊左好耐, 似乎投訴媽媽唔來接我! 可憐的爸爸本來已五勞七傷, 同我搏鬥後又稱呢度痛果度痛...仲話: "以後唔湊你放學!" 晚上爸爸帶我搭地鐵, 去葵芳同媽媽會合, 去食元氣壽司! 間中幫襯迴轉壽司係我家的盛事, 我每次去都好興奮, 覺得d壽司在輸送帶轉來輚去, 好似火車, 今晚我例牌食甜蛋壽司, 豆腐皮壽司和三文魚頭湯, 餐後仲叫左綠茶雪糕, 雪到好硬, 爸爸, 媽媽和我每人各持一匙羹仔, 掘呀掘, 好硬的雪糕我都掘得起, 看來手部小肌肉發展得唔錯. 飯後去葵涌廣場打個轉, 扭左一隻蛋, 係sir handel, 去寵物店睇rabbits和hamssters, 仲有寄居蟹, 然後搭地鐡返屋企, 好開心的一晚家庭活動!
媽媽幾個月前買左東西圖書出版的Sight Words Kids第一輯, 四書連cd/vcd, 大家知道dolch sight words是甚麼東東嗎? 唔清楚的請看以下網頁, 就知道了! http://www.ewbook.hk/new/sightword/skc01a.htm 本來打算等我返左學, 滿三歲先開始用, 但我實在太得閒了, 於是提早開始, 點知我非常喜歡, 仲好快認得d字, 今晚食飯, 我攞住其中一冊書, 興致勃勃一句句朗讀: "Come down, elephant!" "Come down, little cat!" "One car for you." "One wheel for you".... 連爸爸都話我叻叻呢. 返左學一個月真係有d唔同, 首先係上落樓梯好快, 好穩陣, 然後係說話講多左, 講野好笑左, 仲開始識唱幾句歌如"twinkle twinkle little star" "Old MacDonald"中的"E-I-E-I-O"... 不可不提係媽媽今日同我上左第一堂音樂課, 我在鋼琴前順序唱出do-re-mi-fa-so-la-ti-do', 音唔係幾準, 但比之前已經進步了, 媽媽希望我學少少音樂, 唔好好似爸爸咁, 五音不全, 唱k嚇死人就唔係太好.
opposite
中秋主題日
昨晚凌晨先訓, 今朝竟然5:58彈起身, 扭計要睇tv, 媽媽唔比, 由得我大吵大鬧, 最後我哀求要"媽咪比", 媽媽先開比我睇. 以為放學返來會好攰, 好快訓, 點知都搞到五點! 訓咁少, 又返左一朝學, 都咁精神, 真係唔知咩細路. 學校派左一個spiderman燈籠, 我搭校車時一直攞住, 一見到媽媽就交比佢, 我唔鍾意呢個燈籠, 鍾意婆婆買的小楊桃, 我唔小心將楊桃的花花整甩左, 我話:"花花好靚" "哎唷, it's broken! 媽咪鬧." 原來在我都知道整爛野的後果係會比媽媽鬧, 不過似乎我一d都唔怕被鬧. 最後媽媽都無鬧我, 我攞住朵花花來聞, 假花當然無花香, smell the flower呢個動作, 相信係以前天線得得B教落的!
今日爸爸媽媽接我放學, 我例牌拖住媽媽去操場玩車, 正午時份太陽在頭頂, 我依然玩得投入認真, 難為爸爸媽媽在旁等我晒到變鹹魚. 然後我地坐火車去旺角新世紀, 我好少有機會坐火車, 覺得好新奇, 由九龍塘坐到旺角, 得一個站, 唔夠喉, 落左車我企係月台睇左好幾班車, 先肯走呢! 同世儀姐姐去潮樓飲茶, 我鍾意去酒樓飲茶, 好多野食, 尤其是蝦餃, 我次次都指定要食. 然後媽媽要去開工了, 爸爸同世儀姐姐就帶我去金魚街睇金魚, 上次來係婆婆帶的, 好多個月之前了, 我知道金魚係goldfish, 同時又睇左錦鯉, rabbits, hamsters(我叫做mouse), cats...爸爸報告指帶我去街極度艱難, 原因係我不受控制, 亂衝亂撞, 呢一點媽媽完全理解, 毋須多加說明. 晚上係太婆生日, 今年係食自助餐, 我非常喜歡食buffet, 好鍾意媽媽同我一齊揀野食, 抱我睇廚師叔叔整甜品, 玩朱古力噴泉...全部都令我好興奮, 今晚我食左半碗芝士天使麵, 少少蒸魚, 半隻蔗蝦, 一件蛋糕, 一杯雪糕(係我最唔鍾意的高級雪糕movenpick, 不過都食晒), 半粒炸雪糕球, 一粒朱古力棉花糖(我話係lollipop). 唔敢食得太多, 因為我好易嘔, 因為明天要返學, 8:30就先行離去, 但返到屋企沖涼換洗, 到最後竟然12:00幾先訓著, 仲係大吵大鬧到攰先訓到, 可能今日太興奮, 玩到個心創晒, 夜晚就訓唔到囉!
最近媽媽突然熱愛入廚, 星期一晚泡制幾年無煮的檸檬可樂雞翼, 今晚首試蝦多士, 效果出奇地好! 熱氣食物不能多吃, 媽媽比左一小塊蝦多士我, 我以為係餅, 好鍾意食, 然後又再食多一塊, 爸爸都讚好!
昨天立法會選舉, 爸爸要開通宵, 我無返床仔返, 同媽媽返大人床, 太好訓了, 媽媽同我都一齊唔知醒, 媽媽7:55先突然紥醒, 校車8:05到, 媽媽臨危不亂, 極速幫我換衫, 此時爸爸放工返來, 加入幫忙, 無時間食奶了, 飲支迷你維他朱古力奶算數, 準時8:05趕到校車, 上車時我唔知訓醒未呢? 吸收教訓, 媽媽唔敢再倚賴手提電話的鈴聲響鬧, 出動已經封晒塵的" 大冷鐘", 臨訓前較好7:20, 希望響得醒全家!
最近睇dvd, 我都要求"聽中文", 唔聽english, 媽媽好開心, 一來相信我懂得分辦兩種語言, 二來多聽中文, 對說話有幫助. 中文功課主題是"口", 媽媽教我認個口字, 我話係square, 書裡有好多食物圖畫, 要家長和小朋友討論那些食物宜多吃, 那些不宜多吃, 我竟然將雞蛋, 糖果, 朱古力, 肉類, 牛奶...全部食物翻譯為英文. 搜集我喜歡的食物, 媽媽成功揾到香蕉, 牛奶, 雞蛋呢d有営食物的圖片, 同時亦加入雪糕, 拉麵和壽司, 呢d都係我鍾意的食物, 由我親自用漿糊筆貼上, 好有滿足感!
今日爸爸同我去買花燈 夜晚食譚仔記
今日一放學, 媽媽就同我搭的士返婆婆屋企, 逢星期五派手冊, 通告, 媽媽就好心急想知道我係學校的一切, 一上車就攞晒d通告出來睇, 原來下星期有中秋主題活動, 要帶花燈, 著中國服, 大家一齊慶中秋, 之後仲有第一次生日會呢! 今日終於派左第一份功課, 係Chinese! 主題係"口", 媽媽話聽日先同我做功課, 今日就簡單地學下認字先.
學校有親子中秋花燈設計比賽, 第一次校內活動, 豈能不參與, 所謂親子活動, 其實全部係媽媽的製作, 媽媽用膠水樽做飛機機身, 衣架做機翼, 舊百潔布剪成螺旋槳, 再用玻璃彩在機身寫上ISAAC 和 STAFFORD字樣, 畫上眼睛, 再用很多通心粉做頭髮, 古古怪怪的"環保小飛機"就完成了, 昨晨托校車姨姨交回學校, 就當完成了任務. 據cell姨姨報道, 班內的同學做的花燈好靚! 好似街買返來, 用現成材料做成, 我比較欣賞媽媽用廢物做的飛機花燈, 夠古怪, 又夠環保!
會所小霸王
愛上開門
每晚臨訓前, 媽媽會將第二日返學用的東西準備好, 方便第二朝晨早可以在短時間內完成出門前工夫, 逢星期一,三有運動堂, 要著體育服, 但今日媽媽忘記了, 去到校車站見到同學仔都著運動服, 只有我一個著校服黑皮鞋, 哦! 原來媽媽完全忘記了, 真係大懵!
仲有咳
今日派回手冊, 我的第一次校內表現報告由班主任填寫了, 果然不出所料, 大部份事情如"專心上課", "保持整潔", "懂得將玩具放回原處", "和藹有禮", "愛護公物"... 等等共11項, 我都只係"間中做到", 只有其中一項"開心玩耍"我通常做到! 我好鍾意返學, 但返學唔係淨係玩哦, 要比心機學習, 做個好孩子, 先得架! 放學坐校車回家, 到站了我都唔發現, 原來我在"中眼訓", 一落車就馬上搭的士返婆婆家, 逢星期五都係咁, 返左學都唔例外, 媽媽發現我的書包竟然和婆婆的買餸籃一模一樣, 綠色格仔布料, 連花紋都全完一樣! 咳咳仲未清晒, 仲有痰, 晚飯無乜胃口, 返到屋企10點左右, 竟然在商場大吵大鬧, 又喊, 原來我好眼訓, 現在返左學, 九點半左右就要訓, 早睡早起故然好, 但今晚連涼都無沖, 媽媽唯有幫我抹下身, 開冷氣, 先訓得舒服d.
休息左2日, 今日有得返學了, 唔係太想起身, 最後無搭校車, 同obi一齊搭的士返學, 賢姐拖住我同obi入學校, 同媽咪分開, 我全無半點依依不捨, 我對學校生活已經適應得唔錯了! 放學搭校車返屋企, 我又係第一個起身想落車, 見到媽咪就笑晒, 又攬又鍚, 好嗲, 返到屋企變返隻馬騮, 好跩, 早兩日病到呆, 媽媽好開心見到我變返百厭仔! 可能返學太開心, 成個下午都唔願訓, 後來miss lee打電話來揾媽咪, miss lee話我今早初時吽吽地, 無幾耐就生猛晒, 又學老師講野, 食茶點都好乖, 今日飲維他奶, miss lee知我啱啱病好, 比少少我飲, 等我開心吓, 然後飲水. 整個下午無訓覺, 到六點半先肯訓, 訓到唔食飯, 媽媽被我感染了, 開始感冒, 一個病完到一個, 大家要小心身體哦.
今日未見好轉, 仲燒, 唔退..bye bye
今日病病, 發燒, 咳咳, 唔退燒, 媽媽好擔心, 唔寫了, bye bye !
